Board logo

標題: 我看叱吒 2015 [打印本頁]

作者: powerful    時間: 2016-1-2 14:05     標題: 我看叱吒 2015

我看叱吒 2015



每年的一月一日都是香港樂壇較矚目的一天,因為有商業電台的叱吒樂壇流行榜頒獎典禮,至少在電子傳媒界別直至現在,還是最有公信力、代表性或話題性的一個頒獎禮。商台本來就以大膽作風聞名,敢於提拔後起之秀,古巨基、陳奕迅、楊千嬅等都是由這個電台力捧至天王天后的地位,近年也有方大同、謝安琪與 RubberBand 等,只是愈來愈有向大公司靠攏之勢,開始分豬肉,即根據唱片公司配額分獎,又隨著舊人淡出,新人未有能力或流行度接捧,舊樂迷對於頒獎禮的熱情漸減 (往年每一年我都參與投票我最喜愛歌手獎項,今年竟然忘記了),適逢俞琤退位,2016 續牌在即,一切一切都在造就一個新時代的開始,以下歸納了幾點觀察與所感:

一. 全晚最驚喜,亦是最驚嚇的,當然是坤哥成為大贏家,除大熱的生力軍金獎,還橫掃了歌手們夢寐以求的「我最喜愛」系列,在網上投票壓過陳奕迅、張敬軒與周柏豪得到男歌手獎,又在現場投票力壓全年傳唱度最高的《羅生門》,憑《原來他不夠愛我》奪最後歌曲大獎。對上一次有新人能奪投票獎項,應已是1990年的《相逢何必曾相識》,所以傳奇並非沒有發生過,只是為時已久,大家樂於再締造一個奇蹟而已。

坤哥奪大獎其實是有跡可尋,坊間看到的「TVB奪獎而眼鏡霧化」並非起因,而是將本來已入屋受歡迎的他再推上一層樓。我最喜愛的男歌手投票其實早在TVB頒獎前已完結,若903真的跟從「你敢投,我敢頒」的原則,那坤哥一早在網上已是最高票數。健吾、瓊姐等網上紅人幫忙拉票是一大關鍵,坤哥要多謝他們是必然,但更重要是坤哥懂得怎樣在網上推銷自己的形象,而這就是新時代的趨勢 – 不靠傳統唱片公司與傳媒宣傳,網上平台可打出另一片天。當然,坤哥還有電視台優勢,自參賽《超級巨聲2》後一直保持高度但不過份的曝光,甚至因為他不是TVB最力捧的對象,而令觀眾增加了同情。種種因素造就他突圍而上,第一年有自己的歌就可以備受最高的肯定。

坤哥本身亦有頗佳的人緣,且看歌手與幕後對他都不抗拒,甚至不介意為他推廣可知一二,他固然幸運地代表了一眾默默耕耘未得賞識的音樂人們,上台接受光環,但他自身不怕出醜,予人真誠的印象亦是致勝之道 ╴這一點,他其實有點像從前的楊千嬅,大情大性又笑又哭。楊千嬅在00年首奪叱吒女歌手金獎的哭相,是叱吒一直為人津津樂道的時刻,然而她撃敗一眾當時得令的天后 (王菲、鄭秀文、陳慧琳皆在席上) 絕對惹來大量非議,這些批評亦一直緊隨楊千嬅,如她樣貌不漂亮、唱功不濟、扮喊等,跟今時今日的坤哥一模一樣。不過00年的楊千嬅其實不只得一首金曲《少女的祈禱》,還有優秀的專輯,及之前幾張叫好叫座的概念大碟; 坤哥《原來他不夠愛我》與《陽光點的歌》都算為人熟悉,但只有一張EP,與之前在youtube頻道累積下來的口水歌,在製作好音樂的路上還很遙遠。

楊千嬅現已走過去並成為天后,很可能不再參與叱吒這些樂壇競賽,既有坤哥傳承,就看他有何造化就看他能否維持其謙遜率真的態度,不因幾個獎項就自滿,反面例子就是容祖兒,拎左獎唔知做咩好,一臉囂張,一直至今都未能重返叱吒的我最喜愛。這個獎其實一直都有鋤強扶弱的意味,大台俾我就唔俾,大台唔俾我偏要俾,《年少無知》、《撐起雨傘》都是好例子。

二. 《羅生門》全城大熱,但在主要樂壇頒獎禮暫時都一無所獲,還可說是因為細公司分不到豬肉; 來到叱吒本是吐氣揚眉的時機,卻在專業推介僅得第六位,投票亦輸給《原來他不夠愛我》,就令不少樂迷大跌眼鏡。歸根究底,《羅生門》在年中推出,年尾已滑落不少,還有麥浚龍看似對獎項不稀罕的態度,將游離票轉送給渴望得到認同的坤哥,因為他能明確地傳達給大家一個訊息,他很需要這份肯定,這就是TVB得獎所推的最後一把。

說句實話,無論麥浚龍怎樣以高品味自居,《羅生門》與《原來他不夠愛我》都是典型港式情歌,質素不能說相差很遠,所以《Addendum》奪至尊碟對他應該更有意義,這是專輯企劃概念的勝利,《羅生門》的走紅並不止歌曲本身,實是背後十年的故事,要連同《耿耿於懷》《念念不忘》來聽才有一加一大於二的效果。《羅生門》所販賣的是一種情意結,對舊日廣東K歌的懷念,跟《原來他不夠愛我》代表年輕人,就是另一個世代之爭。畢竟麥浚龍都已是舊人,《雌雄同體》首奪十大的激動已是十年前,他再沒有這種激昂的喜悅,就決定了《羅生門》的命運。不過專輯內沒有《耿耿於懷》,卻在台上唱這首歌是有點突兀,較理想的處理應是《耿耿於懷》與《念念不忘》合成一曲演繹,不過聽麥浚龍吃力的現場表演,還不如不聽 – 這又是另一致命傷,麥浚龍從不是實力派,在外界眼中,麥浚龍不懂唱歌,吳業坤也不太懂,為何不選一個年輕的,有潛力進步的人呢? 至少吳業坤還更有誠意在樂迷面前表演呢。這一點其實也是2015年區議會的啟示。

三. 變天的不只得坤哥,Supper Moment 也在這個晚上正式上位。首奪十大、組合金獎與我最喜愛的組合,三個大獎成為大贏家。這個肯定其實遲來了,13年的《無盡》本就應該帶領他們登頂,然而兩年過後,樂隊沒有新突破,沒有推出任何專輯,《幸福之歌》流行度甚至不復《無盡》《小伙子》的高度,對手 C Allstar 推出了一張精彩的本土大碟,加一張有創意與不同單位合作的細碟,一個演唱會,為何形勢會忽然逆轉? 在非官方的播放率統計中,C Allstar 還是第一位,與 Supper Moment 有三十多次的距離,換言之商台是刻意調位讓 Supper Moment 封金,在沒有公司與外界壓力下何以有這樣的調動?

