|
- 積分
- 532
- 貢獻
- 216
- 參與
- 257
|
容祖兒 我好得閒 。。。 咁之後哩？
本帖最後由 kilai 於 2016-2-13 07:57 編輯
已經到第二十九隻全新大碟/ep，首先派來 黃昏點唱機 及 Gotta Get High，求帶耳目一新予樂迷，惟 黃昏 到喉唔到肺，GGH 又水準平庸，到咗第三主打，容氏又有何驚喜帶俾樂迷？
承接GGH 嘅係我好得閒，歌者形容為 "百忙纏身的我，為了喜歡的人放低自己所有，話自己好得閒"。alex fung 加上可謂英皇 "御用" 韓國作曲人iki 同yuta 配上 容氏忠實粉絲有微言嘅黃偉文，喺本壇受到唔少支持，稱 唱法好，編曲都好，alex fung 繼上年 這麼近，那麼遠 又救多佢一次，本人實在認為容祖兒可塑性不止於此。
毫無疑問，哩隻歌好catchy，theme 好，正直新年都好似歌者所謂 "唔放過大家，過年都出新歌!" 說真的，勤力天后冇人否認，但容祖兒係咪就係得咁多？以容祖兒嘅星途嚟睇，好似其成長歷程由空港之後冇郁過。不停自08年失落至尊碟之後便期望可以作一張至尊碟。惟之後的 joey and joey 及 小日子，雷聲大雨點小，大碟內基本上難構成一張值得推崇嘅大滿貫，更遑論要與做馬做到出面的陳奕迅比一日之長。可能真係灰心，今次都冇乜計算，訪問亦直言冇再對獎項有期望，筆者本來都拭目以待，不過當第二派台出世之後，就知道容氏要大改革，只有當佢自己知道自己對音樂嘅vision 係咩，佢先至可以有張令人驚喜嘅大碟。抱歉，佢仍未做到。我好得閒 哩類歌絕對比唔到佢任何加持，之後亦都唔會有人記得哩首歌，作為歌迷，其實咁係好可惜的，或者哩個係英皇每年都搶女金嘅後果吧！
環顧容氏嘅catelogue，剛出道以來嘅大碟，例如 全身暑假 誰來愛我 something about you 甚至為演唱會出嘅show up 都不乏好歌，我都認為係有角度，係為容祖兒度身訂造，可取而不庸俗。但觀乎近年的她，卻連一首代表作也要由電視劇的女皇、續集，甚至是原寫給周柏豪的天窗而保值。而歌者終於有機會做由衷咁做歌嘅最近三首，喺youtube 嘅點擊率都偏低。黃昏點唱機 如果唔係題材同林海峰，903 應該都好難獨力谷起，樂迷亦都真真正正咁開始冇留意過佢，可能容氏嘅非情歌原來係冇回響。
我好得閒 其實係一個洗牌好機會，而歡乎cm 都頗接受此歌，可算是小成功。不知是否wyman 嘅詞先引起容祖兒共鳴？不過，有一個非公開嘅體會，就如起初所講，容氏從來忠實嘅樂迷都對邚與黃偉文的合作反感，認為好姣，唔似佢。但歷史可見，大眾都只認識這個容祖兒，心淡更可算是其代表作。或者這其實是大眾真正想要的joey? 以我嘅角度，英皇亦深明容祖兒的定位不可過份走離人群，唔似其長期對手楊千嬅嘅樂迷般dynamic。
筆者認為若容祖兒很難再有突破，alex fung 都係夾王菀之，皆因王菀之嘅定位係小眾。而有人比喻容祖兒為葉倩文，相信都好難反駁。但原容祖兒往後可找到自己嘅一片天。
(第一次寫字，請多評論！) |
-
1
評分人數
-
|
發表於 2016-2-13 07:37
| 