標題: 蔡思貝陪男友胡鴻鈞返家慶母親節 蔡思貝：我唔識許廷鏗 [打印本頁]
作者: samxdxd 時間: 2020-5-16 13:36 標題: 蔡思貝陪男友胡鴻鈞返家慶母親節 蔡思貝：我唔識許廷鏗
【情人知己三角糾纏】蔡思貝鬼祟夜會余德丞
再陪男友胡鴻鈞返家慶母親節
壹周刊 16-5-2020
https://hk.nextmgz.com/article/2_740198_0
去年底，蔡思貝被人踢爆，與《降魔的2.0》上位的胡鴻鈞拍拖，即是說，緋聞男友余德丞已成過去式？
不過，壹仔這晚卻見到，有新歡的蔡思貝，鬼祟夜會余德丞，難道他倆藕斷絲連，糾纏三角關係？
蔡思貝拍了五個月的新劇《踩過界II》，終在上週二(5號)煞青，她一收工即約人撐枱腳，且一條短裙仔，夠晒青春誘人赴會。悉心打扮，約會對象不是男友胡鴻鈞，而是關係曖昧多時的密友余德丞。
還記得去年余德丞踢波途中突然昏迷送院，蔡思貝當晚第一時間衝去醫院，翌日更兩度現身，緊張程度，十足女友一樣。
而二人約會的當晚，揀了食串燒撐枱腳，且一食就三粒鐘，走的時候，這對傳緋聞的男女，鬼祟到要前後腳分開走。余德丞一支箭走去銀行櫃員機提款，為怕約會一事外洩，女方沒跟著他行，反而先返回自己的新座駕等對方。
㩒完機的余德丞，行番去搵蔡思貝，沿途他雙眼如人肉探測器一樣，不停掃射有冇可疑人物，尤如十級戒備。密會啫，使乜咁驚呀！
拍拖揸百萬波子
原來好戲在後頭，二人這麼鬼祟，不是因為偷情，而是蔡思貝的男友胡鴻鈞，剛到現場會合女友。呢餐飯，遲來的胡鴻鈞原想join埋一齊食，但余德丞發現附近有疑是狗仔隊的人，為掩護「蔡鈞戀」即通風報信，示意胡鴻鈞不要現身。
拍拖拍到高度戒備的「蔡鈞戀」，當晚各自揸自己車出動，並發現蔡思貝駕駛的，是過百萬的新款波子。有男方的密友爆料，指蔡思貝早前向男友胡鈞鴻要求送她一輪Mini Cooper，但當晚所見，她駕的竟是貴幾倍的辣跑保時捷，難道就是男友大手筆送的？
一對大話情人
說回拍拖半年的「蔡均戀」，至今仍處於小心戒備的狀態，縱然去年情侶關係被揭，但揭還揭，一於打死唔認，夾好口供，蔡思貝:「好朋友囉，冇呢啲喎！」，而胡鴻鈞:「自己嘅愛情，仲係尋尋覓覓當中。」齊齊做對大話情人。
早前男的被問到怎樣慶祝母親節，他說:「母親節當然同媽咪嗲啲慶祝啦，好簡單喺屋企食餐飯，就係我自己下廚嘅！」無錯，母親節正日日，胡鴻鈞的確陪父母渡過，但沒說，身邊還有女友蔡思貝。就在母親節這個重要日子，蔡思貝同胡鴻鈞呢一啤俾壹仔斷正！
當日蔡思貝揀陪男友的母親慶祝，胡鴻鈞駕車載住女友離開電視城去太古廣場。怕情侶關係曝光，戴口罩的他倆，再加cap帽，臉容遮了大半，若非一直追蹤，包到冚根本難以察覺。
泊好架車，二人先去coffee shop買杯咖啡，之後怕被人見到，故意走落停車場避一避。等了15分鐘，兩人確定(以為)冇人跟，再返回商場。看見他們拍拖舉動，真係想問，何不大大方方！
他倆揀了北京樓買外賣，並好有默契，女的揭餐牌，男的影相，相信是影給胡母，由她拍板。等到外賣，胡鴻鈞負責付款兼對單，見長長的張據，三大袋外賣食物，準備返家開大餐慶祝母親節。之後二一起返回將軍澳緻藍天胡鴻鈞寓所。看來拍拖半年，蔡思貝已見家長，且成功融入胡家。
明明母親節，有女友溫馨陪伴，但事後胡鴻鈞去商台做訪問時，卻繼續扮單身:「我都自我封閉咗好耐，我都好enjoy自己一個人嘅空間！」
三角糾纏
蔡思貝與胡鴻鈞，加余德丞，這段「三角」關係，可謂峰迴路轉。
蔡思貝與余德丞這對緋聞男女，之前關係最曖昧時候，二人不為一棵樹放棄整個森林，親密同時又各有各收兵，追女。余德丞一度越級挑戰，以近水樓台之利，追鄰居娜姐，但最後只能做兵，未能進階。
知道余德丞背著她媾周秀娜，蔡思貝都唔執輸，同余德丞慶祝生日兼po相，宣洩下主權。
之後蔡思貝轉投胡鴻鈞，余德丞公開一番看似戲言，實則有點葡萄說話:「我絕對係同佢襯啲，我諗唔係剩係我講，大把人都咁講。」雖然今日胡鴻鈞已是蔡思貝的另一半，由緋聞男友轉為知己的余德丞，肯為佢倆做掩護，呢啲係咪叫大方！
懶理胡鴻鈞許廷鏗關係決裂 蔡思貝：我唔識許廷鏗
香港01 15-5-2020