這大概是商台銳意換血的決心使然。陳奕迅與楊千嬅的缺席,代表他們的時代已經結束,既然是晚主題是送舊迎新,就順水推舟為Supper Moment 正名。Supper Moment 亦無愧於其寵愛,《幸福之歌》現場版是全晚的亮點,是 Supper Moment 最精彩的演出之一。可惜的是 C Allstar 沒有唱歌的機會,連十大都被換走了,他們在商台的待遇其實跟 Twins 有點相像,不是樂隊所以總不是最喜歡的愛將,從前的獎項多是因為流行度高,不能不給。C Allstar 永遠是一個後補,如果 RubberBand 那年活躍,C Allstar 就要退位讓賢; 然而 C Allstar 的現場表演或專輯水平都比 Twins 出色得多,他們亦敢於嘗試不同曲風並能駕馭有如,《生於斯》無容置疑是2015年香港樂壇一張重要的廣東專輯。《逾越生死》這樣接近十大都不得要領,不知這隊組合要等到何年何月了。

四. 風光的新世代還有林欣彤的第一首十大,是除橫掃的坤哥之外,另一位巨聲幫。亦有林奕匡,繼去年《高山低谷》勇奪十大,今年再有上台演唱的機會,亦不負眾望地有出色的演出。唱作人金獎是一個好的踏腳石,讓他向樂壇更高位置進發,也可是一個滯留點,就以後在唱作區內徘徊。林奕匡有創作力,有親和力,也有好歌聲,難得 DJ 與樂迷都賞識,希望 Sony 好好栽培,好好推廣他的音樂。Dear Jane 出道十年亦首奪組合銅獎,也是得來不易。加盟華納後的 Dear Jane 情歌比例多了,亦吸引了新粉絲去聽他們唱失戀心聲,要討好群眾無可厚非,不過不能忘卻初衷,2015年連續三首《咖啡因眼淚》《遠征》《七百萬種樂與怒》都有點他們昔日的影子,有熱血回歸之感,想繼續上台就要繼續像這一年般取個巧妙的平衡了。

五. 縱使舊人在逐步退位,歌曲三甲其實仍是天王天后包辦。陳奕迅缺席都有至尊歌,就請李克勤與容祖兒放棄奪至尊的念頭吧。來年叱吒是年輕人的天下,還看到這兩位在爭獎,不知他們有何感想,或是希望代表團隊得個肯定吧。楊千嬅從未得過至尊歌,《小城大事》被換走的一次是最接近,現在似乎沒有機會了,不過她也早早放開,在家享天倫樂還更好,去年的金獎可能是最後在樂壇頒獎看到她的身影吧,也算是完美落幕。繼2004年的金牌,2015年的英皇誕生了男女金獎的得主 – 張敬軒與容祖兒。剛好陳奕迅淡出,周柏豪去年封王要衛冕又未夠認受性,坤哥奪我最喜愛而沒有雙料問題,張敬軒今年的金獎其實來得相當僥倖,他的歌沒有去年《青春常駐》的矚目,派台出碟沒有2009年的勤力,幸好有人氣又有實力,沒有人會懷疑他不實至名歸的。容祖兒已有第十個女金獎座了,無需多說,含金量有多少,大家都心中有數。

六. 幕後人大獎宣佈時,圍繞的話題是網絡23條。再多的質疑都不及創作人台上一句話,黃偉文說出「政府可以告我自己改我自己既歌」,現場與聽電台的人都收到了,意思清晰明確,比不知所云、繁複難解的懶人包更有力,更一針見血。我們要保護自己的創作自由,就要多發聲,多關心,不能不了了之任由惡法通過,不能一句事不關己就置身事外。政治離我們的生活很近,當法律不能保障自身權利或人命財產時,當人身安全都開始受威脅時,一切就已太遲。

2016年1月1日見證港樂的改朝換代,且看新的一年,香港的樂壇及社會會否有新的衝撃與希望。

全文:
我看叱吒 2015
作者: nicholashin    時間: 2016-1-2 14:15

版主好文筆
不過Dear Jane上年已經拎左組合銅獎 今次已經係第二次拎
作者: powerful    時間: 2016-1-2 14:16

版主好文筆
不過Dear Jane上年已經拎左組合銅獎 今次已經係第二次拎
nicholashin 發表於 2016-1-2 14:15


係啊,唔記得左添。
作者: bagfgfcde    時間: 2016-1-2 14:30

對上一次有新人能奪投票獎項,應已是1990年的《相逢何必曾相識》,所以傳奇並非沒有發生過,只是為時已久,大家樂於再締造一個奇蹟而已。

最近一次應該係Twins 2001年既我最喜愛組合
吳業坤個fans base打得非常厲害 翻唱等等都令到佢係出道前已經儲落唔少忠實fans
天時(TVB)人和(健吾等人拉票)都齊 903又肯俾 結果雖然意外但又唔係無跡可尋
作者: powerful    時間: 2016-1-2 14:34

本帖最後由 powerful 於 2016-1-2 14:40 編輯
對上一次有新人能奪投票獎項,應已是1990年的《相逢何必曾相識》,所以傳奇並非沒有發生過,只是為時已久, ...
bagfgfcde 發表於 2016-1-2 14:30


唔好意思,打得太急,冇考究到添,原來 Twins 都創過歷史。
作者: mrshadowll    時間: 2016-1-2 14:38

Supper Moment應該係2013拿最組!!!今年應該留給C AllStar
作者: JayantL    時間: 2016-1-2 14:40

Supper Moment應該係2013拿最組!!!今年應該留給C AllStar
mrshadowll 發表於 2016-1-2 14:38


我最喜愛獎項903無法控制 何為應該唔應該?
作者: JayantL    時間: 2016-1-2 14:43

都係果句
結果雖然不盡如人意

但今年我見翻903昔日嘅guts
唔係指坤哥奪得我最喜愛呢啲投票獎項
而係指會有大公司左右嘅播放率獎項
SM係一個好好嘅積極例子
作者: mrshadowll    時間: 2016-1-2 14:44

我最喜愛獎項903無法控制 何為應該唔應該?
JayantL 發表於 2016-1-2 14:40

理論上叉團咁努力,應該拿最組
作者: Kyle_    時間: 2016-1-2 14:59

力量哥又出文

都係果句
結果雖然不盡如人意

但今年我見翻903昔日嘅guts
唔係指坤哥奪得我最喜愛呢啲投票獎項
而係指會有 ...
JayantL 發表於 2016-1-2 14:43

的確係, 係叱吒細公司係可以拎到大獎, 仲唔止一個
哩個係叱吒夠GUTS 既地方
特別當你見到今年TVB 比SM既獎係傑出表現時, 人地係903已經拎十大+組金+最組
作者: Pure.    時間: 2016-1-2 15:06

其實 C AllStar 都唔算舊, 冇必要咁快送舊迎新調佢哋落組銀囉
作者: ericp222    時間: 2016-1-2 15:12

一路走來 來之不易 每一步都有血有肉
遙想當年楊千嬅得獎感言
便會明白當年一切都靠自己跟團隊一起打拼
坤哥 加油
作者: 小豆町    時間: 2016-1-2 15:13

我最喜愛系列(歌曲除外)冇左現場投票+唱票 就已經可以控制啦
照計c allstar今年應該繼續拎最組 有歌 又有演唱會
SM 上年無盡咁hit 都拎唔到
今年幸福之歌冇左之前果聲勢 反而拎到
唔係903控制 係咩
作者: JayantL    時間: 2016-1-2 15:19

