返回列表 發帖

#201702 我討厭舊曲翻唱,更討厭致敬– 2016 廣東歌年結(下)

本帖最後由 艾石仔 於 2017-2-4 00:27 編輯

[私家專欄]
我討厭舊曲翻唱,更討厭致敬– 2016 廣東歌年結(下)
                                 
「難道靠泥濘 懷念你漫長舊愛」
近年香港樂壇流行「致敬」「懷舊」「金曲重溫」「經典再生」等等的宣傳字眼,令歌手翻唱舊歌得到一些宣傳名目。而過去非流行市場一直有SACD、K2HD、HQCD等等不同的載體格式,讓那班愛念舊的朋友可以透過投術重修令舊有音樂復生,數碼化後得到一個較好的音質令他們得到一絲慰藉。兩個市場一直相安無事的活在平衡時空。但不知從那一個年代開始,唱片公司見舊曲得到的利潤比起新曲多,宣傳及製作成本亦相對較少。故此,不論新舊歌手都一起翻唱舊曲。

舊曲翻唱可以有不同名目,「發燒天碟」「重新混音」「翻唱經典」等等,總之就是一個理由,令舊曲翻唱得到流行市場的肯定。由張敬軒「Pink Dahlia」到泳兒的「風.情歌」,新一代歌手用一整年時間製作一張翻唱大碟,之後就可以用不同名目推出新版本,例如「再生系列」、「黑膠版」、「彩膠版」、「MASTERING QUALITYSOUND版本」等等,最後得到的利潤就當然由唱片公司老闆袋袋平安。在這等過程當中,新一代歌手其實沒有任何得著,或者在錄音技術上是得到一個新的學習機會。但對於歌手音樂歷程來說,是零增值的。無論歌手將那首金曲玩到天花龍鳳都好,只會得到一刻的快感,那首歌都不是真正屬於他的。珠玉在前,舊人始終愛舊的版本,是因為當中的情懷。

翻唱以外,還有一樣叫做「致敬」。中國人來說,「致敬」是必要的。所謂「忘我不忘本」,沒有過去的你,那會有今天的我。近年香港樂壇老化原因隨了新人減少外,還有的是「致敬」太多。每每到星期日就見到「超級關愛座」在大台節目中自吹自擂,說過去怎樣的好,但表演卻是不知所謂。此外,就連星期六日的音樂節目或慈善表演都找來十多年前的老歌手唱歌,新一代卻被安排跟這些歌手合唱,務求做到所謂「新舊合作」。最後,新歌沒有人認識,唱來唱去就只那些經典金曲。「致敬」我不討厭,但沒有新意的「致敬」或過份的「致敬」是討厭的。記得十多年前古巨基《星戰》、何韻詩《艷光四射》,都是用新的方法重溫舊有經典。古巨基新版本的《夢中人》既眼前一亮又能令上一代人認識新一代的音樂風格,令「致敬」以外還有創新。

大台以外,每年的四台頒獎禮亦是其中一個機會「致敬」。我不明白,明明是2016年的音樂頒獎禮,為何叫歌手唱十多年前的金曲?難道他們的歌曲不值得被得到一個重視?猶記得四台頒獎禮未變得瘋狂前是各有各的功能。新城分豬肉正好令觀眾認識香港的不同音樂、提攜新一代歌手的商台正正造就了不少感動時刻、熱播的情歌在TVB的金曲台通常會得到肯定,甚至知道那一個是最受歡迎、最後就交到港台做「致敬」的部份,金針獎名人堂就是讓新一代歌手認識上一代歌手的台上表演威力。四台明明各有功能,但至從2009年「四台唔頒」以後,就開始失衡。新城轉型但得不到重視、商台越做越不知所謂、TVB更將「致敬」加入頒獎禮、港台亦令「致敬」環節增加到一小時。就是這樣,一個音樂獎禮就變成「致敬」。新歌就只得分半鐘的時間演唱,這年還好,可以一口氣唱完整一首歌 (當然,主因是出席的歌手太少,少到要演唱一整首歌令節目更好看)。

對於這個現狀,大家都認為沒有問題?「致敬」是要的,但在「致敬」的同時,是否要令新一代歌手的到承傳?歌手既不承傳,新歌亦越做越少,整個廣東流行市場最後只會是惡性循環。