https://www.hk01.com/%E5%8D%B3%E6%99%82%E5%A8%9B%E6%A8%82/473698/%E6%87%B6%E7%90%86%E8%83%A1%E9%B4%BB%E9%88%9E%E8%A8%B1%E5%BB%B7%E9%8F%97%E9%97%9C%E4%BF%82%E6%B1%BA%E8%A3%82-%E8%94%A1%E6%80%9D%E8%B2%9D%E5%9D%A6%E8%A8%80-%E6%88%91%E5%94%94%E8%AD%98%E8%A8%B1%E5%BB%B7%E9%8F%97
外間一直盛傳胡鴻鈞（Hubert）因秘撻蔡思貝而與「蜜友」許廷鏗反目，多年來建立的感情因而付諸流水。
許廷鏗曾公開直認彼此少聯絡，而Hubert亦不甘示弱向外坦認雙方關係不復以前。
涉及事件中的女主角蔡思貝今日（15/5）出席電台節目前，接受《香港01》訪問時回應相關傳聞說：「其實我唔識許廷鏗，亦唔知道佢哋兩個嘅關係係點，因為我同Hubert係好朋友，其實我唔係好清楚佢哋兩個之間發生咩事。」（會否避嫌，同Hubert減少往來？）思貝坦言：「其實成件事我都唔係好清楚喺咪外間所指，咁所以我唔會有任何行動，我會做返自己，做返對待朋友一般嘅關係就Ok！」
作者: timc524 時間: 2020-5-16 13:42
而我不知道許廷鏗是誰
作者: 小伙子. 時間: 2020-5-16 14:17
0鏗慘
作者: kimjj 時間: 2020-5-16 14:41
條女好貪心，咁快要人送車。
突然覺得呢2個人都唔係好野
作者: mrshadowll 時間: 2020-5-16 14:58
零鏗揾第個啦，其實佢同Mirror某成員幾襯
作者: b01091018 時間: 2020-5-16 15:47
樓主係咪華納pr
作者: nazcaline 時間: 2020-5-16 16:07
胡生自己都係揸萬事得咋喎，送波子比女？
作者: 洗衣王國130 時間: 2020-5-16 16:09
零鏗揾第個啦，其實佢同Mirror某成員幾襯
mrshadowll 發表於 2020-5-16 14:58 
鏗鏗 係我家 
btw 蔡思貝 擺明係姣精 ！
妳唔識許廷鏗 ？ 無嘢呀？ 人地鏗鏗係準天王 識妳呢啲姐仔咩？
作者: JayantL 時間: 2020-5-16 16:30
達哥識開Eason呢個level
唔識金堅好正常啫
作者: kaman921 時間: 2020-5-16 17:02
我無興趣知佢地感情生活
唔洗再跟進啦樓主
作者: kk8733 時間: 2020-5-16 17:06
天天衰老仍然守侯你
作者: kk8733 時間: 2020-5-16 17:07
樓主係咪華納pr
b01091018 發表於 2020-5-16 15:47
她整晚在寫信。。
作者: nazcaline 時間: 2020-5-16 17:34
本帖最後由 nazcaline 於 2020-5-16 17:35 編輯
可唔可以貼返Alfred新聞。
對大灣區歌手無興趣啊
on07111 發表於 2020-5-16 17:30
作者: longdistance 時間: 2020-5-16 17:37
條女好貪心，咁快要人送車。
突然覺得呢2個人都唔係好野
kimjj 發表於 2020-5-16 14:41
蔡思達不嬲都唔係好女仔
唔知佢了解完自己個學位未
作者: SugarFree 時間: 2020-5-16 18:04
都係果句,鏗鏗正氣又靚仔點解係要成日拉佢同胡宇春一齊講?係咪驚唔提佢胡宇春D新聞冇人睇?
作者: nazcaline 時間: 2020-5-16 18:14
都係果句,鏗鏗正氣又靚仔點解係要成日拉佢同胡宇春一齊講?係咪驚唔提佢胡宇春D新聞冇人睇? ...
SugarFree 發表於 2020-5-16 18:04
其實許生身嬌肉貴，下次班娛記問佢胡生嘅野，佢唔好答得咁積極啦不如
作者: kimjj 時間: 2020-5-16 19:31
其實許生身嬌肉貴，下次班娛記問佢胡生嘅野，佢唔好答得咁積極啦不如 ...
nazcaline 發表於 2020-5-16 18:14
許生答問題不嬲都係咁，唔係今日先係咁，反而胡生就變咗喇，友情不變都講得出口，好假呀
作者: 616.1314 時間: 2020-5-16 21:23
鏗鏗 係我家 btw 蔡思貝 擺明係姣精 ！
妳唔識許廷鏗 ？ 無嘢呀？ 人地鏗鏗係準 ...
