- 積分
- 40433
- 貢獻
- 4789
- 參與
- 31120
|
1884#
發表於 2016-8-6 07:35
| 只看該作者
排球嘅賽事今晚就開始啦, 一連 16 日由男排到女排, 由小組賽到淘汰賽, 幾乎所有比賽都會好好睇 !
女排方面, 揭幕戰第一場就係 日本 對 南韓, 因為 A 組比較弱, 喀麥隆 無咩競爭力, 阿根廷 有實力但係同其他四隊都係差少少, 贏佢地就難左少少, 不過都有機喺佢地身上拎到 1 局, 甚至拎分架 ! 講返日韓大戰, 上屆嘅銅牌戰, 呢場比賽被喻為小組三四名嘅對決, 邊個都唔想輸, 因為輸左就要對對面組嘅第一名, 要入四強難度好大, 而贏嗰一面仲有機會爭取小組更好嘅排名, 所以第一場比賽就已經係話題之戰 ! 當然另一場小組話題之戰就係最後一場 巴西 對 俄羅斯 啦 !
另一組 B 組就強 D 啦, 波多黎各 同 阿根廷一樣有實力但要戰勝對手有難度, 不過都係有機拎到 1 局同拎分架 ! 而另外 5 隊比較有競爭力, 舊年世界盃前三名 中國 塞爾維亞 同 美國 都喺同一組, 佢地之間嘅對決當然唔可以錯過啦, 仲有 意大利 對 荷蘭 都唔可以錯過, 最近一年兩隊四度對決, 荷蘭四戰全勝佔上風, 究竟意大利今次係咪再一次同四強無緣呢, 進步明顯, 時隔 20 年獲得奧運資格嘅荷蘭可唔可以晉身 8 強呢, 都係絕對要睇嘅 !
至於男排, 首先為好多歐洲勁旅入唔到奧運而感到可惜, 不過仍然有好多強隊架, 好似 A 組嘅 巴西, 意大利, 美國, 法國 同 加拿大, B 組有 波蘭, 俄羅斯, 阿根廷 同 伊朗, 而且相互之間嘅實力都係差唔多, 無絕對嘅上風, 邊個贏邊個都唔覺得奇怪, 相信男排會比女排打得更精彩 !
當地人對排球項目都係好重視嘅, 相信到時一定會大半個場都會坐滿着住黃色衫嘅巴西人, 究竟世界排名第一嘅巴西男排可唔可以重奪世界冠軍呢, 而兩連冠嘅巴西女排可唔可以喺主場創造三連冠呢 ? 值得留意 !
暫時講到呢到先 ! 賽前再有少少分析, 賽前賠率同埋雙方嘅對戰紀錄, 比大家參考一下 ! 喺到希望比賽場場精彩 !!! |
|