chanchan0909

自我感覺還好
帥小寶` 發表於 2018-7-4 22:21

支持1 2 3 4 5 6 7 8 9 10 11 12 13 14 15 16 17 19 20
bagfgfcde 發表於 2018-7-4 22:23

而家支持同反對 Gin Lee 嘅比分係 1 比 1 !
勢均力敵 !!!

chanchan0909

支持Gin Lee已經滿分
帥小寶` 發表於 2018-7-4 23:02

滿分幾多分 ? 係咪 0 分

chanchan0909

前面加一個1 後面加一個0
帥小寶` 發表於 2018-7-5 10:01

ok , 咁反 Gin 嘅我覺得都值滿分 , 滿分 1000 分

吓 祖兒仲低位過gin lee
stopzi 發表於 2018-7-9 09:28

祖兒首歌仲悶過 Gin Lee

chanchan0909

CBM 第 445 期 2018 第 27 周

本周冠軍歌　eason and the duo band - 與你常在　[收錄專輯 - L.O.V.E]
作曲　Charles Arthur Huntley / Mark James Fortin
填詞　陳詠謙
編曲　the duo band
監製　王雙駿

感受到團隊們對於呢份友誼嘅真摰
而且喺音樂界裡面
要搵到一直穩定而長久合作嘅團隊真係唔多
所以亦都相信佢地每一位成員嘅內心
都係非常熱愛呢個團隊嘅

黎緊佢地更會推出專輯去紀錄呢份難能可貴嘅友情
首支主打歌運用左多種樂器
另外再加上和音嘅配合
全首歌一直都保持住歡樂
就好似佢地平時一齊嘅時候嗰種快樂嘅氣氛

01　與你常在 [1 周冠]　　　　　　　　　eason and the duo band
02　新寫的舊歌 [2 周冠]　　　　　　　　李宗盛
03　神奇女俠　　　　　　　　　　　　　J.Arie
04　一事無成的偉大　　　　　　　　　　八三夭
05　生死時速　　　　　　　　　　　　　Nowhere Boys
06　芭樂　　　　　　　　　　　　　　　鄧小巧
07　求生 [1 周冠]　　　　　　　　　　　關楚耀 Feat. MastaMic
08　人妻的偽術　　　　　　　　　　　　謝安琪
09　自我感覺還好　　　　　　　　　　　Gin Lee
10　一念天堂　　　　　　　　　　　　　享樂團
11　漸漸　　　　　　　　　　　　　　　陳奕迅
12　美哉　　　　　　　　　　　　　　　迪子
13　翩翩 [1 周冠]　　　　　　　　　　　王嘉儀
14　闖空門　　　　　　　　　　　　　　孫盛希 Feat. J. Sheon
15　逆流之歌　　　　　　　　　　　　　RubberBand
16　心之科學　　　　　　　　　　　　　容祖兒
17　一世同學　　　　　　　　　　　　　林奕匡
18　相好　　　　　　　　　　　　　　　石裂符
19　VR　　　　　　　　　　　　　　　  清晨樂團 Feat. FeiLun@Sustain
20　那一端　　　　　　　　　　　　　　RubberBand

新上榜歌曲
06　芭樂 / 鄧小巧
10　一念天堂 / 享樂團
11　漸漸 / 陳奕迅
12　美哉 / 迪子
14　闖空門 / 孫盛希 Feat. J. Sheon
17　一世同學 / 林奕匡
18　相好 / 石裂符
19　VR / 清晨樂團 Feat. FeiLun@Sustain
20　那一端 / RubberBand

專輯短評
15　The Makings Of - 葉巧琳　[分數: 38]

對於歌手嘅第一張專輯而言
都係聽眾作為認識歌手嘅一個好重要嘅途徑
葉巧琳 Mischa 有幸地能夠可以從 Trekkerz 中作個人發展
可見唱片公司對佢確實重視

歷時三年 , 終於把過去發表嘅單曲集合成 EP 推出
專輯總共六首歌曲
惟專輯所帶出嘅訊息令人摸不著頭腦
聽完整張專輯 , 唔太明白想帶點甚麼訊息比聽眾
雖歌曲嘅製作水平整體上都滿意
部分如「殘渣」「神把眼淚都留給了人」都具有流行能力
其他歌曲展現到 Mischa 可以嘗試到唔同風格
但比較可惜嘅係 Mischa 嘅聲音辨識度較低
亦未能喺專輯建立出其獨特個性
聽眾聽畢整張專輯之後
估計歌曲嘅認知度比起歌手或會更大

若果還有下一張專輯嘅機會
建議唱片公司以及團隊們能夠再專輯嘅內容方面
以及完整性上花些心思
同時 Mischa 亦需加強個人嘅獨特個性
才能對歌者有深刻嘅印象

16　我做你 你做我 Stand By You - VA　[分數: 0]

爛得無以復加
難聽到無法形容
又你做我又我做你
做黎做去都唔知做緊 D 咩野
果斷 0 分

17　Moment - 胡琳　[分數: 51]

自從憑翻唱專輯成為爵士天后之後
Bianca 並沒有走回以往成功嘅道路
反而開始與團隊共同創作原創嘅歌曲
之後嘅 《The Fifth Season》嘗試多元嘅風格
令到更多樂迷認識佢
經過幾年嘅等待再次推出原創專輯《Moments》
是次專輯更有一半嘅歌曲係由 Bianca 參與創作
可見歌者每次製作專輯時對於自己有一定嘅要求
務求可以比前一張專輯有所突破

可惜嘅係 , 不知道是否因為加入左自己嘅創作
聽完今次嘅專輯之後
雖然製作方面仍保持住一定水準
但歌曲並未有特別令人深刻嘅地方

另外專輯亦多次出現演繹含糊不清嘅情況
當中「浮生若夢」出現嘅情況比較明顯
每一句嘅最後一兩隻字突然變得細聲
導致難以聽清楚
另外抖氣聲方面處理亦不夠恰當
其中「自遊」主歌部分句子裡面嘅停頓位
以及裡面出現較多嘅抖氣聲
導致情緒表達上面斷斷續續 , 不夠連貫
其他歌曲都有以上兩個情況
都令到聽眾喺聽呢隻專輯嘅時候
比較難以投入
喺呢張專輯偏向主要以人聲作為賣點嘅前提下
這樣嘅情況都係一個比較嚴重嘅問題
希望問題能夠喺下張專輯得以改善

chanchan0909

只想支持第九位
帥小寶` 發表於 2018-7-11 16:11

冠左王嘉儀又唔支持佢 ?
仲有鄧小巧呢 ? 雷深如呢 ? 孫盛希呢 ? 林柏迪呢 ?
我覺得好可惡 , 好自私囉 !

chanchan0909

做黎做去都唔知做緊 D 咩野

@ed8671ed
bagfgfcde 發表於 2018-7-11 16:43

唔明你@佢做咩野 !