廣東歌來到2016是時候革新,所謂革新不單是音樂上改變,而是從下而上的由歌手出發去改變。歌手出走大公司,獨立起家正正做就了一個機會,令他的音樂得到重生。音樂以外還有是媒體改變,大台及商台已經活了半個世紀,當年的機制來到2017年還適合?就連基本法都過時的時候,我不明白為何沒有人行出來作出改變。眼看台灣的金曲獎是令人艷羨的,其實高質素的港樂不是沒有,只是沒有很大的肯定。Cash以外還有每年由樂評人選出的《香港樂評HKmc²》,我相信這些結果比起四台任何一台都值得看待的。正如夕爺所說,「難道靠泥濘 懷念你漫長舊愛」,人總要向前看,音樂如是,但願可以減少垃圾的「致敬」,令新一代歌手可以真正向前走。
1

評分人數

  • Tonlo

「但對於歌手音樂歷程來說,是零增值的。無論歌手將那首金曲玩到天花龍鳳都好,只會得到一刻的快感,那首歌都不是真正屬於他的。」
會唔會偏激左D?

TOP

宜家翻唱歌/碟真係太多啦

TOP

本帖最後由 Bluejays 於 2017-2-4 09:08 編輯

大台已經冇哂年輕觀眾,
後生歌手唱左新歌 都唔會有年輕觀眾聽到,
年長觀眾只會問,係邊個唱緊乜野歌。
如果後生歌手唱懷舊歌,
還可以博得年長觀眾一句,呢個後生仔唱歌都唔錯,
總算叫做令個歌手多左人識。

呢班年長觀眾,唔會買碟,
但去到電器舖見到個歌手賣電器嘅廣告,
可能會望多兩眼甚至買埋。
到仔女扭計要去聽個後生歌手嘅演唱會,
啲父母亦會有更大機會肯出錢甚至陪佢去。

大台已經唔係做 年輕市場 好耐,
想翻轉頭,亦已經冇廣告商去支持佢翻轉頭,
當得翻年長同細路觀眾嘅情況下,
唱懷舊歌係唯一 讓大台觀眾 對後生歌手 有印象嘅方法。

或者你好難想像,有幾多大台觀眾,
年年見 Sony孖寶 上 勁總 都唔認得佢地,係到今年先認得。

我親眼見過唔少 阿媽 陪啲十歲左右 嘅小朋友,
去買 Alfred 啲碟同演唱會飛,
個大嘅肯定唔識啲歌,個細嘅亦肯定聽唔明啲歌,
但你十歲就已經開始聽嘅歌手,你會跟一世的。
呢個就係大台嘅做法,嚴格嚟講,佢係訓練緊再細嘅一代。
1

評分人數

  • powerful

沒有盛世要賒 沒浮華暫借 沒時代 沒有記憶 來拉扯 燦爛地凋謝

TOP

翻唱真係好煩
特別係hifi碟嗰班,一日到黑改jazz編曲就懶係有格調

TOP

翻唱真係好煩
特別係hifi碟嗰班,一日到黑改jazz編曲就懶係有格調
stephybest 發表於 2017-2-4 08:46



認同,全部都係同一編曲先煩

TOP

認同,全部都係同一編曲先煩
阿mark 發表於 2017-2-4 09:00



   就係,一隻碟有幾種唔同嘅風格就話姐,隻隻碟都係jazz,就算唔係jazz,買你碟個個都唔識分啦
我估錯這個世界得到教訓

TOP

本帖最後由 boy4dudes 於 2017-2-4 13:23 編輯
就係,一隻碟有幾種唔同嘅風格就話姐,隻隻碟都係jazz,就算唔係jazz,買你碟個個都唔識分啦 ...
mrshadowll 發表於 2017-2-4 10:56


Agree, 翻唱神碟 = 有唔同嘅風格, top of the crops for me is definitely 關淑怡's 'EX' All Time Favourites (1995). 何韻詩's Recollections (2013) and 葉蒨文's Inside Out (2003) are not bad either. 彭家麗's Recall (2016) has some good musical arrangements but the song choice is a bit of a miss (not sure whether 夏韶聲 was a suitable producer for Angela).

