- 積分
- 4675
- 貢獻
- 504
- 參與
- 4171
|
港大理大浸大先後退聯, 你點睇?
哩幾日留左政改新聞外, 另一樣值得大家留意就係退聯事件。繼早前港大率先退聯後, 哩兩日理工大學同浸會大學都相繼成功退聯,
三間U 加埋既會員人數估學聯總人數接近47%, 學生們親身表態退聯絕非小事, 亦非無獨有偶.
亦同時意味著而家退聯派同留聯派所代表既學生亦接近平分秋色
唔知大家點睇今次事件?
大家係支持留聯定退聯?
支持退聯既, 其因故在?又覺得之後可以點發展?
反對退聯既, 又有咩原因? 哩刻8間U走左3間, 學聯前路可以點繼續行?
我個人而言, 我係支持退聯.
先唔計屢次係雨傘革命(UR)中講錯野/做錯事/同本土派席....
學聯成立多年, 以支持大中華建立民主制度為目標....
廿年前都可能岩用, 但近年時代同好多人既心態已經徹底轉變
唔再自命為中國人, 香港既本土主意油然而生
(事實上中國同香港根本好多思想價值觀及制度都南轅北轍, 更荒謬係明明香港係1842年正式開埠, 何以會回歸比一個1949年先成立既新中國???)
對於本土主義既崛起, 學聯冇留意留意之餘, 亦未能根上時代巨輪既步伐, 更加公開支持雙非孕婦在港權益
再加上城大學生會黑底黑字去宣傳退聯投票, 為左唔比人退聯, 無所不用其極, 非常荒謬
可見退聯事件絕非純粹針對UR學聯失敗而發生, 而係經過左長年累月, 大家見到學聯腐敗既一面, UR只係將哩D 問題曝光於大家眼前
可能你會問, 咁退聯後, 大大削弱左學生運動力量, 甚至令社運群龍無首, 對社運百害而無一利
但當日928時, 又係咪由學聯領導呢? 其實都係民眾自發, 係冇啦啦唔知做咩會推左雙學出黎做領導
退聯哩樣野都係首次出現, 之後既社運發展係點冇人會PREDICT 到(正如928當日, 冇人諗過會發展成香港史上一場波瀾壯闊但失敗左既UR)
我諗大家都係摸著石頭過河, 我地而家可以做既...就係繼續支持哩班學生, 等佢地知道自己唔係孤身走佢路
最後, 我會點評價學聯?
坦白講, 我讀U 果陣由頭到尾都唔多覺哩個組織存在, 但學聯竟然係由我一入U到畢業果刻都代表著我去發聲:O) |
|