Cool Music Forum - Powered by Discuz! Board

標題: 強烈讉責暴徒昨晚至今早於旺角的暴力行為!! [打印本頁]

作者: 酷愛903 時間: 2016-2-9 09:41 標題: 強烈讉責暴徒昨晚至今早於旺角的暴力行為!!

食環署過份打壓小販是有問題，但請用文明一點的方法爭取好嗎？警方向天開槍示警的確有爭議之處(但我認為除此之外警方沒有其他大錯)，但並不表示你可能以牙還牙、以眼還眼！我一向支持泛民，近年出現雨傘運動、港大學生圍堵校委會更較激烈的抗爭行動，但我認為仍可接受。不過昨晚至今早，暴徒到處焚燒雜物、破壞路牌、掘起行人路的磚頭並擲向警方(這樣根本是襲警!!)...這些行為已經超越了文明的底線!! 實在絕不可容忍!! 小弟強烈讉責暴徒的暴力行為!! 不論是泛民抑或建制，對這些暴徒行為都應予以強烈讉責!! 本土民主前線已經露了底，原來他們暴力可以是無底線!! 泛民應與本土民主前線劃清界線並暫停所有合作!! 強烈要求本土民主前線就暴力行為對全港市民道歉!! 亦強烈要求有份參與暴力衝擊並被捕的本土民主前線成線梁天琦退出立法會新界東補選!!

作者: electric 時間: 2016-2-9 10:07

U GO DIE PLZ

作者: 星勤 時間: 2016-2-9 10:11

收皮啦你

作者: rubylovessss 時間: 2016-2-9 10:12

又唔post段新聞出黎

【本報訊】旺角夜市昨晚爆發警民衝突，有本土派團體在網上號召，於旺角街頭發動「勇武捍衞小販」抗爭行動，響應的數百人在砵蘭街一帶聚集，追擊指罵食環署職員，又協助熟食小販開檔。警方施放胡椒噴霧，更向天開兩槍驅趕示威者。
至凌晨約2時，在旺角亞皆老街近上海街，一批示威者與一隊警員發生衝突，示威人士向警員投擲雜物，包括玻璃樽，磚塊及雜物，其間有人持木板襲擊警員，有警員拔出佩槍指向天空，稍後聽到一響槍聲，示威人士指罵開槍警員，有多名激動人士持木板衝向開槍警員，混亂中，再聽到一響槍聲，警員槍嘴發出火花。
其後場面開始混亂，有人在路邊放火，冒出大量濃煙，有警員則合力將受傷同袍扶至路邊，稍後，大批增援警員趕到現場，將示威人士暫時驅離。
http://s.nextmedia.com/apple/a.p ... ;s=0&a=19484974

作者: 艾石仔 時間: 2016-2-9 10:14

收皮啦你
幾時燈死你自己呀, 弱智

作者: Lewis 時間: 2016-2-9 10:19

周柏豪今次真係on9
仲好意思出po自拍講good night
之後又求其po張黑照話可怕就當係回應左琴晚暴動咁

作者: b01091018 時間: 2016-2-9 10:22

so pun 唔識分

作者: John 時間: 2016-2-9 10:29

根據往績
本土派有你祝福應該會越黎越多人支持

btw其實唔太關你d燈力事
香港會越黎越出事會係大勢所趨
警民衝突會升級大家睇路
要解決係唔容易尤其是而家統治階層樂於與民為敵仲要不停撥火
都係個句大家睇路啦盡量唔好受傷

作者: ed8671ed 時間: 2016-2-9 10:31

燈果然係一條左膠

作者: siongguan 時間: 2016-2-9 10:34

請大家保持冷靜，討論歸討論，唔好用過火言論

作者: 屮SiU霖屮 時間: 2016-2-9 10:48

根據往績
本土派有你祝福應該會越黎越多人支持

btw其實唔太關你d燈力事
香港會越黎越出事會係大勢所趨
...
John 發表於 2016-2-9 10:29

Exact7ly
最痴線係個政府連初一都要攪單咁既野出泥同你開年

作者: tom 時間: 2016-2-9 11:31

幾時收皮
膠:0)

作者: 賴爽 時間: 2016-2-9 11:33

包容燈神好緊要請你學會包容。

作者: tobby 時間: 2016-2-9 11:39

作者: hinz 時間: 2016-2-9 12:14

收皮啦你

作者: 表妹保莉 時間: 2016-2-9 12:14

燈神收左幾多錢呀今次？

作者: Kyle_ 時間: 2016-2-9 12:28

真係忍唔住講句收皮啦你燈神！

作者: cymusic 時間: 2016-2-9 13:33

如果你同班港豬一樣淨係睇咗開槍前後嗰五分鐘既畫面
我建議你都係去番港人講地同班 fd 一齊打 _ 機啦

作者: Bluejays 時間: 2016-2-9 13:56

你要罵本土民主前線，就請將內文所有「暴徒」字眼，更改為「本土民主前線」。

作者: 酷愛903 時間: 2016-2-9 14:03

好可悲點解D人可以咁樣顛倒黑白、是非不分！就算食環署打壓小販幾唔啱、就算差佬向天開槍幾唔啱，都唔代表你地可以合理化暴徒的暴力行為!!

你要罵本土民主前線，就請將內文所有「暴徒」字眼，更改為「本土民主前線」。 ...
Bluejays 發表於 2016-2-9 13:56

尋晚本土民主前線做GE野的確係暴徒所為！

作者: hehehaha 時間: 2016-2-9 14:17

走啦你，做乜啫

作者: hehemamama 時間: 2016-2-9 14:17

本帖最後由 hehemamama 於 2016-2-9 14:20 編輯

有人話點解要騎劫班小販明明去到後期啲小販已經走左
留底班人都唔係單純因為小販而出嚟
係唔係唔可以放過任何一個可以抗爭嘅機會,
因為而家咁做, 係更難令小販有生存空間

但我會諗, 點解要唔放過任何一個機會, 因為連要衝嗰班人自己都會無一個大方向,
或者係成個社會都無一個方向,
唔知點樣嘅路先可以達到個final end, 所以唯有有機會就去試

預左咁樣講會有人鬧我騎牆中立左膠
一方面各打五十大板兩邊我都支持唔落
但另一方面又令我支持多左抗爭嘅手段...
好矛盾

作者: Kyle_ 時間: 2016-2-9 14:20

好可悲點解D人可以咁樣顛倒黑白、是非不分！就算食環署打壓小販幾唔啱、就算差佬向天開槍幾唔啱，都唔代表 ...
酷愛903 發表於 2016-2-9 14:03

冇人話過認同黑警同食環。唔行哩條路既話，
咁你話我知，應該要點樣去同港共政權抗爭，去爭返我地應有既野？黎多次佔領？繼續七一鳩行？定還是起大台一齊繼續高舉電話燈光高唱今天我？
你直接答我。

作者: kwanie 時間: 2016-2-9 14:21

本帖最後由 kwanie 於 2016-2-9 14:25 編輯

YEAHYEAHYEAH
228 梁天琦有希望了~
THANKS 燈~
過年流流相嗌唔好口
黎黎黎, 一人送罐什餅比燈啦
有排佢食架啦 :D

anyway 你投你既周浩鼎啦
6 7 是但一位都千祈唔 L 掂喎好唔好

作者: Kyle_ 時間: 2016-2-9 14:25

有人話點解要騎劫班小販明明去到後期啲小販已經走左
留底班人都唔係單純因為小販而出嚟
係唔係唔可以放 ...
hehemamama 發表於 2016-2-9 14:17

根本抗爭既機會係冇得預備定，時機話黎就黎，你見歷史上d 抗爭革命都係咁，冇幾多次真係一次就成功，反正每次時機一到就要去試，累積經驗，成功與否唔到最後都唔知。當日928佔領開波果陣，夠好多人信中共會讓步啦，結果呢？？近代史上辛亥革命既成功其實除左真係時勢促成外，佢都係以前不斷失敗(咩黃花崗起義果d) 先換取到返黎。

