本帖最後由 Jacz 於 2019-3-31 13:16 編輯
東方昨日先話出年3-4月巡到返香港
今日又話2020年中返香港
歌手楊千嬅到廣州開騷,騷後受訪時表示演唱會籌備了很久,因之前一直未能配合天時地利人和,終於今年成功開騷,但不容易:「因為啱啱成立新公司,好多嘢要重新傾,但多謝唱片公司配合,歌曲版權好幫手聯繫,丁生都同人傾咗好多次,點樣構思呢個巡迴演唱會。」她亦謂未來一年會主力做巡唱,希望2020年中返回香港站。
個頭開得好係強心針
問到今次開騷可是特別有壓力?千嬅表示:「壓力係驚自己做得唔好,從來開騷都好癲,但今次係有喜悅同感動,當我喺江門見到個台係好感動,做新事係好冒險,有個好嘅開頭係好大嘅強心針。」她亦謂之前宣傳電影去不同城市:「Fans問我幾時開騷,我一直都答唔到,答答吓自己都唔知幾時,甚至直情想現場清唱畀佢哋聽都得,所以今日可以做到都好感動。」
又會咁啱撞見周柏豪
千嬅又謂多謝父母時很感動:「佢哋年紀大,以前成日帶我周遊列國,所以我想帶番佢哋去唔同地方唱歌,係我最快樂嘅事。」她又開心今次獲很多親朋戚友來支持,但囝囝因明天學校有事做,所以不帶他上來,但下站珠海有機會帶他去。她又笑言開騷期間見到周柏豪:「原來佢喺對面條河做騷。」 |