新GAY界女神陳慧琳:同性戀唔係罪,唔會抗拒話畀小朋友聽
本帖最後由 loowee 於 2017-3-4 20:46 編輯
迪士尼真人版電影《美女與野獸》(Beauty and The Beast) 將於下星期上映,雖然呢套電影喺香港列為一級,但係都惹嚟唔少家長爭議,因為導演比爾干頓(Bill Condon)更改原著劇情,將飾演加斯頓嘅盧克伊雲斯(Luke Evans)與手下來富(Josh Gad飾)嘅主僕關係,變成同性戀情節。
結果有保守派家長要求迪士尼只製作合家歡電影,甚至有海外同香港家長團體不滿,發起聯署反對同性戀平權內容,又喺facebook開po要求聯署抗議迪士尼向兒童宣傳同性戀信息,跟住又貼出兩個聯署反對迪士尼喺電影宣傳同志觀念嘅美國網站,呼籲網民踴躍簽署。
今日陳慧琳(Kelly)喺銅鑼灣出席二手衫慈善義賣優先場活動,本身係二子之母嘅Kelly,講到《美女與野獸》加插同性戀情節,Kelly話:「我會自己睇咗先、過濾咗先。我嗰啲太細唔知咩事,大啲知道就要解釋畀佢哋聽,人係有呢個取向,我唔會抗拒話畀小朋友聽,o依家好open,最重要係自己知道自己要啲乜嘢,就算係同性戀都唔使㩒住『我係鍾意異性』,我覺得唔需要,等佢早啲知道『乜原來唔係一個罪』,唔好覺得自己做錯事,灌輸正確態度畀佢哋知,我會咁樣教。 」
http://hk.apple.nextmedia.com/enews/realtime/20170304/56384379
-------------------------------------------------------
上一回合:
VIDEO