作者: kwanie 時間: 2016-2-9 14:26

根本抗爭既機會係冇得預備定，時機話黎就黎，你見歷史上d 抗爭革命都係咁，冇幾多次真係一次就成功，反正 ...
Kyle_ 發表於 9/2/2016 14:25

丫你地又真係同佢嘈架喎 :D

作者: Kyle_ 時間: 2016-2-9 14:28

丫你地又真係同佢嘈架喎 :D
kwanie 發表於 2016-2-9 14:26

琴晚見到d 黑警咁樣已經燥底，而家見完佢鳩up 火上加油要出出火

作者: kwanie 時間: 2016-2-9 14:29

琴晚見到d 黑警咁樣已經燥底，而家見完佢鳩up 火上加油要出出火
Kyle_ 發表於 9/2/2016 14:28

對住和理非非既左膠講多一句都廢事

作者: 酷愛903 時間: 2016-2-9 14:30

100%認同民主黨及公民黨的聲明：

http://news.mingpao.com/ins/inst ... 00001/1454994318549

旺角於年初二凌晨發生嚴重警民衝突，其間有警員見同袍被打，向天開了兩槍，示威者則向警員投擲磚頭及玻璃樽等雜物。民主黨和公民黨分別發表聲明，譴責暴力行為，亦要求調查開槍示警的事件。

民主黨聲明指出，不容忍和譴責任何暴力和縱火行為，對於有記者採訪期間遇襲受傷，深表憤怒，並譴責襲擊前線警員的暴力行為，慰問受傷人士。

聲明又稱，襲擊警員事件與向天開槍示警事件均須全面調查，公開結果，追究違法行為；並要求政府全面檢討社會嚴重矛盾的深層原因，包括民憤不斷累積爆發、港府為何失去管治威信及今次導火線的小販政策。

公民黨的聲明則指出，新春假期街頭小販營生，要管理而非趕絕，但政府一直無適當策略。今次由旺角一宗民生事件而起，因處理欠佳，發酵為騷亂，原是可以避免的。

公民黨譴責示威者縱火、掟磚、襲擊警員和記者的暴力行為；又指暴力無助解決問題，而且會令社會將焦點轉而至騷亂，而非小販政策問題本身，認為使用暴力者必須承擔法律後果。

公民黨亦指出，警員在鬧市鳴槍示警，易傷無辜，行為是否恰當，必須深入調查，向公眾交代。而記者正常採訪受阻、受襲，絕對不能接受。

作者: kwanie 時間: 2016-2-9 14:31

100%認同民主黨及公民黨的聲明：

旺角於年初二凌晨發生嚴重警民衝突，其間有警員見同袍被打，向天開了兩 ...
酷愛903 發表於 9/2/2016 14:30

梁天琦收埋邊個最開心丫, 自己諗啦

作者: Wonders 時間: 2016-2-9 14:38

走開啦左膠

作者: hinz 時間: 2016-2-9 14:58

其實我想識下燈神真身
係有幾on9

扣我分都係咁講

作者: matthew1990 時間: 2016-2-9 15:21

冇人話過認同黑警同食環。唔行哩條路既話，
咁你話我知，應該要點樣去同港共政權抗爭，去爭返我地應有既野 ...
Kyle_ 發表於 2016-2-9 14:20

咪就係!

作者: 表妹保莉 時間: 2016-2-9 15:22

其實我想識下燈神真身
係有幾on9

扣我分都係咁講
hinz 發表於 2016-2-9 14:58

燈本身已經有做官的潛力，
搬龍門呀，今天的我打倒昨天的我等等。
昨天呢一役，奴性十足！做公公啦不如！

作者: E_Chan 時間: 2016-2-9 15:51

其實咪多謝燈神囉
佢燈乜衰乜,你睇下佢之前個簽名叫689落台,而家689咪重無賴咁係電視譴責班本土
佢係度燈死梁天琦其實係曲線撐佢啫
人地係冒住比大家D7嘅風險嘅真本土呀
(曲唔曲自己諗啦)
BTW 黑警你地而家先比人打番真係遲左, 好痛呀? 你之前毆咁多棍唔係諗住唔駛還呀?

作者: IL.T. 時間: 2016-2-9 16:10

其實點解有人要打記者？

作者: kwanie 時間: 2016-2-9 16:34

其實點解有人要打記者？
IL.T. 發表於 9/2/2016 16:10

見人就打囉, 被操縱囉, obedient 嘛

作者: nicholashin 時間: 2016-2-9 18:53

大家第一日知佢係左膠咩

作者: 最好的債 時間: 2016-2-9 19:11

提示: 作者被禁止或刪除內容自動屏蔽

作者: 新水星 時間: 2016-2-9 20:13

你老闆個老闆共產黨八十幾年前唱今天我唱到幾乎俾人打耙打到滅黨。
你老闆班中華左膠廿幾年前唱今天我唱到俾你老闆個老闆共產黨坦克轆扁哂開槍射瓜哂。
今天你老闆個老闆共產黨拎埋支炮出來，你仲係度唱今天我推人去死。
(以上D你老闆為一名詞，不是形容詞或助語詞，係形容緊那些人之間的關係)

作者: sam6a 時間: 2016-2-9 20:56

燈神發功燈咋

作者: kwanie 時間: 2016-2-9 21:16

大家第一日知佢係左膠咩
nicholashin 發表於 9/2/2016 18:53

sor 其實佢既野無乜興趣記得

作者: bagfgfcde 時間: 2016-2-9 21:45

全力支持燈神支持政府

作者: carols26 時間: 2016-2-9 21:56

咁樣要唔要讉責埋國父孫中山先生

作者: b01091018 時間: 2016-2-9 22:04

後知後覺咁capture 到梁天琦
先知道呢單要討論228

作者: 愛嬅亦愛笑 時間: 2016-2-9 22:31

食屎啦...希望你同一男子一齊落地獄

作者: kk8733 時間: 2016-2-9 22:39

救命。。。點解咁似拍戲咁。。

作者: longjh 時間: 2016-2-9 22:49

请清楚的朋友说明一下缘由，在支之前不好评论

作者: harry 時間: 2016-2-9 23:55

赤口前留埋先

凡事燈神支持的，必失敗
凡事燈神反對的，必成功

作者: kilai 時間: 2016-2-10 03:21

On lun 7 9

平時柒開已經冇人理，唔好諗住鳩嗡翻身。

人柒冇藥醫

作者: Jacko·HW 時間: 2016-2-10 08:57

睇來呢單嘢冇乜嘢好溝通

作者: Frankiekiekie 時間: 2016-2-10 10:25

我深信燈燈係力燈政府

我buy你呀繼續燈啦

作者: C.K. 時間: 2016-2-10 11:35

大陆看客表示：为左一粒鱼蛋，我睇你可以去到几尽？
Fishball Revolution 真系当笑话睇..

唔好以为大陆人好care HK系咪独立系咪民主，这些问题对于大陆人真系冇关痛痒，其实部分激进民主人士有被害妄想症，成日以为共产党同大陆人要用共产思想洗香港人脑... 那班激进的年青人才是被洗脑的一代，被所谓“民主至上”洗脑... 其实大部分内地人人当共产思想系笑话，大部分内地人认为现时的社会主义系另一种形式的资本主义甚至系官僚主义... 我地只care既系14亿人有饭食有工开有书读.. 所以好心呢班港人去谂谂点样搞经济，而5系去挖砖头、挖路牌同埋烧垃圾..

而这些问题对于北京政府，说到底就只是一个面子问题，如果香港你今天独立了，那么之后就有人要把台湾独立了、澳门独立了，西藏独立了，甚至广东也独立了... 这种问题会一发不可收拾，中国就会可能演化成为中东地区..

