- 積分
- 13386
- 貢獻
- 1204
- 參與
- 9306
|
535#
發表於 2018-11-18 14:55
| 只看該作者
CM metacritic 特約: kevinlai1621點評
陳慧琳 – Watch me
淡嘅歌曲, 某程度上都好考歌手嘅演繹, 除左需要歌者一定嘅歷練先可以帶動聽眾代人, 一d唔太花巧嘅編曲都可以吸引到人.
今次呢隻碟廣東同國語兩部份, 廣東歌嘅4首歌, 可以話係以此方向.
《尾站天國》一定係4首中最佳作品, 除左係氣聲嘅運用, 豐富但又唔太花巧嘅編曲都加上唔少分數.《花見小路》編曲就真係最有代入感, 佢同尾站嘅成功相信都係個種放鬆嘅聲線帶你走入歌曲嘅畫面. 《Be With You》明顯地咬字上更為硬淨, 相比之下分別都幾大, 不過就好似唔太夾首歌. 同樣地《冷淡》嘅實就讓聽眾更為肉緊, 4首廣東歌鋪排上某程度都係一種循序漸進嘅演繹, 鋪排唔錯.
至於4首國語歌都有一種通病就係, 國語咬字好影響成首歌, 4首曲相信可以做到更出色嘅作品, 但配上國語詞真係唔知想點, 《打字機》更甚就因為真係一句都聽唔出佢想點. 至於3首慢歌, 都係k歌底, 不過不失. 其實我覺得如果以香港人唱國語歌,
其實較為簡單用字可能仲會好一點,《答應你會幸福的》至少幾句chorus都有記憶嘅. 同樣地《做自己的太陽》都係得個幾句chorus救起成首歌, 不過作為勵志歌, 好似tone得有點過火.《也許我一直不懂愛情》以呢d密密麻麻嘅歌詞就真係顯得吃力.
6分 (廣東同國語一大對比, 唔係可以高d)
Keep Going – 吳業坤
同樣地都有幾明顯氣聲嘅有佢, 不過明顯地呢位歌手就缺少一點歷練, 無法令人代入歌曲.
《大女人主義》第一track黎講都幾驚嚇, featuring田蕊妮變相有隻鬼係後面都唔知想點. 其實整體黎講以吳業坤聲線, 唱d輕快歌曲反而有得做, side 1歌曲完全暴露佢嘅弱點,《孝順》成首怨氣太重, 高音又有d夾硬, 完全承接唔到首歌.《神不守舍》就編曲救番首歌, 歌者本身係放鬆左黎唱, 不過都差d火喉.
side 2 輕快歌就可以話係完全另一個世界, 某程度上都係編曲救番唔少. 《Come on James》如果以自嘲黎講其實都未做得出個種豁達, 但至少講自己, 代入感都好d. 《傷心到變形》就除左編曲真係帶到夏日感, 歌者聲線都帶到個種跳脫, 可以算係全碟最好.《精裝追女仔》就真係聲線上完美演繹, 不過編曲略嫌老套. 最後《凱旋門》又係一大敗筆, 如果佢放side 1個面都還好, 不過唔知點解係咪要成最尾段outro, 所以放最尾, 唔係嘅話成首歌又悶, 又唱唔到,
真係將side2嘅成功抺殺得一乾二淨.
2.5分 (呢d分全部都係俾個2.5首歌) |
-
1
評分人數
-
|