呢個榜第1、4位同另一個榜倒數第1、4位一樣 又偷偷地放閃
nicholashin 發表於 2018-7-11 16:52

咁都得 ...
咁等我下周 foul 走一世同學 , 睇下你仲有無野話我同個路人一樣 !!!

ok 咁我支持鄧小巧
帥小寶` 發表於 2018-7-11 16:52

都係唔支持王嘉儀

chanchan0909

純粹想佢解答一下
你諗左去邊
bagfgfcde 發表於 2018-7-11 20:48

呵呵 我只係唔係好明白姐
唔明當然要問啦 對不對
我地等佢詳細解答

chanchan0909

CBM 第 446 期 2018 第 28 周

本周冠軍歌　八三夭 - 一事無成的偉大　[收錄專輯 - /]
作曲　八三夭阿璞
填詞　八三夭阿璞
編曲　八三夭

六分鐘時間 , 超過十二段旋律橋段
貫穿唔同階段經歷嘅高低起跌
唱出屬於每一個平凡人嘅故事

唔知道點解
人們好自然地定義自己
或者定義他人需要擁有某種東西才叫成功
比如對於自己需要有樓有車有家室
定義呀邊個歌手係唔係成功
會比較一下頒獎禮成績
或者比較 fans 數目
或者比較專輯賣得好唔好
甚至比較一次演唱會連續開左幾多場都會成為考慮嘅因素 ...
定義運動員係咪偉大
會以金牌數量去比較
如果唔夠多就唔叫做偉大
仲有一句「無人會記得誰是第二名」
呢個觀念更加令人覺得如果拎唔到第一名
嗰位運動員就會被冠稱為失敗者 ...

如果得到第一名先叫成功
咁我諗世間上大部分嘅人都係失敗者了
但我覺得諗深一層去思考
難道唔係每個人都一直堅守住自己嘅崗位
仍然為自己嘅目標奮鬥緊咩 ?
咁點解仲需要自我製造成功嘅定義
仲處處都要跟其他人作不必要嘅比較
更需要理會其他人對你嘅態度呢 ?
所以只要對得起自己
根本唔需要理會嗰 D 真正一事無成嘅人
相信自己 , 做好平凡嘅你
你嘅一事無成經已足夠偉大

01　一事無成的偉大 [1 周冠]　　　　　　八三夭
02　芭樂　　　　　　　　　　　　　　　鄧小巧
03　新寫的舊歌 [2 周冠]　　　　　　　　李宗盛
04　生死時速　　　　　　　　　　　　　Nowhere Boys
05　那一端　　　　　　　　　　　　　　RubberBand
06　闖空門　　　　　　　　　　　　　　孫盛希 Feat. J. Sheon
07　美哉　　　　　　　　　　　　　　　迪子
08　與你常在 [1 周冠]　　　　　　　　　eason and the duo band
09　一念天堂　　　　　　　　　　　　　享樂團
10　人妻的偽術　　　　　　　　　　　　謝安琪
11　天衣　　　　　　　　　　　　　　　李拾壹 / 王嘉儀
12　漸漸　　　　　　　　　　　　　　　陳奕迅
13　自我感覺還好　　　　　　　　　　　Gin Lee
14　求生 [1 周冠]　　　　　　　　　　　關楚耀 Feat. MastaMic
15　哪兒　　　　　　　　　　　　　　　小塵埃
16　寂寞塗鴉　　　　　　　　　　　　　Fabel
17　神奇女俠　　　　　　　　　　　　　J.Arie
18　VR　　　　　　　　　　　　　　　  清晨樂團 Feat. FeiLun@Sustain
19　心的磨練　　　　　　　　　　　　　盧冠廷
20　翩翩 [1 周冠]　　　　　　　　　　　王嘉儀

新上榜歌曲
11　天衣 / 李拾壹 / 王嘉儀
15　哪兒 / 小塵埃
16　寂寞塗鴉 / Fabel
19　心的磨練 / 盧冠廷

chanchan0909

我覺得keep住呢種心態好好但講就容易
好多時覺得自己唔夠「成功」
可能係自己努力過
但得唔到自己想要既野 ...
stopzi 發表於 2018-7-17 09:30

呢個我能夠理解 !
例如做一樣野咁唔知點解人地處理得可以好好
到自己做嘅時候就唔知點解做極都唔好
有時我都會係咁 , 亦都會沮喪
但會沮喪 , 係因為你對自己有要求
係重視呢件事先至會有相應嘅情緒反應
不過跟住你仍然都會選擇去繼續努力
重新為左自己嘅目標做好

所以有咁嘅情況出現我覺得都好正常嘅
因為每個人嘅能力總有高低嘛
但失望之後絕對唔好覺得自己係失敗者
或者其他人可能因為有佢地自己個人嘅定義去評價你
如果係有用嘅 , 不妨一聽
若果係專登拎你出黎作好無謂嘅評價 , 可以唔使理
最緊要我覺得都係要做一個睇得起自己嘅人

講得好！
John 發表於 2018-7-17 00:27

好有意義嘅評價

請支持天地一沙鷗
RVHOCPC 發表於 2018-7-16 23:00

係咪你嘅 rubbish version !???