力量哥又出文


的確係, 係叱吒細公司係可以拎到大獎, 仲唔止一個
哩個係叱吒夠GUTS 既地方
特別 ...
Kyle_ 發表於 2016-1-2 14:59


留名睇rthk SM白果XD為C AllStar可惜 佢哋今年嘅表現唔理應只得組銀~但亦都為SM頒獎禮大贏家而激動(雖然係同坤哥並列
作者: 酷愛903    時間: 2016-1-2 15:35

留名睇rthk SM白果XD為C AllStar可惜 佢哋今年嘅表現唔理應只得組銀~但亦都為SM頒獎禮大贏家而 ...
JayantL 發表於 2016-1-2 15:19

唔會掛??
作者: -Prince-    時間: 2016-1-2 15:43

本帖最後由 -Prince- 於 2016-1-2 15:45 編輯
我最喜愛系列(歌曲除外)冇左現場投票+唱票 就已經可以控制啦
照計c allstar今年應該繼續拎最組 有歌 又有 ...
小豆町 發表於 2016-1-2 15:13


唔好忘記
無盡2014年既港視事件係再推左隻歌
而此消彼長 c allstar 既新鮮感係跌左唔少 同時走唔出既有框框

最組同組合金銀勢均力敵
今次係2013年既翻版
輸哂兩個既一方真係會好慘

不過今年再慘d係逾越生死個十大都無埋
最後年尾比黃昏點唱機踢出黎
作者: kwanie    時間: 2016-1-2 15:45

我最喜愛系列(歌曲除外)冇左現場投票+唱票 就已經可以控制啦
照計c allstar今年應該繼續拎最組 有歌 又有 ...
小豆町 發表於 2/1/2016 15:13

「有歌 又有演唱會」
向來已經唔係我最喜愛既指標啦
你睇下容。
作者: Nathan    時間: 2016-1-2 15:45

本帖最後由 Nathan 於 2016-1-2 15:47 編輯

如果坤哥要行千嬅條路,

要大情大性佢係頒獎禮上已經見到,


要入屋有TVB戲,節目,再加網上幫左唔少.


但佢仲需要好既音樂班底同做人智慧,  否則行唔遠.
作者: kayzzz    時間: 2016-1-2 15:49

如果坤哥要行千嬅條路,

要大情大性佢係頒獎禮上已經見到,


要入屋有TVB戲,節目,再加網上幫左唔 ...
Nathan 發表於 2016-1-2 15:45



    其實fa好醒,大性大情得嚟講野得體,唔係坤哥可以相比

Fa講野嗰種智慧, 坤哥永遠唔會有
作者: tom    時間: 2016-1-2 15:59

CAS得組銀 真係十副眼鏡都唔夠跌
明明2015年比起往年都更值組金+最組
作者: rfv123    時間: 2016-1-2 16:09

903的確係有guts
我覺得903尋日打了好多巴掌落大台到
還記得大台funfun選 男歌手頭三位同今日既賽果 真係大台邊敢頒!

樂見mag可以走上台 我眼中佢係歌姬 佢可以走得更高 但事與愿違佢遇上病患 希望叱吒今日既獎可以幫番佢打一枝強心針 走番上去 拎到女歌手獎!
作者: JasonYuen    時間: 2016-1-2 16:29

對於kay今年2015攞最女, 再度蟬聯, 大家有咩睇法?
作者: liebe    時間: 2016-1-2 16:33

本帖最後由 liebe 於 2016-1-2 16:34 編輯
對於kay今年2015攞最女, 再度蟬聯, 大家有咩睇法?
JasonYuen 發表於 2016-1-2 16:29


支持,但驚喜。
冇諗過冧到莊。
以為係楊千嬅。

等緊叱咤2016年畀女金謝安琪。

Btw謝冇蟬聯過,第一次有獎蟬聯到。
作者: victor1991415    時間: 2016-1-2 16:33

琴晚俾我最大感覺係一個舊時代正式終結
千嬅 Eason 基仔依經同頒獎禮唔再聯上關係
容祖兒揹住成間公司 要放開都冇咁易
李克勤其實都係稀客 間中先出現下
嚟緊真係屬於pakho Hins Kay Ivana Fiona Kary etc 呢班
當然唔排除容祖兒會繼續成為眾歌手之后 每年繼續出現
認同坤哥琴晚係令人想起楊千嬅
2000年楊千嬅首奪女金 打贏王菲,Sammi 同Kelly
2015年坤哥首奪最男最歌 贏既係陳奕迅,張敬軒,羅生門
兩人同樣地係大喊包
楊千嬅咩都冇,剩係心口有個勇字
坤哥有副出霧既眼鏡
拎獎個一刻,大家都知係爆冷,但觀眾支持既多於反對
掌聲如雷
坤哥如果係照楊千嬅條路咁行,咁佢唔使好耐就可以坐到天王既位置
楊千嬅好醒,佢講既每一段speech 都好有意思,令人覺得佢有智慧。坤哥加油!
作者: JasonYuen    時間: 2016-1-2 16:41

支持,但驚喜。
冇諗過冧到莊。
以為係楊千嬅。

等緊叱咤2016年畀女金謝安琪。

Btw謝冇蟬聯過,第一次 ...
liebe 發表於 2016-1-2 16:33


me too. 嚇咗驚, 真係估唔到今年仲可以蟬聯最女...以為有個女銅已經好滿足啦
作者: JasonYuen    時間: 2016-1-2 16:43

希望坤哥可以堅持落去啦, 嘗試多啲歌路. 好驚佢會好似許廷鏗咁樣永遠一種風格一種唱腔, 走唔出自己...
作者: issacshek1106    時間: 2016-1-2 16:50

其實大家又唔好講到坤同千嬅似,
千嬅起碼努力了幾年先儲到2000的女金同人氣,千嬅出左好多好聽既歌
坤只係第一年,出左兩隻歌已而,佢既努力絕不能與千嬅相題並論!
作者: liebe    時間: 2016-1-2 16:52

本帖最後由 liebe 於 2016-1-3 01:16 編輯

Del.
作者: -Prince-    時間: 2016-1-2 16:52

Btw再講多次 ig到四星期前已爆票選賽果,
仲講到明造馬,
應該要繼續跟進。 ...
liebe 發表於 2016-1-2 16:52


其實呢件係咩事
有無多d資料
作者: kwanie    時間: 2016-1-2 17:03

其實呢件係咩事
有無多d資料
-Prince- 發表於 2/1/2016 16:52

叱?我最喜愛男、女歌手、組合都係造馬。
http://forum5.hkgolden.com/view.aspx?message=6193567&type=ET
作者: JayantL    時間: 2016-1-2 17:30