或者说五十年后的香港，新移民与早期移民之间发生矛盾，港岛和九龙要独立，或者要把新移民赶出香港...

几千年来人类战争不断，却怎么也学不会和平相处... never learn from the past.

作者: thm 時間: 2016-2-10 11:35

係呀, 係暴徒, 咁又點? 你吹咩?

作者: 星勤 時間: 2016-2-10 11:45

大陆看客表示：为左一粒鱼蛋，我睇你可以去到几尽？
Fishball Revolution 真系当笑话睇..

唔好以为大陆人 ...
C.K. 發表於 2016-2-10 11:35

台灣一直都很獨立，你不會以為台灣是大陸的吧？

另外，如果你認為因為魚蛋就發生這件事
我想你還是不要在這邊獻上自己的無知吧

新一年，祝支爆，謝謝

作者: C.K. 時間: 2016-2-10 11:55

台灣一直都很獨立，你不會以為台灣是大陸的吧？

另外，如果你認為因為魚蛋就發生這件事
我想你還是不要在 ...
星勤發表於 2016-2-10 11:45

开口埋口就话人地无知，台湾系咪大陆的，我真系5系好care..

因为所谓国家真系只是一个统治工具，对于台湾，我们有着一样的文化说着一样的语言，我们相互称呼对方一声台湾同胞和大陆同胞...

我当然睇得出5系因为卖鱼蛋，系你睇5明我post啧...

please go on!!! Go dig out more brick, go burn more rubbish on the street!! Just in case you can't read simple Chinese

作者: matthew1990 時間: 2016-2-10 11:58

开口埋口就话人地无知，台湾系咪大陆的，我真系5系好care..

因为所谓国家真系只是一个统治工具，对于 ...
C.K. 發表於 2016-2-10 11:55

Resorting to violence is a kind of necessary evil

作者: C.K. 時間: 2016-2-10 12:04

本帖最後由 C.K. 於 2016-2-10 12:05 編輯

Resorting to violence is a kind of necessary evil
matthew1990 發表於 2016-2-10 11:58

If your opinion makes sense, then the only difference between this gang and ISIS is this gang don't kill. But still they're evil.

No. Actually, they almost killed some cops!!

作者: kk8733 時間: 2016-2-10 12:09

如果有人唔CARE 就唔洗出動打手.....唔好再係依度留言啦

唔CARE 點解要摌走英國年代建築物，點解要我地普中教學???

作者: matthew1990 時間: 2016-2-10 12:10

本帖最後由 matthew1990 於 2016-2-10 12:15 編輯

If your opinion makes sense, then the only difference between this gang and ISIS is this gang ...
C.K. 發表於 2016-2-10 12:04

Plus the two parties have polar opposite intentions - That matters

作者: C.K. 時間: 2016-2-10 12:19

本帖最後由 C.K. 於 2016-2-10 12:25 編輯

如果有人唔CARE 就唔洗出動打手.....唔好再係依度留言啦

唔CARE 點解要摌走英國年代建築物，點解要我地普 ...
kk8733 發表於 2016-2-10 12:09

Again, I don't really care if you could speak Chinese or mandarin. 脑袋长在自己头上，我认为不是别人教什么你就要听什么。但是会说会读一门语言，或者是认识更多的文化和历史，对你来说有什么害处？ don't limit yourself and be open-minded.

你认为我们相信内地历史课本上所教的一切吗？你以为我们相信共产党是抗日主力，而国民党就只消极抗日吗？你以为我们不知道6-4发生了什么事情吗？

对于拆除英式建筑，我知道得5多，就5评论... 但系北京政府真的犯不着去拆你一栋房子引起民愤... 如果北京会介入这样的事情，那么他们也是挺stupid..

本人学建筑，我很是鄙视内地政府没有能力build the new along the old

作者: 最好的債 時間: 2016-2-10 12:26

提示: 作者被禁止或刪除內容自動屏蔽

作者: powerful 時間: 2016-2-10 12:30

本來都唔打算再講呢件事，不過CM係我愛既地方，都想比大家睇下:

政治的確係存在觀點與角度問題，從不同出發點睇，可以得出完全唔同既結論。每個人有佢解讀事件既自由，亦應容有討論既空間，盲目既標籤只會通向死局。當然面對前所未見既震撼時，會有好多即時既情緒，但過後係應該一一審視，再去反思、反省。停留係互相謾罵，只係助長仇恨與誤解。

我期望既係每一個標榜理性、有邏輯思考、有人性、情感、同理心既人，公平看待事件。但所謂公平，從一開始係已有傾斜，在我而言，揸槍既人，掌有控制社會秩序實權既人，係應該有更高既標準，因為佢地既破壞力量可以更驚人; 另外，始作俑者亦好重要，邊個先挑起事端，理應受到更大既譴責。

然而，理應代表大眾聲音既主流傳媒，只歸向一邊選擇性報導，呢個又係另一傾斜，所以我有還原真相既渴求，亦覺得被打壓既聲音更有被聆聽既需要。我當然唔能夠代表真相，睇過我post既人自然會覺得我有既定立場，但咁唔代表唔啱聽既聲音就自動要被拒之門外。我只想大家唔好只睇單一傳媒既報道，因為影像同文字係可以好manipulative，所以用詞同剪接係好重要。一句暴徒騷亂就將整件事定性，係不負責任，亦係好容易墮入標籤陷阱。理解成件事既先後發生次序，遠因同近因，比只看一段片就去批判一個行為，來得重要亦必要。
關於小販政策，有人支持嚴正執法，有人認為法律不外乎人情，有人認為食環處理手法惡劣，事實係一連幾日既嚴打確實激起左民眾好大既憤怒，過年都離不開政治打壓，連埋之前一直累積下來得不到宣洩既情緒，就爆發左出黎。但邊個挑釁在先，有冇一個定論?

有一單交通意外發生左，在場人士認為警察有心引導車輛走入人群，但可能係警察無能，疏導交通出現誤會，但不論邊種解釋，有心定無意，我唔認為警方可以完全開脫責任，連一個講法都唔比出黎。之後警察無端端衝向人群發胡椒噴霧，要驅趕在場人群，又係出於咩理由? 若然因為示威者衝擊警方防線，咁就要首先問條防線係邊度黎? 從一開始單純既光顧小販，何來變成平時集會遊行式既處理? 單係食環要趕小販，點解需要出動不合比例既警力，行動又點解升級到胡椒噴霧，而呢一刻仲係十二點前，冇任何市民對警察造成咩暴力傷害既時刻?

好啦，食食下野無啦啦捲入暴力漩渦，就會有朋友話冇心搞事就好應該散水，我真係唔知呢個係咩理由，條街突然變左警方擁有，食魚蛋變左非法集會? 雙方開始對峙，警方呢個時候既挑釁演變成有人反撃，隨後出現向天開兩槍，開槍造成失控，跟住就係電視所見到既畫面。
有朋友陰謀論認為暴力係政府派人扮市民造成，但我想撇開陰謀去講，當示威者被槍指嚇，被警棍亂打之時，難道仲唔豁出去? 我並冇講誰對誰錯，但失控係唔可能單方面造成，尤其香港人一直持守咁耐既和平原則，若冇受到更大刺激，點樣演變升級? 香港人失去左互信，唔單止係人民對政府、黃絲對藍絲、甚至係示威者之間都出現猜疑，到底係《浮瓜》定《自焚者》所講既成真，我真係分唔到。

