- 積分
- 40433
- 貢獻
- 4789
- 參與
- 31120
|
1250#
發表於 2019-12-18 17:15
| 只看該作者
本帖最後由 chanchan0909 於 2019-12-18 17:18 編輯
稍後完曬成輪歐冠再講 , 反正 20 21 都無好睇嘅比賽
見到尋日銀行打火車頭第一局 32 比 34 輸左就好緊張 , 好彩今朝見到係大逆轉 , 太好啦 !
恭喜銀行 ! 呢組真係死亡之組 , 而家火車頭輸左兩場 , 最危險係佢地 , 下一輪主場打 Scandicci , 輸埋就真係連最後希望都無埋
想講返排超先 今年排超四強都無全華班 , 應該真係第一次
其實喺排超黎講 , 全華班本來就有一個優勢喺到 , 因為佢賽程短 , 打幾場就已經要淘汰
所以對於有外援加盟嘅球員 , 少左磨合期 , 一上黎就比賽 , 結果因為配合問題而失去左晉級嘅先機
從而比左好多人包括本土球隊嘅一個錯覺 , 就係以為本土球員都好強
黎到今年 , 喺短賽制又能令到全華班全軍覆沒 , 天津同上海本來係強隊唔多講 , 北汽嘅外援其實上季已經喺到 , 所以已經喺上季磨合左
而恒大今季呢個陣就真係新陣容 , 即使喺世界盃期間 , Koshe 同 RABA 已經提前同隊友合練 , 亦都存有配合嘅問題
所以難怪遼寧同浙江雖有引援但成績唔好 , 佢地兩隊外援比恒大更遲
而作為最有力衝擊非全華班嘅江蘇 , 今次終於闖關失敗 , 本來去到最後都有機會 , 不過回顧返呢個月
恒大前兩次打天津都係有朱婷嘅天津 , 而江蘇打嘅嗰兩次都係無朱婷
然後恒大因為世俱賽周車勞頓 , 江蘇喺呢個時間備戰打天津同恒大嘅比賽
但恒大都能夠喺同江蘇直接對話中雙殺江蘇 , 所以對戰成績以及狀態表現 , 不得不證明出恒大比江蘇強
如果江蘇尋晚驚險出線 , 我諗最多都會覺得恒大係功虧一簣 , 而唔會話江蘇比恒大強
而今次江蘇嘅失利 , 我相信呢個係一個好好嘅一課比佢地 , 當然八一都係
不過八一真係一支扶不起的阿斗 , 有實力但唔努力 , 咁多年都係咁 , 已經唔多想理呢隊
而江蘇一直靠住七人打天下 , 若果唔係基本原因
eg 之前小惠心臟問題唔可以多打 , 現時寶寶對角唔不穩定 ...
基本上除左用後排隊員換走副攻之外 , 蔡斌都係懶得換
全華班並非唔好 , 本土隊員會多左機會上場 , 但對於江蘇 , 係咪真係大部分本土隊員有上場機會 ?
或許本賽季賽程短係逼不得己 , 但之前金哥黎嘅嗰一屆長賽季 , 輪休機會好多 , 但打河北雲南都偏要全主力打全場
你就明白到呢隊係行緊一條錯路 , 即便有全國最豐厚嘅人才 , 贏得未來又怎樣 , 根本就無一個穩定嘅人才培養
而家好明顯上場嘅隊員出事 , 都唔係好多人可以替換
而江蘇呢幾年成績一直喺前四名 , 令到佢地覺得球隊喺蔡斌帶領下有唔錯嘅發展
但呢種就真係只係成績上體現 , 實際上睇下主力嘅水平就知道 , 一傳防守攔網都比較薄弱 , 出道幾年都無太大提升
今季有啲改變 , 打法提左速 , 但隊員又跟唔上 , 加上本來技術弱 , 所以好難建體系
其實要有打法改變 , 先做好細小嘅技術 , 呢啲都做唔好就想打速度 , 就只會係紙上談兵
所以除左蔡斌之外 , 有好多隊嘅教練可以一直留任簡直係令人匪夷所思
喺國內排球界嘅教練 , 真係以培養球員 , 為住球隊未來發展 , 會對事業認真 嘅教練真係唔多
希望大家好好珍惜呢啲仲有 heart 嘅教練 ! |
|