Btw再講多次 ig到四星期前已爆票選賽果,
仲講到明造馬,
應該要繼續跟進。 ...
liebe 發表於 2016-1-2 16:52


冇咩好跟進 尤其當現場反應出到來 冇人會懷疑坤哥個最男
作者: 星勤    時間: 2016-1-2 17:34

hocc share 左
作者: JasOh103    時間: 2016-1-2 17:49

hocc share 左
星勤 發表於 2016-1-2 17:34

舊人舊事舊模式是時候讓出空間來(包括我地呢d老餅),讓新血新生命陸續萌生。
vs
創業難 守業更難


作者: lms+spray    時間: 2016-1-2 17:57

hocc share 左
星勤 發表於 2016-1-2 17:34
喪Do男Leo都share咗呢~~
-------------------------
今年我最喜愛歌手嘅投票
我都淨係投咗第二階段嘅男歌手
第二階段嘅個人原因係因為覺得難揀
但主要原因同樓主差唔多: 唔記得
我相信唔多唔少係因為今年投票搞得比較遲、投票期較短
唔知道轉贊助係咪咁大影響……
作者: 釘釘    時間: 2016-1-2 18:20

叱?我最喜愛男、女歌手、組合都係造馬。
kwanie 發表於 2016-1-2 17:03



    識得中文閱讀理解既都知 做乜JE
作者: 艾石仔    時間: 2016-1-2 18:27

其實KG拎獎唔係唔好,
正正就係打左樂壇班友仔一巴, 特別係一年黎苦心經營網上CLICK RATE既公司~
成日話幾百萬幾千萬CLICK RATE,
但都唔夠日日係FB做直播既威力強勁
都唔夠唱片公司SELL GIMMK玩十年故事咁勁,
只要你有親和力同勤力, 你一樣可以上到台得到認同
希望華納好好諗下, 唔好再係YOUTUBE到煲大CLICK RATE
作者: martinki    時間: 2016-1-2 18:36

喪Do男Leo都share咗呢~~
-------------------------
今年我最喜愛歌手嘅投票
我都淨係投咗第二階段嘅男歌手
第二階段嘅個人原因係因為覺得難揀

但主要原因同樓主差唔多: 唔記得
我相信唔多唔少係因為今年投票搞得比較遲、投票期較短
唔知道轉贊助係咪咁大影響……lms+spray 發表於 2016-1-2 17:57


me2....其實我係見JUNO無入5強...一嘢將手上果5張票都掟比KG
作者: 最好的債    時間: 2016-1-2 18:37

提示: 作者被禁止或刪除 內容自動屏蔽
作者: 最好的債    時間: 2016-1-2 18:40

提示: 作者被禁止或刪除 內容自動屏蔽
作者: Gary    時間: 2016-1-2 18:57

真係唔好將坤哥同人瑞拉上關係
佢地一D都唔似
千FA2000年攞女金果陣都係靠前幾年既音樂努力累積番架
而且千FA果D先至係至情至聖,毒坤明顯刻意營造咁既形象黎迎合市場
作者: Kyle_    時間: 2016-1-2 19:00

琴晚睇毒坤拎大獎時我都諗起千嬅2000年拎女金果幕
好爆 黑馬跑出
但毒坤既觀眾緣及音樂作品同千嬅比真係差天共地
作者: matthewyky    時間: 2016-1-2 19:18

搵吳業坤同楊千嬅比真係oh my god.
作者: hkwilliamsiu    時間: 2016-1-2 19:25

本帖最後由 hkwilliamsiu 於 2016-1-2 20:16 編輯

今次坤哥攞奬,我都感慨萬千。像早一日,我力撐坤哥源於大家踐踏他才出post。我從來以為坤哥是陪襯品,是tvb和商台的棋子,祗是利用他的人氣來達到目的。真的估不到會攞最喜男歌手和歌曲大奬。我亦有在坤哥facebook留言叫他不要給勝利沖昏頭腦,要努力創作更好作品。今次得奬源於陳奕迅不去叱咤才改寫歷史,祗是今次幸運降落坤哥身上,希望大家多多包容。
坤哥後來facebook 亦有回應:
這一天就讓我無拘束的享受這三個獎項的榮銜和大家對我的愛。
我真的知道,幸福不是必然,努力過不代表有收獲,一刻的光輝可以瞬間消失,可能會有很多不同正面或負面的聲音和意見出現,但我是怎樣的吳業坤,我很愛唱歌和我是偽毒,我最清楚,做最好的自己。
請大家繼續聽我唱歌和聽廣東歌。


我真心覺得他亦知道自己是不配取得此奬項, 接著他會用行動証明他將來是有能力去爭取此等奬項.
作者: joyjoyee    時間: 2016-1-2 19:49

其實903搞咁多野話要有轉變, 可能都係做新聞,睇番男女歌手名單咪又係來來去去個班人。
作者: pkl    時間: 2016-1-2 21:19

903的確係有guts
我覺得903尋日打了好多巴掌落大台到
還記得大台funfun選 男歌手頭三位同今日既賽果 真係大 ...
rfv123 發表於 2016-1-2 16:09


我都好鐘意MAG
可能MISS 左上位既最好時機
但呢幾年唉字等等係有好左
同堆更加知佢想點

HOPE 903 會支持佢上得更高啦
但佢要快D 出歌囉

另外睇到佢同ALFRED 好感動

唔知herman 見到 KG 會有咩感想呢
作者: uran    時間: 2016-1-2 21:58

印象中今年係第一次聽到想爆粗

見證呢個樂壇有啲沉都係其次
最嬲係好幾個獎都唔跟AP頒

軒仔個至尊
Juno首個男銅
CAS組金+首個十大

如果你係唔想俾嘅
就應該壓AP壓得勁啲啦
造完數又得個吉,不知所謂!
作者: Tonlo    時間: 2016-1-2 22:07

好認同 power 希望下年宋生真係唔好出席
改潮換代其實一早應該要發生
係好事定壞事 睇新一輩做化啦
望廣東歌繼續發光~
作者: leung1020    時間: 2016-1-2 23:06

其實C ALLSTAR氣焰開始越黎越囂張
對前輩佢地就好似恭恭敬敬咁
對其他人佢地既態度就180度轉變
P.S. 釗峰除外
希望今次可以挫一挫佢地
之後虛心搵番自己條路出黎
作者: michaelycy_2007    時間: 2016-1-2 23:18

我有一個空想, 希望創作出一個"絕對公平"既頒獎禮機制, 希望得到大家意見 / 批評

二十首金曲: 每首於該年內派往四台 (至少一台)既歌曲都可以候選, 每首歌曲由以下四個方面評分, 得分最高二十首得獎
25% 流行榜成績: 只計第一至十位, 第一位得10分, 第十位得1分, 按照歌曲每週於四台流行榜成績計出總分
25% 播放率: 四台 (903, 997, RTHK2, TVB Jade) 播放1分鐘以上當作1次
25% 專業評審: 由獨立音樂人 / 傳媒 / 藝術工作者組成專業評審為每首歌評分
25% 全民投票: 每位18歲以上香港市民可以投票1首歌曲

男女歌手 / 組合 / 新人獎 (設金銀銅)
25% 流行榜成績: 該單位於該年派台歌曲分數總和
25% 播放率: 該單位於該年派台歌曲播放率總和
25% 專業評審: 由獨立音樂人 / 傳媒 / 藝術工作者組成專業評審為每位歌手/組合評分
25% 全民投票: 每位18歲以上香港市民可以投票1位歌手 / 1隊組合