洗衣王國130 發表於 2020-5-16 16:09
你應該要專一啲囉 
作者: 洗衣王國130 時間: 2020-5-16 22:13
你應該要專一啲囉
616.1314 發表於 2020-5-16 21:23
Baby sorry 同你係幕前情侶拍檔 ，鏗鏗 先係我真愛 ❤️。
你唔好呷醋啦 ！
作者: cy_lee96 時間: 2020-5-16 22:44
蔡思達不嬲都唔係好女仔
唔知佢了解完自己個學位未
longdistance 發表於 2020-5-16 17:37
鍾意蔡思達 真係有啲難接受 
作者: nazcaline 時間: 2020-5-17 08:04
許生答問題不嬲都係咁，唔係今日先係咁，反而胡生就變咗喇，友情不變都講得出口，好假呀 ...
kimjj 發表於 2020-5-16 19:31
友情不變唔一定要一齊玩，尤其出親來玩的其他人都唔岩傾呢？胡生唔開心左好耐作為好朋友唔會feel唔到，當然，我都係估估下，不過以前成日睇直播，覺得胡生都在下把位比其他人玩，佢似係以百厭搗旦反應掩飾左佢，感覺係許生而家總是側面一大班人烘住佢，果個一道門，咪不停講到對胡生有幾多恩惠，對佢幾咁好，老實說，大家岩唔岩聽都好，的確胡生係拍劇多左人識，而且胡生都30，大個左唔再只是身邊小弟，佢都想自己行自己路，加上又被雪又受傷，心態可能唔同左，或者佢真係想試下另一種生活另一種工作或朋友圈，咁唔代表友情變左，唔一定要一齊嘻嘻哈哈先叫友情囉。
我以上只是我個人睇法和觀察左好耐而估估下的
作者: kimjj 時間: 2020-5-17 12:14
本帖最後由 kimjj 於 2020-5-17 12:18 編輯
友情不變唔一定要一齊玩，尤其出親來玩的其他人都唔岩傾呢？胡生唔開心左好耐作為好朋友唔會feel唔到，當 ...
nazcaline 發表於 2020-5-17 08:04
之前成日聯絡到而家唔聯絡，友情點會係不變呀？友情濃轉淡已經係變啦。 hibye fd都係友情既一種添。
胡生同其他人唔啱傾，洗唔洗許生都唔覆呀？都識咗咁耐，如果許生feel唔到胡生自己都要表達覺得委屈唔開心啦。
如果係許生攪到胡生唔開心就更加要同許生講啦，而家許生好似唔知發生咩事咁。
照你咁講，之前胡生委屈唔出聲，而家出聲，即係胡生而家紅咗，有毛有翼喇，之前既好朋友都可以唔要
作者: nazcaline 時間: 2020-5-17 12:47
之前成日聯絡到而家唔聯絡，友情點會係不變呀？友情濃轉淡已經係變啦。 hibye fd都係友情既一種添。
胡 ...
kimjj 發表於 2020-5-17 12:14
我只係估，未必係真，而胡生唔係舊年紅，係前年石敢當時期紅，舊年都冇咩聲氣啦，咁朋友都要講緣份，覺得去左另一階段有另一階段的相處，而且朋友間係咪單方面有問題only? 相信唔係，但只睇下報導就話係胡生唔岩，我唔認同，利申：胡生10年老粉
作者: kimjj 時間: 2020-5-17 13:21
本帖最後由 kimjj 於 2020-5-17 13:24 編輯
知道你係胡生既fans
我覺得你詳細睇下以下既文字
從你角度
Hubert 好似係一直處於下風同忍辱負重咁相處 ...
samsam 發表於 2020-5-17 13:09
我都覺得係類似情況，我本來都係胡生粉，無10年咁耐，但我覺得胡生今次呢件事做得唔好。
唔止呢個post，之前都講過呢條女唔係好野
作者: kimjj 時間: 2020-5-17 13:26
我只係估，未必係真，而胡生唔係舊年紅，係前年石敢當時期紅，舊年都冇咩聲氣啦，咁朋友都要講緣份 ...
nazcaline 發表於 2020-5-17 12:47
唔可以剩睇報導話胡生唔啱，但你矛頭都指向許生喎
作者: Bluejays 時間: 2020-5-17 13:47
既然大家都係 insist 喺呢個帖度講，咁我搬翻我個 post 過嚟喇:
http://www.cmusichart.com/discuz/redirect.php?goto=findpost&ptid=17320&pid=1445881
其實，我只係介意 Hubert fans 會覺得 Alfred 係好風騷咁答記者問題
出到搵傳媒傳話，已經係冇哂辦法先咁做
所以我唔希望 被人誤解為 搏宣傳
作者: Bluejays 時間: 2020-5-17 14:25
我只係估，未必係真，而胡生唔係舊年紅，係前年石敢當時期紅，舊年都冇咩聲氣啦，咁朋友都要講緣份 ...
