返回列表 發帖

王菀之《星空》下的矛盾人生

王菀之《星空》下的矛盾人生



人生,就是矛盾。
《星空》每句前後都是意義相反的對比,
馮翰銘的編曲與王菀之的演繹,
將主歌鋪排得黑暗沉陷,然後於副歌來個幸福完滿感,
造成了強烈的反差,讓弦樂部分的王菀之,聲音變得溫柔圓潤。

編曲由始至終都以鋼琴貫穿,
只有第二段突然混入多種樂器,
還有音效干擾了歌者的聲音,應了那句「說不清」的詞意。
一開首與副歌前都是綿密的琴音,跟著迎來一剎寂靜,
亦是急促壓逼,與輕緩放鬆的突然轉換。

空虛、清冷,還是滿足、溫暖?
《詩情.畫意》中曾經有一首浪漫的《滿天星》,
抬頭盡是星光,是盼望,
走到現在《星空》,
摘下一顆又一顆,剩下一片空白,不再閃爍。
《滿天星》就像冬日嚴寒下的一點暖意,
《星空》則是冰凍荒涼與熱熾活力間的兩極衝撃。

從前期望上帝聽到,現在怕祈求都沒有對象,
因為得到了一切,星星已經盡歸己有,再無所求;
從前別要清醒,夢裡盡情,現在領悟了,
在夢中願望實踐也沒用,若然成真,反而會怯慌。
王菀之寫下過溫馨浪漫,當下已經變了調,回不去。
這是《滿天星》的童話夢,對照《星空》的現實,
但《星空》沒有徹底放棄以前的夢幻想像,
所以就載浮載沉,聲音與樂器都在轉來轉去。

林夕的詞全是兩面,比對當年王菀之的單純單向,
既是問題,亦是答案,充滿暗示,歡迎對號入座。
「太空」在這裡不是名詞,而是形容詞,
三個音樂人,在曲詞編唱中呈現了「無時無刻矛盾」的境界。

套用在王菀之的歌唱生涯上的解讀,
就是曲高,卻會和寡。
堅持創作稜角,就沒有主流支持,入不了屋;
搖身一變,迎合坊間所需,拍劇唱舊流行曲,進軍口水歌市場,就大受歡迎。

延伸到「討厭政治」的論調,就有「出世/入世」的想像,
正如3C文章所指,
若然徹底離地 (高空摘星),就過份抽離,清高都變得太凍太難接近;
若然完全入世 (沒人造夢),那又悲觀過頭,欠缺了盼望,及向上的勇氣。

還有更多更多的聯想。
活在過去時,就為了未來奮鬥;
當未來成為現在,卻又覺得過去才是最好。
追求夢想,是因為想達成夢想,
到達成後,卻又失落了人生目標,落得虛空。
沒人去摘星,沒有人造夢,就人人只會甘於平凡,
但若人人都去摘星,就會把高不可攀的星都清空。

想閉關思索,但不出門又怎體驗生命?
想融入群眾,但不作旁觀者又怎能看穿全局?
給人看到的,永遠只是表面,偏偏心底其實想有人全然了解自己的內心真實
但永遠偽裝,永遠不能敞開最深處的那個自己,甚至連自己的思想,最後都隱藏封閉起來。
人,本來就是矛盾的動物。

全文刊於:
王菀之《星空》下的矛盾人生

《星空》


《滿天星》

自從up左句我討厭政治,就對佢有少少改觀,希望佢可以慎言,唔好做食樹皮都幾cutie丫2.0

首歌ok 100% credit from 林夕詞
個melody好普通,完全無左畫意我來自火星手望雷電既驚艷同脫俗

最後想講
一個人無政治sense又點會成功?
JM 2016

TOP

本帖最後由 powerful 於 2013-10-13 01:02 編輯
自從up左句我討厭政治,就對佢有少少改觀,希望佢可以慎言,唔好做食樹皮都幾cutie丫2.0

首歌ok 100% cre ...
張少 發表於 2013-10-13 00:41


難道一句言論,就會讓佢所作既歌不再好聽,聲音不再動人?