第十三位仲係度死唔斷氣呀
bagfgfcde 發表於 2018-7-16 23:45

唔知嘅聽你咁講會以為首歌上左 10 個禮拜

請支持第十三位 呢首真係不可多得既好歌
另外希望送冠軍歌俾煎煎
帥小寶` 發表於 2018-7-17 09:57

既然係咁 , 就送對上一首冠軍歌 , 兩年前嘅雙雙比佢啦好唔好

chanchan0909

你有無離譜啲 對上一首係雙雙？
帥小寶` 發表於 2018-7-17 12:44

只要你將我個榜同隔離 BAG'S A-SIDE / BAG 音樂流行榜
比較一下對上一首佢嘅冠軍歌係邊首 , 你就會發現我對 Gin Lee 真係好好

chanchan0909

蝦 今天終於一人回家~
bagfgfcde 發表於 2018-7-17 16:44

唔經唔覺 已經有成 6 年無冠過

chanchan0909

希望7>1
ed8671ed 發表於 2018-7-17 22:34

已經確定唔係
再等多周啦

chanchan0909

CBM 第 447 期 2018 第 29 周

本周冠軍歌　鄧小巧 - 芭樂　[收錄專輯 - /]
作曲　馮穎琪
填詞　黃偉文
編曲　謝國維
監製　謝國維

能夠教人灑脫一點
又教人不需要保留
盡量地大灑狗血
把自己身受嘅苦
毫無保留地發洩出來
歌曲集合左失落傷感而又激動嘅情緒
但同時製作上又表現出一種優雅嘅態度
不溫不火 , 剛剛好

01　芭樂 [1 周冠]　　　　　　　　　　　鄧小巧
02　那一端　　　　　　　　　　　　　　RubberBand
03　美哉　　　　　　　　　　　　　　　迪子
04　天衣　　　　　　　　　　　　　　　李拾壹 / 王嘉儀
05　一事無成的偉大 [1 周冠]　　　　　　八三夭
06　漸漸　　　　　　　　　　　　　　　陳奕迅
07　新寫的舊歌 [2 周冠]　　　　　　　　李宗盛
08　一念天堂　　　　　　　　　　　　　享樂團
09　沉默的士高　　　　　　　　　　　　王菀之
10　寂寞塗鴉　　　　　　　　　　　　　Fabel
11　哪兒　　　　　　　　　　　　　　　小塵埃
12　鄰家的你　　　　　　　　　　　　　潘朵拉樂團
13　闖空門　　　　　　　　　　　　　　孫盛希 Feat. J. Sheon
14　人妻的偽術　　　　　　　　　　　　謝安琪
15　相好　　　　　　　　　　　　　　　石裂符
16　與你常在 [1 周冠]　　　　　　　　　eason and the duo band
17　花見小路　　　　　　　　　　　　　陳慧琳
18　中途站　　　　　　　　　　　　　　sp'ACE
19　求生 [1 周冠]　　　　　　　　　　　關楚耀 Feat. MastaMic
20　生死時速　　　　　　　　　　　　　Nowhere Boys

新上榜歌曲
09　沉默的士高 / 王菀之
12　鄰家的你 / 潘朵拉樂團
17　花見小路 / 陳慧琳
18　中途站 / sp'ACE

chanchan0909

生死時速冇冠。。。傷心
bagfgfcde 發表於 2018-7-22 08:41

本身諗住唔比冠都至少有個三甲
點知一直比一事無成 , 大巧 同 大哥 塞住喺前面
希望下一 plug 會更加正啦

chanchan0909

幾時冠美哉
ed8671ed 發表於 2018-7-22 21:48

CBM 2018 W30 !!!

小巧係咪全部冠軍歌?
stopzi 發表於 2018-7-23 09:21

過去佢派嘅 11 首歌有 3 首無冠 !

心之科學 19>16>xx
616.1314 發表於 2018-7-24 10:47

開心
John 發表於 2018-7-25 00:39

可恥！撐美巧
帥小寶` 發表於 2018-7-25 12:56

祖兒今年派左咁多歌 , 終於有成績
明明應該值得恭喜至啱囉

chanchan0909

Support
bagfgfcde 發表於 2018-7-28 20:31

你得閒無野做

chanchan0909

CBM 第 448 期 2018 第 30 周

本周冠軍歌　迪子 - 美哉　[收錄專輯 - Amor Fati]
作曲　迪子
填詞　薛晉寧
編曲　Kelly.C
監製　Kelly.C / 迪子

如果只要你做一樣野就可以改變命運
你會願意去做嗎 ?
只能說選擇係個人
並沒有做與唔做之間那個較好嘅一個固定答案
但選擇時亦需謹慎 , 無悔無愧

順帶一提 , 阿檸今年填詞嘅兩首歌都登上冠軍
迪子新專輯繼「一蓮托生」後有第二首冠軍歌
希望「拜猶大的人」盡快派台 !

01　美哉 [1 周冠]　　　　　　　　　　　迪子
02　芭樂 [1 周冠]　　　　　　　　　　　鄧小巧
03　天衣　　　　　　　　　　　　　　　李拾壹 / 王嘉儀
04　那一端　　　　　　　　　　　　　　RubberBand
05　沉默的士高　　　　　　　　　　　　王菀之
06　鄰家的你　　　　　　　　　　　　　潘朵拉樂團
07　年少有為　　　　　　　　　　　　　李榮浩
08　毋忘我　　　　　　　　　　　　　　逆流
09　一念天堂　　　　　　　　　　　　　享樂團
10　新寫的舊歌 [2 周冠]　　　　　　　　李宗盛
11　哪兒　　　　　　　　　　　　　　　小塵埃
12　一事無成的偉大 [1 周冠]　　　　　　八三夭
13　潛水　　　　　　　　　　　　　　　張敬軒
14　中途站　　　　　　　　　　　　　　sp'ACE
15　慌　　　　　　　　　　　　　　　　陳蕾
16　寂寞塗鴉　　　　　　　　　　　　　Fabel
17　開心節　　　　　　　　　　　　　　鍾舒漫
18　The Secret of The Golden Bricks　　  方大同
19　青春終老　　　　　　　　　　　　　Robynn & Kendy
20　昔日舞曲　　　　　　　　　　　　　黃凱芹