nazcaline 發表於 2020-5-17 12:47
我一直希望 Alfred Hubert Mag KwanGor fans 可以共處
同 Mag fans 條路係最崎嶇，但 真誠 同 時間 係可以證明好多野的
蕭公子 就其實唔難，只要堅信 佢係無問題 就 OK 了
nazcaline，你係一個好純好真嘅粉絲
我好想同你講，我睇到你睇到嘅 Hubert
我相信 Hubert 係有唔想解釋嘅野
作者: 神女有心 時間: 2020-5-17 14:40
睇到上面阿Sam嘅一大pat留意，真係暈暈地，但我又衰嘅竟然全部睇晒就係睇下你哋班忠實許生粉絲點諗我哋個胡紅君
作者: 神女有心 時間: 2020-5-17 14:43
本帖最後由 神女有心 於 2020-5-17 14:46 編輯
其他嗰啲塘邊鶴又咁多咀，話埋紅君個女朋友，你又幾了解蔡小姐，蔡小姐做咗咩傷天害理事叫得上係一個唔好嘅人呀
有證據就拎出嚟，做咩淨係識睇周刊講就信到十足
人哋係紅君個女朋友，就算揸紅君嘅車又有咩問題呢？ 如果架車登記人係蔡小姐自己，咁又點解可以屈蔡小姐要紅君比錢買呢？
咁神奇嘅，唔通啲塘邊鶴匿咗响胡生床底知道晒佢哋啲秘密？
作者: 神女有心 時間: 2020-5-17 15:13
本帖最後由 神女有心 於 2020-5-17 15:16 編輯
都係果句,鏗鏗正氣又靚仔點解係要成日拉佢同胡宇春一齊講?係咪驚唔提佢胡宇春D新聞冇人睇? ...
SugarFree 發表於 2020-5-16 18:04
其實你睇返篇文啦，成個壹仔報道係無提過許生架
但樓主又好神奇地貼埋蔡小姐01個報道囉
而許生最近嘅新聞，每次佢出去宣傳後都會有記者問許生關於胡生嘅關係，呢樣我諗唔係胡生可控制範圍之内
而許生可以控制嘅就係唔再講胡生，但我睇呢排係許生有專登去講胡生失聯而係想借傳媒去送msg比胡生話掛住佢
作者: 神女有心 時間: 2020-5-17 15:56
本帖最後由 神女有心 於 2020-5-17 16:01 編輯
而如果有follow開兩位靚仔嘅ig, 都不難發現一樣嘢，就係兩位靚仔由11月中嘈過交，而家我就畫個時間進程出嚟，你會發現兩個靚仔之所以嘈交唔會係因為蔡小姐事，佢哋兩個係一定有嘢發生咗，而可能係因為理念，工作或某啲承諾或一啲埋响心裡面嘅心事感覺而觸發
2019
11月3日 胡生陪許生開KKBOX 一起聽, 許生仲上載咗胡生張selfie
11月9日 胡生轉發降魔的2.0嘅宣傳片段 （咁即係當時佢心情仲好好）
11月16日 許生ig話 忠言逆耳 能否心領神會就看你造化
11月17日 許生ig道歉 ，對不起 我做得不夠好 我錯了 我說了 還有機會可以知道你的答案嗎
之後胡生一直冇出ig, until 12月8號出了首cover
12月6號 東方爆料胡生蔡小姐密會，仲話係跟咗呢兩個十日 （當時蔡小姐拍緊踩過界2，而記者係唔會無啦啦跟一個藝人十日嘅，除非係收到報料）
12月8號 一道門出po鬧某人係偽人 所有人都可以係工具 （但之後刪了post)
2020
1月6號 胡生出新歌，開新歌發佈會
1月6號 許生ig指 每段關係都受到不同程度嘅考驗 其實可能只是這些考驗 彰顯了本身一直存在的問題 / 避開真的避得開？ 要重新連結 又談何容易？
作者: 神女有心 時間: 2020-5-17 16:20
本帖最後由 神女有心 於 2020-5-17 16:40 編輯
我只係估，未必係真，而胡生唔係舊年紅，係前年石敢當時期紅，舊年都冇咩聲氣啦，咁朋友都要講緣份 ...
nazcaline 發表於 2020-5-17 12:47
無可否認，胡生的確係石敢當後爆紅，亦即係劇集爆紅咗佢繼而佢嘅歌唱事業亦終於爆上一個高峰
作為普通人都會想得到身邊朋友嘅認同同支持，更何況一個以前幾乎係半透明嘅藝人
其實胡生一向不乏才華同實力，可惜老闆唔知因乜事唔力捧佢，將所有本來佢有份嘅資源撥咗去其他嘅同門身上
咁佢唯有就係要自己創出另一條血路，就係拍劇集，而慶幸嘅係胡生响戲劇方面原來都同樣有住天分，更慶幸嘅係佢响戲劇嘅資源竟然比唱歌優厚
但當爆紅咗，佢好想同朋友去分享佢嘅喜悅時，佢身邊嘅朋友都感受唔到
原因係呢班朋友都唔係佢嘅工作圈嘅一份子，更係對佢呢份工作有所嫌棄
我相信胡生一定有不是味兒嘅，咁佢可以點？ 就係另開一個朋友圈，呢個朋友圈全部都係演藝方面嘅好同事好朋友
其實做人好簡單啫，唔使諗到咁複雜，做人係想開心同爭取滿足感
當呢個圈子唔啱傾或得唔到認同滿足感，好自然你就會去搵一啲啱channel同其他愛錫自己嘅人架啦，呢啲又邊有錯同對呢
作者: 神女有心 時間: 2020-5-17 16:22
你自己都睇到,12月6日報紙影既野 但就一定唔係SDOOR 放囉 ,因為SDOOR都唔識蔡
點俾料人呢?
