被諷發言心機重姜點評「無乜兩句、脾氣照舊、好多誤會」

本帖最後由 kenneth 於 2023-5-10 02:08 編輯

前晚舉行的ViuTV頒獎禮賽果遭網民連環嘲諷，姜濤的得獎感言則被批心機重！對於隊友當眾示愛，Anson Lo直指「好肉麻」，但不忘回禮，強調MIRROR會團結一致。

男團MIRROR前晚在ViuTV的《CHILL CLUB推介榜年度推介22/23》一如所料成大贏家，組合連個人共獲7獎，寡言的姜濤發表得獎感受時突然向隊友逐一作出「愛的宣言」，對於外間經常將他與Anson Lo比較，他向對方示愛：「I love you！」姜濤指都是心底話。隊長Lokman受訪時表示被其發言感動：「佢冇準備下情感攻擊人哋，大家都嚇一跳！」Edan更開玩笑：「我喊晒！」又幽默表示：「收到姜老師嘅教導，默默地記下了」。對於姜濤示愛，Anson Lo笑指肉麻：「But I love you back,man！」姜濤知道雙方的支持者經常爭拗，Anson Lo在台上也表示無論外間如何分化，MIRROR都會繼續團結，希望大家不要以為他們經常鬧交，又指必然會有意見不合的時候，但經常會溝通，故不用過分憂慮。

全黑圖再現 AK騷後玩失蹤拒回應姜濤點評

頒獎禮後，MIRROR副隊長Anson Kong因演出時拗柴而未有受訪，但有傳他是嬲姜濤指他「脾氣照舊」而避開受訪。事後他在社交網出全黑圖發文及留言：「抱歉咁多位，下次會再做好啲。」稱因拗柴，故完騷立即回家休息。談到缺席港台頒獎禮，MIRROR坦承電台有邀請：「都想去，但夾唔到時間，要誠意嘛！唔想只有幾個隊員出席，搵次開心一齊去。」

ERROR：一世做阿二

至於組合ERROR獲「年度組合」銀獎，對於繼續成為MIRROR手下敗將，成員193打趣說：「唔會係埋怨，純粹係事實，改變唔到！今年算係好成績，第2喎，但肯定一世都第2！」又笑言一世攞第2其實都好威，保錡說：「人貴自知，始終4人唔及12人。（招新會員？）係咪招收姜濤同Anson Lo先？」引得全場爆笑。奪男新人銀獎的保錡被指變得成熟，問到是否情傷後睇化？他即講有味笑話：「依家淨係跑步，30幾歲跑完步，性需求就好少！」

網民嘲諷心機重 Rubberband都睇唔過眼：係咪short X 咗？

頒獎禮賽果塵埃落定，惟在討論區卻一片負評，被嘲諷是「另一個大台的誕生」，暗寸ViuTV徇私頒給「自己友」。姜濤的謝詞亦被批心機重，奪「年度樂隊」銀獎的Rubberband鼓手泥鯭（黎萬華）更疑似發文寸爆姜濤：「多謝說話定係鼓勵說話，係咪short X咗？修哥都講唔出口啦！」又彈ViuTV：「嘩！DLLM！頒唔尷尬，攞唔尷尬，惟有睇嘅尷尬」、「依家諗番當年亞太區最受歡迎男歌手真係『實至名歸』」，有網民則慶幸RB沒有出席頒獎禮。

泥鯭當晚人不到卻mon住電視，連環出po疑似嘲諷MIRROR及各成員。RubberBand未有出席頒獎典禮，由主音6號拍片道謝，表示多做音樂少做無謂嘢。泥鯭在FB出po撐隊友：「唱好啲歌先做啲小動作啦」，又「＃全晚最啱聽嘅評語」，再狙擊追問「下屆叱咜司儀會點玩呢段感言？」泥鯭連環出po疑似暗寸大會偏私MIRROR，疑似寸爆姜濤獲男歌手銀獎時的感言，又疑似嘲諷男歌手金獎Anson Lo，狠批「又一個大台誕生」，「歌迷會夾份請個寫手同看護畀佢啦」、「建議先做言語治療」，泥鯭再抵死留言：「我想喺度嘥大家小小時間，我要借呢個機會去多謝我隊友」。

鏡粉不忿掀罵戰：留言同揀女人一樣無腦

泥鯭的社交網突然變得很熱鬧，有網民洗版為MIRROR護航，「身為前輩講呢啲，抵你無運行」、「你哋以為自己喺樂壇大哥？無品！」、「留言同揀女人一樣無腦，要黃心穎」、「雖然你哋一把年紀，不過仲有時間努力嘅，唔好再妒忌人啦」。泥鯭粉絲起罵戰：「唔啱睇就過主，做乜要去人哋FB度吠？」、該網民反擊：「就因為你無品到隔離都知，擾民！」泥鯭粉絲即反駁：「講擾民真係無人及你哋班姜嬸，塞住個銅鑼灣搞亂交通」，該網民再回罵：「咁呢啲控制唔到，得人心藝人先可以有咁嘅場面，真係前無古人」，泥鯭粉絲炮轟：「你死返去MIRROR嗰邊求存在感啦！你哋鍾意喺紅館點玩都得，但唔好搞亂銅鑼灣囉！」對於網友力撐泥鯭，指佢直線抽擊講真話，而泥鯭亦有出post回應呢場罵戰，指感受到鏡安法「與有榮焉」。

