Cool Music Forum - Powered by Discuz! Board

標題: [HOTCHA]張惠雅、張紋嘉拍欣宜雨僑擬組女團 | 黎美言轉投星韜 [打印本頁]

作者: harryharry 時間: 2015-7-10 01:26 標題: [HOTCHA]張惠雅、張紋嘉拍欣宜雨僑擬組女團 | 黎美言轉投星韜

本帖最後由 harryharry 於 2015-7-10 01:27 編輯

【Regen& Crystal】

除了來荔園玩之外，有甚麼讓雨僑、Regen、Crystal聯成一铫？就是音樂和慈善公益！她們希望透過音樂力量為社會宣揚關愛精神，合力打造一張主題為「girls power」的音樂合輯《全女打》，一同參與的女歌手還有鄭欣宜，以全女班勢力擊出漂亮全壘打。談到這次聯袂進行音樂慈善企劃，羽僑和很多人一樣有助養貧困兒童，她認為做善事有好多方式，慈善探訪、成立團體或慈善基金，她不排除日後「全女打」會成為一個團體，但每個人都可以由自己做起，再影響和帶動其他人去參與。Regen也參與過慈善機構的派飯探訪，Crystal希望透過《全女打》跟社會上更多需要關心的基層傾談溝通，凝聚力量去感染身邊其他人和藝人。

　　探訪老人好心翳

　　談到以往參與慈善活動的經驗，Crystal曾聯同戲劇社的同學為老人家排一齣戲，內容為警惕長者騙案。「我們全個下午跟一班老人家傾偈，了解他們的生活需要甚麼幫助，發覺老人家最需要別人關心。」雨僑對過往探訪長者的經驗也非常深刻。「有次探訪一個婆婆陪她談了很久，臨走時她寫了地址給我，我當時好心翳，婆婆真的好想有人陪她傾偈，即使久不久見面都好。」

　　《全女打》為女性發聲，新世代女性勢要堅強起來，自我保護。Regen延續功夫力量，在專輯的造型也以充滿力量的運動形象示人。「雖然唱的都是情歌，但內容講女性自強，我覺得每次做歌就像跟自己傾訴，是送給自己的禮物。」

　　女人之間的恩怨

　　除了愛情觀，Crystal也會唱出大女生主義，而她這次作出一大突破，親自填詞唱出最貼近自己的心聲。「填詞對我好大挑戰，起初好驚，毫無信心，但又覺得是好玩的事，會寫到女人去到某個年紀會面對的事。」

　　發生在女人身上的事著實太多，雨僑就會唱出女人之間的恩怨，但並非情敵，而是很多人曾遇過暗箭難防的身邊事。「有些人好衰在你面前扮nice同你好好傾，行轉背就講你壞話，朋友聽完首歌都問想起哪個，好好笑！」

企劃已推出單曲
張紋嘉 -《最佳男主角》

各人未出碟歌曲 (未知會否於合輯收錄)
雨僑 - 《糖衣》
鄭欣宜(feat.陳奐仁） - 《Stupid With You》
鄭欣宜 - 《你瘦夠了嗎？》

=====================================================================================================

【Winkie】[attach]4879[/attach]
HotCha成員Winkie(黎美言)近日約滿Neway Star，為了拓展演戲事業，向諸葛紫岐自薦加盟她旗下的「星韜國際娛樂公司」，兩人一拍即合，Marie計畫將Winkie「大變身」，重新打造形象，安排她進軍電影市場。

今年27歲的Winkie，於06年參加一個舞蹈大賽後，被Neway Star公司發掘，與張惠雅、張紋嘉組成女子跳舞組合HotCha，曾經推出唱片，發展不俗，去年解散後3人各自發展，其中Winkie近日約滿Neway，傳出她將會加盟諸葛紫岐成立的「星韜國際娛樂公司」。這次「跳槽」關係非常微妙，事關Neway Star是Marie老公薛嘉麟旗下的公司，據知，在Neway時Winkie與老闆娘Marie已經關係不俗，工作上遇到問題時都會向對方請教，得知Marie開設經理人公司後，Winkie更自薦加盟，希望向電影方面發展，正全力進軍電影圈的Marie亦決定給予她機會，兩人一拍即合。

