- 積分
- 40410
- 貢獻
- 4789
- 參與
- 31097
|
歐冠由今年一開始公布參賽隊伍同比賽規則 , 再到抽籤分組到打分組賽
都經已認定今屆無論男排定女排都會十分之好睇
賽制都好合理 , 根據國家聯賽同埋球隊實力平均分配所屬組別
先晉級嘅隊因為要保住避免喺淘汰賽先對強手 , 喺最後一輪都需要全力以赴
既體現左聯賽嘅價值 , 大家三主三客都要參加 , 亦都逼使球隊爭取好成績
所以無一場比賽係會見到放水 , 晉級嘅隊伍都係靠自己打出黎
因為賽制嘅公平公正 , 所以小組賽出現左爆冷賽果都會令人意外
例如最後先晉級嘅科內 , 小組賽 客場 0 比 3 Maaseik , 主場更以 0 比 2 落後 , 前後少左 4 分
另外一場都係相對地比較意外嘅又係喺 D 組 , Maaseik 主場 3 比 1 Scandicci
如果第一輪唔輸比 LKS Lodz , 或許八強會見到 Maaseik
所以科內算係有些少運氣 , 或者如果無呢個咁好嘅賽制 , 分分鐘比人做出局都未定
八隊嘅表現我想抽完籤 , 我想過幾日分享
睇左四個月小組賽 , 同埋 overall 都差唔多打左半年
咁多隊嘅表現 , 或者邊隊能夠突圍而出 , 技術特點 , 打法以及優缺點
都想先留比大家講 , 畢竟我相信點都有啲感想嘅
我都講左好多啦 , 有啲隊伍成個季度都係得我一個講
eg Scandicci , Moscow 甚至係 Stuttgart
想聽下除左銀行之外大家對於其他隊伍嘅分享
黎緊 3 月 1 號嘅抽籤 , 心裡面已經好興奮
Stuttgart 肯定係 Novara , Eczacibasi 同 Fenerbahce 最想抽到嘅對手
Vakifbank 就肯定想抽中 Moscow , 不過 Moscow 都唔好打
只係肯定比 Scandicci 同 Conegliano 容易對付
當然 Scandicci 同 Conegliano 預左要打硬仗
佢地十成九都想抽中 Fenerbahce
跟住就係 Novara , 因為都贏過 , 仲要兩隊都試過喺佢地個場贏 , 所以都會願意打
Vakifbank 分分鐘係佢地最唔想對嘅對手 , 畢竟兩連冠 , 並且一直保持住高勝率
就咁睇半準決賽有兩個 1/4 區都肯定極度激烈
如果呢兩個 1/4 區抽去一個半區的話就真係會更為激烈
小組賽前我估左 土超三強 + 意甲三強 + 俄超兩強 入八強
最後有 7 隊如我願望入左 , Kazan 就明顯地自身隊員配合上唔好成為左出局最大原因
Moscow 喺關鍵一戰打贏費內 , 證明左球隊有實力之外 , 亦成為令出線形勢變得主動嘅一場比賽
另一個一開始提及嘅好睇之處 , 係最後會有幾多支土超同意甲留低
一直以黎好多人都對於土超定意甲先係女排第一聯賽有所疑問
而呢兩年其實都係土超成績好過意甲
但真係無咩機會見到由土超同意甲隊伍直接對話嘅機會
今季睇到黎而家 , 六支隊伍都係機會均等
不過都係要睇抽籤 , 或者可能半準決賽抽中左意甲德比
或者都有可能 Vakifbank / Eczacibasi VS Scandicci / Conegliano
不過我見到普遍嘅人都唔希望土超三強自相殘殺
慶幸地確定左佢地三隊喺半準決賽唔會對到 , 都好爭氣 |
|