專輯 (設金銀銅)
20% 流行榜成績: 該專輯於該年派台歌曲分數總和
20% 播放率: 該專輯於該年派台歌曲播放率總和
20% 專業評審: 由獨立音樂人 / 傳媒 / 藝術工作者組成專業評審為每張專輯評分
20% 全民投票: 每位18歲以上香港市民可以投票1張專輯
20% 銷量: 以IFPI銷量作依據

最佳作曲人 / 填詞人 / 編曲人 / 監製
25% 流行榜成績: 該音樂人於該年派台歌曲分數總和
25% 播放率: 該音樂人於該年派台歌曲播放率總和
25% 專業評審: 由獨立音樂人 / 傳媒 / 藝術工作者組成專業評審為每位音樂人評分
25% 全民投票: 每位18歲以上香港市民可以投票1名音樂人

最佳作曲 / 填詞 / 編曲 / 監製 (以歌曲為單位)
50% 專業評審: 由獨立音樂人 / 傳媒 / 藝術工作者組成專業評審為每首歌曲評分 (分曲詞編監四方面)
50% 全民投票: 每位18歲以上香港市民可以投票選出1首最佳作曲 / 填詞 / 編曲 / 監製 的歌曲
作者: kayzzz    時間: 2016-1-2 23:24

好認同 power 希望下年宋生真係唔好出席
改潮換代其實一早應該要發生
係好事定壞事 睇新一輩做化啦
望廣東 ...
Tonlo 發表於 2016-1-2 22:07



   宋生未拎至尊喎
btw世小個至尊呢??
903寧願俾個唔出席嘅eason攞至尊,都唔俾joey/hacken,你點睇??
作者: tom    時間: 2016-1-2 23:28

其實我有一點唔明
點解好似有唔少人覺得CAS愈來愈囂
我又唔覺wor 唔好同我講話Jase戴左副黑超
作者: pkl    時間: 2016-1-2 23:55

其實我有一點唔明
點解好似有唔少人覺得CAS愈來愈囂?
我又唔覺wor 唔好同我講話Jase戴 ...
tom 發表於 2016-1-2 23:28



   唔明做咩成日戴超
作者: mix_nzi    時間: 2016-1-2 23:55

其實要同千嬅比都好多野可以參詳
楊千嬅既紅起見證新世代歌手/明星/藝人要同觀眾更接近
觀眾從仰慕大明星,到喜歡有共鳴
吳業坤代表網絡勢力、弱勢
依家就係要走入人群既時代

周柏豪未必好唱得(或者可以講好唔唱得)
但 li 一年我發現佢真係好勤力既歌手
而且對自己既專輯有個人既意見

至於仲係"上緊"位既王菀之、薛凱琪,又或者連詩雅
歌手們樂以多方面發展
其實電影一樣"冇肉食",但總比綁死出專輯好...

以千嬅做例,係因為佢係外面既人眼中咩都差少少  (我唔數佢啦!:P)
佢平凡, the girl next door... "點解可以紅起?"...
卻比很多其他人都要成功 (也因此有時各大公司好似要倒模般希望倒模出下一位天王天后)
天時地利重要,人也很重要

楊小姐的確聰明伶俐
但再聰明的人,面對所有潮流如電光幻影一瞬即逝的時代
(依家 d 人唔長情架,潮流 > 一切)
對坤哥、又或是各歌手最大的挑戰是如何留下來
加油吧!
作者: Tonlo    時間: 2016-1-3 00:12

宋生未拎至尊喎
btw世小個至尊呢??
903寧願俾個唔出席嘅eason攞至尊,都唔俾joey/hacken,你點睇 ...
kayzzz 發表於 2016-1-2 23:24



   好耐未試個 睇得 咁刺激 咁好玩 ! 希望宋生今年真係最後完美終結~
作者: winnie^_^    時間: 2016-1-3 00:27

先講SM,今年隻碟佢吔解釋咗因為印刷問題,而今個月中先出到,睇返今年PLUG的5首歌,首首曲風不一,煩擾中起舞是他們的突破,我覺得他們2013年無盡更成熟

當年無盡雖然入到最喜愛歌曲5強,但點解最組仍是CAS?因為想真一點,無盡最為人熟悉是2014年,雨傘革命前大專生罷課的主題曲,其實在這一年才更加HIT,當年未算HIT到推到佢吔上最組,最組呢D要儲返來,係一步步,CAS當年都是儲返幾年先有人氣,只能講SM是靠無盡幫佢吔攞到一大班FANS,加上今年佢吔PLUG返新歌,呢D人氣就反映到,不過講真,冇諗過佢吔會攞最組...

至於CAS值不值,逾越是值一個十大的,最好換走黃昏點唱機
作者: ivanbb    時間: 2016-1-3 01:13

宋生未拎至尊喎
btw世小個至尊呢??
903寧願俾個唔出席嘅eason攞至尊,都唔俾joey/hacken,你點睇 ...
kayzzz 發表於 2016-1-2 23:24



    拋開唔講ap 本身世界真細小拎到第二位都算畀足面 首歌唔算搶耳經典。
    btw原來她不夠愛我既然係樂迷最喜愛 但十大都冇 證明商台dj唔識貨定係樂迷冇品味?
作者: LouisScott    時間: 2016-1-3 02:12

宋生未拎至尊喎
btw世小個至尊呢??
903寧願俾個唔出席嘅eason攞至尊,都唔俾joey/hacken,你點睇 ...
kayzzz 發表於 2016-1-2 23:24


我反而覺得903好愛祖祖吾系力捧,而系真愛
佢做吾到一首真係好歌就一直吾俾佢
以祖咁愛獎
一定可以系咁拎2,3,4,5,6,7,8,9,10位
好似08年,我真係覺得吾系跑步機上,903吾會保佢個女金
到至尊嗰日(如果佢仲唱到)
可能我哋已經吾再讨厭佢
作者: people    時間: 2016-1-3 02:24

宋生未拎至尊喎
btw世小個至尊呢??
903寧願俾個唔出席嘅eason攞至尊,都唔俾joey/hacken,你點睇 ...
kayzzz 發表於 2016-1-2 23:24



   其實hacken 唔恨叱吒, 佢年年都唔想黎甘應該係環球幫佢r獎
作者: hzzhzai    時間: 2016-1-3 03:38

本帖最後由 hzzhzai 於 2016-1-3 03:40 編輯
拋開唔講ap 本身世界真細小拎到第二位都算畀足面 首歌唔算搶耳經典。
    btw原來她不夠愛我既然係 ...
ivanbb 發表於 2016-1-3 01:13



回復 56# ivanbb

你話呢,D咁嘅毒男慘情K歌,拎翻90年代都算行貨,橫掃兩個一人一票選出嘅大獎,出年D大公司再食翻條水,香港樂壇真係可以講翻句R.I.P
驚喜?驚嚇就真...
作者: hkwilliamsiu    時間: 2016-1-3 07:58