當然知道明星係一個形象工程,
只係喜歡王菀之從來並唔牽涉政治取向,
而且佢所說既,已經被無限放大,
甚至非其原意,Ivana本人都有大方解釋過,我又唔會太介意。

有message有political sense既歌當然會入心,
但《星空》都一樣有其欣賞價值。

另外,心底亦希望林夕可以同佢多D交流下政治心得,話唔定可以開到另一條歌路。

TOP

本帖最後由 mosesming 於 2013-10-13 01:20 編輯
自從up左句我討厭政治,就對佢有少少改觀,希望佢可以慎言,唔好做食樹皮都幾cutie丫2.0

首歌ok 100% cre ...
張少 發表於 2013-10-13 00:41

其實Ivana句「我討厭政治」本身應該有比較深少少既意思,不過作為一個年紀唔輕又唱左咁多年既歌手黎講,佢將成件事諗得太純真,又幫錯對象,結果變左大家心中既港女代表。依家唔同以前,以前歌手藝人可以政治無知(或者扮政治無知),專心唱歌滿足聽眾,但依家仲以唔談論政治為榮既話,聽眾只會覺得你冇思想冇智慧,唱既野冇哂說服力。

難道一句言論,就會讓佢所作既歌不再好聽,聲音不再動人?

當然知道明星係一個形象工程,
只係喜歡王菀之從來並唔牽涉政治取向,
而且佢所說既,已經被無限放大,
甚至非其原意,Ivana本人都有大方解釋過,我又唔會太介意。

有message有political sense既歌當然會入心,
但《星空》都一樣有其欣賞價值。

另外,心底亦希望林夕可以同佢多D交流下政治心得,話唔定可以開到另一條歌路。
powerful 發表於 2013-10-13 01:00

其實一句說話真係可以有好大影響力。係「我討厭政治」之前,大家都認為Ivana應該係對社會有一定了解,參透左唔少道理,先作得出一連串有意思既作品,所以從來唔會懷疑佢作品既深度,但句野一出,大家突然發覺原來佢諗野都係咁片面,之前啲歌原來冇想像中咁有message,呢點好致命。講政治唔一定要大鑼大鼓咁批評政府先叫有良心,亦冇要求Ivana要唱咩政治歌,不過太刻意簡化一個本來就係好複雜污濁既政治生態,不但出賣左自己既形象,亦或多或少令聽眾覺得歌者太低估佢地既智商。
DM多仔多到覆唔哂

TOP

本帖最後由 張少 於 2013-10-13 01:15 編輯
難道一句言論,就會讓佢所作既歌不再好聽,聲音不再動人?

當然知道明星係一個形象工程,
只係喜歡王菀之 ...
powerful 發表於 2013-10-13 01:00



甘又唔會既,只係覺得佢甘大個人do the wrong thing at a wrong time, 令到成件事錯晒
你知啦
而家香港政治甘緊張,up錯一句野的確會好嚴重

放心
林夕好錫佢



其實Ivana句「我討厭政治」本身應該有比較深少少既意思,不過作為一個年紀唔輕又唱左咁多年既歌手黎講,佢 ...
mosesming 發表於 2013-10-13 01:06



absolutely!
做一個有骨氣既歌手好過成日唱口水歌
JM 2016

TOP

其實Ivana句「我討厭政治」本身應該有比較深少少既意思,不過作為一個年紀唔輕又唱左咁多年既歌手黎講,佢 ...
mosesming 發表於 2013-10-13 01:06



   其實個次件事 IVANA後尾都有道歉同埋解釋番
我覺得講錯小小野 其實冇乜野
如果話因為講錯一句說話
就抹殺所有音樂成就我就覺得講唔過去
不過 好似上面咁講 真係要慎言啦
依家網絡太勁~
上次講句草地都比人插成咁就知幾得人驚~

TOP

首歌ok 100% credit from 林夕詞
個melody好普通,完全無左畫意我來自火星手望雷電既驚艷同脫俗
張少 發表於 2013-10-13 00:41


今年她的派台歌都可謂欠缺棱角及易入口 呢份有深度的歌詞出現顯得更加難得 雖然音樂角度黎睇都係無咩驚喜

TOP

回復 5# 張少
有林夕錫就得

TOP

已經出左MV同鋼琴版,
個MV拍得幾有意思,莊少榮真係拍到滿天星同星被清空的對比,
跟我個解讀相似,就係一個畫面接下一個時,係矛盾、相反或分裂既心境。

至於Piano Version無左轉換樂器的編排,
冇左兩極的衝撃,又回歸《滿天星》簡約樸素的處理,
不過旋律就由甜蜜感覺變成清冷。

知道最近王菀之剛做了基本法代言人,有時都為佢覺得矛盾,
離地入世之間,佢應該作點樣既選擇?
好似以前咁不問世事,做番沉默的一群?
但若回應政治,卻怕佢離我地群眾,反而愈來愈遠。



TOP

返回列表