咩事都好
...
samsam 發表於 2020-5-17 16:14
我有講係SDoor放咩，點解你會將件事同SDoor連埋咗嘅
咁有冇咁做就應該得阿小一個知
佢對得住天地良心咪得，係咪？
在我角度，爆唔爆單戀情出嚟都冇所謂嘅，人嚟架嘛，正常拍拖犯法咩
作者: samsam 時間: 2020-5-17 16:31
我有講係SDoor放咩，點解你會將件事同SDoor連埋咗嘅
咁有冇咁做就應該得阿小一個知
佢對得住天地良心咪得 ...
神女有心 發表於 2020-5-17 16:22
我上面咪講左囉你有無睇架
作者: 神女有心 時間: 2020-5-17 16:34
我上面咪講左囉你有無睇架
samsam 發表於 2020-5-17 16:31
真係太大pat, 睇到暈暈地
作者: Bluejays 時間: 2020-5-17 16:36
11月17日 理大圍城
Hubert 係理大畢業生
對我地凡人嚟講，真係冇辦法想像
點解嗰段時間 可以因私事鬧交
作者: 神女有心 時間: 2020-5-17 16:38
其實單戀情爆料對粉絲嚟講not a big deal
但for紅君嚟講，應該會比較big deal
咁佢係圈中人，佢會知道内情同知有冇人爆料
佢會因此而作出一啲決定
我係粉絲，粉絲隨愛豆，就係咁簡單
作者: hlyyy 時間: 2020-5-17 16:46
本帖最後由 hlyyy 於 2020-5-17 16:51 編輯
而如果有follow開兩位靚仔嘅ig, 都不難發現一樣嘢，就係兩位靚仔由11月中嘈過交，而家我就畫個時間進程出嚟 ...
神女有心 發表於 2020-5-17 15:56
其實根據個時間線
我覺得佢地係因為Hubert決定同星夢續約同政治立場而嘈交
上年Hubert好返之後出面一直都有job做
但cctvb嘅大大小小show都唔見佢 明顯俾人雪緊
但11月中開始突然活躍返喺幕前(續咗約) 同埋身為Poly舊生嘅Hubert粒聲都唔出
應該就係咁令Alfred同Sdoor失望
Alfred同Sdoor應該一直都唔鍾意星夢同想Hubert走
之前有人話Sdoor話Hubert講一套做一套同違背良心做嘢
應該係講緊Hubert一直都應承過會離開星夢同喺ig表現到自己係黃咁但又繼續幫cctvb打工？(純粹個人推測)
總之佢地反面應該唔關蔡思達事嘅我諗
不過咁多年兄弟情咁就冇咗真係好可惜 希望佢地會有和好嘅一日
作者: 神女有心 時間: 2020-5-17 16:48
11月17日 理大圍城
Hubert 係理大畢業生
對我地凡人嚟講，真係冇辦法想像
點解嗰段時間 可以因私事鬧交 ...
Bluejays 發表於 2020-5-17 16:36
咁又點知佢哋兩個啫
理大件事，也最多係旁觀者啫又關紅君咩事
舊生可以做到啲乜，佢係人唔係小神仙石敢當
佢係小神仙嘅話，上年佢就唔會吊威也跌親啦
作者: 神女有心 時間: 2020-5-17 16:58
本帖最後由 神女有心 於 2020-5-17 17:03 編輯
其實根據個時間線
我覺得佢地係因為Hubert決定同星夢續約同政治立場而嘈交
上年Hubert好返之後出面一直都 ...
hlyyy 發表於 2020-5-17 16:46
如果因為咁而鬧個好兄弟，我只能講..人哋屋企冇你咁多錢可以任性呀
同埋黃都有分好多種，支持社運暴力亦唔見得係有良心
更何況而家嘅社會環境，要夾硬歸邊黃藍而冇中間嘅話，胡生係藍
你哋都話佢係大灣區歌手啦，其實大灣區歌手，做tvb就係遺背良心咩
唔知點解覺得呢個等號畫得幾好笑，即上大陸發展嘅藝人或歌手就係全部遺背良心？
作者: Ching2015 時間: 2020-5-17 17:01
本帖最後由 Ching2015 於 2020-5-17 23:24 編輯
其實根據個時間線
我覺得佢地係因為Hubert決定同星夢續約同政治立場而嘈交
上年Hubert好返之後出面一直都 ...