新上榜歌曲
07　年少有為 / 李榮浩
08　毋忘我 / 逆流
13　潛水 / 張敬軒
15　慌 / 陳蕾
17　開心節 / 鍾舒漫
18　The Secret of The Golden Bricks / 方大同
19　青春終老 / Robynn & Kendy
20　昔日舞曲 / 黃凱芹

專輯短評

最近見到有好多好多翻唱同改編專輯推出
不如就打幾隻字分享一下啦
打左其中幾隻先 , 下個禮拜都會有其他嘅

18　dahlia II - 張敬軒　[分數: 44]

將十首樂壇舊作重新編曲 , 而製作方面採用了高質素嘅器材
從 編曲 , 音色 , 甚至連影響到製作嘅因素都需要嚴格執行
務求每一個環節都可以做到更精準更細緻
是次專輯嘅歌曲與舊作相比確實帶來不一樣嘅感覺
可惜在演繹方面未能爭取高分
未知係依從 hifi 式嘅唱法
定係想營造降兩度嘅感覺
成隻碟嘅演繹都係四平八穩
相對而言略嫌比較保守

19　星夜的呼喚 - 譚詠麟　[分數: 1]

呢隻碟嘅封面同之前嗰隻《欣賞》嘅封面好似
同一副眼鏡 , 都係第一個衫鈕無扣好
而且都係撐腰 , 仲有都係以天空做背景 …
不過估唔到呢隻一曲三味嘅專輯居然有市場
所以建議唱片公司推出第二版
收錄 英文版 , 日文版 , 韓文版 , 越南版 , 泰文版 , 菲律賓版
比大家知道呢首大受歡迎嘅好歌啦

20　十里春風 - 黃凱芹　[分數: 77]

是次嘅翻唱專輯揀選左九位已故歌手嘅作品

首先揀選哥哥嘅「春夏秋冬」作為專輯開首
哥哥嘅版本營造出憂傷嘅感覺 , 經過改編之後
由風琴出場嘅版本加了一陣回憶感 , 變成了對回憶嘅釋懷
及後「抱緊眼前人」也有同樣嘅感覺
梅姐版本比較直接 , Chris 版本先係內斂 , 到後來有種放開嘅感覺

而其他作品同原作比較都有驚喜
鄧麗君「漫步人生路」帶出了一種正面嘅態度
令人意想不到嘅係 , 改編嘅版本多了一份佛教嘅味道
另外 music break 部分亦是非常精彩
Beyond 「昔日舞曲」帶出一種放縱自己嘅氣氛
而專輯嘅版本反而帶出一種滄桑以及幽怨嘅情緒
「懷念著你」改編後嘅氣氛亦較為沉重
與原唱許冠英嘅沉重層次有很大程度上嘅不同
「朋友一個」同樣都係帶出對友情嘅珍重
羅文版本就感受到對友情嘅真挈
而 Chris 嘅演繹就相對比較輕鬆自在一點

蔡齡齡「細水長流」,  陳百強「有了你」以及 鳯飛飛「掌聲響起」相對專輯黎講
改編同演繹方式都以原作未有太大嘅改變
確實歌曲嘅亦不適合再有任何太大嘅改變
否則會弄巧成拙 , 而且 Chris 嘅版本亦令人感動 , 因此實屬明智之舉

整體黎講 , 呢張專輯嘅改編部分實在精彩
所帶出嘅氣氛都好貼近現時嘅城市人
相信會容易引起共鳴
另外 Chris 嘅演繹亦是非常吸引
改編經典不容易
能夠對於歌詞有另一個角度嘅演繹
更加在改編嘅演繹上處理到位 , 值得加分
專輯最後收錄了一首全新作品為專輯同名作「十里春風」
歌詞將以上九首歌曲放進裡面
作為專輯嘅一個結尾 , 來向他們致敬
感激上一代音樂人為樂壇帶來一首又一首精彩佳作

chanchan0909

天主快啲捉呢個人落地獄
bagfgfcde 發表於 2018-7-28 21:54

我去都會去天堂 , 謝謝

你會願意去做嗎 ?
呢個問題要問返 IG 專員先知
cymusic 發表於 2018-7-28 22:33

你好唔得囉

心之科學有得RE未 天地一沙鷗上得榜未
帥小寶` 發表於 2018-7-28 23:11

re 黎再 out 麼
其實呢周係排上個禮拜嘅喜愛度 [7.15-7.21] , 最快下個禮拜先上到

chanchan0909

你終於冠你愛人 滴子
李榮浩好勁！！！！

希望榜主去整下容
ed8671ed 發表於 2018-7-29 14:24

支持努力嘅歌手 , 迪子
今屆歌王李榮浩歌后迪子

我唔需要囉 , 我又唔係靠樣嘅 , 我有實力囉好無 , 何況我兩樣都有
你係毆像派 , 靠樣搵食 , 我覺得你眼耳口鼻都要執執

chanchan0909

請支持天地一沙鷗
RVHOCPC 發表於 2018-7-16 23:00

請支持天地一沙鷗
RVHOCPC 發表於 2018-7-29 18:47

得啦 , 好煩呀
下個禮拜高位上榜囉

chanchan0909

請支持心之科學
下個禮拜可唔可以高位上榜
帥小寶` 發表於 2018-7-29 19:17

你講到首歌好似無上過咁囉
我下周高位上榜 Make A Beat 好嗎
希望你都滿意啦

chanchan0909

點解慢慢喜歡你冇得re
bagfgfcde 發表於 2018-7-29 19:36

你咁鍾意幻想
不如你自己研究一下當中嘅原因吧啦

chanchan0909

竟然有聽星夜的呼喚
stopzi 發表於 2018-7-30 10:25

噴都會照聽
要選金草莓架嘛 , 而且可能校長會出首好歌呢

成日用冠軍歌去曬恩愛, 叫其他單身狗榜主情可以堪...
CunninG 發表於 2018-8-1 22:44

鬼有 !

yes 佢地既對話好肉麻
放空 發表於 2018-8-5 08:41

唔覺囉 !

