- 積分
- 40374
- 貢獻
- 4789
- 參與
- 31061
|
2556#
發表於 2019-4-5 20:06
| 只看該作者
本帖最後由 chanchan0909 於 2019-4-5 20:09 編輯
人地主場上演科內式逆襲真係難
希望佢地都唔好放棄
接應/其他攻手牽制唔到攔網既時候朱暫時仲 ...
Wonders 發表於 2019-4-5 10:23 科內呢個逆襲算唔上啲咩 , 都係因為 Boskovic 唔舒服
同埋佢地前三局都打得唔好 , 後兩局先算係真正嘅水準 , 所以佢地入到都係有啲運氣成份 , 算唔上科內嘅代表作
我再睇多一次呢場比賽 , 二傳好難唔係輸嘅其中一個位置 , 傳球嘅弧度低以及思路都有啲問題
想講下思路方面 , Ozbay 某程度上嘅傳球思路 , Novara 有一定程度嘅了解
有好幾球一傳到位傳出對面雙人攔網 , 咁呢個唔係低快嘅問題 , 係思路嘅問題
其實都唔算係了解 , 因為唔難理解 , 只要集中攔朱婷就得了
上賽季好多人抱怨 Naz 點解成日都唔願意比朱婷 , 但到左 Ozbay 手上就不停比朱婷
我記得我係 buy Naz , 因為高水平球隊 , 一定會有高配合度同埋有好穩定嘅攔防體系
於是如果你只係一個打一點攻嘅隊伍 , 肯定係最輸蝕嘅
打國家隊都仲可以 , 因為國家隊比賽行賽會制 , 只要全身發力打一場比賽就可以
但聯賽唔同 , 除左要有個人能力之外 , 整體每一個隊員嘅能力都好重要
因為聯賽係一個漫長嘅比賽 , 講求各方面都需要有好高嘅能力同提升 , 先至可以成為最終嘅贏家
所以講返 Ozbay , 關鍵分比關鍵人呢個講法我無異議
但佢就真係太抱朱朱大腿 , 當 Novara 發球比朱朱 [上次 打費內 同 打 Moscow 都有同樣嘅情況]
朱朱接完一傳 , 佢都係要比朱朱 , 前後排朱朱喺邊就傳邊 , 就連二號位都唔放過
某程度上呢種就係依賴
而我好理解朱朱今場比賽被攔唔少 , 除左 Ozbay 原因之外 , 對面嘅高攔網係真係好可怕
特別喺 Egonu 嘅前排嘅攔網 , 本來就高彈跳又好 , 仲要起跳節奏拿揑得好準
朱朱其實攔網都好好 , 但 Egonu 能力確實更強
所以更唔應該係朱朱係頭號進攻手 , 二號位面對嘅攔網無四號位咁高難度
所以就應該係接應主打本來就係佢地擔當嘅進攻任務 , 但今場 Sloetjes + Karakurt 都唔得
兩個加埋都係得 6 分 , 倒不如朱婷打接應仲好
[第一次對朱有咁嘅諗法 , 因為接一傳比唔接一傳仲要打得好 , 既然四號位難以發揮 , 倒不如將進攻最好嘅去打二號位 , 而且唔接一傳]
而且其實賽後會發現其他點得分都唔多 , 大眼仲要只得 1 分 , 仲要係攔網得嘅 1 分
銀行喺接應方面就真係輸得太多
所以二號位嘅得分係銀行下一場我最為睇重嘅一項 , 若果都係同 Egonu 有咁大嘅差距 , 咁就真係會好艱難
跟住有兩個項目我覺得唔太應該
第一項係發球失誤 , 其實我都理解喺諸事不順嘅情況下真係好難發揮
但我感覺今日某部分嘅發球失誤都睇唔到佢發球嘅目的
而今季 Gunes 嘅發球係最令人失望 , 暫時都未見有幾個發球係有水準
另一項係整體後防嘅能力 , 今場比賽有幾個虛攻球
Orge 為左防重扣 , 防守就企得太死 , 虛攻球落黎 , 腳完全無意識郁 , 最後只好眼睜睜睇住波落地
但佢係一次又一次出現咁嘅情況 , 既然對方打吊結合 , 咁吊球就更唔應該放
所以 Orge 嘅表現都難以令人滿意
而 Robinson 我可以預計到佢嘅能力 , 不過全場 0 分又真係唔係咁好
但唔會覺得係唔太應該 , 因為始終對面高攔網 , Robinson 確實係太難突破 , 係真係幾無奈 |
|