我又見到朋友話當坐係度比人拉，比人打唔還手既時候，一樣得唔到理解，一樣被抹黑為暴徒，點解唔索性為自己生命反撃? 呢種說法並唔可以話係道德上正確，但我能夠理解呢種無力同無助。發生今時今日咁既局面，正正係政府從來冇正面回應過任何訴求，和平等於無聲，大眾市民亦盲聽輿論，係我地冇去好好聆聽人地既聲音，冇去了解被逼得好緊既人既處境，係我地每一個人既責任，冇得推卸架，唔係一句你掟人就你唔啱就可以當自己冇份。由雨傘運動一開始，就已經將責任推晒落示威者度既人，更加無資格講呢句說話，係因為大家既無差別對待，幾和平都要話人暴力，呢種扭曲荒謬既言論造成，同而家就邊緣化所有抗爭者做暴徒一樣，根本係自我預言既實現，然後就更心安理得認為自己啱晒。

套用溫水煮蛙既比喻，有D青蛙覺得好熱，要垂死掙扎，並提醒埋其他青蛙，點知其他青蛙覺得個溫度根本岩岩好，點解要掙扎，搞到煮果個人較大左個火，反過來怪掙扎既青蛙點解唔慢慢受死。呢種青蛙覺得個火係唔會因為你掙扎而熄，反而會加速死亡，所以寧願咩都唔做，起碼呢一刻個溫度仲生存到。咁樣係自私冷漠，定接受現實，睇你點睇。

打不還手，罵不還口，係近乎聖人既表現，但當時依然冇人去諒解，依然係被人話搞事，到今日勇武抗爭成為社運主流，可以怨得邊個? 我後悔傘運時冇更落力去同唔同意見既人溝通，我既力量同意志太單薄，冇辦法將理念宣揚得更廣，到而家既境況，邊個可以話自己可以置身事外? 而政府既強硬取態，絕對係行動升級無彎轉既關鍵。佢地將管治失誤同失效既責任推得就推，要前線幫佢地埋單，無賴至極，難為警員又真係乖乖配合，令對立情緒放左係人民之間，如果有邊個高層肯承擔政治責任，唔講煽動性既荒謬言論，關係根本唔可能變到咁僵。

講左好多，但好似都講唔清楚。社會上同自己既一切不愉快同怒氣，我都唔知道應該如何排解，我其實大可以站在道德高地鬧人暴徒，但我真心希望了解背後件事點樣發生，亦希望大家可以有醒覺，去理解件事既核心，而唔係鬧黎鬧去。

作者: kwanie 時間: 2016-2-10 12:48

Simple chinese

SimpleLoveSong 咩

作者: C.K. 時間: 2016-2-10 12:53

Simple chinese
SimpleLoveSong 咩
kwanie 發表於 2016-2-10 12:48

Come on! It's just a typo!!

作者: hinz 時間: 2016-2-10 13:28

本帖最後由 hinz 於 2016-2-10 13:30 編輯

Simple chinese
SimpleLoveSong 咩
kwanie 發表於 2016-2-10 12:48

Difficult chinese

作者: mainlib 時間: 2016-2-10 13:33

Simple chinese
SimpleLoveSong 咩
kwanie 發表於 2016-2-10 12:48

maybe the word "handicapped" is too difficult...

作者: C.K. 時間: 2016-2-10 14:37

maybe the word "handicapped" is too difficult...
mainlib 發表於 2016-2-10 13:33

你们开心就好... You guys just could not handle a decent conversation..

作者: uponand 時間: 2016-2-10 15:51

以下討論基於認同一國前提：

我好明白香港人好重視維護自身權益，擔心自身權益被人剝奪，
但請香港同胞相信中央同絕大多數國內同胞都想香港好！

假如想挑戰中央底線去抗爭，非暴力係唔可能，
到最後受傷既只係香港，我朋友曾經好悲觀咁話香港回歸左就玩完，
到最後只會變成一國一制

但我有個美好既願望，希望有一日，香港、大陸同胞唔再互相敵視，
希望通過香港同內地緊密交流合作，將香港既民主同埋其他方面既先進思想帶入大陸，
從而推動內地政制改革，到時就算一國一制，都會係一個先進既制度...

其實香港人真係好幸福，希望大家可以將更多精力放係發展經濟，改善民生，
"民主"早已植根香港人心中...

Ps 希望大家可以文明討論，唔好一句粗口就抹煞左討論空間

作者: WongYuGit 時間: 2016-2-10 16:36

以下討論基於認同一國前提：

我好明白香港人好重視維護自身權益，擔心自身權益被人剝奪，
但請香港同胞相 ...
uponand 發表於 2016-2-10 15:51

其實一直以來都冇互相敵視起碼我知嘅大部分大陸人都好樂意喺香港買野、旅遊。

而自從占中之後大部分內地人都驚佐香港特別喺北方人都選擇出遊鄰近國家

大陸遊客喺有某一部分素質比較差哩個系不可否認

但系戴有色眼鏡睇所有大陸人就真系唔應該

作者: shamsham 時間: 2016-2-10 16:54

我都唔贊成暴力，唔同意以暴易暴，但我會去理解人地ge出發點，
作為土生土長香港人，我敢講句，其實香港人一向係抱住各家自掃門前雪ge大前提生活(係指大事上)，總之有工返、有書讀就話之你，最好唔好煩到我，所以以前普遍港人係政治冷感
但點解近年咁多嘢發生？有人話係年青人搞搞震，但偏偏好多中年人、師奶、阿叔都有參與，有冇人諗過點解以前名正言順ge捉小販今日會變成咁大件事？

如果要搵人負責，唔係警察，佢地都係聽命於人，我想信暗角七警只係少數，始作俑者就係嗰個所謂特首，佢冇去平息社會紛爭，冇去安撫大眾，反而一而再，再而三咁去搧風點火，引起民怨，而家社會ge所有撕裂、矛盾，可以話係佢一手引起，佢一定唔係冇腦，所以佢一定係有居心。

話港人唔愛國，根本完全唔合邏輯，係唔愛國就唔會有咩天災都第一個走去捐錢啦！根本唔止香港人，越來越多其他國家都唔歡迎內地人啦，嗰啲話人歧視佢ge有冇諗過點解自己犯眾憎？自己有問題唔去反省仲要話人點解唔包容吓，有問題ge係邊個呢？

如果真心愛一個地方ge，係想佢越來越好，越來越進步，而唔應該愚愛，唔係國家要你乜就乜。如果佢話乜就乜，咁點解要推翻滿清政府成立民國？
如果一間公司ge老闆係好ge，間公司發展係有前景ge，有優勢ge，駛乜咁驚啲人跳槽或對公司不忠？如果個個職員都咁憎間公司，唔該個老闆同管理層自己好好檢討下先。
如果高壓政策係有用ge，啲人就唔會讚仁君踩暴君啦！

作者: 酷愛903 時間: 2016-2-10 17:08

而家社會ge所有撕裂、矛盾，可以話係佢一手引起，佢一定唔係冇腦，所以佢一定係有居心。

話港人唔愛國，根本完全唔合邏輯，係唔愛國就唔會有咩天災都第一個走去捐錢啦！
shamsham 發表於 2016-2-10 16:54

由強推國教->政改->港大風波->網絡23條，689都係咁，佢從未反省過！如果政府仲係死都唔肯收回網絡23條而立法會強行通過，我敢肯定班友一定會衝入立法會！

可惜喺中共同689眼中，愛國=愛黨，但這是廣大香港人(包括小弟在內)不認同的！

作者: 酷愛903 時間: 2016-2-10 17:32

100%認同黃潔慧所言，佢講得好啱，政府如何不對都絕不能JUSTIFY示威者的暴行！

http://www.hk01.com/%E6%B8%AF%E8 ... 7%E7%A3%9A%E9%A0%AD
【黃潔慧．評旺角衝突】當高牆與雞蛋變成高牆與磚頭