能夠有一段穩定而長久嘅感情
需要有效嘅經營
要達到有效需要循序漸進
一步一步慢慢慢慢去經營
喺呢個節 ...
bagfgfcde 發表於 2018-8-5 09:21

我叫 stopzi 關心你好唔好 ???

chanchan0909

stopzi 係 ed 架
bagfgfcde 發表於 2018-8-8 22:10

yes !
呢兩個人同王子都有關係
好混亂嘅三個人
我地都係專心聽歌
唔好騷擾佢地慢慢地經營感情

chanchan0909

他他他是好，但他他他他會更好！

所以你加入啦
bagfgfcde 發表於 2018-8-8 22:21

呢 D 好野留返佢地 慢慢 , 慢慢 and 慢慢 啦
唔使預我啦

chanchan0909

CBM 第 449 期 2018 第 31 周

本周冠軍歌　RubberBand - 那一端　[收錄專輯 - Hours]
作曲　RubberBand / 雷柏熹
填詞　RubberBand / Tim Lui
編曲　RubberBand / 雷柏熹
監製　6 號@RubberBand / 雷柏熹

在貧者越貧富者越富嘅社會
一端運用自己嘅權利欺詐別人
另一端沒有權力嘅人就持續地被欺詐
喺呢個表面繁榮都市嘅背後
不知道有幾多人過著悲慘嘅生活 ...

「那一端」以輕快嘅森巴曲風作為主軸
歌詞卻描寫現實嘅不公
這樣嘅反差卻又與歌曲內容吻合
雖在 RubberBand 過去嘅歌曲中
也多次營造出這樣嘅反差
算不上驚喜
不過還是能從歌曲中聽出共鳴感 !

01　那一端 [1 周冠]　　　　　　　　　　RubberBand
02　沉默的士高　　　　　　　　　　　　王菀之
03　天衣　　　　　　　　　　　　　　　李拾壹 / 王嘉儀
04　鄰家的你　　　　　　　　　　　　　潘朵拉樂團
05　年少有為　　　　　　　　　　　　　李榮浩
06　毋忘我　　　　　　　　　　　　　　逆流
07　開心節　　　　　　　　　　　　　　鍾舒漫
08　天地一沙鷗　　　　　　　　　　　　Gin Lee
09　潛水　　　　　　　　　　　　　　　張敬軒
10　慌　　　　　　　　　　　　　　　　陳蕾
11　美哉 [1 周冠]　　　　　　　　　　　迪子
12　芭樂 [1 周冠]　　　　　　　　　　　鄧小巧
13　The Secret of The Golden Bricks　　  方大同
14　青春終老　　　　　　　　　　　　　Robynn & Kendy
15　下半場　　　　　　　　　　　　　　黎明
16　頌海　　　　　　　　　　　　　　　方大同 Feat. 王詩安
17　昔日舞曲　　　　　　　　　　　　　黃凱芹
18　新寫的舊歌 [2 周冠]　　　　　　　　李宗盛
19　漩渦　　　　　　　　　　　　　　　邱文超 / 梁俊升
20　如何從夏天活過來　　　　　　　　　黄妍

新上榜歌曲
08　天地一沙鷗 / Gin Lee
15　下半場 / 黎明
16　頌海 / 方大同 Feat. 王詩安
19　漩渦 / 邱文超 / 梁俊升
20　如何從夏天活過來 / 黄妍

專輯短評

21　Recall A Little Bit - 小塵埃　[分數: 72]

一首好嘅歌曲 , 就算過左一段時間
拎返出黎再聽 , 都係咁啱聽
聽完呢隻翻唱專輯之後 , 更加肯定呢一句嘅說法
由小塵埃揀選嘅六首黎自八十九十年代嘅兒歌
喺旋律歌詞以及同歌曲嘅整個編排都基本保留
只喺編曲方面作出改動
成功喚起了童年時代嘅回憶外
更豐富了歌曲嘅可聽性

演繹嘅部分亦叫人深刻
Pollie 嘅聲音辨識度就好高
加上帶點童真嘅聲線
非常適合演繹兒歌類嘅作品
Jonathan 嘅和音配合出默契
二人嘅合拍令歌曲更有層次
對於小塵埃而言 , 翻唱兒歌對佢地嘅難度不大
如須在雞蛋裡面挑骨頭的話
低音部分聽落不是太穩 , 希望可以加強

專輯有口碑 , 銷量亦曾登上冠軍碟之下
相信在不久嘅將來會有 part 2 , part 3 嘅出現
期待小塵埃能夠把更多嘅經典兒歌傳送給更多人
除喚起幾代人嘅回憶之外
亦盼望可以讓新一代人認識屬於我們嘅經典

22　Once Again 可一‧可再 - 李麗珊　[分數: 24]

從電視台歌唱比賽之中留意到呢位女生
李麗珊 Lisa 有一個唔錯嘅外表
雖喺歌唱實力方面仍有好大嘅進步空間
不過比起同屆嘅選手
佢表現相對係突出嘅
再加上有觀眾緣
屬於係有潛力嘅一位選手
若果佢能推出自己嘅專輯
會預計佢會走輕快曲風 , 偶像派路線
幾年之後 , 佢真的可以推出個人專輯
不過沒想過佢會向翻唱路線出發

其實不是反對翻唱歌
而係以佢嘅能力去翻唱感覺不太適合
以呢張翻唱 EP 嘅第一首單曲「深愛著你」為例
想表現與原曲不一樣 , 於是就將歌曲後段改成搖滾風格
但明顯地佢嘅演繹與搖滾格格不入
所以不太理解為何要改編
及後幾首沒有刻意改編
不過如「其實我很擔心」在演唱上嘅高音部分
明顯地突顯上歌者未能駕馭
「月半小夜曲」應為全碟表現較好嘅一首
此版本比原曲較慢
因此可以給予空間比 Lisa 發揮
演繹方面未見有太大嘅失誤
以穩陣為主 , 為專輯挽回一些分數