本帖最後由 hkwilliamsiu 於 2016-1-3 08:03 編輯

一人有一個夢想都是k歌, 十年後大家記得, 二十年後大家還是記得. 原因是首歌有感染力.原來她不夠愛我, 現在人人都識唱原來她不夠愛我, 原來我坐後備座,原來相愛并非講求付出過有幾多.....  我小朋友幾歲都識唱. K歌并不表示一定差, 最重要是捉到歌迷的心, 這首歌可以說毒男之歌, 十年後,二十年後是否會無哂毒男,我覺得大家可以放長雙眼去看.好多年後是否還記得原來她不夠愛我.
作者: rubylovessss    時間: 2016-1-3 09:46

羅生門差原來198票
唔係勁歌總選頒先坤哥都無人會留意佢
認真 原來她不夠愛我只係一首好普通嘅K歌
羅生門都唔會輸 我而家仲係好著緊
對叱吒好失望 特別係我最喜愛歌曲
作者: Eddie8848    時間: 2016-1-3 10:09

如果啲我最喜愛賽果係做馬, 咁我冇得好講。
男歌手, 好, 假設你地話我真係好鐘意呢個男歌手我冇得講。
但最歌, 但如果話聽眾Taste變成咁, 我就真係好concerned, 唔係下??
過去十年 -
夕陽無限好, 愛得太遲, 酷愛, 囍帖街, 如果我是陳奕迅, 陀飛輪, 那些年, 年少無知, 任我行, 撐起雨傘
有邊首係有"原來xxxxxx" 咁口水??


從來香港人就最喜歡跟風

聽歌跟風..羅生門, 雨傘...
買野跟風..LUFSIG, 等等...
撐既野跟風..HKTV, 等等...
投票都跟風..
問題係呢啲野多數玩唔耐, 講完。
作者: YEXUEQING    時間: 2016-1-3 10:12

罗生门表示不服 还我最歌
作者: YEXUEQING    時間: 2016-1-3 10:21

回復 22# JasonYuen

惊喜万分 都以为系千嬅拿到 拿不到最歌能拿到最女都欣慰d
作者: Eddie8848    時間: 2016-1-3 10:22

還有另一點, 今年傷台好似做到好鋤強扶弱,
sm大炒c allstar, 連十大都被飛出,
kg 連攞兩大獎,
其實都只係表面。

903既然fa, eason 都冇黎。
你都係唔敢唔比獎佢地,
eason 仲要有一銀一至尊, 比個完美落台佢。
容十金個叱吒第二位明明是加ap上去的....畢竟環球冇大獎.....

變係好, 但麻煩變得complete啲, 同埋唔好比啲驚嚇賽果出黎啦!
作者: gcgoobi    時間: 2016-1-3 11:06

其實hacken 唔恨叱吒, 佢年年都唔想黎甘應該係環球幫佢r獎
people 發表於 2016-1-3 02:24



    你見佢地上台只係宣傳DVD就知乜事
作者: lblemon    時間: 2016-1-3 12:05

一人有一個夢想都是k歌, 十年後大家記得, 二十年後大家還是記得. 原因是首歌有感染力.原來她不夠愛我, 現在 ...
hkwilliamsiu 發表於 2016-1-3 07:58



一人有一個夢想都係庸俗不堪。一樣反映出香港人係鍾意呢類歌。
作者: lblemon    時間: 2016-1-3 12:12

還有另一點, 今年傷台好似做到好鋤強扶弱,
sm大炒c allstar, 連十大都被飛出,
kg 連攞兩大獎,
其實都只係表 ...
Eddie8848 發表於 2016-1-3 10:22


應該明年唔會再預奬比千嬅eason。有quota放返出黎比新生代和中生代
作者: chris    時間: 2016-1-3 13:39

宋生未拎至尊喎
btw世小個至尊呢??
903寧願俾個唔出席嘅eason攞至尊,都唔俾joey/hacken,你點睇 ...
kayzzz 發表於 2016-1-2 23:24

咪同個至尊碟一樣咯,以後都幾難會lor到
作者: 最好的債    時間: 2016-1-3 14:02

提示: 作者被禁止或刪除 內容自動屏蔽
作者: 最好的債    時間: 2016-1-3 14:04

提示: 作者被禁止或刪除 內容自動屏蔽
作者: Tonlo    時間: 2016-1-3 14:06

其實hacken 唔恨叱吒, 佢年年都唔想黎甘應該係環球幫佢r獎
people 發表於 2016-1-3 02:24



   宋生係講歌迷會已經直接表達左根本就唔想出席任何頒獎禮
作者: fungbear123    時間: 2016-1-3 15:18

睇完今年嘅叱吒有感而發(1):
現在嘅叱吒同過往嘅已經截然不同喇,因為真係太商業性,十大同組合嘅調位情況好明顯,C AllStar成為最大嘅受害者.因為根據2015年播放率統計,逾越生死屬今年頭十位之內,最初在派台時以為DJ要還對上一次鍾晴寫嘅大熱作”天梯”沒有十大嘅債,而播足十一個禮拜,推上十大,最後不知緣故被調出十大.或許係要熱捧Supper Moment吧,Supper Moment奪三個獎都係首次奪得,根據全年播放率其實係低過C AllStar,或許係補回上次13年”無盡”較熱門的那年失去嘅金獎,而將Supper Moment調上金獎;而係我最喜愛的組合,2015年C AllStar同Supper Moment表現相比之下,C AllStar較活躍,全年共推出了一隻真.概念大碟”生於斯”,同和不同歌手合作嘅ep”Collab Star”,亦分別係九月同十二月係伊館同佛山開演唱會.相比Supper Moment今年淨係推出熱門程度沒有”無盡”同"小伙子”咁高嘅”幸福之歌”,同係十二月推出嘅專輯,表現稍遜.不過,對於C AllStar失落獎項反而覺得唔係壞事,因為我寧願啲人"鄧"C AllStar覺得唔抵,好過啲人覺得佢地唔值,而且獎項只係浮雲,相信知音者會認同勤力歌手嘅表現,有目共睹.反而,覺得最失望係森美tag錯街頭令一眾CAF誤會繼而失落.無論如何,Supper Moment同C AllStar都係值得被支持嘅樂隊同組合,希望佢地繼續努力為樂壇打拼,締造廣東歌生機.
利申:同是Supper Moment,C AllStar Fans
作者: aniceday    時間: 2016-1-3 16:00

其實原來他不夠愛我真系普通k歌一首,未至於話值最歌
作者: lemontea1069    時間: 2016-1-3 17:38

唔該唔好再拎毒坤同fa比
無論音樂上或者人氣佢遠遠未及當年千fa一半
唔好忘記當年千fa已經儲左幾年人氣
拎過4台十大歌曲先上女金
作者: NelsonWu    時間: 2016-1-3 18:05

留名睇rthk SM白果XD為C AllStar可惜 佢哋今年嘅表現唔理應只得組銀~但亦都為SM頒獎禮大贏家而 ...
JayantL 發表於 2016-1-2 15:19



   c allstar rthk近年都跌咗watt
作者: hzzhzai    時間: 2016-1-3 19:33

本帖最後由 hzzhzai 於 2016-1-3 19:34 編輯
羅生門差原來198票
唔係勁歌總選頒先坤哥都無人會留意佢
認真 原來她不夠愛我只係一首好普通嘅K歌
羅生門都 ...
rubylovessss 發表於 2016-1-3 09:46



