oncc: 林欣彤5年一個總結 想有新嘗試未諗去向
【on.cc東網專訊】 歌手林欣彤(Mag)到將軍澳電視城出席無綫節目《J2靚聲王》開鏡拜神儀式,訪問時更透露自己將會與鄭欣宜合作包辦其中一集大半時間,以經典歌重唱為主題,其中更會有陳奕迅的歌曲。提到記者會開始時,她與欣宜在席上聊得開懷大笑,原來二人是重拾當年情:「第一年頒獎禮,我同佢同許廷鏗三個一齊成績好好,喺度討論緊我哋想一齊坐,但我發覺當我哋三個真係一齊坐就會好嘈!發現唔係好得,覺得咩都好好笑。」
提到Mag經理人合約的去向,她表示正與無綫和英皇洽談:「依家都係一個冷靜期,其實我唔止係要決定簽邊間,要諗嘅係嚟緊我要做啲咩方向嘅嘢,我啱啱好係5年一個總結,咁究竟我林欣彤仲可以喺觀眾面前發展到啲咩呢?(轉型?)其實曲風方面我都試咗好多,但原來仲有好多,好似Bossa Nova同JAZZ呢啲偏門啲嘅我都未試過,睇咁有冇緣分喇。」
睇黎應該續tvb |