艾石仔 當前在線
吹神
呢幾個月吳雨霏同老公Brian四圍飛,好sweet呀可。但開心背後,原來係忍藏傷痛。 Kary同「網球王子」洪立熙三離三合,舊年7月,二人喺意大利浪漫行禮,修成正果,更愛對方。 Brian不嬲好鍾意小朋友,成日幫朋友湊仔, 所以婚後同Kary放咗兩個月假去旅行,開行turbo造人。 本來今年2月就有喜訊,兩家人開心到爆炸,Kary亦忍唔住喺微博暗示話:「生命的旅程,現在才開始呢。」 可惜陀咗個幾月,BB忽然冇咗心跳,Kary喺今年3月不幸流產, 所以3月好姊妹Miki拉隊飛Bangkok搞婚前party,Kary都冇去。 好彩Brian夠硬淨,好識安慰老婆,呢幾個月仲請假陪Kary周圍飛,放鬆吓心情。 唔開心日子已經過咗,近日Kary終於復工,出席吓啲活動,今個月仲會開始錄歌準備出碟。而之前Kary同公司請大假,趁嗰段時間調理好身體,最近兩口子已經收拾好心情,隨時再迎接新生命。 係囉,Kary今年先30開頭,年紀尚輕,一切順其自然啦! 更多 壹週Plus 文章
TOP