The whole thing with 翻唱碟 mostly having jazz arrangement is because it's cheaper to produce, which is really sad...... slowly killing the HK Cantopop music industry

I am wondering in 10 - 20 years time Cantopop music may become an underground niche market, made by indie musicians only

TOP

本帖最後由 John 於 2017-2-4 13:35 編輯
Agree, 翻唱神碟 = 有唔同嘅風格, top of the crops for me is definitely 關淑怡's 'EX' All Time Favou ...
boy4dudes 發表於 2017-2-4 12:33



不過認真
無論翻唱碟做得幾好, 都好難成為一個歌手自己既歌

夕陽之歌, 永遠都係梅艷芳, 唔會係何韻詩
少女的祈禱, 永遠都係楊千嬅, 唔會係張敬軒
就算給自己的信, 原唱都仲係寫住鍾舒漫, 唔係鄭秀文
高山低谷一樣, 只會係屬於林奕匡既歌

泳兒出左三隻翻唱碟, 最尾都係要靠原唱歌四不像跑出
SSN Chart (22 Mar)  冠軍: 三生有幸 - Yan Ting  |  亞軍: 唔明你講乜 - 陳健安

TOP

其實最唔明係點解每年都致敬?
如果話係個頒獎禮十周年二十周年都可以話算數,
年年都致敬其實真心煩。

TOP

大部分都同意 特別係講致敬個part
利申:唔係鏡粉

TOP

覺得胡琳同泳兒都係出咗翻唱歌先更多人認識。有時候一個無乜人氣嘅歌手出好多翻唱歌,之後再出原創歌先會吸睛,會讓人更加珍惜佢嘅原創歌曲。

TOP

最唔明點解無啦啦會有個致敬環節走左出黎
金針獎可以理解 , 但 TVB 嗰個真係唔知點解囉 , 仲要本身個 show 都已經趕到趕命 ...

TOP

如果你討厭致敬,應該會好憎 La La Land

TOP

本帖最後由 HOTMAN 於 2017-2-4 18:40 編輯
如果你討厭致敬,應該會好憎 La La Land
powerful 發表於 2017-2-4 18:09



    作者文中都有解釋係針對冇新意既致敬only

根本既問題就係音樂機關同公司短視,見翻唱碟有market就濫出,當中intention明顯係商業大於其他因素,所以都唔洗唔期望有咩藝術水平,呢件事係唔會推進到樂壇發展。

但唔可以否認翻唱碟係幫好多歌手苟延殘喘,起碼有一定進帳先。

TOP

作者文中都有解釋係針對冇新意既致敬only

根本既問題就係音樂機關同公司短視,見翻唱碟 ...
HOTMAN 發表於 2017-2-4 18:38

所以改編曲既翻唱,帶來原曲新既面貌,未嘗唔係一個好方法,吸納舊樂迷,又可以令新樂迷認識經典。當然大前提要有新歌啦。

TOP

本帖最後由 Bluejays 於 2017-2-5 00:51 編輯
The whole thing with 翻唱碟 mostly having jazz arrangement is because it's cheaper to produce, which is really sad...... slowly killing the HK Cantopop music industry
boy4dudes 發表於 2017-2-4 12:33


對年長聽眾嚟講,jazz 係最易入耳的,
因為聽開二三四五十年代歐西流行曲嘅,全部都係 jazz。

仲有就係,人越老越怕嘈,
點支蠟燭,開支紅酒,
就梗係想聽啲 mellow 啲嘅音樂啦。

Jazz,係因應 獨特市場 嘅喜好而做的,唔係合埋眼亂來的。
沒有盛世要賒 沒浮華暫借 沒時代 沒有記憶 來拉扯 燦爛地凋謝

TOP

對年長聽眾嚟講,jazz 係最易入耳的,
因為聽開二三四五十年代歐西流行曲嘅,全部都係 jazz。

仲有就係 ...
Bluejays 發表於 2017-2-5 00:31

明既明既,
老人家係有市場,但可唔可以各有各做。
明明以前相安無事,
你唔搞我我唔搞你,做乜而家要迫人踩過界,
又要唱埋你D 懶係有格調既翻唱歌。

大佬,你係老野咪入老人院成班一齊聽囉,
做乜將個老人院搬去市中心再擴大發展,
唔通10歲又要聽你D歌,20 30 40歲又要聽你D重唱咩。
老野都野都會死,到時D重唱搵鬼聽


SOR 1999 AND SO激動

TOP

其實翻唱碟唔係問題,但不斷造一堆一式一樣既jazz改編只會等於當年一堆罐頭K歌為造而造
關淑怡隻Ex All Time Favorites都係翻唱碟,但人地賣左廿年仲賣緊炒緊,大佬人地舊歌當新歌咁去製作
現在市面嗰堆so called Hi Fi翻唱真係見到都唔開胃

