返回列表 發帖

《荷里活有個大老千》討論區

本帖最後由 hkwilliamsiu 於 2019-1-19 18:55 編輯

翡翠台由一月十四日起逢星期一至五晚上九時三十分播映)

集數:30集
監製:王晶
編審:呂冠南、李梓樅
演員:鄭則仕、秦沛、金燕玲、李施嬅、湯鎮業、張慧儀、吳業坤、王子涵、何浩文、文凱玲

故事大概

「千門八將」的龍四(鄭則仕飾)被華探長文雄(湯鎮業飾)與大師兄龐峰(秦沛飾)設局陷害入獄,女友百合(張慧儀飾)更被文雄搶去。五年後,龍四成為地位崇高的製片,有舒奇(蔡瀚億飾)、麥基(吳業坤飾)兩位得力助手,還有一個剛相認的女兒小雨(王子涵飾)。師弟唐偉(黃栢文飾)被殺,龍四鎖定其徒弟阿朗(馬志威飾)所為,二人賭枱上對決……小雨向舞蹈老師百合傾訴暗戀新晉導演賀加俊(何浩文飾),意外令百合、龍四重逢。百合偷去文雄的黑金帳簿準備私奔,文雄一怒下趕絕二人。龍四押送入獄途中被神秘人劫走,他們正策劃一個捕獸籠,誓把隻手遮天的文雄引入內……




已經播了五集

總括第一星期, 祗看肥Kent 和 金燕玲兩位出色演出已經十分好看. 劇情比想像中好看,佈景和人物都拍得漂亮,令人眼前一亮

本帖最後由 hkwilliamsiu 於 2019-1-19 19:01 編輯

荷里活有個大老千offical MV
作曲:古曲
作詞:尹光/楊熙
編曲:朱俊傑
監製:何哲圖/朱俊傑

主唱:尹光

喂喂荷里活 拍片係喺呢處
有個肥婆係老千 佢係大老千
你又千 佢又千 千咗有幾十年  

佢收手不再千 走去撈製片
佢生咗個女 肥佬係大製片
啲friend若有急需 佢幫就幫到上面
想話拋開啲往事 點知嗰個又再纏  

有人搏晒命 搵食係靠呃騙
碰啱嗰個肥婆係大老千 盞得揼到你扁
你哋出千 穿晒崩 睇穿咗你好多遍  

你班死蠢老千 你咁渣點去千
想搵大錢 卒之丟盡晒面
識幾個字就一味點得就去點
穿崩你顧住會監禁十年  

荷里活 搵食要識得騙
有個肥婆係勁老千 佢千得就去千
你哋小心 想搵大錢 搵個師父教多幾遍

TOP

【荷里活有個大老千】鄭則仕演技大爆發 示範多層次演釋「痛」樣

由鄭則仕、秦沛、金燕玲、李施嬅、湯鎮業和張慧儀主演的TVB新劇《荷里活有個大老千》播出後,觀眾評價兩極,但無可否認幾位老戲骨的演技依然精湛,令集部劇集的「戲」味提升不少。當中鄭則仕被湯鎮業打斷手以及入獄前被暴打一幕等,都令不少觀眾「齋睇」已經feel到有幾痛!

鄭則仕出道至今,分別榮獲第5屆、第16屆香港電影金像獎最佳男主角,以及第2屆香港電影金紫荊獎最佳男主角,可想而知,鄭則仕精湛的演技,能在眾多候選人中脫穎而出,毋庸置疑是值得大家肯定的。雖然不少觀眾覺得鄭則仕被85年電影《何必有我?》中扮演智障的「肥貓」而被定型,但其實他的戲路相當寬,不僅演出喜劇、鬧劇,也演出了一些嚴肅的正劇、悲劇。而首兩集,他更完美示範如何演多個「痛」樣!

一、手被打斷的「痛」

鄭則仕今次在劇中扮演大老千龍四,在一次對眾富豪出手後,被他們報復。龍四的大師兄龐峰(秦沛飾)又因誤會龍四害死自己弟弟而提供線索,令龍四被擒,還與他一局定輸贏,千門事千門了。龍四輸後,被華探長文雄(湯鎮業飾)用煙灰缸打斷手一幕,痛苦的表情相當到位,極具戲劇張力,相當逼真!