如果呢個獎係做出嚟嘅,我反而能夠接受因為商業、換獎等等原因而造成的獎項調整。畢竟叱吒都講到明,ap只係評選獎項的基礎而唔係絕對依據。
而且你唔滿意,你可以怨商台、怨經紀公司、怨唱片公司、嘆時運不公而為歌手惋惜,但我最喜愛,充分說明入場人士喜好,冇得怨,反而仲難受。
作者: rubylovessss    時間: 2016-1-3 20:22

如果呢個獎係做出嚟嘅,我反而能夠接受因為商業、換獎等等原因而造成的獎項調整。畢竟叱吒都講到明,ap ...
hzzhzai 發表於 2016-1-3 19:33



   賽果巳定 巳經無得怨
我又無話我最喜愛係做馬
作者: 最好的債    時間: 2016-1-3 20:26

提示: 作者被禁止或刪除 內容自動屏蔽
作者: 數彩虹    時間: 2016-1-3 20:43

部分認同
樓主仍舊很用心,不過可能你說寫得太急,感覺沒有以往客觀。
作者: powerful    時間: 2016-1-4 01:00

其實如果你地有聽過坤歌既話,應該會明白點解我會搵佢同千嬅比。當然我都講左,論資歷論音樂多元性論人氣累積,坤哥唔係00年千嬅既水平; 但15既樂壇又何嘗可以同十五年前相比,成個大環境差左咁多,偏偏網絡又發達左咁多,抵佢殺出一條新血路架。我旨在解釋個現象,唔代表我認同佢或鄙視佢,但有時係咪真係要愛恨去到咁兩極呢? 正正係坤哥仲新,咪即管睇下佢愈玩,歌路愈窄,定係可以證明到自己值得呢D喜愛咯。

成晚結果我真正疑惑既係 Supper Moment 拎三個大獎,C Allstar 冇得上台唱歌。坤哥拎果兩個獎,我有預期過,但組金調位同最組易主,真係出乎我意料之外。如果903真係咁想力捧 Supper Moment ,點解可以最組都tag錯? Supper Moment 又點解會比13年多左票,定係 C Allstar 少左? 因為雨傘運動令多左人識無盡? 因為 Eason Fa fans 唔投,而佢地多數投 C Allstar,冇左游離票? C Allfans 鬆懈左?
作者: Tonlo    時間: 2016-1-4 01:17

其實如果你地有聽過坤歌既話,應該會明白點解我會搵佢同千嬅比。當然我都講左,論資歷論音樂多元性論人氣累 ...
powerful 發表於 2016-1-4 01:00



   其實陽光點的光 真係一首好有意思的歌 好鐘意呢類簡單的歌 好舒服  另一首就唔岩我口味

除左最組Tag錯 仲有 頒找對的人 但Tag 過客別墅

我覺得呢2樣 先係今年903最大黑點
作者: powerful    時間: 2016-1-4 01:28

其實陽光點的光 真係一首好有意思的歌 好鐘意呢類簡單的歌 好舒服  另一首就唔岩我口味

除左最組Tag ...
Tonlo 發表於 2016-1-4 01:17


希望你唔好介意我之前咁樣講克勤,其實佢今時今日識得自嘲已經進步左好多,但作為前輩級歌手應該多D自主權,好似13年醫神咁樣拎獎法,我一樣照插。


找對的人個tag 其實可以接受,反正成張 Felix 都係呢個主題。
作者: kwanie    時間: 2016-1-4 03:04

其實所有投票既獎都係控制唔到, 你根本做唔到一人一票
只不過 CAS 係呢個制度受益左幾年咁解
至於佢地係咪囂係咪903 唔鍾意佢地呢D 根本查證唔到
呢個賽果亦都好可能只係903 想做王比 SM 咁解,
又唔係大公司 , 遲早要還既
作者: Bluejays    時間: 2016-1-4 06:06

本帖最後由 Bluejays 於 2016-1-4 06:32 編輯

今晚出街嘅 今晚玩李 之前錄落 整古坤哥 段片,
已經立刻反映出佢現在要面對嘅第一個問題。
經過左 1/1 之後,成個 整古設計 已經變得非常 odd,
係完全唔啱身份,上下把位錯哂。
一背負住最男最歌嘅名,佢喺 TVB 辛苦經營嘅下把形象即刻 collapse 左。

一夜成名 嘅「草根歌手」,同 一夜成名 嘅「草根演員」唔同,
以前嘅 Laughing哥、麥包、古明華 可以繼續做乜都得,因為佢地係繼續表演緊演戲。
但 唔係尹光派系 嘅歌手,可以嗎?
如果 坤哥 立刻轉清新歌手形象出鏡,喺 TVB 又未必 work。
睇怕,佢好快要二揀其一。

不過 今晚玩李 段片,絕對證明左佢係狐狸唔係豬,佢應該攪得掂嘅。
作者: lblemon    時間: 2016-1-4 09:09

其實陽光點的光 真係一首好有意思的歌 好鐘意呢類簡單的歌 好舒服  另一首就唔岩我口味

除左最組Tag ...
Tonlo 發表於 2016-1-4 01:17


我對錯tag 呢件事好有興趣, 究竟係dj 的技術性錯誤, 定係dj 有心通過錯誤去表達一d野?
作者: hehemamama    時間: 2016-1-4 09:26

今晚出街嘅 今晚玩李 之前錄落 整古坤哥 段片,
已經立刻反映出佢現在要面對嘅第一個問題。
經過左 1/1 之 ...
Bluejays 發表於 2016-1-4 06:06

完全同意, 所以大家都拭目以待.....千嬅嗰種大笑姑婆鄰家女孩無因為佢上左一線而消失, 但坤哥嗰種偽毒(?)或者嗰種卑躬屈膝會唔會變就唔知啦.....
作者: lblemon    時間: 2016-1-4 09:46

今晚出街嘅 今晚玩李 之前錄落 整古坤哥 段片,
已經立刻反映出佢現在要面對嘅第一個問題。
經過左 1/1 之 ...
Bluejays 發表於 2016-1-4 06:06


已經証明大眾接受,甚至喜愛其弱者形象了, 在下述現況下, 相信公司唔敢大改佢弱者主導的形象:
1.起步點過高, 因而必需維持高人氣, 由于本身係靠形象配合歌路上位(唔係賣聲線, 外型, 唱功), 因此形象要非常鮮明. 其實佢既情況, 原本實至名歸地拎個生力軍金係最好, 有個合適的地步點, 可以花1,2年令形象蛻變, 但而家佢要搞蛻變係危險事, 因為佢應該承受唔到蛻變期目面模糊既問題
2. 的确, 轉形象一事, tvb 未必配合到. 即使配合到, 但觀眾唔接受都冇用.
作者: mosesming    時間: 2016-1-4 10:48

本帖最後由 mosesming 於 2016-1-4 10:51 編輯
已經証明大眾接受,甚至喜愛其弱者形象了, 在下述現況下, 相信公司唔敢大改佢弱者主導的形象:
1.起步點過 ...
lblemon 發表於 2016-1-4 09:46