TOP

明既明既,
老人家係有市場,但可唔可以各有各做。
明明以前相安無事,
你唔搞我我唔搞你,做乜而家要迫人 ...
艾石仔 發表於 2017-2-5 01:01


你唔搞我我唔搞你嘅年代,係當兩邊都可以各有各賺錢嘅年代。
當一邊連 唔蝕錢 都做唔到嘅時候,
咪要諗下點樣將 陳慧嫻 盧冠廷 嗰個市場擴大嚟做囉。
所有野都係連鎖反應,問題嘅根源都係一樣。
沒有盛世要賒 沒浮華暫借 沒時代 沒有記憶 來拉扯 燦爛地凋謝

TOP

本帖最後由 John 於 2017-2-5 01:21 編輯
其實翻唱碟唔係問題,但不斷造一堆一式一樣既jazz改編只會等於當年一堆罐頭K歌為造而造
關淑怡隻Ex All Tim ...
hehehaha 發表於 2017-2-5 01:13



都係果句
原作有佢既時代同埋歌手背景
翻唱有幾多首超越到原唱, 真係可以成為一個歌手既代表作?

翻唱碟係幾好賣
但舊一代歌手出翻唱碟, 林憶蓮小姐出隻蓋亞甚至本色, 都尚且做到佢新既一頁
Re workz同陪著我走呢?

劉美君出隻新曲+精選, 浮花起碼都算係多人識下,
之後兩隻翻唱碟呢? 戀愛大過天算唔算紅?

新一代歌手更加唔使講, 無論環球既張敬軒定英皇既泳兒, 最尾咪又係出返新歌先跑得出
Gin Lee新一年一派翻唱, 聲勢即刻跌左幾多
SSN Chart (22 Mar)  冠軍: 三生有幸 - Yan Ting  |  亞軍: 唔明你講乜 - 陳健安

TOP

或者我講得再殘酷啲,
首先係 年輕聽眾 離棄廣東歌,現在係 唱片工業 離棄 年輕聽眾。
佢地唔係迫 年輕聽眾 去聽翻唱碟,而係唔 care 年輕聽眾 聽唔聽。

點解 EEG 明知好危險,都要搏 Hins 上大陸,
唔係淨係想賺大錢咁簡單,
而係根本 Hins 現有嘅市場,爆幾多首 hit歌 出嚟,
都養唔起 EEG 要放喺佢身上嘅開支。

反而 Vincy 靠隻翻唱碟,加上佢開支會細啲,就應該可以養得起。
沒有盛世要賒 沒浮華暫借 沒時代 沒有記憶 來拉扯 燦爛地凋謝

TOP

或者我講得再殘酷啲,
首先係 年輕聽眾 離棄廣東歌,現在係 唱片工業 離棄 年輕聽眾。
佢地唔係迫 年輕聽眾 ...
Bluejays 發表於 2017-2-5 01:46



關於呢件事,我有少少好奇,依家香港嘅後生係咪基本都係聽英文歌、KPOP都極少聽甚至唔聽廣東歌噶咧?唔怕話,KPOP對我個人來講基本係唔入耳嘅

TOP

關於呢件事,我有少少好奇,依家香港嘅後生係咪基本都係聽英文歌、KPOP都極少聽甚至唔聽廣東歌噶咧?{:9 ...
Jacko·HW 發表於 2017-2-5 12:14



    咩都會聽 可能會集中聽Kpop/歐美/台灣
但其實邊度有話題就會聽 坤哥同欣宜好多friend邊聽邊鬧 所以好hit

TOP

關於呢件事,我有少少好奇,依家香港嘅後生係咪基本都係聽英文歌、KPOP都極少聽甚至唔聽廣東歌噶咧?{:9 ...
Jacko·HW 發表於 2017-2-5 12:14

新一代基本上冇乜邊個聽廣東歌
除非係大hit 嗰啲 (羅生門原來她不夠愛我矛盾一生女神) 之外

講衰啲, 而家903頒獎禮幾乎得番20-3X歲既人喺度自high
[其他分享] (零難度) 如何自行製作伴奏音樂
http://www.cmusichart.com/discuz/viewthread.php?tid=22055&page=1&extra=#pid1902279