今晚我無心情看煙花。如果要我講支持示威者，即使可能賺多好多likes、多好多fans，我覺得對不起自己。

我覺得對不起自己曾經是記者。不問立場、只問道理，是我一直做人方向。是，你可能討厭警察，覺得梁振英政府可惡，但如果我之前這麼多月，一直指摘梁政府混淆視聽、轉移視線，我現在也須清楚講明，因為警察什麼什麼，及梁政府有多不得人心，又或制度如何不該，就要同情示威者，要為犯事示威者講說話，那等於說，因為制度和梁振英，就足夠justify 縱火？Justify 阻消防救火？Justify 將火種，放於一輛路邊的士旁（而那的士老早被人扑爆玻璃），沒想過的士可以爆炸？！並同時 justify 襲擊記者、用已爛玻璃樽向攝記手掌插下去？

法治是反對以暴易暴　

如果我仍然說「咁都係因為乜乜乜」，是對不起傳媒專業。迫人至走投無路，對方可能會被迫殺人，即使情有可憫，沒可能說殺人無罪甚至無錯，沒可能以「都係被迫啫」去開脫，上到法庭，一樣要判監。這就是法治。而法治，是反對以暴易暴。

有人說，官迫民反；有人說，示威者有數不完的正義理由，但我都沒可能容忍自己轉移自己視線，用遠因分析、用抽離評論，卻避開一個淌血事實：就算制度暴力說得過去，初二旺角衝突，只不過是一場以暴易暴。在高牆與雞蛋之前，我支持雞蛋；但初二晚，在高牆之前的，不是雞蛋，是磚頭，而且是會縱火和襲擊記者的磚頭！如果要我不見眼前犯法（不少人更是蒙面犯法），只談遠因及表達同情，那是否跟梁振英及部分高官的手法一樣，迴避問題了？

【旺角黑夜：圖輯】香港怎樣走到這一步？

有示威者不滿部份傳媒的立場，在場出手阻止記者拍攝。（陳焯煇攝）

當開槍成為焦點　當雞蛋變磚頭　

兩下槍聲，擾亂了幾多焦點。網上輿論偏向指控警員沒有跟條例去示警，甚至有人說，在場示威者只不過是扔扔木板。是心盲，所以眼盲了？電視畫面，是wide shot，不是平時被詬病只見少少的close up。畫面清楚見到，示威者隨手撿起什麼便扔，那塊被說成無什殺傷力的木板，正確說法，是一塊幾呎乘幾呎的井字型木條(s)，還有金屬製垃圾桶、鐵馬、路障等；以寡敵眾的警員即使仆倒了，一眾示威者繼續攻擊、迫前、來勢洶洶。就是這一時刻，警員向天開槍。

我不容許自己轉移視線去幫示威者開脫，但亦不容許自己轉移視線去幫開槍警員開脫：那兩槍，如果是射中人，那怕只是流彈，那警員肯定是死定了。看那警員發茅的眼神，當時一定相當慌張，他有否違反指引開槍，應追究到底。但那兩槍也不能洗擦另一已發生事實：即使警員伏地了，示威者無收手，繼續飛出大木板，甚至再次「兜背脊」打中已受傷無力動彈的警員；這是不同電視台都拍得的畫面，若仍幫施襲者說話，那跟之前佔中時只幫警察說話的人，有甚麼分別？因人廢事實，因為覺得受害者不是自己人，便把錯事輕輕帶過、轉移視線，總之，結論是千錯萬錯，是社會、是制度的錯。如果建制用「和諧」和「廢青」做萬能key，「制度的錯」什麼時候也成了萬能key？

體諒示威　也有底線

以前，有電視台是是但但，惹來公眾反彈，以這種假持平為誡；近年卻矯枉過正，用公道思考，都怕動輒跌入所謂「各打五十」的陷阱，變成另類自我審查，彷彿兩邊都不幫，就一定是無承擔。但要求評論偏幫一邊、非黑即白，才是要求評論不負責任。換個角度問：其中一個畫面，一個倒地警員繼續被圍毆，在場幾名記者看不過眼，出手擋，出口喝止；若你在場，看着值得體諒的示威者圍毆，會當如何？你會認為那幾位護警的記者是算多事了、做錯了嗎？若說你選擇挺身，那是否表示你心底明白，就算對示威者體諒，也應有底線？

這是道極難回答的問題──若你本來是同情示威者、痛恨政府的。若非這場是警民衝突，若非示威者出師以撐新春小販為名，或許，答案會簡單得多。但因為心底覺得警員及政府抵死，一時間要反對示威者，便於心不忍起來，不想踩多腳。但這只是迴避了衝突核心，大家分明清楚，這種勇武是會加劇下去的。【旺角黑夜過程：四個關鍵轉捩點　撐小販變衝突引爆騷亂】

警若犯例　罪加一等

有人說，你只說警員被人毆，你怎麼就不提示威者被打至頭破血流？我見過，我真係見過，電視有畫面，有人被擊至一地血，動魄驚心，有傳媒片段甚至指警員有份圍毆記者。請認認真真找出這些問題警員出來，若指控屬實，罪加一等。我亦不知道初二晚的示威者，有幾多勇武，有幾多屬殃及池魚和平派，我更加不敢把所有示威者，都歸類為同一種本土派。但正如當日佔中時，我不能接受挑釁在前，警員就自以為有理使暴；今日，我既不能忍受警員過分使武，但同樣不可能對示威者的手段，視若無睹。

惡性循環　香港何去何從？

說衝突是幫小販，並不全面。看事態發展，示威者針對的，分明是警察；是次衝突，應界定為反警權騷亂。那肯定是前鷹派一哥種下的禍，肯定是梁振英好鬥兼一意孤行的果，肯定是政改失敗遺下的不平息風波。警員那兩槍，也肯定改寫了日後警民衝突的格局，示威者用武只會升級，警隊對付亦必然升級。惡性循環，我實在看不到如何逆轉。所以，正在竊竊私笑的某些人，也請收起你的洋洋得意。局勢發展下去，必更難管治，那不過是反映政府極度無能。如此施政若不幸能過渡至連任，只會出現累鬥累的結果。

所以我無心情看煙花。建制與民間示威對立，已至此地步，身處輿情中間，若再不以事論事，因情廢事實，否則就是非我族類，我實在不知道這種盲目，為我所緊張的香港，指示了什麼出路。

作者: lokzai 時間: 2016-2-10 18:43

回復 73# 酷愛903

你都未答咁我地要點做對抗港共政權啊？？？？

作者: Kyle_ 時間: 2016-2-10 19:03

旺角黑夜發左左差唔多兩晚
連日黎fb 無間斷有相關既消息同評論
其實真係好攰，甚至有一刻想shut down fb....而今日亦都同兩位朋友逃離市區去行山，希望休息一日，回一回氣，順便收拾心情準備聽日要返工。
而同時間，我既心情真係好沉重好大既無力感好無助
究竟我仲可以點樣去愛哩個香港？
冇人想見到暴力，但當不斷既吶喊，遊行示威聯署簽名愛與和平叫口號連佔領行動都做過時，政權仍舊可以視而不見聽若不聞一意孤行，究竟我地要做d 咩先能夠令佢地聽取市民意見？點解黎到今日，唔少人決意盡地一煲，走上哩條路？

作者: Nathan 時間: 2016-2-10 19:26

無論係暴民or whatever，點都要撐市民啦。
政府根本攞黎賤，新年放寬小販幾日好難咩，可以做既公關技倆佢唔做，偏偏要激起民忿，擺明同你講我係强權政府吹咩?恨不得激走左d真香港人。今次對抗既方法係有爭議，但當你話緊佢地係暴民時即係幫緊政府，我就唔會中計。

作者: 新水星 時間: 2016-2-10 20:07

回復酷愛903

你都未答咁我地要點做對抗港共政權啊？？？？
lokzai 發表於 2016-2-10 18:43

繼續和理非非，俾政府過每一樣衰野，俾佢地儲夠CV做官。

作者: 酷愛903 時間: 2016-2-10 20:26

回復酷愛903

你都未答咁我地要點做對抗港共政權啊？？？？
lokzai 發表於 2016-2-10 18:43

做咩都得，總之不可使用暴力!!

