- 積分
- 40373
- 貢獻
- 4789
- 參與
- 31060
|
847#
發表於 2018-9-11 22:11
| 只看該作者
印象中刁係比較敢係一傳唔到位情況下傳比副攻
姚迪有陣時會死傳四號位
但佢瑞士賽打得比較保守 對波蘭直接 ...
patrick1029 發表於 2018-9-10 20:09 嘩 多謝你嘅期待呀
咁先講二傳先啦
丁霞無疑係主力位置未受動搖 , 打左兩年主力仍然可以保持健康嘅身體 , 所謂健康就是財富嘛 , 係好事黎嘅
今年佢都有好幾場未盡人意嘅場次 , 主要喺傳球節奏掌握嘅不足 , 有時傳四號位嘅時候應該該慢就慢該快就快 , 失去左寶貴嘅得分機會
另外而家每個進攻球員嘅進攻特點都唔一樣 , 所以更加需要喺傳球嘅節奏同力度須加強 , 呢個要求有 D 高
但如呢點可以做好 , 相信一攻同反擊球中國嘅優勢會好大
刁琳宇我覺得佢嘅手上傳球技術都仲係唔夠
先講講一傳衝網嘅情況下 , 要用佢手上功夫彌補比攻手打 , 佢係做得唔好嘅
即使可以將衝網嘅波傳返返黎 , 有時都係傳到好開網 , 攻手都係打唔到
或者可能怕自己傳完觸網掛 , 但就突顯左自己能力唔夠
呢點姚迪做得比佢好 , 佢嘅單手處理球做得幾好
甚至丁霞對於單手傳球嘅掌握度都無姚迪好
刁琳宇喺打瑞士賽土耳其呢場首局因為球太衝網想照傳但始終能力唔夠 , 傳極都傳唔好
後面一見衝網就二次攻撃 , 雖話係一個好辦法 , 不過打得太多對手都會注意
傳球穩定性方面 , 以世聯賽後嘅表現黎睇 , 如以有好嘅一傳質量黎講 , 大家都係傳得唔錯嘅
但我覺得刁同姚兩位傳球都好保守同唔夠大膽
另一樣嘅係自我掩護能力 , 參考 Nootsara 同 Wolosz 嘅傳球
都係喺傳球前喺手型同節奏上有變化 , 對面攔網唔好判斷
而兩位嘅傳球意圖就好明顯 , 有時未傳出去嘅波你會估到佢將會傳比邊個
呢個就係國內二傳手同頂級二傳嘅最大差距
頂級二傳會幫助攻手容易得分
呢樣丁霞比佢刁姚二人都係做得較好 , 惟球隊有難題嘅時候 , 佢嘅傳球都係好明顯 , 未能雪中送炭
最後提下孫海平 , 喺 13 年就認識佢了 , 喺一眾國家隊備選嘅二傳中佢係比較出色嘅
可惜一直機會唔多 , 以致進步緩慢 , 喺遼寧隊又少上場機會 , 可惜
黎緊會唔會上位真係好難講 , 但若果喺遼寧隊一直少上場打 , 咁佢未來就難以更上一層
相比之下 , 我會比較支持姚迪去打
講下自由人 , 雖然林莉今年狀態暫時未算好好 , 應該係 Jenny 最放心嘅一個位置 , 所以我比較相信呢個位喺世錦只會帶兩個去
不過林莉經過兩次大賽 , 都已經證明左自己 , 而且兩次大賽打得都比聯賽大獎賽好
所以今次都對佢有信心 !
夢潔今年經常地喺比賽中途換下林莉 , 最後都可以完全任務 , 可能就係今次瑞士賽免檢嘅原因吧
不過夢潔嘅一傳可以再加強 , 防守今年都做得好好
孟子旋喺第一年出道就被國家隊選中 , 成為第三自由人 , 假以時日 , 都會係高水平嘅自由人
因為聽日男排又要開始了 , 唔想阻住自己睇男排 所以會講埋邊攻同副攻 |
|