加盟星韜後，Marie計畫將Winkie「大變身」，重新打造形象，讓她進軍電影市場。日前Winkie現身銅鑼灣百德新街一間時裝店，在星韜總經理陪同下，選購了一批新衫，大約半個小時後，兩人轉到一間專賣日本時裝書的書店選講時裝書，總經理跟Winkie說︰「Marie想你睇多些時裝書，方便之後工作！」只見Winkie乖乖點頭。
之後記者聯絡上Winkie，她承認已約滿Neway︰「首先我要多謝Neway Star多年來的照顧，離開都好唔捨得，不過，簽約新公司的問題就唔方便答住！」記者直指拍到她與星韜總經理一起選購衣服，Winkie尷尬地說︰「唔好意思，真係唔答得你，新動向由新公司公布！」問到與老闆娘Marie的關係，Winkie大讚對方是女鐵人，成立公司後經常周圍飛，工作上遇到困難和問題都會向她請教，而Marie到截稿前仍未聯絡得上。

作者: 釘釘 時間: 2015-7-10 01:32

親生女同齋唱片合約就算一齊都未必玩得耐啦....

期待一個人旅行

作者: 阿mark 時間: 2015-7-10 08:25

唔系挂，肥欣宜的歌都要擺雜錦碟？

作者: tom 時間: 2015-7-10 09:04

qui首歌好正

期待Regen個首

作者: moxy 時間: 2015-7-10 10:00

Regen 新歌預告
一個人旅行同Supper Moment合作

Ava 新歌預告
偽術家同陳詩慧合作

作者: PangChiYeung 時間: 2015-7-10 10:32

點解Winkie約滿 Regen同Crystal冇嘅?

作者: 釘釘 時間: 2015-7-10 11:09

點解Winkie約滿 Regen同Crystal冇嘅?
PangChiYeung 發表於 2015-7-10 10:32

RoGEr 同 QUI & WINKIE 根本唔同期簽Neway 無得咁樣計同埋Neway 捧邊兩個明眼人都睇得出～

作者: tom 時間: 2015-7-10 11:46

回復 7# 釘釘

Roger

W擺明比Neway hea la
佢簽諸葛姐係以後唔唱歌?

作者: boy4dudes 時間: 2015-7-10 12:02

唔系挂，肥欣宜的歌都要擺雜錦碟？
阿mark 發表於 2015-7-10 08:25

Hope not! Have been looking forward to her own EP or album!

作者: KITSTON 時間: 2015-7-10 12:13

全女打呢個名同最佳男主角幅相都好老土...

不過Regen同Crystal有得再出歌都係好事

作者: ricorico07 時間: 2015-7-10 12:25

RoGEr 同 QUI & WINKIE 根本唔同期簽Neway 無得咁樣計同埋Neway 捧邊兩個明眼人都睇得出～ ...
釘釘發表於 2015-7-10 11:09

我唔覺得neway有捧HotCha3個入面ge邊個

除左2013年ge Regen 呢兩年都無為佢地做過d咩咪又係無碟出好似Crystal咁一年一歌

作者: freefree321 時間: 2015-7-10 12:46

本帖最後由 freefree321 於 2015-7-10 13:04 編輯

佢地其實之前唔係一齊拍過一套叫含忍．死人．的士佬嘅戲咩?
有冇人知幾時上映?

作者: 釘釘 時間: 2015-7-10 14:02

我唔覺得neway有捧HotCha3個入面ge邊個除左2013年ge Regen 呢兩年都無為佢地做過d咩咪又 ...
ricorico07 發表於 2015-7-10 12:25

ROGER 明顯力捧唔單單係音樂上電視劇機會都多QUI 本身叻女又識填詞寫書勤力做舞台劇電視劇
( 唱歌分段明顯係佢兩個佔最多 )
黎美言..... D人對佢既形容就味千拉麵唔係有酒凹唔係COOL牙果個. 做左8年都無咩特色出黎比人見到