二、被暴打的「痛」

而另一幕龍四在入獄前被一班員警暴打亦相當恐怖,雖然這場戲鄭則仕一句對白都沒有,但每受一拳的表情人無論在表情還是技巧上都把握得都依然相當到位。

三、被兄弟誤會的「痛」

大師兄龐峰探監時,指責龍四害死他的弟弟,他演出令觀眾深深明白他內心的委屈,甚至連他的「口水」都是戲!

四、失戀的「痛」

在被女友百合(張慧儀飾)提分手一幕,鄭則仕繼續大飆演技,由看到女友的歡喜表情,到後來的心痛與無助,無一不深深打動觀眾,十分催淚!雖然未知劇情發展會否似預期,但「齋睇」鄭則仕的演技已經超值!

TOP

王晶拍啲戲都係爛戲
無興趣

TOP

王晶拍啲戲都係爛戲
無興趣
kaman921 發表於 2019-1-19 20:14



    我開始都咁想,點知今次頭五集有驚喜。特別肥Kent和金燕玲多場對手戲,除了演得十分出色,不單不沉悶,而且頗為感人。

TOP

本帖最後由 hkwilliamsiu 於 2019-1-19 20:27 編輯

Poster就有抄襲電影Gatsby
附件: 您需要登錄才可以下載或查看附件。沒有帳號?註冊

TOP

我開始都咁想,點知今次頭五集有驚喜。特別肥Kent和金燕玲多場對手戲,除了演得十分出色,不單不沉 ...
hkwilliamsiu 發表於 2019-1-19 20:20

你對「冬菇仔」嗰場戲有啲咩感想
二〇二三年度全女班投票
投選你最喜愛的歌曲歌手演唱會

TOP

本帖最後由 hkwilliamsiu 於 2019-1-19 23:04 編輯
你對「冬菇仔」嗰場戲有啲咩感想
616.1314 發表於 2019-1-19 21:43



    好好笑
另外想起吳耀漢奇謀妙計五福星的演出,同樣超爆笑。

TOP

本帖最後由 hkwilliamsiu 於 2019-1-19 23:28 編輯

還有這段播出後好多媒體都有報導,包括東方,成報,hk01 和晴報,反應都説好攪笑。

【全裸肉搏】吳業坤蔡瀚億露械被嘲冬菇仔
熱播中嘅無綫劇《荷里活有個大老千》,由秦沛、金燕玲、李施嬅、湯鎮業等主演,吳業坤(坤坤)同蔡瀚億(BabyJohn)雖然唔係主角,但就好搶鏡,今日官方派糖,大晒兩副靚Body!劇情講到坤坤同BabyJohn為爭沖涼,剝晒光豬爭入廁所,呢幕明益粉絲!

身水身汗嘅坤坤同BabyJohn一入屋就話要沖涼,二人互不相讓,最後以包剪揼解決,雖然坤坤贏咗,但BabyJohn賴皮唔認數,搞到兩人要鬥快剝光豬,喺飯廳剝晒衫褲光脫脫,露全相激鬥!雖然重要部位被遮擋,但佢哋全裸喺飯廳上演MMA、猛烈碰撞,睇到人眼凸…當佢兩個終於跑到廁所門口,諗住開門時,突然廁所門開咗,王子涵喺廁所出嚟,面對兩個裸男,佢居然絲毫不驚,仲問佢哋係邊個!而坤坤同BabyJohn當然亦唔知佢係乜水,大家你眼望我眼,突然醒覺自己冇着衫,即時攞起本雜誌遮重要部位,最搞笑係王子涵仲講咗句:「冬菇仔!」搞到佢哋兩個勁愕然,仲互相嘲笑對方先係「冬菇仔」。

網民有話兒:
Bilxx:好有睇頭!
Chexx:點解坤哥唔同咗樣,我鍾意佢帶眼鏡多啲!
Jasxx:兩個如果再操大隻啲仲好睇!

https://hk.on.cc/hk/bkn/cnt/ente ... 0118_00862_001.html

TOP

呢堆戲入面嘅幕前幕後人員對照影射邊D真實演員?

TOP

李施嬅係女一?