坤哥拎最男/最歌又真係誇張左啲
雖然個人覺得如果佢真係咁hit,拎到都唔係問題

不過第一年已經拎左好多歌手唱一世都拎唔到既兩大獎
獎項上冇哂進步空間(短期內唔覺得佢會有至尊歌/至尊碟/男金)
要再上既唯一方法係改進音樂
但問題係佢受歡迎既原因正正就係啲歌夠求其、冇特色
如果佢突然改進左、世故番
會唔會反而流失fans?
作者: matthew1990    時間: 2016-1-4 10:57

坤哥拎最男/最歌又真係誇張左啲
雖然個人覺得如果佢真係咁hit,拎到都唔係問題

不過第一年已經拎左好多 ...
mosesming 發表於 2016-1-4 10:48

第一時間諗起天堂鳥
作者: Tonlo    時間: 2016-1-4 11:00

希望你唔好介意我之前咁樣講克勤,其實佢今時今日識得自嘲已經進步左好多,但作為前輩級歌手應該多D自主 ...
powerful 發表於 2016-1-4 01:28


我從來無假意個 我鍾諗得你寫的文章我都好認同宋生好唔自主
唔淨指在歌曲上,其他野都係
作者: lblemon    時間: 2016-1-4 11:31

但問題係佢受歡迎既原因正正就係啲歌夠求其、冇特色
如果佢突然改進左、世故番
會唔會反而流失fans?
mosesming 發表於 2016-1-4 10:48


佢啲歌一d 都唔求其, 亦唔係冇特色, 果2隻歌好配合佢個鄰家毒男儍更更形象, 尤其是原本乜乜乜, 其實坤哥同佢公司marketing 好掂.

突然改進左, 世故返, 肯定會流失fans
作者: Gary    時間: 2016-1-4 12:59

其實如果你地有聽過坤歌既話,應該會明白點解我會搵佢同千嬅比。當然我都講左,論資歷論音樂多元性論人氣累 ...
powerful 發表於 2016-1-4 01:00



   之所以唔希望人瑞同佢比,係因為本質既問題。   坤哥既形象塑造係刻意既,或者話有目的咁去經營,就好似有人提到根本唔信佢間公司冇錢幫佢換一副眼鏡。
   而人瑞本身既性格就係至情至聖,但係佢又唔會刻意咁扮無知,睇佢係頒獎禮講野,都覺得佢有智慧。而且佢出道開始果幾年,果D音樂風格具備實驗性,甚至乎有D另類,目的都   唔係専登去match形象。
   相反,毒坤上台時,特別係佢係TVB既感言,好明顯係刻意為之,一D都唔似真情流露。但無奈既係,而家好多HK觀眾好受呢一套。如果話佢同人瑞似,我覺得有D侮辱左人瑞。
   anyway,賣慘賣天真賣努力都唔可以賣到今年,睇下呢條友可以撐幾耐。
作者: Gary    時間: 2016-1-4 13:06

都係果句,歌手需要有野心,呢個冇問題。
但係如果本身係狐狸又特登扮成豬咁去迎合市場,有人可以喜歡,但係對於我黎講,見過佢一次狐狸尾巴,真係好憎呢類人。
作者: 最好的債    時間: 2016-1-4 13:07

提示: 作者被禁止或刪除 內容自動屏蔽
作者: lblemon    時間: 2016-1-4 13:12

Supper Moment 又點解會比13年多左票,定係 C Allstar 少左? 因為雨傘運動令多左人識無盡? 因為 Eason Fa fans 唔投,而佢地多數投 C Allstar,冇左游離票? C Allfans 鬆懈左?
powerful 發表於 2016-1-4 01:00


我覺得最大原因係游離票游左去 sm 度, 當cas 最組次數越多, 就越多游離票會支持sm, 只係因為想換下人, 冇咁悶.  而且, cas 在ap 方面一直領先, 會有人認為cas 必奪組金, 但又覺得sm 應值嘉許, 因而投比sm
作者: Gary    時間: 2016-1-4 13:20

我覺得最大原因係游離票游左去 sm 度, 當cas 最組次數越多, 就越多游離票會支持sm, 只係因為想換下人, 冇 ...
lblemon 發表於 2016-1-4 13:12



   問題係好多人都唔知AP領先呢件事哦。   或者真係聽眾對CAS既喜愛慢慢轉移到SM度。
作者: lblemon    時間: 2016-1-4 13:27

問題係好多人都唔知AP領先呢件事哦。   或者真係聽眾對CAS既喜愛慢慢轉移到SM度。 ...
Gary 發表於 2016-1-4 13:20


未必係"喜愛"的轉移, 或者是有d人覺得用手上的票支持sm 更有意義而已.  我刨呢度, 香土和膠登, 都唔係几覺cas 支持者 badmouth sm, 反映2者的支持者重疊性唔細.

其實我仍然認為, 錯tag 事件暗示最多票的仍是cas咯.
作者: mosesming    時間: 2016-1-4 13:37

未必係"喜愛"的轉移, 或者是有d人覺得用手上的票支持sm 更有意義而已.  我刨呢度, 香土和膠登, 都唔係几 ...
lblemon 發表於 2016-1-4 13:27


如果903既投票者以鋤強扶弱既心態投票
SM同坤哥贏都好正常
畢竟CAS都拎左幾年
大家又覺得軒仔有英皇幫手

謝安琪就處於前輩淡出
又仲未有女歌手掘起既時勢
只要表現正常
應該可以拎多一兩年
作者: mix_nzi    時間: 2016-1-4 14:29

本帖最後由 mix_nzi 於 2016-1-4 15:48 編輯
之所以唔希望人瑞同佢比,係因為本質既問題。   坤哥既形象塑造係刻意既,或者話有目的咁去經營,就 ...
Gary 發表於 2016-1-4 12:59

坦白講,形象塑造就是「塑造」幾分真幾分假只有那個人先知道
也許有人會覺得表演時真性情私底下較沉靜已經是「假」
但人的確有許多面
(p.s. 1) 我都唔信佢真係咁毒 2) d 人受落,冇辦法)

的確,千嬅在拿 2000 女金時歌曲質素風格 variety 更多
而吳業坤... 只是新人,第一張唱片算是有 variety
可是歌曲只有數首,又如何顯示他個人能力?
而且一年最多一碟(EP)的環境下,
又能容納多少空間去「玩」去「試」音樂?


有邊個後輩同前輩比唔似「高攀」緊?
Eason 同學友比? Joey 同梅姐比?

已經証明大眾接受,甚至喜愛其弱者形象了, 在下述現況下, 相信公司唔敢大改佢弱者主導的形象:
1.起步點過 ...
lblemon 發表於 2016-1-4 09:46

佢創作總算流暢,亦有自己班底
繼續賣唔夠靚仔但努力、"低下"既工作都肯好都仲賣到多兩年既
不過創作上如果不斷只是翻炒「原來」類型的歌
他的歌曲或會繼續街知巷聞,但會流失支持他的音樂的人





如果講點解坤哥 hit 既係「 k 歌」但都咁多人投佢
只能怪香港人心口不一,
又鬧 d 歌冇分別 k 歌樂壇已死云云,但又唔夠支持其他歌
鐘意既旋律... 最終都係「k 歌」。




歡迎光臨 Cool Music Forum (http://www.cmusichart.com/discuz/) Powered by Discuz! 7.2