- 積分
- 21467
- 貢獻
- 503
- 參與
- 20860
|
3792#
發表於 2018-4-18 04:07
| 只看該作者
我都試過, 果時仲讀緊書。有一日係油麻地地鐵上車, 上左車後就發現有個男人係咁望住我, 令我好唔舒服。我行去另一車卡, 佢無即時跟, 但當我預備落車時, 我竟然見佢係隔離卡。到左九龍塘我要轉車, 佢又出車, 望一望我, 然後超越我上扶手電梯, 當時我諗自己係唔係過敏。但之後再回想, 佢係有心跟我的, 因條路多數人都係行去KCR果邊, 所以我估佢估我一定唔係出閘而係去轉KCR, 所以就扮無野, 再係KCR月台等我。
我都已經隔一陣先上去, 點知去到KCR月台, 又見到果個男人。我確定佢一定係跟我, 仲驚緊唔知佢幾時行左去我後面我都唔知。我想搵人幫手。但未搵到人幫手前, 我一定要個男人係我視線範圍, 起碼佢有咩舉動我都睇到。 呢個時候, 個男人擺到明知我知道佢跟我, 反而仲大膽, 直情企正我附近, 仲向住我冷笑。嘩, 我超驚。
去到沙田, 我諗住上大堂搵職員幫手, 所以出左車。個男人當然又出車啦, 又重施故技, 行去我前面, 仲預備上扶手電梯。我人急生智, 即刻向後轉身跑番上車, 車門就啱啱好關上。
直至今日, 我仲記得我在車內, 佢在扶手電梯上望我既眼神和冷笑, 好似係度講: 今次算你好彩。 |
|