至於噚日個婚禮,Cookies唔齊人喎,Stephy都話:「係其中五個齊咗。」點解唔請傅穎Theresa、要佢一個人喺ig晒微罅咁陰公?佢就話:「又唔係我結婚,我都唔知佢有冇請佢(傅穎)。所以我哋只係約圍內幾個。」又話:「唔好再話我哋不和啲嘢,講咗好耐,唔想影響大家,大家都唔想回應。」
咁驚唔驚下次見面尷尬?Stephy謂:「咁又唔會,真係咁耐都冇見過,亦都冇一齊做嘢。唔想越講越複雜,一旦答咗又令人誤會。」 佢又坦言冇再同Theresa聯絡:「真係冇聯絡,睇報道知對方成日唔喺香港。」
突然「被結婚」嘅傅穎,今午突然於微博貼長文,一則澄清冇秘婚,同時亦交代佢同餅女Cookies眾成員之關係,傅穎更寫道,對上一次真正溝通應該係2012年吳雨霏開演唱會,當時眾成員更對佢作出保證:「不會有人在那時候向媒體對我作出言語上的攻擊」,究竟呢個「有人」係邊個?好自然令人聯想到,就係以「舊同事」形容傅穎嘅Angela區文詩。
去年7月,傅穎接受周刊專訪時,已曾大談同眾餅女關係。當時九餅時代嘅Cookies,已略聞分黨分派;到四餅,不和傳聞更不脛而走。四餅之一楊愛瑾(Miki)更直言佢哋同傅穎「冇偈傾」到好出面,傅穎憶述一次九餅時代一齊拍網劇 :「我哋喺一架雙層巴士上,突然間其中一個隊員走過來指住我鬧。內容、有冇講粗口,我已經忘記,當時我好surprise。後來我問另外一個隊員點解佢會咁樣鬧我?佢話因為某人話我咁樣咁樣,於是謠言四起,我話:『我真係冇呢啲咁嘅嘢!』」
到四餅年代,又一次,傅穎話:「有一個畫面係我哋四個出席活動,佢三個唔講嘢,但又笑得好開心。或者如Miki所講,我要求很高,對自己嘅鞭策好嚴謹,所以都會俾身邊人帶來壓力。」
傅穎同Mike、Kary吳雨霏都有偈傾,至於同Stephy鄧麗欣,大多都係當年因為兩人經常被比較,自自然然就傳不和。但傅穎同區文詩,似乎真係唔妥到出面。
去年區文詩生日,被問到沒有邀請傅穎出席生日派對,區文詩話:「唔會因為外間點睇而請自己唔想請嘅人。」傅穎接受訪問時講起區文詩,就話:「我真係唔知道原因,不如你幫我問問佢。有時聽收音機,佢喺節目偶爾都會提及我,又會講一、兩句唔太好嘅說話。雖然我不明白原因,但我都希望佢好。」又笑言:「呢十多年來,佢一直都沒有忘記過我,我依然喺佢心中……哈哈!」
應該係講緊the present concert尾場Stephy Miki Angela突然上台比surprise Kary嗰part
真係估唔到有 ...
ricorico07 發表於 2015-4-17 22:36
應該係講緊the present concert尾場Stephy Miki Angela突然上台比surprise Kary嗰part
真係估唔到有 ...
ricorico07 發表於 2015-4-17 22:36
9餅得一年 其實大家唔fd好正常姐都不見得Gloria Helena Serena Elaine 同 Stephy Kary好熟 (Elaine同 ...
ricorico07 發表於 2015-4-17 23:03
歡迎光臨 Cool Music Forum (http://www.cmusichart.com/discuz/) | Powered by Discuz! 7.2 |