整體來說 , 如 Lisa 想繼續走翻唱路線
首要必定在演唱方面嘅技巧須有所加強
另外聽畢專輯後
其實不太明白歌者揀選這些歌曲背後嘅原因
曲風與演繹上亦唔連貫
因此在專輯嘅製作都要加強概念性
才能令聽眾感受到歌者嘅世界

特別推介

當年今日 , 2008 年 8 月 8 日十年前係北京奧運會嘅開幕 !
記得當時掀起一陣熱潮 , 有關奧運話題無處不在 !
嗰年仲有好多關於迎接奧運嘅歌曲出現 , 例如有

劉歡 / Sarah Brightman - 我和你
https://www.youtube.com/watch?v=odPC8LWVGAM

群星 - 北京歡迎你
https://www.youtube.com/watch?v=9o-H5Se6pt4

群星 - 奧運北京
https://www.youtube.com/watch?v=qXa37DNGjbU

等等等等
不過以下落黎呢首應該係會較多人會有印象 !
因為當時真係日播夜播 , 超級瘋狂洗腦 !

群星 - We Are Ready　[2008 北京奧運會主題歌曲]
https://www.youtube.com/watch?v=IdbeIvJn8_Y
作曲　金培達
填詞　陳少琪
編曲　金培達 / 陳少琪
監製　金培達 / 陳少琪

chanchan0909

支持毋忘我 支持頌海
bagfgfcde 發表於 2018-8-8 22:46

支持美哉 ! 支持迪子 !

希望北京歡迎你下星期可以上榜
帥小寶` 發表於 2018-8-8 22:54

你好噴囉 !!!

chanchan0909

其實我對RubberBand 呢類咁有南美色彩既歌無既感覺
好似細街盃咁我都無咩feel  ...
CunninG 發表於 2018-8-9 10:16

我 buy 架 , 可能係廣東歌比較少有嘅曲式
亦都可能因為咁樣我麻麻地前面逆流之歌

大同呢首都上到
stopzi 發表於 2018-8-9 21:26

難得大同咁髮力派四首歌
所以黎緊想上埋 Saving Snowy 同 The Tree of Life

支持谷婭溦
RVHOCPC 發表於 2018-8-9 09:30

無聊

chanchan0909

CBM 第 450 期 2018 第 32 周

本周冠軍歌　王菀之 - 沉默的士高　[收錄專輯 - /]
作曲　王菀之
填詞　黃偉文
編曲　馮翰銘
監製　馮翰銘

時代帶來嘅便利讓人不知不覺地
於現實中自我建立起一座又一座嘅圍牆
躲進角落獨自作樂
自小結交了「朋友」就對忽略了其他人嘅存在
日復一日，年復一年
若果往後每個人都成為真正嘅個體
對人類及事物完全漠不關心
會帶來一個怎樣嘅新時代呢 ?
若果已築起圍牆嘅你
呢首歌會唔會令你選擇去拆破圍牆呢 ?

01　沉默的士高 [1 周冠]　　　　　　　　王菀之
02　天衣　　　　　　　　　　　　　　　李拾壹 / 王嘉儀
03　毋忘我　　　　　　　　　　　　　　逆流
04　年少有為　　　　　　　　　　　　　李榮浩
05　天地一沙鷗　　　　　　　　　　　　Gin Lee
06　慌　　　　　　　　　　　　　　　　陳蕾
07　那一端 [1 周冠]　　　　　　　　　　RubberBand
08　潛水　　　　　　　　　　　　　　　張敬軒
09　開心節　　　　　　　　　　　　　　鍾舒漫
10　頌海　　　　　　　　　　　　　　　方大同 Feat. 王詩安
11　漩渦　　　　　　　　　　　　　　　邱文超 / 梁俊升
12　鄰家的你　　　　　　　　　　　　　潘朵拉樂團
13　青春終老　　　　　　　　　　　　　Robynn & Kendy
14　The Secret of The Golden Bricks　　  方大同
15　半杯入魂　　　　　　　　　　　　　側田
16　昔日舞曲　　　　　　　　　　　　　黃凱芹
17　未來　　　　　　　　　　　　　　　Another Kitchen
18　Saving Snowy　　　　　　　　　　　方大同
19　寧願當初不相見　　　　　　　　　　Dear Jane
20　美哉 [1 周冠]　　　　　　　　　　　迪子

新上榜歌曲
15　半杯入魂 / 側田
17　未來 / Another Kitchen
18　Saving Snowy / 方大同
19　寧願當初不相見 / Dear Jane

專輯短評

23　我們在中場相遇 - 莫文蔚　[分數: 63]

中場 , 一次回望過去再展望將來嘅時間
適逢 Karen 喺佢嘅音樂道路走了 25 個年頭
亦差不多來到了知天命之年
係時候好好地為自己來一個總結

見到製作人名單 , 可看出 Karen 對此專輯係多麼嘅重視
比喻上半場嘅上半部分 , 都係找來以往合作嘅音樂人
包括製作「i」令 Karen 首次奪得歌后嘅李偲菘
合作無間嘅李焯雄
還有之後嘅專輯或者喺其他音樂上都有合作嘅
倫永亮 , 張亞東 , 伍佰 等等都再次因為呢次專輯而再次合作
當然仲有曾經為 Karen「十二樓的莫文蔚」全碟作監製嘅李宗盛大哥
亦都出現喺今次嘅歌曲幕後名單中
比較可惜嘅係 , 因大哥分身不暇
所以只能翻唱他的作品作為再一次嘅合作

老朋友來到 , 下半場就來一個新鮮感
找來多位從未合作嘅新一代音樂人
如 方大同 , 林俊傑 , Matzka , 張藝興 , 華晨宇
而李榮浩則在上一隻專輯「不散，不見」中
擔任結他手彈奏專輯內多首作品
相信兩位往後都有更多嘅合作機會

