The album part one 開咗一個好好嘅頭。
同juno交換班底。謝安琪嘅hit歌,你們的幸福、年度之歌、鍾無艷好多都係christopher chak作,不如試下俾個班底juno,睇下有咩火花。結果係唔錯嘅,勇悍.17配上the end of the f''kin world嘅畫面。cm甚至有人研究究竟人妻的偽術係唔係雷頌德作。第二plug一個女人 和浴室,輕飄飄chill chill哋嘅感覺,謝安琪係(架預)到嘅。咁啱又咁好彩juno拍戲嘅緣份請到古天樂合唱。就算古天樂唱到一pat屎咁都照樣hit。年尾最後一plug唱周耀輝寫嘅yum歌。整體黎講,揀嘅歌係好適合謝安琪。
The album and the rest of it 可以點繼承the album嘅legacy嗎?
點先可以繼續有noise?先唔深究通粉究竟要侵幾耐先會淋,idea係唔錯嘅寂寞就如、其實寂寞。不如試下一曲兩詞。整兩首相應嘅歌。兩首歌連住播,鍾意juno就會聽埋謝安琪、鍾意就會聽埋juno。cm果時都估唔到竟然903係冠寂寞就如而唔係其實寂寞。之後連鎖快餐店竟然請juno 謝安琪sell奶蓋。廢話明顯係一個想商業化但又唔完全商業化/想唔商業化但又好商業化嘅project。狗血淋頭逐粒逐粒字吐出嚟,雖然兩個人嘅合唱歌又有新gimmick,但係關芝士奶蓋藍莓咩事?情感的廢墟、忘記和記突然間走懷舊風。juno知道佢嘅強項係請人,佢知道請黎明合唱會有gimmick。所以juno is smart。另一邊廂,謝安琪知道佢自己唱快歌係會gg,咁不如好似維多利亞女皇的非常秘密任務咁唱電子/電音,773312證明咗cm係收貨嘅。唯一大家唔明嘅係點解我們的基因mv窮到要將d演唱會片段剪剪埋埋,唔正正經經整一個。
the album and the end of it sosad一個爛尾。
包括上一隻碟偷情的禮儀嘅夠甜便不痛、我們的基因嘅初戀、我在陽台上看你嘅無奈、再度嘅濕濕yumyum,雖然偶爾vocal take 有挑剔嘅地方,但係整體嚟講謝安琪知道佢自己聲線嘅可塑性好大,每一plug 都有驚喜(甚至歌詞越來越大膽)。另一邊廂,juno嘅曲高和寡,3隻碟入面5分比例最少嘅juno佔據4席(詳見下文)。可惜,林夕唔見晒、派咗合唱歌之後空窗左好耐唔知年中發生咩事。年尾好似突然間趕出碟,sh^t 你竟然臨尾交d咁嘅嘢?勇悍.17、困獸.28、暴烈.34之後嘅數字冇晒,仲可以點排時序。唔通結咗婚,又離婚,又結婚,又離婚呀?The rest of it 預告仲會有the end of it,但係個故事仲可以點樣寫落去?mv遲遲唔出;the end of it唔補返漏咗嘅文案;為咗湊夠30首歌又要趕住年尾出就出d一分幾鐘嘅歌。就算我在切爾諾貝爾 等你既outro幾好都無用,我唔會覺得合唱歌、盡處係experiment緊一首歌可以有唔同長度。Sorry一個有要求嘅人唔會比呢隻碟出街。我淨係會覺得成個project係一個爛尾。
至於今年係唔係因為遲咗派三生一吻定係因為咩原因所以無女金,其實我冇乜所謂。橫掂2018、2019年已經攞過。至尊唱片、至尊歌曲、我最喜愛歌曲、我最喜愛女歌手都已經攞過晒,倒不如做一個懂得下台的美藝嘅人,既然個project完咗就早d收山。
PS 如果收山之前可以出返演唱會blu ray就好嚕~kay嘅彳亍同juno嘅version係完全唔同感覺。
PPS 如果想復出嘅話,不如諗下寫d影視主題曲,例如勇悍.17/最後晚餐/黑洞/七百年後。at least 呢條橋應該會有 gimmick、。