作者: matthew1990 時間: 2016-2-10 20:32

做咩都得，總之不可使用暴力!!
酷愛903 發表於 2016-2-10 20:26

hi left-ard

作者: Kyle_ 時間: 2016-2-10 20:38

做咩都得，總之不可使用暴力!!
酷愛903 發表於 2016-2-10 20:26

請舉出實際例子。

作者: Kyle_ 時間: 2016-2-10 20:40

本帖最後由 Kyle_ 於 2016-2-10 20:41 編輯

無論係暴民or whatever，點都要撐市民啦。
政府根本攞黎賤，新年放寬小販幾日好難咩，可以做既公關技倆佢 ...
Nathan 發表於 2016-2-10 19:26

如果班左膠泛民識好似你咁諗就好。可惜，個個都沖出黎割蓆，D_ _!! 暫時淨係見HKUSU 表態撐本土

作者: kwanie 時間: 2016-2-10 20:42

本帖最後由 kwanie 於 2016-2-10 20:48 編輯

做咩都得，總之不可使用暴力!!
酷愛903 發表於 10/2/2016 20:26

紅字大晒呀 ?!
制度暴力就得，真係還手就唔得 :D
比人蝦到上心口繼續揸住個紙杯啦left plastic

係既係既, 犯左法就係犯左法
絕對唔可以學個0靚妹咁問犯左法又點喎

但係當你受盡欺壓所有聲音都無人聽到
佢既怨屈你明咩?

無，因為你淨係諗緊你自己。

你唔幫我地呢一代都算, 你仲口口聲聲紅色字走黎割蓆? 你自唔自私d 呀

當情況已經失控既時候你是但走去鬧邊一邊都係偏頗
而造成呢個chaos 既根源根本就係呢個特區政府, that's all

PS 唔記得LOGOUT 呀笠水 _ !

作者: 酷愛903 時間: 2016-2-10 20:48

本帖最後由酷愛903 於 2016-2-10 20:49 編輯

無論係暴民or whatever，點都要撐市民啦。
政府根本攞黎賤，新年放寬小販幾日好難咩，可以做既公關技倆佢 ...
Nathan 發表於 2016-2-10 19:26

學黃潔慧話齋：
如果要我不見眼前犯法（不少人更是蒙面犯法），只談遠因及表達同情，那是否跟梁振英及部分高官的手法一樣，迴避問題了？

紅字大晒呀 ?!
制度暴力就得，真係還手就唔得 :D
比人蝦到上心口繼續揸住個紙杯啦left plastic

係既係既, ...
kwanie 發表於 2016-2-10 20:42

想引用Egdeen Li回應黃潔慧博文以下POST回應你：

我個人認為事到如今最後的底線就是法治, 這個退無可退的底線信還是不信。毫無灰色地帶, 毫無中間選擇。暴力是絕對無辦法辯解, 暴力是不公義的一部分。當你看到施暴者毫無惻隱之心, 不停手襲擊平民傷者, 這是什麼樣子的暴力? 能不能夠經得起通過人類的道德標準? 最可悲的一件事莫過於 "We are not afraid to die for freedom", 我在此鄭重聲明他們根本不明白什麼是自由。我深信全世界沒有人這麼定義自由。唯有法治才能保障每個人的自由和權利。

如果你選擇相信法治, 請相信這個系統。這個系統有不完善的地方, 但是我們仍然要堅信我們的"核心價值"。
如果你選擇以任何藉口試圖合理化暴力, 任何以暴易暴的行為。這不是法治, 是人治。所有都是摧毀法治的基礎, 摧毀香港一百年來的文明。

蝙蝠俠: 在Bane眼中他們的才叫正義, 他們的正義法庭我們能夠相信嗎?

失控的民主，是滋養獨裁極權的溫床。-柏拉圖理想國
他們把侮慢當教養，無政府當自由，浪費當高尚，無禮當勇氣。市民遇到一丁點權威就躁怒……他們甚至不再守法。

作者: C.K. 時間: 2016-2-10 20:52

如果暴力可以同中共对抗，那就不会发生6-4事件了

作者: kwanie 時間: 2016-2-10 20:53

如果暴力可以同中共对抗，那就不会发生6-4事件了
C.K. 發表於 10/2/2016 20:52

係囉係囉乜野都唔好做等死囉好唔好

作者: C.K. 時間: 2016-2-10 21:02

係囉係囉乜野都唔好做等死囉好唔好
kwanie 發表於 2016-2-10 20:53

如果此等暴力行为叫做野，真系不如乜都唔好做...

最可怕最可悲5系 I'm not afraid to die for freedom，而系 I'm not afraid to kill for freedom.. Kill anyone who stands in their way...

谂谂这样的人同89年的大屠杀的始作俑者有何区别...

作者: nicholashin 時間: 2016-2-10 21:04

學黃潔慧話齋：
如果要我不見眼前犯法（不少人更是蒙面犯法），只談遠因及表達同情，那是否跟梁振英及部分 ...
酷愛903 發表於 2016-2-10 20:48

而家就係個系統有問題發揮唔到效用你叫我相信個系統？

如果制度內既方法搞得掂唔洗出黎就解決到問題回應到民意洗乜用任何制度外既方法去表達意見、爭取想要既野？

作者: C.K. 時間: 2016-2-10 21:09

而家就係個系統有問題發揮唔到效用你叫我相信個系統？
如果制度內既方法搞得掂唔洗出黎就解決到 ...
nicholashin 發表於 2016-2-10 21:04

制度同法制，甚至人道主义系两回事... 仁者无敌同得人心者得天下.. 老祖宗留下的道理到今日为止都仍然适用...

二月革命列宁政府诛杀沙皇全家，连小朋友都5放过，请翻开书看看苏维埃政权的下场，看看历史如何评价gulag等集中营..

作者: John 時間: 2016-2-10 21:10

本帖最後由 John 於 2016-2-10 21:12 編輯

黑警先係真．暴徒
黑警身上有警棍有槍，叫做手無寸鐵
示威者身上咩武器都冇，就地取材掘磚，叫做早有預謀

黑警見到有示威者衝埋黎，向天發射實彈，仲將槍口指向示威者，叫做生命安全受威脅、逼不得已
示威者被噴胡椒噴霧、比警棍狂打，遠距離擲磚嘗試阻止，叫做暴徒

黑警受傷，叫做受傷
示威者受傷，冇得「叫做」，因為傳媒完全唔提，根本冇人知有幾多示威者受傷、傷得有幾重

黑警打記者，轉介投訴警察課，搞一大輪乜事都冇
黑警圍砌示威者，等足一年先起訴，「你地無做錯到」
示威者掟黑警，就係暴動罪

「總之用暴力就係唔啱」，無錯
但點解我地可以用十張紙去譴責示威者，但對擁有更多武器、係毫無警告下使用致命實彈既警察，我地可以不屑一顧？
係咪「速離否則開槍」係廢紙一張，唔需要用？
係咪子彈打死人既機會，反而比磚頭更加低？如果係，不如下次調轉，示威者揸槍，警察係地下掘磚？

初三返緊工，都要開你波
可惜開唔到李波

作者: Kyle_ 時間: 2016-2-10 21:20 標題: RE: 強烈讉責暴徒昨晚至今早於旺角的暴力行為!!