回復釘釘

Roger
W擺明比Neway hea la
佢簽諸葛姐係以後唔唱歌? ...
tom 發表於 2015-7-10 11:46

佢唱歌應該都無人理唱又唔係好聽

同埋你見諸葛間公司D 人都無咩作為

作者: moxy 時間: 2015-7-10 14:16

本帖最後由 moxy 於 2015-7-10 15:37 編輯

其實佢地三個都無咩機會發圍噶喇
拍下無人知嘅舞台劇做下電視劇N線配角

得閑一年左右唱首K歌同銷聲匿跡無咩分別

作者: harryharry 時間: 2015-7-10 15:28

ROGER 明顯力捧唔單單係音樂上電視劇機會都多QUI 本身叻女又識填詞寫書勤力做舞台劇電視劇
( 唱歌分 ...
釘釘發表於 2015-7-10 14:02

其實hotcha拆夥對三個人都無好處，尤其係本身少job嘅黎美言（但奇怪嘅係好似係佢最想拆夥）

依家黎美言仲要去一間資源咁少嘅公司，
留係neway最少出左新歌都有機會係neway 卡啦ok落廣告

係咪真係同兩位姓張咁夾唔黎？

作者: moxy 時間: 2015-7-10 15:36

本帖最後由 moxy 於 2015-7-10 15:38 編輯

其實hotcha拆夥對三個人都無好處，尤其係本身少job嘅黎美言（但奇怪嘅係好似係佢最想拆夥）
...
harryharry 發表於 2015-7-10 15:28

本身hotcha又唔上唔落 Regen想單飛組合散咗未嘗唔系一個新開始
反正佢地都翻唔到巔峰果陣時反而睇到佢地格硬係翻埋一起都唔會開心

作者: zoeyfs 時間: 2015-7-10 18:16

係咪真係同兩位姓張咁夾唔黎？
harryharry 發表於 2015-7-10 15:28

佢地以前咁好姊妹，尤其R同W，都唔知呢兩三年發生左咩事搞成咁

Winkie轉公司都係一個新開始，之前明HEA佢，都唔覺佢做過D乜~尤其比起另外兩位成員~
同埋轉做演員都啱，佢唱歌真係唔太好聽

作者: alexleung 時間: 2015-7-10 18:39

佢地以前咁好姊妹，尤其R同W，都唔知呢兩三年發生左咩事搞成咁
Winkie轉公司都係一個新開始，之 ...
zoeyfs 發表於 2015-7-10 18:16

我都想知咩事有冇小道消息?

作者: jun518 時間: 2015-7-10 18:55

呢排TVB過咗廣州拍戲，見到Regen佢都幾nice

作者: harryharry 時間: 2015-7-10 19:12

我都想知咩事有冇小道消息?
alexleung 發表於 2015-7-10 18:39

舊帖重溫：http://www.cmusichart.com/discuz/viewthread.php?tid=6972

作者: ricorico07 時間: 2015-7-10 21:48

本帖最後由 ricorico07 於 2015-7-10 21:51 編輯

ROGER 明顯力捧唔單單係音樂上電視劇機會都多QUI 本身叻女又識填詞寫書勤力做舞台劇電視劇
( 唱歌分 ...
釘釘發表於 2015-7-10 14:02

Regen 2013 EP後音樂上無影係呢排先話有新歌 Qui 同 Winkie 一樣一年一歌

雖則Regen/Crystal係比Winkie多d音樂以外ge發展
但舞台劇、電視劇呢d 全部都唔係neway幫佢地爭取/為佢地做ge野
Regen 電視劇方面所有電視劇都係同一個監制只係做慣做熟監制都搵Regen
Qui 舞台劇呢d都擺明只係有相熟ge舞台劇圈子去搵佢這樣叫「力捧」嗎..........只能叫做無放棄佢地
其實neway主動為佢地做ge只係嗰幾隻歌佢地3個曝光率一d都唔多 (反而上年Winkie 係最多活動ge一個，可能佢比較得閒接新城d商場show)

總括黎講neway對佢地3個單飛都無太大信心係regen好小小
Qui 同 Regen 留neway每年ge情況只會係咁loop
Winkie可能明知留喺neway會有歌出但唔會幫倒佢再進一步所以走簽諸葛博一博
(諸葛間公司D 人都無咩作為都正常開左半年都無比d時間睇下)

利申 : HotCha fans, 3個都like

作者: tom 時間: 2015-7-10 23:00

回復 15# harryharry

其實我反而覺得R先係最想拆夥個個

反ot: 希望C同R唔好一年一曲啦

作者: tom 時間: 2015-7-10 23:02

回復 21# ricorico07

好認同你講嘅野

根本neway就係3個都hea

作者: b01091018 時間: 2015-7-11 00:31

點解有欣宜

作者: harryharry 時間: 2015-7-11 01:48

本帖最後由 harryharry 於 2015-7-11 02:02 編輯

http://stari.com.hk/main/celebrities/

點解星娛樂旗下藝人又會係星韜出現?

即係W轉會係咪只係左手交右手?定星韜係主力電影嘅分公司?

