消息指兩人相識數年,Edwin對Kenny一直有好感,知情人士透露:「佢哋喺同一間健身中心做gym,透過好友鄭融介紹認識,鄭融係Edwin以前讀國際學校嘅舊同學,前年Kenny喺紅館開騷,Edwin特登去捧場支持。最近Kenny同軒仔冷戰,Edwin知道後對佢好關心,成日陪住佢,仲趁Kenny生日時,送咗一個大盆栽做禮物,Edwin屋企都有同一棵植物,連個花盆都一樣,朋友都笑係情侶盆栽。」
網民問Edwin:你係咪Kenny男友?
消息指Kenny對這段關係低調保護,而Edwin亦僅在社交網貼過一張合照,還是孖着鄭融拍攝的三人合照,不過,有心水清網民在三人合照下,留言問Edwin:「r u Kenny’s boyfriend?」網民不是問鄭融是否他的女友,反而問Kenny是否他的男友?懷疑兩人有景轟,不過,Edwin就沒回答網民。
據知,早前Edwin跟舊愛分手後,見到Kenny跟軒仔關係出現裂痕,體貼的Edwin不時向密友送上關心,有時更會忍不住在限時動態洩密,結果被有心人cap圖留證據,Edwin暱稱Kenny做「太子」,曾貼Kenny的跑步短片:「陪太子跑步」;還有兩人的撐枱腳短片:「on today’s episode of 陪太子增肥」。至於Kenny只曾在限時動態上,晒過一張風景相片,Edwin亦晒同一地點風景照,相信兩人是齊齊行山,有網民發現兩人貼相後,他們很快便刪除,似乎不想關係曝光。