制度同法制，甚至人道主义系两回事... 仁者无敌同得人心者得天下.. 老祖宗留下的道理到今日为止 ...
C.K. 發表於 2016-2-10 21:09

你學人講歷史？？？？？？？？？？？

咁你點睇六七暴動辛亥革命

作者: Kyle_ 時間: 2016-2-10 21:21

黑警先係真．暴徒
黑警身上有警棍有槍，叫做手無寸鐵
示威者身上咩武器都冇，就地取材掘磚，叫做早有預謀

...
John 發表於 2016-2-10 21:10

班左膠最叻最快就係割蓆罵本土，同燈神一鳩樣

作者: nicholashin 時間: 2016-2-10 21:40

制度同法制，甚至人道主义系两回事... 仁者无敌同得人心者得天下.. 老祖宗留下的道理到今日为止 ...
C.K. 發表於 2016-2-10 21:09

對君主既要求同對表達意見市民既要求有咩關係

使用較溫和方式(簽名、公投、遊行、佔領 etc.)無法達到任何改變，令到部份市民失去耐性就會用上較激烈手段
政權唔面對民意，只會打壓市民，市民反抗就話暴力，咁可以點？

你學人講歷史？？？？？？？？？？？

咁你點睇六七暴動辛亥革命 ...
Kyle_ 發表於 2016-2-10 21:20

勝者為王，敗者為寇
如果推翻到其他人就會突然認同架啦
大部份人係free rider 睇結果做人

作者: 酷愛903 時間: 2016-2-10 21:58

唔該大家認真睇下全港唯一撐泛民的報紙社論點講：

http://hk.apple.nextmedia.com/news/art/20160210/19485754
蘋論：譴責暴力衝擊　重建公權路漫漫

有誰會想到年初二凌晨的旺角街頭會變成「石磚」、玻璃樽、雜物橫飛的「戰場」？有誰會想到街頭小販管理問題會迅速惡化為三十多年來最嚴重的警民衝突及混亂，導致多名市民、警員及記者受傷？
但是，沒有想到的事發生了。大家在電視新聞、網上直播看到前所未見的街頭暴力衝突。有蒙着面的人對倒在地上受傷的警員拳打腳踢，投擲重物，彷彿要奪取他的生命；有部份人肆意拆走地上的磚塊再向警員、記者及途人投擲，對會否有人受傷毫不在乎。有人蓄意焚燒雜物以至汽車，又阻止消防人員滅火，置附近居民的生命安全於不顧。有執勤的警務人員以警棍拚命追打逃走的人以及正在採訪的記者；更有警員拔出佩槍向天開火及指向人群，隨時可能釀成更大的意外及傷亡。
我們對香港鬧市變成「戰場」感到非常痛心及難過，我們強烈譴責以暴力傷害市民、記者及警務人員的行為。我們呼籲各方面防止暴力衝突升溫，防止旺角再出現騷亂場面，並啟動確當程序全面調查事件，以免社會安全及秩序受到更嚴重損害，以免無辜所市民受傷。
昨天從旺角街頭的管理小販爭議迅速惡化成激烈警民衝突及嚴重騷亂原因很多，有深層次矛盾也有現場的情緒情勢變化。執法人員包括食環署人員及警員在處理事件上或許有可議可改進之處，但個別本土派團體及支持者的過激言行及暴力衝擊實在責無旁貸。正是在他們一波又一波的衝擊下，街頭衝突逐漸失控，形成戾氣及暴力循環，警務人員想以較大武力控制人群，衝擊的團體及市民也提升還擊的武力，很快雙方都出現「殺紅了眼」的情緒，互不相讓以至互相加害，令街頭出現一幕幕暴力傷害無力反抗逃避者的醜惡場面，完全失卻對人命安全的尊重。可以說，由少數人號召及主導的暴力衝擊令原已高度對立的現場一發不可收拾，衝突難以遏止。

政府漠視民意積累怨氣

當然，小販管理上的爭議迅速變成嚴重街頭騷亂有深層次的原因，有積累了多時的戾氣及怨氣。自從梁振英上台以來，他肆意挑動社會矛盾，扭曲規章制度，令公權力包括執法權力變得越來越不公正，越來越不公義，政府及警隊形象急劇惡化。就以政改及民主進程為例，市民對民主的强烈訴求沒有得到尊重，反而給硬塞一個假普選方案，以此否定真普選的可能，令特首及立法會雙普選再次變得遙遙無期。到前年的「雨傘運動」，數以十萬計市民透過佔領街頭行動表達對真普選的堅持，要求北京及特區政府正面回應。可惜，市民的決心換來的是警隊的粗暴鎮壓，換來的是警方的暴力傷害，換來的是頭破血流及拘捕。更可恥的是，濫權的警員、執法者遲遲沒有被追究，有的更被輕輕放過；倒是無辜受傷的市民、學生被捕、被起訴，有的更被誣陷，受害者反變「被告」。在不斷的扭曲及操弄下，公權力受到嚴重傷害，越來越多人質疑警隊的行為及執法尺度，越來越多人質疑警隊不再是公正的執法者而是政權的鎮壓工具，不接受他們的權力及命令。最終不但警民容易出現衝突，衝突發生後更難以收拾，只有暴力不斷升級。
目前來說，最重要的是防止暴力衝擊及衝突事件再發生，防止暴力不斷上升的惡性循環。一方面，警隊不該以事件為藉口擴大打擊面，肆意拘捕無辜市民或搞白色恐怖。另一方面，抗爭團體不要再發動暴力衝擊，加劇矛盾及不安。往下來政府及立法會應成立由法官任主席的獨立調查委員會，全面調查及檢討騷亂的因由及過程，包括騷亂是否有組織及預謀，有沒有不法分子滲透，警隊部署有沒有缺失，警員有沒有濫用暴力及槍械等，讓市民及國際社會全面客觀了解衝擊及騷亂真相，並提出避免再發生類似衝突的建議。

引入真普選減社會躁動

更根本的當然是要梁振英下台及引入真普選。只有這樣才能重建特區政府及政治秩序的公權力及認受性，減少社會躁動及走向暴力的誘因，減少暴力抗爭的號召力，讓爭議透過政治過程而不是街頭暴力解決。
我們認為，暴力不是也不可能是解決問題的方法，制度暴力及街頭暴力帶來的是更多、更激烈的矛盾。

作者: electric 時間: 2016-2-11 01:06

大陆看客表示：为左一粒鱼蛋，我睇你可以去到几尽？
Fishball Revolution 真系当笑话睇..

唔好以为大陆人好care HK系咪独立系咪民主，这些问题对于大陆人真系冇关痛痒，其实部分激进民主人士有被害妄想症，成日以为共产党同大陆人要用共产思想洗香港人脑... 那班激进的年青人才是被洗脑的一代，被所谓“民主至上”洗脑... 其实大部分内地人人当共产思想系笑话，大部分内地人认为现时的社会主义系另一种形式的资本主义甚至系官僚主义... 我地只care既系14亿人有饭食有工开有书读.. 所以好心呢班港人去谂谂点样搞经济，而5系去挖砖头、挖路牌同埋烧垃圾..

而这些问题对于北京政府，说到底就只是一个面子问题，如果香港你今天独立了，那么之后就有人要把台湾独立了、澳门独立了，西藏独立了，甚至广东也独立了... 这种问题会一发不可收拾，中国就会可能演化成为中东地区..

或者说五十年后的香港，新移民与早期移民之间发生矛盾，港岛和九龙要独立，或者要把新移民赶出香港...

