本帖最後由 kevinlai1621 於 2018-1-24 20:28 編輯
CM metacritic 特約: kevinlai1621點評
係呀, 因為非共點評好似會好亂同好長, 所以我係申請係呢到做
今日首先黎呢兩隻碟
Fever - 泳兒 (出碟日期: 2018.01.12)
無可否認, hifi碟確係有佢市場,但對普羅大眾黎講,無咁好嘅設備時,好多時都係從選歌、人聲甚或係改編功力黎做準則先從人聲黎講,然泳兒都係實力派,但今次好明顯人聲係落後,(參見《天若有情》《新不了情》《完全因你》《今生不再》《薰衣草》《今生今世》)其餘歌曲亦未見特別. 情感表達方面亦顯露其不足, 尤見《新不了情》 改編方面, 個人覺得最吸引都係《天若有情》,未見大改動之餘又不失風格。《晚風》改編都可以,可惜把聲carry唔起。《薰衣草》中國風都係好嘅嘗試,但係總係覺得唔夾(可能我覺得薰衣草唔係中國掛)。最奇怪首選《外面的世界》,未知其團隊想法如何(因為想帶俾人新嘅世界觀?但我feel唔到囉) 成隻碟其實顯露其不少缺點,感情未能完全配合,改編亦未有為歌曲昇華,甚或選曲上已經係錯誤,歌曲太過經典,未能超越之時又會好容易失手.個人覺得最出眾已經係《忘了忘不了》(未知泳兒係咪對張柏芝情有獨鍾)感情上同埋改編功力上都有不同風格之餘又能令人眼前一亮 分數 : 2.5 (hifi碟最高得7分,因為要支持原創,演繹改編質素參差,雖偶有佳作,但未見出眾)
Luna - AGA (出碟時間: 2018.01.22)
AGA呢隻碟實際得5首歌, 另加幾首demo or remix. 同樣地, 雖然而家呢個世代唔鍾意出碟, 但作為一張歌曲合輯, 點都要扣d分. 好彩專輯名都叫點題, 而5首歌都恰如其分地講述夜晚時份嘅感覺, 3AM同Nights without you就唔駛講啦, 無期係demo版都幾明顯, 而家用上大量弦樂其實都幾催眠, 吃定我嘅半黑暗曲風同孤雛嘅坎坷都係夜晚時分可見嘅情緒. AGA嘅作曲能力相信都係無庸置疑, 當中幾首歌都深得樂迷同榜單歡迎, 成績非常好. 收錄demo version都係不錯選擇, 不過都希望AGA係一隻碟中有更多新歌聽, 唔好下下都用demo黎充數 分數: 5.5 (合輯最多得7分, 歌曲質素中上, 部份remix同歌曲未合心意所以略為扣分) |