姜濤老師上身無預警突襲式點評隊友（附網民抵死解讀）

CHILL CLUB年度男歌手獎金銀銅獎都由MIRROR成員包辦，銀獎得主姜濤雖然輸了畀盧瀚霆（Anson Lo），但卻用了近6分鐘逐個隊友「致謝」，網民起初以為他要發表驚世言論，擔心姜濤好似《叱咤樂壇流行榜頒獎典禮》般突然衝下台，幸好最後冇，但不少猜測質疑他是為要退團作前奏。其後經分析紛指其似點評隊友，甚至說他機心重。

得銀獎卻發表長篇「致謝」變「點評」，暴露自己眼中隊友的缺點如：AK脾氣差、Frankie冇目標、Alton無聊等，不少網民更指姜濤當個台是自己、扮隊長等，認為這些言論可以等到攞終身成就獎先講，或者私下講就夠。

Lokman「我記得頭幾年我地內部有好多問題，大家睇《調教你MIRROR》就知道，但係我知道，經過《調教你MIRROR》之後，你有好努力成為一個好嘅隊長，我好respect你！多謝你！」

本帖隱藏的內容需要回復才可以瀏覽

Tiger「雖然《調教你MIRROR》入面話要同你每日講50句嘢，但都係一句都無，但係我知道你喺電影方面、唱歌方面都好有talent，所以繼續加油！」

本帖隱藏的內容需要回復才可以瀏覽

Jeremy「你係我最surprise嘅一個人，老實講我喺《全民造星》嗰陣並冇太多留意你（笑），講真你係… 我覺得我地咁多個成員當中，真係進步得最多最多嘅一位！」

本帖隱藏的內容需要回復才可以瀏覽

Alton「我每一次搵你都係傾無聊嘢，但我知道你一直好渴求有表現自己嘅機會，我相信你總有一日一定會做到！」

本帖隱藏的內容需要回復才可以瀏覽

Frankie「其實我同Tiger起碼有一句，可能我同你一句都冇（笑），但係我知道你仲好努力搵自己嘅目標，我相信你喺比《調教你MIRROR》嗰陣更清楚自己嘅目標，所以，加油！」

本帖隱藏的內容需要回復才可以瀏覽

AK「雖然脾氣都係照舊啦，但係呢，我知道你都好努力咁成為我地嘅副隊長，所以好尊重你，哈哈！」

本帖隱藏的內容需要回復才可以瀏覽

Ian「I Love You！我proud of你值得擁有嘅一切，你攞獎我好開心，哈哈！」

本帖隱藏的內容需要回復才可以瀏覽

Stanley「我知道你好想成為一個演員，我知道你對演戲嘅熱誠比起在場每一位都更加多，所以你一定會成為一個好好嘅演員。」

本帖隱藏的內容需要回復才可以瀏覽

Jer「我知道你好想做到自己嘅音樂路，我知道你一直對自己嘅音樂好有堅持，繼續堅持落去，因為我都係一個咁樣嘅人！」

本帖隱藏的內容需要回復才可以瀏覽

Edan「你實在係一個非常全能努力嘅人，我只可以講… MIRROR入面我第二佩服你！」

本帖隱藏的內容需要回復才可以瀏覽

Anson Lo「第一個（佩服），Anson Lo！其實我知道外界成日都會將我地攞去比較，我知道我地嘅支持者有時會有好多爭拗，但係我從來都無理過呢啲嘢，我真心地… 喺《全民造星》第一日開始，我地經歷過好多誤會，但係我永遠都係最信你，你知㗎！所以… I Love You！」

本帖隱藏的內容需要回復才可以瀏覽

Kenneth評：過多半年Mirror解散後
到時唔使迫住一齊做訪問
日日對記者蔡楓華上身
中意講乜都得啦

附件: 您需要登錄才可以下載或查看附件。沒有帳號？註冊

on07111

金牌會員

Rank: 6 Rank: 6

積分: 8922
貢獻: 994
參與: 7928

2^#

發表於 2023-5-9 12:05 | 只看該作者

thanks for sharing

support

2020 敢之後經典金曲
告別煤氣燈 5月中閃爍登場

被諷發言心機重 姜點評「無乜兩句、脾氣照舊、好多誤會」

[收藏此主題] [關注此主題的新回復]

[通過 QQ、MSN 分享給朋友]

被諷發言心機重姜點評「無乜兩句、脾氣照舊、好多誤會」