几千年来人类战争不断，却怎么也学不会和平相处... never learn from the past.
C.K. 發表於 2016-2-10 11:35

that's the point
強國咪就係淨係識搞經濟跟住咪除經濟之外所有指數咪全球倒數囉
香港并唔想淪落到咁囉

如果暴力可以同中共对抗，那就不会发生6-4事件了
C.K. 發表於 2016-2-10 20:52

其實呢咁係證明暴力係需要更暴力的東西去降服

作者: matthew1990 時間: 2016-2-11 01:21

that's the point
強國咪就係淨係識搞經濟跟住咪除經濟之外所有指數咪全球倒數囉
香港并唔想淪落到咁囉

...
electric 發表於 2016-2-11 01:06

其實剩係經濟呢個point 已經有排爭辯
喺佢地眼中經濟只係等於GDP (per capita)
而從來唔會理會市民的Living standards (Gini Coefficient)
另外回歸後收入來源全部側重哂喺金融同零售業

作者: electric 時間: 2016-2-11 01:36

其實剩係經濟呢個point 已經有排爭辯
喺佢地眼中經濟只係等於GDP (per capita)
而從來唔會理會市民的Living standards (Gini Coefficient)
另外回歸後收入來源全部側重哂喺金融同零售業

matthew1990 發表於 2016-2-11 01:21

EXACTLY!!!!
仲要好浮躁咁以為自己身處嘅國家有幾好幾好咁

作者: lokzai 時間: 2016-2-11 03:34

回復 93# 酷愛903

一，請問你有咩方法爭取文中所講既真普選係有效加非暴力，你冇錯，用咩方法都得，用行山爭取真普選都得，問題係有效咩，你仲信以前個套方法？究竟個d你所講既用咩方法都得既方法係真係用來爭取你想爭取既野啊？定係只係想做個樣比自己睇咋。你將心比己啦，人地係既得利益者，你靜個坐人地會唔會咁好死比民主你啊？你邊位啊？你配唔配啊？
二，你自己可唔可以講下野唔好有copy呢個又copy個個然後就當回應，如果我交essay可以好似你咁交就好啦
三，比你叫得本土，你copy民主黨蘋果人地根本睇都唔會睇啦
四，活係不公既制度下，如果你又出下post鬧下警察鬧下良景班人我諗大家條氣會順d

作者: lokzai 時間: 2016-2-11 03:36

回復 83# 酷愛903

仲有plato係支持monarchy嘎你po plato呢句係咪其實支持monarchy？

作者: kenneth 時間: 2016-2-11 03:39

豬豬真多到死...

作者: kenneth 時間: 2016-2-11 03:45

以下討論基於認同一國前提：

我好明白香港人好重視維護自身權益，擔心自身權益被人剝奪，
但請香港同胞相 ...
uponand 發表於 2016-2-10 15:51

chenglap 文章：

我看到的事情, 其實是很詭異的.我認為, 不是香港人想要建立自己的國家, 而是, 有人想要香港人建立一個國家, 正在製造很多事故, 一步一步的引導香港人真心相信這件事. 而這件事並不是雨傘革命, 雨傘革命只是這件事的其中一個結果.我會這樣說的原因, 最初的是, 只要大家都有印象, 十年前, 我想並沒有甚麼人追求香港獨立的, 理由跟八卦版上有些人說的差不多: 覺得香港獨立的可能性不大, 不是不想, 而是覺得不可能不如放棄.如果你搜尋報紙, 近期第一個出現香港獨立的聲音的報紙是哪些?然後你會赫然發現, 是香港的大陸控制媒體.那些被中華人民共和國相關勢力控制了數十年的報章.他們的做法不是說支持香港獨立, 而是在沒有人提出香港獨立時, 不斷製造香港獨立這個敵人去打, 說有人在搞香港獨立. 同時, 又把很多無關的人, 扣上香港獨立的帽子攻擊他們, 但同時, 我在大陸看到另一些媒體, 他們很神奇的, 把香港獨立的條件洩露出來, 包括而不僅限於:1. 香港在獨立後怎樣取得能源(來自馬六甲)2. 香港在糧食供應其實不源自大陸(八成食米來自越南和泰國, 農業副產品則可以改從臺灣和北海道輸入)3. 香港的食水可以使用以色列的逆滲透技術(而且很神奇的政府還通過預算)4. 使用陸軍攻擊香港對中國的壞處5. 香港經濟其實不依賴大陸(我卻是在大陸看到這些言論)6. 還有很多這些言論我沒辦法全部找回, 但這是我這幾年, 大部份從大陸相關的網站和媒體看到的... 可以這樣說, 在香港有任何人認真考慮獨立之前, 似乎已經有一群人認真的把香港獨立的所有可能性研究過一次, 然後透過各種媒體, 網絡, 像拼圖一樣一塊一塊的丟給香港.大陸原本答應了 2017 年民主化, 但現在反口, 這也是很奇怪的. 說得難聽一點, 民主化實際上是「維穩」, 民主政治並不是甚麼反映民意, 他更像是透過選舉, 定期的將民怨發洩, 民主政治長期是令社會穩定的. 你們住在臺灣其實應該清楚, 不論媒體多亂, 在社會上其實一點也不亂, 因為大家會把精力花了在選舉而不是策劃任何選舉以外的抵抗上. 如果大陸真的重視穩定, 民主化理應是他們的計劃一部份, 可是他們卻自己打掉了.但就算條件完全齊備, 香港本身也欠缺獨立的精神, 以及獨立所需要的 patriot (參看美國獨立) , 結果這幾年, 透過不斷的拘捕, 落案底, 暴力等方式, 香港憑空產生了一群 patriot. 如果你有看大陸的媒體, 你都知道, 他們習慣把所有反對大陸的人都說是「極少數極少數極端份子」, 但卻在這幾年, 卻大舉報導和炒熱中港衝突, 這和之前的做法可說是完全相反. 成功的讓香港人和大陸人非常討厭對方.很奇怪的, 我反而有個猜想, 有沒有一個可能, 就是香港正在走向「被獨立」?這雖然聽起來很陰謀論, 但是你看看上面發生的事情, 特別是媒體 (我就坦白點說, 我第一次看到港獨這件事是在文匯報, 一個傳統共媒) 方面, 有日子可尋和報導可尋的, 而實際上, 十年前沒有人考慮的香港獨立, 今天已變成了檯面上會被談論的議題.你看回這些言論, 如果他們的心是不想香港獨立, 那他們是單純的愚蠢, 說了大話, 然後禍從口出? 豬隊友? 還是倒轉來說, 他們其實不是豬隊友, 而是他們的目標根本就是讓香港長遠走向獨立?當然會有人說, 中共怎可能會讓香港獨立, 但是如果你看歷史的話, 你會發現,當時香港不是中國大陸的一部份, 反而發揮了很大的作用. 在六十年代, 韓戰之後, 美國對中國禁運, 就是透過親西方卻自由與中國大陸貿易的香港, 對西方間接進行走私貿易. 香港某些親大陸的商人, 利用香港與西方同陣營, 以走私軍火, 先進的器材或零件去大陸起家. 毛澤東說對香港的「長遠利用」, 其實就是指這回事.一旦中國需要跟西方過不去時, 不是屬於中華人民共和國的香港, 反而是重要的間接貿易站, 因為西方不會對(基本上屬於西方陣營的)香港禁運, 香港卻也無法阻止和大陸的走私貿易. 也沒法阻止大陸的人偷渡過來, 反而是在改革開放, 中美正式建立關係後, 香港才取消了抵壘政策, 把偷渡客趕回去而不是收留.作為一個讀歷史學的人, 我習慣從歷史看事情, 而赫然發現, 這其實和我們的直覺完全相反.這是其中一個點, 我覺得香港獨立如果真的被推動, 他並不是單純出於香港人自己的意願, 而是有更大的力量以及地緣政治在背後驅使. 如果哪天香港獨立了,香港的獨立自然會美化成史詩, 而早期的支持者和抗爭者, 就有可能像美國國父們位列仙班, 而這種浪漫的背後, 很可能並不是真的他們自己導致的, 他們只是被安排在舞臺上的演員, 也說不定.可是我這種理論, 說一下是可以的, 要證明, 根本不可能.

歡迎光臨 Cool Music Forum (http://www.cmusichart.com/discuz/)