返回列表 發帖

孫燕姿 《No.13 作品: 跳舞的梵谷》-- 沉穩回歸 漸見突破


孫燕姿三年前推出的《克卜勒》專輯, 你聽了幾多次? 你問我的話, 我會老實答你: 「不多」.
作為孫燕姿的長年粉絲, 擁有多張孫燕姿的唱片, 這張專輯目前放在唱片櫃的後排, 被她的好些舊作遮蓋, 即是代表聽得不多, 也不覺得自己日後會經常拿來聽.
《克卜勒》走治癒路線, 不差, 但也未夠好. 當同齡女歌手尋求突破之際, 孫燕姿近乎原地踏步. 終於, 等到了《跳舞的梵谷》. 以理智與瘋狂並行作定位, 試圖釋放潛藏內心的野獸, 展示不為人知的一面.

穿上《風衣》, 孫燕姿踏上尋找回憶之途. 結他及鋼琴輕奏, 略帶悲傷回顧過往. 靠歷練拼貼而成的風衣, 陪著她走過風雨, 練成感恩的心. 理智的孫燕姿, 較以往沉實, 仍舊教人動容. 鋼琴主導的《我很愉快》, 旋律與編曲更淡, 與歌名形成反差. 配上弦樂及音效, 顯出歌者的空虛與哀傷, 唱出以往的外放型苦情歌所沒有的感覺.
寂靜中的高音, 加上詭異的音效, 喚醒了孫燕姿的瘋狂. 《跳舞的梵谷》帶大家觀賞梵高的畫作, 感受他的精神狀態. 《The Starry Night》的迷離, 在第一段pre chorus現身, 並貫穿全曲. 稍為收力的演繹, 沒有如《慢慢來》般奔放, 卻構成了孫燕姿的新曲風, 從回憶出走, 釋放另一個我. 《天越亮,夜越黑》的歌劇式前奏, 延續詭秘; 仿如踏在木板上的聲音, 似是爭扎; 副歌的高昂, 帶領新的我堅定向前. 只是高昂得太早, 聽者未能調適.
孫燕姿與老拍檔李偲菘及易家揚合體, 《天天年年》是全碟最有舊作味道的一首, 詞意與《風衣》類近, 想是為老歌迷而設. 同屬三人合作的《漂浮群島》, 以搖滾路線配上rap, 讓渴望出走的孫燕姿再以瘋狂一面示人. 方文山筆下的《超人類》, 承接了《漂浮群島》的自我, 不自誇特別, 卻敢做敢愛. 李偲菘的旋律及Martin Tang的編曲, 前段稍嫌公式, 未能完全發揮詞意, 但C段的變調做得出色, 挽救了整首歌, 連帶最後副歌也展現出動感. 《充氧期》的pop rock亦切合自由自主的態度.
鳥飛與梵音的前奏, 營造《平日快樂》的靈性. 結他與太鼓, 加上穿插其中的嗩吶與三角鈴, 豐富歌詞的哲理. 孫燕姿作詞的《極美》壓軸, 與《風衣》首尾呼應, 淡淡的歌聲, 不張狂, 不造作, 擁抱自我, 享受歷程.

孫燕姿發片前, 曾與朋友談過, 究竟我們想要一個怎樣的孫燕姿?
《天黑黑》《我要的幸福》的青春? 《雨天》《害怕》的脆弱? 《我不難過》《我懷念的》的苦戀? 《慢慢來》《奔》的奔放? 孫燕姿不再是小女生, 就讓她們留在過去吧, 現時再做這類歌, 恐怕也難以超越. 出道十多年, 多了歷練, 走過高低起跌, 休息後再重新出發. 《我的愛》《The Moment》的自主與尋覓, 《逆光》《明日的記憶》的堅持與勇敢, 才最適合當下的孫燕姿. 《跳舞的梵谷》以此出發, 用十首歌, 陪大家走過生命的其中一個章節.
不追求萬人合唱並肩走, 加強編曲, 也轉了唱腔. 這趟旅程, 孫燕姿走得比以往踏實. 真正的瘋狂不算多見, 只是偶爾曝光, 讓大家更認識孫燕姿的可能性, 重點還是落在回憶與自主, 為人生下註腳.
這張專輯, 對孫燕姿來說是破舊立新, 但在華語區, 未算做到承先啟後. 不過, 明年的金曲獎, 應該還會有相當的提名. 得獎與否, 當然視乎評審的組成, 更在於業界認為何時應為A Lin加冕.