hlyyy 發表於 2020-5-17 16:46
嘩，咁多段睇到傻。身為多年鏗粉，我都覺得呢個版本較似，即
1，同政治取向
2，同Hubert續約tvb有關
大家理念唔同，疏遠無可厚非。Hubert都想試試轉換朋友圈。不過，我都希望兩人會和好番，Alfred網上音樂會，專登唱小巧首和好比Hubert聽，希望佢收到後，回個message都好啦。
我follow左Alfred一段時間，覺得佢為人係真心對朋友好，所以佢人緣咁好，我點都會選擇永遠支持佢。
作者: 艾石仔 時間: 2020-5-17 17:27
又理大圍城
無力感又理大圍城
唔好乜都唔知就話關理大圍城事啦
作者: 森姆@結論 時間: 2020-5-17 17:29
本帖最後由 森姆@結論 於 2020-5-17 17:30 編輯
睇左你地咁多討論
我覺得無論咩原因都好
都無話絶對嘅對與錯嘅
相識是緣份
大家都係同一個歌唱比賽出身
又咁多年兄弟感情
即使理念改變左
都希望大家都可以珍惜大家
客觀睇，Alfred 無辦法到搵傳媒同用音樂去傳話俾Hubert
係好真心同好珍惜佢同Hubert既兄弟情
畢竟星夢年代Alfred 都幫Hubert爭取過機會
希望過咗一排之後
大家都可以有返以前嗰種互動
p.s 我見上面有人話Alfred 好風騷咁回應，你估佢好想答？D記者成日提住胡生吼住許生反應，唔通許生要黑面回應咩？佢都有同記者講：又係佢（指胡生）？證明係記者問題啦！
作者: longdistance 時間: 2020-5-17 17:34
呢個三角關係連埋cm仲好睇過大台劇
唔知跟住劇情會點發展呢
有請關注零鏗感情狀態專員樓主繼續跟進
作者: Bluejays 時間: 2020-5-17 17:54
又理大圍城
無力感又理大圍城
唔好乜都唔知就話關理大圍城事啦
艾石仔 發表於 2020-5-17 17:27
而家就係講緊，11月17日，發生左一件 *唔關* 理大 嘅事，所以覺得荒誕呀
作者: 神女有心 時間: 2020-5-17 20:47
睇左你地咁多討論
我覺得無論咩原因都好
都無話絶對嘅對與錯嘅
相識是緣份
大家都係同一個歌唱比賽出身
又 ...
森姆@結論 發表於 2020-5-17 17:29
大部分都同意你講嘅
但就一點，許生响星夢時期幫胡生所爭取嘅機會，我相信係幾次陪唱嘅機會同俾胡生認識咗幾個非星夢嘅音樂人
其實胡生已經响好多周刊/電台訪問公開咁多謝過許生
而許生粉絲若然咁中意久唔久就提一次，包括某許生粉絲嘅一大pat留言（而家delete咗）連余婆嘅資源都係許生幫胡生爭取嘅
（咁查實龐杰同石敢當呢個角色係唔係都係許生幫胡生爭取架呢，哈哈）
都真係冇你哋辦法，我估就算連胡生都真係只能講一句 一笑而過
作者: 神女有心 時間: 2020-5-17 20:51
我好肯定你問十個人會有十個人答胡生走紅係因為石敢當同到此一遊遙不可及
而唔會答你係因為情人自擾同朋友身份
講完
作者: on07111 時間: 2020-5-17 22:18
當年朋友身份想用坤坤同一班底來做另一次原來她不夠愛我2.0，可惜這首歌太平淡了，浪費了hubert的聲線
作者: kaman921 時間: 2020-5-17 22:23
如果因為咁而鬧個好兄弟，我只能講..人哋屋企冇你咁多錢可以任性呀
同埋黃都有分好多種，支持社運暴力亦唔 ...
神女有心 發表於 2020-5-17 16:58
字都打錯係*違背呀!
你講乜L嘢呀 你唔知因乜要有暴動就咪L亂講嘢啦傻仔
我地唔係支持社運暴力囉!!! 好似講到我地錯晒咁
宜家係邊個搞到咁呀?
你完全唔了解下只偏幫胡生
作者: kaman921 時間: 2020-5-17 22:25
當年朋友身份想用坤坤同一班底來做另一次原來她不夠愛我2.0，可惜這首歌太平淡了，浪費了hubert的聲線 ...
on07111 發表於 2020-5-17 22:18
講起坤坤佢同胡生都好似唔係咁fd咁
作者: sosomusic 時間: 2020-5-17 22:50
喜歡一個人的聲線，到喜歡歌，再因為歌去看訪問，睇live 、睇睇下佢身邊朋友的訪問都會睇
對一個人的看法、觀感唔會係突然而來。觀感從多方面、多角度、長時間去累積。
從我了解佛的性格、做事的處理手法、對朋友重視程度，我一定繼續撑佢。
佢唔計較，不斷發掘自己音樂路上不同的可能性的同時，示為大家介紹很多新進音樂人、甚至busker。佢一定希望各位戰友都好，同伴對佢好重要。
喜歡一個人會因為喜歡佢而喜歡/或更了解佢喜歡的人和事
這陣子選擇少看電視，但希望電視圈的各位人仕大紅大紫 做到自己喜歡的事
而金堅 多謝你，期待你為我們帶來的音樂
作者: 神女有心 時間: 2020-5-17 23:18
本帖最後由 神女有心 於 2020-5-17 23:27 編輯
字都打錯係*違背呀!
