|
 
- 積分
- 194
- 貢獻
- 82
- 參與
- 112
|
79#
發表於 2016-1-10 15:26
| 只看該作者
排名有分先後:
10. Aga - Superman
我鍾意聽呢首多過14年熱爆嘅"一",最主要係唔係K歌,加上呢首音樂旋律好適合去發揮Aga抒情歌嘅特色,唯一扣分嘅係節奏偏慢,要校1.25倍先至聽得high.
9.Yellow! - 時間靜止器
未聽歌之前,睇到個歌名又真係諗起"黃色"嘅嘢,以為繼"著襪浸溫泉"."夫目前飯"後,又有類似嘅主題出現.不過,一聽又發現好有驚喜,原來係講童年.惰懷同熱血,後來發現呢首歌係一個微電影嘅主題曲,睇完之後再聽一次,發覺感情配合電影內容,昇華到另一個層次.但係,一聽到"時間 靜止 留住我的川島看個夠"呢句歌詞,不禁又令我諗返"黃色"嘢.
8.Supper Moment - 幸福之歌
Supper Moment近年嘅歌,都令我聽得熱血沸騰,呢首都唔例外,前段MV對白,回應返上一隻廣東專輯主題"世界變了樣",聽得出歌曲配合題案中嘅"為著夢想不停追趕 究竟我們在追甚麼？ ",又令我諗返哥哥張國榮嘅"追",感動到我.鍾意Supper Moment嘅非情歌,不過始終我比較鍾意都係"小伙子"同"無盡".
7.陳柏宇 - 別來無恙
終於有男歌手係我個十大出現,陳柏宇闊別左樂壇年幾,終於都有新專輯,相比''回眸一笑",我更加鍾意"別來無恙",因為陳詠謙嘅詞巧妙用一般生活嘅細節對前度去表達自己活得好,例如"做飯"."睡覺"等,有部分人覺得麻麻,反而我覺得獨特,繼"i miss you."i will be loving you"之後,鍾意陳柏宇嘅歌曲.
6.方皓玟 - 你是你本身的傳奇
一直都喜歡小明嘅歌唱風格,加上呢首歌佢一手包辦曲詞,歌詞好有意思,講我地無論遇上幾多挫折,只要相信自己,唔好放棄自己嘅夢想,即使最後失敗,都會因為自己嘅打不死嘅鬥志,再企起身,再"離地",自己就係一個傳奇.相比上年情情塌塌嘅"分手總約在雨天"我更愛呢首.
5.黃淑蔓，英仁合唱團 - 差一點我們會飛
講到"離地",梗係唔少得呢首,透過電影嘅脅動下,呢首由14歲小妹妹黃淑蔓唱出黎嘅歌,將年青人嘅夢想唱出來,加上英仁合唱團尾段嘅大合唱,將原本老土嘅歌曲,變為小清新感覺.
4.田馥甄 - 小幸運
關於電影嘅主題曲,仲有呢首,十大唯一一首國語歌,係台灣以校園為主題嘅電影"我的少女時代",又係得到電影嘅加持,如果你有睇過整部電影,再聽一定會被歌詞感動,勾起青春回憶.
3.鄧小巧 - 雅俗
唯一一個新人能進我嘅十大,就係來自巨聲1嘅小巧,相比坤哥,我更喜愛小巧,因為小巧嘅聲音可塑性的確好高,若果有聽過幾年前處境劇主題曲"半杯水"就會明白,勢估唔到無論溫柔咁唱,抑或band sound型格路線,都唱得咁放,聽得好享受,聲線其實有少少似盧巧音,作為盧巧音fans.呢類型嘅歌曲大愛.
2.C AllStar - 上車咒
C AllStar少有嘅電音曲風,曲詞由On仔一手包辦,奇特嘅唱法,殭屍嘅舞步,加上咒語"買樓買車上樓上車"不停loop,無奈的寫出現代年青人為買樓買車而煩惱的現實,嗰種密密麻麻透不過氣的感覺 正是表達出一種年青人渴望上車及為上車當奴隸的滋味.
1.楊千嬅 - 最好的債
至尊歌係基於千嬅同Wyman嘅感情,雖然千嬅嘅唱功係現今嘅樂壇唔係最好,但係今年年頭係紅館睇"最好的債"live版,千嬅嘅感情細膩演繹到最後Wyman出場擁抱千嬅一幕,真係非常之感動,呢首歌講佢地咁多年之間嘅恩怨一筆勾銷,由Eason"最佳損友"至千嬅"最好的債",好完美落幕,呢首歌我loop左十萬次.
"你是最好那段債"
其他推介:
雞蛋蒸肉餅 - 榴槤乜乜乜
麥浚龍 莫文蔚 - 瑕疵
林奕匡 - 頌讚詩
Movin' - 小確幸
Another Kitchen - Play Tonight |
-
1
評分人數
-
|
50加入全女班呢個大家庭
呢首歌係佢擔正 令我日loop夜loop 段bridge最正 
#把你的信心感召 然後變作大衛推翻每種公式的戒滌
終於完 以上可能有幾首都好冷門 但我本人就覺得好聽同熱門與否冇乜關係嘅~ 希望2016會有更多好聽嘅廣東歌
發表於 2016-1-2 23:56
| 
佢演繹呢類歌特別好 
我甚至覺得拉去愛情反而係更唔關事 