在「中場沒有休息」嘅節奏轉換之下帶動後
整張專輯嘅氣氛就突然間變得不一樣
若說到具有音樂視野嘅歌手
相信莫文蔚會是其中一位
通過下半部分例如「絕」及「Dancing in the Rain」「不待續」等等
Karen 仍然希望自己嘅歌曲能保持新鮮感
除此之外 , 無論是各種風格轉變嘅新鮮感歌曲
或是如「半生緣(我們在這裏相遇)」需要真假音嘅轉換
都能夠輕鬆駕馭到位
最拿手嘅莫氏情歌如「慢慢喜歡你」
一把細膩溫柔嘅聲線
能夠成功俘虜聽眾嘅耳朵亦是理所當然
高水準嘅演唱實力令人感受到
未來 Karen 又會給聽眾有怎麼樣嘅驚喜

比較可惜的是 , 若果與 Karen 過往嘅專輯作比較
此張專輯嘅概念性不太突出
上半場嘅歌曲都比較沉悶 , 質感不強
歌詞部分簡潔
但未能發揮其歌詞所帶來嘅訊息
導致歌曲之間嘅連繫作用都唔大
因此整張專輯有點過於空泛
這張專輯對於 Karen 來說意義很大
惟完整度不足 , 要成為她的其中一隻經典專輯看來有點難度
重新上場 , 寄望佢音樂道路嘅下半場嘅開始
能夠越走越大膽 , 越走越出色

特別推介

想同大家分享一下幾首 Ellen 為其他歌手而創作嘅歌曲

許志安 - 前程錦繡 (2007)　[盧凱彤參與編曲及監製作品]
https://www.youtube.com/watch?v=yu2O34tcgMw
作曲　林宇中
填詞　林若寧
編曲　盧凱彤@at17
監製　at17

chanchan0909

下 冇Serrini
bagfgfcde 發表於 2018-8-12 09:55

因為我個榜仲係出遲左一個禮拜
以前呢個時候同你一樣要出 W33
所以梁嘉茵小姐下周會閃亮登場

chanchan0909

而家先知前程錦繡係at17監
stopzi 發表於 2018-8-12 11:53

估唔到呢

希望漩渦下週打入十甲！
nicholashin 發表於 2018-8-12 13:17

must !
好鍾意呢首歌二人嘅演繹 , 非常有火花

chanchan0909

CBM 第 451 期 2018 第 33 周

本周冠軍歌　李拾壹 / 王嘉儀 - 天衣　[收錄專輯 - /]
作曲　王嘉儀 / 李拾壹
填詞　王樂儀
編曲　王嘉儀 / 李拾壹
監製　王嘉儀 / 李拾壹

「我們的生活就是平常的生活
平淡冗長
可是也是溫暖的生活
我們就是普通的夫妻之間的溫暖
家庭間的親情
有它的和諧和那種明亮
我們都不是在家庭生活上有太高要求的人
現在可能就是小康吧。」--- 顧長衛

01　天衣 [1 周冠]　　　　　　　　　　　李拾壹 / 王嘉儀
02　荒原 [1 周冠]　　　　　　　　　　　盧凱彤
03　毋忘我　　　　　　　　　　　　　　逆流
04　沉默的士高 [1 周冠]　　　　　　　　王菀之
05　Let Us Go Then You And I　　　　　Serrini
06　天地一沙鷗　　　　　　　　　　　　Gin Lee
07　頌海　　　　　　　　　　　　　　　方大同 Feat. 王詩安
08　慌　　　　　　　　　　　　　　　　陳蕾
09　年少有為　　　　　　　　　　　　　李榮浩
10　漩渦　　　　　　　　　　　　　　　邱文超 / 梁俊升
11　潛水　　　　　　　　　　　　　　　張敬軒
12　The Secret of The Golden Bricks　　  方大同
13　開心節　　　　　　　　　　　　　　鍾舒漫
14　那一端 [1 周冠]　　　　　　　　　　RubberBand
15　未來　　　　　　　　　　　　　　　Another Kitchen
16　Saving Snowy　　　　　　　　　　　方大同
17　冷淡　　　　　　　　　　　　　　　陳慧琳
18　Da Di Da　　　　　　　　　　　　　林欣彤
19　親愛的　　　　　　　　　　　　　　吳淦軒
20　閨蜜專用　　　　　　　　　　　　　Super Girls

新上榜歌曲
05　Let Us Go Then You And I / Serrini
17　冷淡 / 陳慧琳
18　Da Di Da / 林欣彤
19　親愛的 / 吳淦軒
20　閨蜜專用 / Super Girls

chanchan0909

支持 01 02 03 04 05 07 08 09 10 11 12 13 14 15 16 17 18 19 20
bagfgfcde 發表於 2018-8-21 14:11

咁希望你個榜可以見到 09 10 嘅身影

我們的生活就是平常的生活
平淡冗長
可是也是溫暖的生活
我們就是普通的夫妻之間的溫暖
家庭間的親情
有它 ...
CunninG 發表於 2018-8-23 12:10

求其喺第二度 copy 過黎
證明今年 D 冠軍歌好有愛
直至 W33 本年度十大有愛歌曲 - 奉愛之名 , 灰色 , 和好 , 幾分之幾 , 風塵三俠 , 慢慢喜歡你 , 橙海 , 新寫的舊歌 , 與你常在 , 天衣

chanchan0909

不安
nicholashin 發表於 2018-8-23 15:57

你拎新寫的舊歌向邊個示愛

chanchan0909

支持應該分開嗎合唱版
RVHOCPC 發表於 2018-8-23 20:00

呢個係去金草莓 right ?

chanchan0909

頭十名首首都好好聽！！！
未冠嘅都冠曬佢 ok?
ed8671ed 發表於 2018-8-23 21:46

分豬肉的話至少要 7 個禮拜
跟住 頌海雙周冠 , Serrini 雙周冠 , 逆流雙周冠 , 年少有為三周冠
睇怕冠曬都到年尾

chanchan0909

CBM 第 452 期 2018 第 34 周

本周冠軍歌　李榮浩 - 年少有為　[收錄專輯 - /]
作曲　李榮浩
填詞　李榮浩
編曲　李榮浩
監製　李榮浩

年少無知，狂妄自大
以為可以與那個人一起到老
到自己功成名就，已經不在年少時
於婚禮與那個人舉杯相敬
聽著婚禮進行曲
多希望台上面站在你對面的是我
只歎年少無作為
如果一切有如果就好了，可惜並不能
祝我年少有為，充滿感慨而抱歉