你講乜L嘢呀 你唔知因乜要有暴動就咪L亂講嘢啦傻仔
我地唔係支持社運暴力囉!!! 好似 ...
kaman921 發表於 2020-5-17 22:23
哇，好驚呀，好多個L字呀
我有我嘅意見表達，我又冇阻你哋爭取你哋嘅訴求，但認唔認同又係另一回事
乜你哋唔係支持民主架咩，咁一百個人就可以有一百個睇法同意見
民主係包容晒唔同嘅聲音，咁你同唔同意？ 因乜解究你咁惡死呢下？
你唔會因為我唔支持社運暴力就同我化妝架可？
呀係，今日新聞見有個人因暴動而判坐4個月
咁若然係覺得自己嘅行為係正確嘅，咁個大法官就係錯判喇
香港應該仲係法治之都嚟嘅，L嚟L去都唔代表你幾有說服力
唔再off topic ...
我嘅意見係我嘅意見，唔該唔好拖紅君落水
我都覺得佢同許生未必係因為政治立場而鬧翻
更大可能性係因為理念同所行嘅發展路線唔再相同而分道揚鑣，咁佢哋咁多年好兄弟都可以嘈交嘈到咁，旁觀者們又可以插咩手呢
作者: kaman921 時間: 2020-5-17 23:50
包容?
黑警打人我地就要包容?
林鄭黑警不停打壓我地我地就要包容?
去大陸搵人仔唔理你
但係仲要撐警撐政府嘅真係覺得你無資格做人
仲要同黑警唱朋友個班 點樣包容得落呀請問?
首先有呢個警暴先會出現用暴力去表達訴求
你究竟明唔明嫁? 不如你睇多啲政治嘅嘢先啦
得啦! 你繼續盲目撐你偶像啦
同你講晒9氣
作者: kimjj 時間: 2020-5-18 00:45
本帖最後由 kimjj 於 2020-5-18 00:49 編輯
我好肯定你問十個人會有十個人答胡生走紅係因為石敢當同到此一遊遙不可及
而唔會答你係因為情人自擾同朋友 ...
神女有心 發表於 2020-5-17 20:51
得你1個係胡粉咩？得你清楚胡生走紅史咩?鬼唔知胡生拍劇而紅，但係呢2首對胡生唱歌方面都好重要既非劇歌，更加係好多胡粉都鍾意既歌。
許生幫胡生唔需要成日掛響口邊，但亦唔應該為咗撐胡生而踩許生
同埋，唔該唔好好似某鏡仔啲c9痴粉咁
作者: Crooks 時間: 2020-5-18 00:49
呢啲報道根本好cctvb/星夢style，不和、爭寵、絕交等等，有新劇上就夾傳媒造新聞，擺許生上枱。我覺得兩位當事人都唔應該再回應，女人都算，男人老狗係呢啲事上糾纏真係唔好睇囉，唔係人人都係fans，外人睇到會覺得好八婆。做朋友嘅嘢合則來不合則去，灑脫啲啦
其實就算憎cctvb同星夢都係咁話，胡生真係因為降魔的上位，而且佢本人都應該真心喜歡演戲，真係朋友最多比下意見，點會因為佢選擇唔離開而嘈交，人各有志，而且唔見得胡生出咗嚟會好易撈。再者點講cctvb同何生都對許生有恩，有咩必要咁反轉豬肚。佢地之間嘅恩怨，邊個啱邊個錯，外人真係冇得評論
作者: 神女有心 時間: 2020-5-18 02:23
本帖最後由 神女有心 於 2020-5-18 02:57 編輯
得你1個係胡粉咩？得你清楚胡生走紅史咩?鬼唔知胡生拍劇而紅，但係呢2首對胡生唱歌方面都好重要既非劇歌 ...
kimjj 發表於 2020-5-18 00:45
呢位自稱前熊粉現役許生粉絲
留意返，我所有留言冇一句係踩過許生，我亦冇講過許生將以前對紅君嘅好經常掛於咀邊喎，反而你第一句就話紅君同蔡小姐唔係咩好嘢唔知你又咩意思呢
而係呢度嘅許生粉絲又久唔久出嚟講紅君以前受過鏗鏗嘅恩惠
而呢啲恩惠，我覺得紅君未曾忘記過，佢亦曾多次公開多謝許生話許生好錫佢
而我留言只係同緊呢度某啲許生粉絲講，紅君係點樣走紅in case佢哋唔知啦，係因為佢嘅優厚嘅劇集資源同劇歌資源
但我又冇講紅君嗰兩首非劇歌唔好聽（我自己都有買呢兩首歌兼紅君隻專輯），但呢兩首歌事實冇佢同年嗰兩首劇集歌咁多人識同注意，我都係講事實
（紅君自己寫嘅非劇歌/劇集歌比情人自擾同朋友身份多人識啦，佢自己寫嘅曲又慳返筆作曲費又可show才華，我相信佢仲enjoy)
至於紅君同鏗鏗究竟仲可唔可以friend返，都唔係粉絲們控制到嘅事，控制到嘅就只有紅君同鏗鏗自己，所以我都認同相識係一段緣份而做到兄弟更係佢哋嘅唔知幾多世嘅緣份
呢段緣份可以行到幾遠都係佢哋兩人嘅事，外人控制同插唔到咩手嘅
其實大家都唔知佢兩個發生過咩事，都只係由佢哋嘅ig互動去找蛛絲馬跡啫，又點解可以一口咬定邊個啱邊個錯
作者: 神女有心 時間: 2020-5-18 02:28
呢啲報道根本好cctvb/星夢style，不和、爭寵、絕交等等，有新劇上就夾傳媒造新聞，擺許生上枱。我覺得兩位 ...