TOP

本帖最後由 hkwilliamsiu 於 2019-1-21 18:52 編輯
李施嬅係女一?
kenvincy.cn 發表於 2019-1-21 11:59



   李施嬅頭像最大,應該是女一啩. 而接著是金燕玲,但可惜劇中已經逝世了. 看完第一周後, 演出和出場最多是王晶女兒王子涵, 估計王晶專登無寫誰是女主角,費時比人鬧爆.

TOP

唔駛煩 邊個女角做得最好就係女一囉

TOP

本帖最後由 hkwilliamsiu 於 2019-1-21 18:49 編輯
唔駛煩 邊個女角做得最好就係女一囉
moXYZ 發表於 2019-1-21 16:40



   照你咁講,一定是金燕玲. 她和肥Kent多場對手戲演得十分出色, 這是其中一場, 睇到眼濕濕.

TOP

暫時金燕玲演得最好
當然其餘李施嬅,張慧儀仲有出場...
可能女一有3
3生3旦 +秦沛,湯鎮業,Kent哥

TOP

本帖最後由 hkwilliamsiu 於 2019-1-24 15:30 編輯

昨晚第八集有點看電影的感覺,劇情多線發展,但又不紊亂,不同演員出埸但每一段都有戱,情節有溫馨,有攪笑,亦有緊張位,最後一幕小雨攞啤牌出來,笑著望肥Kent,有一種電影結尾之感,像電影教學,值得一讚。

TOP

麥基好好笑



TOP

墨基/坤哥 好好笑

TOP

墨基/坤哥 好好笑
moXYZ 發表於 2019-1-26 12:37



    這一段五無超爆笑


TOP

本帖最後由 hkwilliamsiu 於 2019-1-29 11:56 編輯

今天多份報章,週刋不約而同評論荷里活有個大老千。評論大致上正面,包括演員演技出色,劇情亦很搞笑,亦有講舊瓶新酒,某些情節較為沉悶,總括是王晶回勇之作。

[轉貼]因為監製係王晶嘅緣故,《荷里活有個大老千》未播出先打折扣,不被觀眾睇好。不過,至今播咗兩星期,整體而言其實比想像中好,特別係一班老戲骨孭飛嘅情節,高水準演技有睇頭。可惜,金燕玲實質只係客串身份,5集已經退場,無得再欣賞佢同鄭則仕對手戲。黃栢文戲份更加少得可憐,加埋唔夠半集就瓜老襯,明明佢一秒內由警覺精明變裝瘋賣傻嘅演技相當搶眼,仲以為佢角色份屬千門八將會有更多發揮添。

好彩,雖然部分戲骨提早收工,但其他演員以及某啲情節都有吸引之處,例如李施嬅帶住文凱玲、陳雅思同劉溫馨三條女不時都爆出笑點,特別係李施嬅親身示範點樣勾引男人,三條女隨即有樣學樣一part,堅好笑;鄭則仕三不五時就露兩手高級千術,觀眾亦相當喜歡睇;撇除吳業坤偽毒形象唔討好而言,佢水鬼升城隍劇情都唔錯,都演得幾好。

當然,悶嘅情節都有唔少,例如劉溫馨同個唔收規警員嘅感情線,悶,唔使播咁多,唔該。又例如王子涵不時需要跳舞,連家中長輩都話佢淨係扭身扭勢麻麻地,偏偏劇中大讚佢跳得好好,搞到成件事好尷尬。


https://hk.lifestyle.appledaily.com/nextplus/magazine/article/20190128/2_651805_0/-有情節有笑點-要不是同王晶有關-荷里活有個大老千-口碑可更好-

TOP

這段hehe 笑死

TOP

這一段Baby John 訪問, 講翻Kent哥在大老千工作態度和肯教後輩,真是值得尊敬

TOP

本帖最後由 hkwilliamsiu 於 2019-1-30 02:27 編輯

我終於明白點解大老千咁好睇,原來王晶祗是監制,導演是鄭偉文。是前亞視導演,拍過勝者為王和千王重出江湖。
附件: 您需要登錄才可以下載或查看附件。沒有帳號?註冊

TOP

本帖最後由 moXYZ 於 2019-1-30 15:38 編輯

大老千咁好睇正正常常,

5係因為王晶想捧佢嗰女 唔hea得架      

TOP

返回列表