1

評分人數

  • Tonlo

Music Picks 音樂選擇 為你而選
www.facebook.com/MusicPicks

跳舞的梵谷令人聽到一個令人驚豔的孫燕姿
預計會是明年金曲歌后大熱
題外話 A Lin 如無意外明年入圍歌后都應該不成問題
如明年亦不得獎,便同梁靜茹一樣入圍5 次都拎唔到了

TOP

平時唔留意佢
但因為跳舞的梵谷張相構圖好正而撳左入去聽
聽左真係不之得了,即刻成為My song of the year,甚至top 3 of my life
無論曲詞編唱連MV都極有心思
鬼死咁期待呢隻碟,結果出黎雖然都好好聽,但完全無左主打出黎個震憾同驚喜
同埋我覺得成隻碟個主題唔真太扣,瘋狂唔夠狂又唔夠多

我自己覺得
跳舞>>>>>>>>>>>>>風衣>>>天愈黑>我很愉快>其他歌

TOP

我感覺係最偏個兩首做左頭兩plug
其他全部都係以前既佢
但係有質素同好聽既

TOP

回復 3# kanxd

佢個頭開到好大, 瘋狂個一part其實做得唔夠, 但整體來講, 我覺得佢係慢歌都試緊新野, 唱法同編曲都唔同左.
Music Picks 音樂選擇 為你而選
www.facebook.com/MusicPicks

TOP

回復 4# 721AXA

我有朋友都話, 其實全碟聽, 同以前分別唔係好大, 我明既, 但細聽編曲同唱法, 細微位係唔同左, 有兩三首歌睇節枝位明顯啲.
Music Picks 音樂選擇 為你而選
www.facebook.com/MusicPicks

TOP

回復  721AXA

我有朋友都話, 其實全碟聽, 同以前分別唔係好大, 我明既, 但細聽編曲同唱法, 細微位係唔同 ...
hiraoka 發表於 2017-11-17 23:47


雷聲大雨點小真係幾尷尬
入圍歌后應該得 但係呢隻碟應該唔會點再拎黎聽

即管睇埋張惠妹年尾隻碟

TOP

本帖最後由 bagfgfcde 於 2017-11-19 17:58 編輯

隻碟其實唔差 偏向慢熱
如果話有乜同以前唔一樣 我會覺得專輯既歌色調偏暗
好幾首慢歌例如風衣、我很愉快同極美 表達既情緒都係比較冷淡 同時寫得都比較間接
聽翻逆光 再聽翻呢幾首慢歌 會留意到當中(唔算特別明顯)既變化

而中後段一連三首快歌唔夠驚艷 唔係話唔好聽 但係又唔係好似跳舞的梵谷咁去到好盡
結果呢三首連埋冇乜突破既天天年年 & 旋律完全唔catchy既filler平日快樂 就成為左專輯既冷場

最鍾意都係三首慢歌 (極美 > 我很愉快 = 風衣)
整體聽落唔錯 的確唔會全隻碟拎黎聽 不過某幾首幾好loop
BTW 我prefer A-Lin同名專輯>呢隻碟

TOP

其實我一早預咗燕姿唔會有非常顛覆的變化。未出碟前已諗到,佢有好幾次出第一主打都好似有啲另類,如神奇、完美的一天、世說心語,但出到來成隻碟其他歌唔係有太大變化。所以今次我都唔會期望佢變好多。另一方面諗,可能佢都知自己擅長唱的類型同埋大家會接受的類型,所以取個平衡就好了。

