【出男男露毛寫真】遭公司開咪踢走 Dawn@Faith原來未離隊！
本帖最後由 matthew1990 於 2016-7-26 17:27 編輯
MK組合Faith嘅其中一個成員鄧鈞耀(Dawn)，因為影半裸相兼私自接Job，結果以形象唔健康為理由而「被退出」，Dawn所屬嘅公司，事後亦開記招兼發聲明，話呢件事會交俾律師處理，又話會Dawn追討違約損失。
今日Dawn為咗寫真去咗書展宣傳，講到佢公司出嘅聲明，佢話：「老闆聲明出咗都兩個月，呢兩個月係冇工作，乜嘢嘢都冇通知我，我係喺佢哋出咗聲明先收到律師信。嗰封信話我形象唔健康，唔配合佢嘅工作。」咁依家係咪退咗團？佢話：「其實喺公司立場，以我所理解係未，但係我嘅律師喺噚日經過法律嘅處理，宣佈咗佢唔再我嘅經理人，因為喺合約方面，係佢違約在先。」
喺今次本寫真，Dawn有好多半裸兼露毛相，唔知佢喺影相前有冇通知公司？佢話：「我有通知，公司亦都冇反對，因為公司之前有安排過類似嘅工作俾我，半裸或裸露嘅電影，仲話我形象健康同性感，但係最後我接受唔到而冇接，其實我都幾confuse，既然俾得呢啲工作我，但係又話我形象唔健康，其實又真係有啲無奈。」
Dawn亦否認有出席過飯局。
之不過啲相hehe味甚濃，問到佢嘅性取向？佢話：「我係鍾意女仔，不過我覺得唔使分得咁明顯，如果嗰個市場嘅人鍾意，我覺得唔係壞事。」佢亦話喺中學嗰陣都有男仔追過，不過之後冇發展過，大家只係朋友。至於經濟方面，Dawn話：「冇問題，我仲係讀緊書，part time教唱歌、吹色士風，簽約前公司知道，佢哋咁耐只係係俾過300蚊人工，試問一年300蚊點樣用？如果佢有足夠支持，我唔使返part time去維持生計，可以全心投入工作。」之後佢話會繼續喺娛樂圈發展，會繼續唱歌。
////////////////////////////////////////
咁佢係咪可以即刻簽第二間公司先? 
我覺得佢可以簽Dumb Youth  |
發表於 2016-7-24 00:23
| 
發表於 2016-7-24 00:31
| 
估計都無咩女仔鐘意d咁0既男仔