TOP

新一代基本上冇乜邊個聽廣東歌
除非係大hit 嗰啲 (羅生門原來她不夠愛我矛盾一生女神) 之外

講衰啲, 而家 ...
matthew1990 發表於 2017-2-5 13:47



未成年既我表示
身邊既人冇我想像中咁少人聽廣東歌 當然都唔多
佢地鍾意既主要係大眾既流行同較年輕既歌手 比如陳柏宇 林奕匡
都有啲人會聽同睇佢地既演唱會
但留意同會睇頒獎典禮既 應該少於五個
冇公信力 過時 以及大家主要係愛某一個歌手 而唔係好博愛地支持整個樂壇既歌手 仲有可能大家本身都唔算好愛廣東歌
身邊根本冇人會想坐係現場睇個悶show 仲要一睇就幾粒鐘

TOP

提示: 作者被禁止或刪除 內容自動屏蔽

TOP

其實唔反對出翻唱碟,但唱片公司可唔可以揼D本落唱片包裝度,好似慧嫻、憶蓮D翻唱碟,隻碟連一張自己既相都無,點吸引到一班年輕聽眾去買實體碟喎。
Dear flop Gin Lee,your  songs are very bored&low!>_<

TOP

其實唔反對出翻唱碟,但唱片公司可唔可以揼D本落唱片包裝度,好似慧嫻、憶蓮D翻唱碟,隻碟連一張自己既相都 ...
我等我在 發表於 2017-2-6 09:45



    出左相會吸引到年輕聽眾?佢兩個都唔係賣樣,係賣聲

TOP

本帖最後由 matthew1990 於 2017-2-7 10:32 編輯
未成年既我表示
身邊既人冇我想像中咁少人聽廣東歌 當然都唔多
佢地鍾意既主要係大眾既流行同較年輕既歌 ...
bagfgfcde 發表於 2017-2-5 14:02

加上頒獎禮多數都反映唔到年輕一代既口味
所以頒獎禮同TVB一樣只會愈來愈少人睇
[其他分享] (零難度) 如何自行製作伴奏音樂
http://www.cmusichart.com/discuz/viewthread.php?tid=22055&page=1&extra=#pid1902279

TOP

出左相會吸引到年輕聽眾?佢兩個都唔係賣樣,係賣聲
newguy 發表於 2017-2-6 12:21


其實賣聲更加唔會吸引年青人去聽,
一黎佢地無咁既設備聽你果D HDCD乜乜乜CD咁樣,
二黎聲唔會係年青人最想聽既野,
始終夢想談情說愛生活先係最貼緊年青人,
你編到隻歌曉霏都係離地

我就唔知班00後會因為蓮母搞到隻笛子姑娘正而走去聽

TOP

其實賣聲更加唔會吸引年青人去聽,
一黎佢地無咁既設備聽你果D HDCD乜乜乜CD咁樣,
二黎聲唔會係年青人最想 ...
艾石仔 發表於 2017-2-7 10:37

好多00後唔好話翻唱 舊d嘅歌手連新歌都唔會聽身邊d同學大多數係咁

TOP

所以好似學友華仔呢滴開紅館就可以連開20場……年輕歌手能開一場半場紅館都偷笑喇

TOP

这么好的帖子不顶就太对不起楼主了












签订实习协议

TOP

不過認真
無論翻唱碟做得幾好, 都好難成為一個歌手自己既歌

夕陽之歌, 永遠都係梅艷芳, 唔會係何韻詩
...
John 發表於 2017-2-4 13:34



但我覺得忘記他真係成為左關淑怡既歌, 呢個係特別既例子
【This is MC】澳門見

TOP

有個問題係自從伍樂城,陳輝揚,ERIC KWOK 呢班多產O既作曲人,呢個環節缺小新血

TOP

所以好似學友華仔呢滴開紅館就可以連開20場……年輕歌手能開一場半場紅館都偷笑喇 ...
乐坛风云 發表於 2017-2-10 22:10

有強大的強國人源源不絕咁來香港睇先開到咁多人睇吧

TOP

本帖最後由 l00540 於 2017-2-22 20:34 編輯

但輝陽主理嘅慧嫻版《到處留情》
不比原版專美啊

其實翻唱歌不用Hi-fi碟式打造
落差會無咁大
梁詠琪 《時間遇上我們- 澳門站(23/3)台北小巨蛋(13/4》 獨一無二·專屬台灣的全國語rundown

TOP

返回列表