或者係期望唔會過高,今次又覺得隻碟算係有點小突破。認同樓主講法,變化係啲細節位。我覺得佢唱法更加成熟,尤其〈風衣〉的歌唱技巧簡直係揮灑自如,旋律好密好難唱,但佢啲轉音好順又轉得好聽,仲要同一段每次唱都會唔同,正好顯示佢嘅身價。

至於曲風上都係唔同咗,少咗慢歌,編曲較以前豐富,頭五隻都好唔錯。最大路係〈天天年年〉但編曲都唔會太K。〈跳舞的梵谷〉同〈我很愉快〉都顯示佢唱法嘅多變同細緻。不過後半段三隻快歌就真係唔夠特別,仲要放埋一齊,如果佢再排過個次序將其中一隻搬上track 4或者整體個flow會好一點。

TOP

孫燕姿本身就不是那種要走出來好驚艷的人
只要她能維持到那一貫治愈感覺,一貫的唱法,就已經好足夠

TOP

前面兩plug做主打非常正確, 如果要衝擊金曲獎, 第三plug要《漂流群島》, 奈何公司一定係《風衣》。
不過孫燕姿只要安安靜靜一首《極美》都可以打動人。
Loop咗一個星期,越發喜愛《極美》,《超人類》,《天天年年》;
《跳舞的梵谷》,《我很愉快》,《平日快樂》,《漂流群島》依然是我的大愛。
❤️  明白  我再流連也是總不配  是兩種命  是兩種人  ❤️

TOP

雷聲大雨點小真係幾尷尬
入圍歌后應該得 但係呢隻碟應該唔會點再拎黎聽

即管睇埋張惠妹年尾隻碟 ...
-Prince- 發表於 2017-11-19 16:23


我又會再聽, 上張碟就無乜, 呢張碟個啲細節位其實做得好, 我又覺得OK, 甚至好有機會會放佢落我今年的名單.
Music Picks 音樂選擇 為你而選
www.facebook.com/MusicPicks

TOP

本帖最後由 hiraoka 於 2017-11-22 00:05 編輯
隻碟其實唔差 偏向慢熱
如果話有乜同以前唔一樣 我會覺得專輯既歌色調偏暗
好幾首慢歌例如風衣、我很愉快同 ...
bagfgfcde 發表於 2017-11-19 17:53


我對《我很愉快》感覺唔係好大, 《風衣》比較有感覺. 《平日快樂》我又OK喎, 個編曲加左好多分, 佢個旋律唔突出.  我最無感覺係《充氧期》, 中間你提到的三首, 我覺得分開聽係比放埋一齊聽好.而A Lin個隻, 我聽左兩次之後無再聽. 呢隻仲聽緊.
Music Picks 音樂選擇 為你而選
www.facebook.com/MusicPicks

TOP

其實我一早預咗燕姿唔會有非常顛覆的變化。未出碟前已諗到,佢有好幾次出第一主打都好似有啲另類,如神奇、 ...
Serendipity 發表於 2017-11-19 18:28


對孫燕姿來講, 今次係好大的一步, 如你所講, 之前的變化其實唔夠, 今次係比較多轉變, 同埋細節做得比較豐富的一次, 唱腔亦有變化, 比我預期中好.
Music Picks 音樂選擇 為你而選
www.facebook.com/MusicPicks

TOP

前面兩plug做主打非常正確, 如果要衝擊金曲獎, 第三plug要《漂流群島》, 奈何公司一定係《風衣》。
不過孫 ...
風見志郎 發表於 2017-11-20 09:39


《風衣》好正路的選擇, 我其實都OK呢首的, 呢隻碟當中, 我會排佢係第三/四位.
Music Picks 音樂選擇 為你而選
www.facebook.com/MusicPicks

TOP

《風衣》好正路的選擇, 我其實都OK呢首的, 呢隻碟當中, 我會排佢係第三/四位. ...
hiraoka 發表於 2017-11-22 00:07



我都覺得派〈風衣〉好正確,第一次聽已經覺得好突出,旋律好易上口,仲拍咗個咁有意思既MV,應該會係呢隻碟最hit既歌。

TOP

返回列表