Crooks 發表於 2020-5-18 00:49
竟然一個陳柏宇粉都可以睇得咁通透，讚
作者: 神女有心 時間: 2020-5-18 02:39
照傳媒嘅一如既往嘅做法，鏗鏗將會係過去式，蔡小姐先係現在式亦會係佢哋追訪紅君嘅目標題目
不過仲會唔會問鏗鏗紅君嘅嘢，就唔知喇
作者: Bluejays 時間: 2020-5-18 08:43
本帖最後由 Bluejays 於 2020-5-18 09:25 編輯
呢啲報道根本好cctvb/星夢style，不和、爭寵、絕交等等，有新劇上就夾傳媒造新聞，擺許生上枱。我覺得兩位 ...
Crooks 發表於 2020-5-18 00:49
本帖隱藏的內容需要積分高於 100 才可瀏覽
作者: 筠筠 時間: 2020-5-18 08:46
咁係咩原因?
作者: Bluejays 時間: 2020-5-18 08:57
咁係咩原因?
筠筠 發表於 2020-5-18 08:46
Alfred 已經表明，佢係乜都唔知
就算唔計啲訪問講左唔知，根本 11/16-17 嘅 IG 都係講緊唔知
Alfred 一直就係問緊係乜野事，所以其實只有 Hubert 知
作者: Bluejays 時間: 2020-5-18 15:11
加翻一個 point，即使 Hubert 同 sdoor 鬧翻左
Alfred 都只會係知道 sdoor 嬲乜
Hubert 點解要同 sdoor 以外 嘅舊朋友失聯
Hubert 唔講，Alfred 唔會知，只可以不斷估 不斷問
作者: Our_Souvenir 時間: 2020-5-20 22:23
加翻一個 point，即使 Hubert 同 sdoor 鬧翻左
Alfred 都只會係知道 sdoor 嬲乜
Hubert 點解要同 sdoor 以 ...
Bluejays 發表於 2020-5-18 15:11
即係 Hubert 連 Mag Joyce 呢 d 都已經斷絕來往?
不過我諗緊
Alfred 可以從 Jinny 方面了解下嗎?
作者: hkwilliamsiu 時間: 2020-5-21 17:50
本帖最後由 hkwilliamsiu 於 2020-5-21 17:58 編輯
當年朋友身份想用坤坤同一班底來做另一次原來她不夠愛我2.0，可惜這首歌太平淡了，浪費了hubert的聲線 ...
on07111 發表於 2020-5-17 22:18
其實坤gor 同 Hubert 是好朋友, 應該都有比咗好多意見, Hubert 留低星夢或許是他因石敢當而紅, 兩首主題曲和插曲亦令到他有更多知名度, 但如果他一走就要重新來過, 他始終過唔到這一關才續約星夢. 他的情況應該有點似五虎時的梁朝偉, 當五虎中 劉德華要離開TVB而要雪藏, 偉仔亦因合約問題而要作出重大決定, 最後偉仔都選擇留低TVB. Hubert 祗是敵不過名利而選擇留低, 希望他會像偉仔一樣能夠紅多五年才風光地離開TVB和星夢.
作者: hkwilliamsiu 時間: 2020-5-21 17:55
本帖最後由 hkwilliamsiu 於 2020-5-22 16:19 編輯
加翻一個 point，即使 Hubert 同 sdoor 鬧翻左
Alfred 都只會係知道 sdoor 嬲乜
Hubert 點解要同 sdoor 以 ...
Bluejays 發表於 2020-5-18 15:11
Hubert 應該是自身問題和不想越描越黑才不回答,有時名利是一個好大的誘引, 或者他覺得留在TVB 和星夢會有較大的保障.
作者: 賴爽 時間: 2020-5-22 10:10
紅軍咁醜 xox
作者: 賴爽 時間: 2020-5-22 10:11
呢位自稱前熊粉現役許生粉絲
留意返，我所有留言冇一句係踩過許生，我亦冇講過許生將以前對紅君嘅好經常掛 ...
神女有心 發表於 2020-5-18 02:23
紅軍邊忽紅呀可唔可以唔好狗屎垃圾又話紅呀
定係個「紅」字代表奶共
唱再出發又真係好「紅」
作者: SugarFree 時間: 2020-5-22 13:09
紅軍咁醜 xox
賴爽 發表於 2020-5-22 10:10
官仔骨骨 男神
作者: wcbabi 時間: 2020-5-22 13:18
咁既女人都有人爭
| 歡迎光臨 Cool Music Forum (http://www.cmusichart.com/discuz/) |
Powered by Discuz! 7.2 |