- 積分
- 40341
- 貢獻
- 4789
- 參與
- 31028
|
1341#
發表於 2018-10-10 23:23
| 只看該作者
恭喜中國女排成為第三支晉級六強嘅隊伍
記得上屆係第一隊入去 , 都係提前一兩輪左右晉級 , 恭喜恭喜
知道今日一定係需要全力打 , 尤其係俄輸意一分未得
呢場中美比賽邊個贏就邊個出線
最後比賽由外間唔太睇好嘅中國隊贏左
唔睇好主要原因都係因為過往對住美國隊戰績不佳
06 年之後嘅大賽都無贏過美國隊
但今場比賽 , 唔知點解就覺得中國隊可以贏到
留意到賽前 Jenny 嘅少少點評 , 感覺佢對今日同聽日嘅兩場比賽都係高度重視
而唔係外界話全力力爭喺俄羅斯身上拎三分就好
另外通過一場場比賽感覺國家隊嘅狀態開始越黎越好
特別係小宇 , 慢慢地成為左球隊嘅第二得分大腿 , 今場進攻線路多變 , 表現值得讚揚
朱婷搏盡全場 , 完全無收住打 , 機會一黎就展現出佢嘅勇悍
顏妮同小袁攔網做得非常出色
寶寶今日亦發揮到佢嘅作用 , 對佢特別深刻係第三局有一個球
佢可能知自己呢個一傳會接得唔好 , 更可能會接飛
但佢及時應變 , 好努力地去控制個波 , 唔比佢直接失分
咁嘅行動係值得一讚 , 當然未能成功接到位
但起碼唔可以比對方容易得分 , 仲保住自己有得分嘅機會
最後呢個球都係得分 ! 但無論呢分得唔得到 , 寶寶呢個行動值得比滿分
仲有丁霞同夢潔 , 今日整體打得咁流暢離唔開兩位嘅功勞
小胡今次上黎發球又成功卡輪
而今場最厲害莫過於係發球吧 , 開局發前區都有效果
記得舊年大冠軍盃贏美國 , 曾曾不停發前區 , 成功破壞美國一次攻
可以有住上次經驗 , 大家對美國都有呢個概念
結果今次都好湊效
而美國喺今次世錦賽 , 前幾日都有提過 , 我自己覺得打得麻麻地
主要係防反嘅時候 , 除左無一個穩定進攻點外 , 起球仲要防吊球都唔太得 , 感覺好混亂
但一攻到位好容易拎分嘅 , 所以美國一攻成功率好高
今場中國不停發前區 , 之後又搵下人咁 , 幾乎全場嘅發球都佔據主動
就好有效直接破壞美國隊嘅一傳 , 副攻完全無得打
第三局美國一傳好左好多 , 有得比副攻都唔比
但另一樣係今日中國隊嘅攔網非常強 , 第一局因為副攻無得打
就只靠兩邊 , 之後確實被攔出陰影 , 除左後面換上 Bartsch 同 Lowe 情況好左少少
但二三局國家隊攔網都有出色嘅發揮
美國隊就不停搵方法諗住限制一下小宇
但都係限制唔住 , 反被小宇繼續得分
今場美國隊真係一 D 辦法都無
Jenny 再一次為大家呈現一份準備充足嘅功課
而且佢嘅幾千百套 plan 都未用到 , 實在可喜可賀
不過後面路仲好長 , 肯定前六名 , 但仍需努力 , 爭取更好嘅名次 |
|