harryharry 發表於 2015-1-4 20:04
專業推介叱咤十大第七位
細個既時侯呢你地有無迷過偶像呀? 點迷法?儲哂佢地啲唱片就不在話下啦, 如果佢開演唱會就通宵去排隊,希望,排到第一行,可以同佢握手呀嘛, 仲有,我放學個陣呢,會去錄音室樓下等佢, 但點都諗唔到大個左之後,呢個偶像係會欣賞我、肯定我既音樂, 但你放心,唔係講我,係講 ~ 你呀 (指向美霏)。 你就好啦,你個偶像從此唔只唱歌比你聽,仲近距離教你唱歌,做埋你唱片監制呀嘛,
恭喜哂憶蓮個 fans,吳雨霏!
(吳雨霏一臉茫然,拉起裙擺,身旁柏豪拍掌恭喜,薛凱琪遲兩秒先開始拍,千嬅、許志安尷尬地拍手(可能因為未聽過),美祖露出慈母笑容以示祝賀,張敬軒、謝安琪、王菀之目無表情地拍手,第二排歌手表示艷羨,尤其連詩雅直頭酸到出哂面,吳雨霏向歌手席一鞠躬露出事業線然後慢步上台領獎。
艷羨,作曲 Kelvin Avon、韓桂英,填詞周耀輝,編曲 Kelvin,監制 Kelvin、恭碩良、林憶蓮 恭喜哂呀 FAN 屎 ~~~~~~~~~~
(吳雨霏先揞住心口,雙手領獎,再望向地下)
嘩 (氣聲) ~~ (吸氣) ~~ 哈哈 (擰頭,面露笑容,望住個獎) ~~ 好開心好開心 ~~~ 真係呀 ~~ 無諗過 (震住咁講) um ~ 係呢度首先要多謝 UM~ 商台 (望向嘉姐)多謝叱咤903頒呢個獎比我
因為 um~~ 其實近呢幾年開始 er 唱少左情歌,做多左好多快歌,同埋做多左非愛情主題 (lur左音,自己都嚇一嚇,要大力眨下眼定一定驚) 主題既 既歌曲 咁好多謝商台一路都咁 咁支持我 咁呀 (氣聲) ~ 好多謝我唱片公司 um 環球 多謝我既成 team 人所有兄弟姐妹 多謝我老闆 duncan um 多謝所有既同事 emily 我助手 rachel 等等 um 另外 我好想多謝既就係 um 呢一隻歌既 um 既製作既班底 首先有恭碩良 kelvin同埋我既偶像我好欣賞好欣賞既憶蓮 um 好多謝你地三位(開始激動以表示其謝意) 因為其實我 um 係 um 年頭個時侯都 好似去到一個 um moment 係 呀 ~ 可以做到啲乜嘢呢 um 好想有新鮮感帶比大家好開心個個期間憶蓮出現左亦都將佢識既所有嘢教哂比我咁 um 同埋我覺得我最 我同憶蓮最 value 呢一隻歌既信息就係 無論 um你係um 一個點樣既人 你係外表係點樣 性別係啲乜嘢都好 最緊要你愛惜自己做返自己 你都會有發光發亮既一刻 um讓世界艷羨希望大家都會喜歡呢一隻歌
(起歌 開始 un 身 以堅定媚惑既眼神望向觀眾) 讓世界豔羨 我著上我去逛街~~ 讓世界豔羨 才歸家
是春風的事~二 趁好天愛上人間~ 水仙的事~二 成全姿態~ ah hi ya~
天天 也在鍛鍊 軟的線 只需要變 天天 也在試驗 強的志 不需要墊肩
可以像我喜歡我嗎我是我 從不穿一絲牽掛 可以讓我喜歡我嗎我是我 從此拖七色尾巴
讓世界豔羨(拎開支咪,再次以堅定媚惑既眼神望向觀眾,盡顯天后既姿態) 我著上我去逛街(放低個獎,皺眉,走嚟走去) 讓世界豔羨 才歸家 ahhhh~
是一生的事業 趁一生愛遍其他 一刻的事業 成全一刻~~~ ah hi ya~
天天 也在鍛鍊 素的臉 敢於再見 天天 也在試驗 紅的舌 敢宣布你知
可以像我喜歡我嗎我是我 從不穿一絲牽掛 可以讓我喜歡我嗎我是我 從此拖七色尾巴
從不穿一絲牽掛 (讓世界豔羨) (讓世界豔羨) (情願拖七色尾巴)
今天 我在吐豔 愛的詩 寫得細緻 今天 我在吐豔 情的結 今先到你知
可以像我喜歡我嗎我是我 從不穿一絲牽掛 可以讓我喜歡我嗎我是我 從此拖七色尾巴
Thank you, Happy new year (打開雙手答謝觀眾,拎返個獎,走人) |