AK近期走晒樣近年低質咗好多

連登論壇嘅一班連登仔不時發起女神選舉，近日就有網民以「兩位45歲人妻大對決! 楊卓娜 VS 謝安琪AH KAY (AK)」為題出PO，將同樣係45歲嘅楊卓娜和謝安琪作比較，一人一票投選出最索人妻，PO主更講明今次大對決係以近年嚟計，唔係鬥全盛時期。截至1月9日晚上11時，楊卓娜以近2468票抛離謝安琪1335票，有網民仲叫謝安琪讓位。

有「最強繼母」之稱嘅楊卓娜與「燈箱大王」男友楊志翹拍拖12年，即使未完婚，但生活幸福美滿。楊卓娜更曾透露男友經常求婚，二人將於明年辦喜事。楊卓娜愛情得意，演藝事業亦陸續被觀眾賞識，即使多飾演配角，但演技仍然被大讚，例如去年於《童時愛上你》、《美麗戰場》及《超能使者》等多套劇集中嘅表現都被指有驚喜。楊卓娜更加保養得宜，一班網民都盛讚佢有女人味，對眼好似識講嘢咁：「楊卓娜嗰種媚態超正」、「對眼好似會吸我入去咁」、「一定係娶佢做正印」等等，又有網民表示自己識楊卓娜：「真人好身材又好靚，份人亦nice。」

謝安琪2007年與張繼聰結婚，育有一子一女。結婚15年，張繼聰將其全部收入上繳，保持拍拖追求謝安琪嘅心態，係娛樂圈中數一數二嘅模範夫妻。不過二人嘅戀情一開始並不被看好，不但因為係姊弟戀，加上當時謝安琪正值事業上升期，被指女尊男卑；隨着張繼聰發展成為多棲藝人，接拍更多廣告，慢慢令網民接受呢段戀情。不過，一班網民就認為謝安琪近期走晒樣，仲指佢髮型不斷出事：「女人咁上下年紀真係唔可以染金毛」、「近年低質咗好多」、「不嬲都唔高，硬照靠PS，上鏡靠重裝甲，都唔知點解一班人當女神」、「謝安琪宜家開始似邵音音」等等，又有網民重提謝安琪於叱咤樂壇流行榜頒獎典禮唔唱歌事件。

https://hk.news.yahoo.com/%E6%A5%8A%E5%8D%93%E5%A8%9Cv-s%E8%AC%9D%E5%AE%89%E7%90%AA-45-%E6%AD%B2%E4%BA%BA%E5%A6%BB%E5%A4%A7%E5%B0%8D%E6%B1%BA%EF%BC%81%E7%B6%B2%E6%B0%91%E4%B8%80%E9%9D%A2%E5%80%92%E6%8A%95%E6%A5%8A%E5%8D%93%E5%A8%9C-045841404.html

見到大媽謝安琪就想嘔