希望全女打企劃可以互相幫助到四位,雖然我覺得都係短期企劃多

回復 ricorico07

好認同你講嘅野
根本neway就係3個都hea
tom 發表於 2015-7-10 23:02

但Regen/Crystal依類靠自己本人人脈嘅資源,先可以有效提高知名度(尤其係電視劇),而且真係穩定
不過真係唔睇好無左「hotcha成員」牌匾嘅Winkie/Regen/Crystal

作者: jun518 時間: 2015-7-19 20:29

歌手張惠雅（Regen）事隔年半將出新歌《一個人旅行》（暫名），更邀請其偶像、樂隊Supper Moment填詞，Regen讚他們的歌詞好有內涵，可以跟他們合作像發夢一樣。
談到新歌內容，Regen表示比較多寫自己的經歷：「同Supper Moment溝通時都係講啲內心嘢，我諗會似我個年紀嘅人大概經歷緊嘅感覺，我第一次見到啲詞就眼濕濕，覺得填得好有靈魂。」

作者: kinsonlok 時間: 2015-7-22 13:53

作者: XYZZY 時間: 2015-8-12 09:47

http://orientaldaily.on.cc/cnt/e ... 0812/00282_014.html
欣宜恃重生驕　雨僑嬲到震

雨僑去年以500萬加盟做唱片公司「一姐」，可是其後傳鄭欣宜的出現，令其地位受到威脅！據知雨僑、欣宜等人合作出碟，但有傳公司對欣宜偏心，有人自覺級數有別於人，不願跟他人合作開騷和出席宣傳活動，令雨僑、Crystal及Regen嬲爆，出言暗寸！

正所謂女人特別多是非，現同屬Neway Star唱片公司的歌手鄭欣宜、雨僑、前組合HotCha成員張紋嘉（Crystal）及張惠雅（Regen)，近日就驚爆四女為一姐地位爭風呷醋！據知在九月底十月初，四女將合作推出大碟《全女打》，但新碟尚未推出就已爆出多番是非！

音樂會取消
唱得之人的欣宜不但身為星二代，風格更反傳統堅持「肥都可以美」，令她得到網民支持，更獲公司力捧，公司更投放了逾百萬元炮製及宣傳其歌曲《你瘦夠了嗎？》，又找來兩位跟她同屬重量級人馬的肥妹舞蹈員拍MV，十分大手筆！反觀雨僑早前為《糖衣》拍攝MV，不慎被鐵枝扑到頸肩，即被人取笑公司資源欠奉，設備簡陋，有傳令雨僑自覺資源被分薄，但最令她不滿的是，有人自覺爆紅，地位有別於人！

據知公司曾打算為四女新碟一齊參與宣傳活動，更計劃四女在本月中合作開音樂會，可是之前三次的宣傳活動欣宜都沒有到場，據知三女在上星期更收到消息指因為不齊人，音樂會取消！雨僑為此更嬲到震！

為公司慳錢
昨日雨僑亦承認音樂會取消，但不知原因，又指自己聽公司話。問到公司疑似「大細超」為二人拍MV？她寸爆回應：「我同佢唔同種類，如果可以為公司慳錢我好樂意。」而Crystal亦謂不知音樂會為何取消及欣宜缺席宣傳，但強調會與雨僑、Regen做足宣傳。

記者昨日聯絡唱片公司總經理朱先生，表示：「公司每個歌手都偏心。（邊個係一姐？）梗係關心妍啦，大家都叫佢關家姐！」他亦強調公司在每個歌手身上投放的資源都是公平。至於欣宜經理人公司稱唱片宣傳由唱片公司負責，朱先生表示因為四女都很忙，所以才夾不到時間出席宣傳活動和開音樂會。此外，她們早前拍攝新碟造型相，其中雨僑露出小蠻腰的造型最為性感。

另外，雨僑跟鄭中基合作的電影《猛龍特囧》找來有號稱中國十大拳王之首的楊建平演出，鄭中基被他打到飛起，雨僑更被掌摑兼兜頭拍，令她痛到幾乎喊！

作者: boy4dudes 時間: 2015-8-12 10:57

If I were 欣宜, I would be upset too. I think she deserves her own EP or album.

Making 雨僑, 欣宜, Crystal and Regen HotCha 2.0 "全女打" is really stupid. What are the idiots from their record company thinking?

作者: luimanlong 時間: 2015-8-12 18:28

下???
欣宜點解要同佢地一齊出碟?
完全唔同Lv唔該
欣宜唱功好好多
佢自己一個出碟我實買!
而家?... Sorry lor..

歡迎光臨 Cool Music Forum (http://www.cmusichart.com/discuz/)