- 積分
- 40407
- 貢獻
- 4789
- 參與
- 31094
|
614#
發表於 2019-9-7 11:40
| 只看該作者
本帖最後由 chanchan0909 於 2019-9-7 17:04 編輯
今晚大戰一觸即發 ! 塞爾維亞 VS 意大利 , 今季最後一次對決 !
亦都係唯一一次雙方以主力比拼嘅比賽 , 所以上次對決已經要數到舊年世錦賽決賽 塞 3 比 2 意 !
賠率都睇好塞隊 , 似乎認為佢地狀態好 , 意大利最近三場嘅起伏 以及 受到走三地舟居勞頓嘅不利因素 而稍為看淡
但我呢場睇好意大利 , 因為塞隊二人接一傳真係好大嘅漏洞 , 雖然 Busa 上一場一傳過到關 , 但保加利亞為左搏發球自身失誤都唔少 , 所以 Busa 同 Popovic 壓力隨之然少左好多。但意發球比保強 , 我估計有可能成功衝擊到塞隊嘅一傳體系 , 當然意大利嘅一傳都唔見得係穩 , Miha 同 Boskovic 可以發到好嘅跳發意一傳都好難打 , 不過兩邊嘅一傳我會更睇好意多啲
土耳其 由 16 強驚險過關到完勝荷蘭闖入 4 強 , 都係我預料之中 , 土耳其 邊攻實力唔夠 , 但 土耳其 勝在有 Guidetti 喺到 , 唔講唔知 Guidetti 以教練身份經已連續六屆闖入歐錦賽四強 , 戰績彪炳 ! 講返技戰術 , 對 荷蘭 嘅嗰場 , 某程度佢係輸比自己 , 因為發球失誤太多 , 所以無咩好講 , 而 土耳其 就用左 Naz 同一直替補出場都表現非常好嘅 Akman 做首發 , 再加上 Eda , 三老帶四新 [不過有啲上個周期都喺到 , 其實唔算新 haha] , 某程度分擔左一傳壓力 , 只要接得唔太差 , 佢地都有能力將呢分打走 , 而三老喺呢場發揮都係作用明顯 , 靠住主場之利嘅 土耳其 , 狀態回升 , 亦經歷過死亡邊緣 , 相信準備會更充足 , 準決賽都唔係無機會
而 波蘭 真係開始慢慢見到實力漸漸提升 , Wolosz 同 Smarzek 必定係隊中功臣 ! 兩米年輕主攻 Stysiak 技術稚嫩但有擔當 , 加上 Medrzyk 同 Stenzel 唔搶眼但有貢獻 , 令到波蘭有一定實力 , 不過波蘭仍然有漏洞 , 佢地雖有高度 , 但攔網感覺上一般般 , 有撐起但直接攔死對手比較少 , 所以如果要打來回球 , 土耳其 雖邊攻實力比 波蘭 弱 , 但從防反質量而言 , 土耳其 係有一定優勢
所以我預測 塞爾維亞 1 比 3 意大利 ; 波蘭 2 比 3 土耳其 |
|