01　年少有為 [1 周冠]　　　　　　　　　李榮浩
02　Let Us Go Then You And I　　　　　Serrini
03　毋忘我　　　　　　　　　　　　　　逆流
04　天衣 [1 周冠]　　　　　　　　　　　李拾壹 / 王嘉儀
05　頌海　　　　　　　　　　　　　　　方大同 Feat. 王詩安
06　潛水　　　　　　　　　　　　　　　張敬軒
07　沉默的士高 [1 周冠]　　　　　　　　王菀之
08　天地一沙鷗　　　　　　　　　　　　Gin Lee
09　漩渦　　　　　　　　　　　　　　　邱文超 / 梁俊升
10　The Secret of The Golden Bricks　　  方大同
11　荒原 [1 周冠]　　　　　　　　　　　盧凱彤
12　慌　　　　　　　　　　　　　　　　陳蕾
13　Saving Snowy　　　　　　　　　　　方大同
14　脆弱一分鐘　　　　　　　　　　　　林宥嘉
15　勇悍．17　　　　　　　　　　　　　麥浚龍
16　仙樂處處飄　　　　　　　　　　　　小塵埃
17　終點站　　　　　　　　　　　　　　Revery
18　我當你空氣　　　　　　　　　　　　旺福
19　大叔情歌　　　　　　　　　　　　　RubberBand Feat. Uniquesoul aka Busman 4.0
20　愛過你有多久就有多痛　　　　　　　蕭秉治

新上榜歌曲
14　脆弱一分鐘 / 林宥嘉
15　勇悍．17 / 麥浚龍
16　仙樂處處飄 / 小塵埃
17　終點站 / Revery
18　我當你空氣 / 旺福
19　大叔情歌 / RubberBand Feat. Uniquesoul aka Busman 4.0
20　愛過你有多久就有多痛 / 蕭秉治

chanchan0909

放心
冇人同你爭某會員
bagfgfcde 發表於 2018-8-26 09:19

某會員係你 ?
Sorry 我唔會去同 stopzi 爭

chanchan0909

支持第二位
放空 發表於 2018-8-26 11:37

之後會冠 !

唔知大同會唔會上齊4首
ed8671ed 發表於 2018-8-26 15:24

唔會 LU

wa 第二十位
stopzi 發表於 2018-8-27 21:16

你覺得好聽麼 ? 我都覺 !

講咁多嘢又唔po榜
stopzi 發表於 2018-9-9 18:08

呢位會員掛住睇排球 唔聽歌了
bagfgfcde 發表於 2018-9-18 13:59

有無人可以搵番陳陳出黎
-Prince- 發表於 2018-9-18 14:32

聽日或後日開始補返   
仲有 CM Metacritic 同 金草莓 都好耐無見啦

chanchan0909

CBM 第 453 期 2018 第 35 周

本周冠軍歌　Serrini - Let Us Go Then You And I　[收錄專輯 - Don’t Text Him]
作曲　Serrini
填詞　Serrini
編曲　Ron Cheung
監製　Ron Cheung

快樂 , 看似容易得到 , 又好似好難得到
如果有呢種矛盾的話 , 睇黎你未算真正地擁有快樂

好多人渡過難關時 , 可能會選擇放棄
當然中間有好多唔同原因嘅發生令到有呢個決定
唔一定係行錯路
但最後放棄可能只係為左自己得到解脫 , 咁就唔係得到快樂

要獲得快樂 , 其實不應從事件或行為上面做起
而係從心 , 只要內心諗通左 , 睇開左
好多事物就變得順其自然
否則 , 就會越黎越多心結
為自己嘅路製造左無數嘅障礙

「Let Us Go Then You And I」送比正面對困難嘅你
幫助你由心出發 , 一起衝破障礙

01　Let Us Go Then You And I [1 周冠]　  Serrini
02　毋忘我　　　　　　　　　　　　　　逆流
03　年少有為 [1 周冠]　　　　　　　　　李榮浩
04　頌海　　　　　　　　　　　　　　　方大同 Feat. 王詩安
05　天地一沙鷗　　　　　　　　　　　　Gin Lee
06　漩渦　　　　　　　　　　　　　　　邱文超 / 梁俊升
07　天衣 [1 周冠]　　　　　　　　　　　李拾壹 / 王嘉儀
08　仙樂處處飄　　　　　　　　　　　　小塵埃
09　Saving Snowy　　　　　　　　　　　方大同
10　脆弱一分鐘　　　　　　　　　　　　林宥嘉
11　愛過你有多久就有多痛　　　　　　　蕭秉治
12　沉默的士高 [1 周冠]　　　　　　　　王菀之
13　愛情是一種法國甜品　　　　　　　　林二汶
14　未來見　　　　　　　　　　　　　　RubberBand
15　Night Ride　　　　　　　　　　　　 Merry Lamb Lamb
16　明明想抱緊　　　　　　　　　　　　李晧軒
17　勇悍．17　　　　　　　　　　　　　麥浚龍
18　慌　　　　　　　　　　　　　　　　陳蕾
19　終點站　　　　　　　　　　　　　　Revery
20　大叔情歌　　　　　　　　　　　　　RubberBand Feat. Uniquesoul aka Busman 4.0

新上榜歌曲
13　愛情是一種法國甜品 / 林二汶
14　未來見 / RubberBand
15　Night Ride / Merry Lamb Lamb
16　明明想抱緊 / 李晧軒

專輯短評

24　Watch Me - 陳慧琳　[分數: 48]

時隔兩年 Kelly 再推出專輯
每一首歌曲幾乎都搵黎唔同嘅音樂人合作
其中派台作《尾站天國》及《花見小路》就找來韓國音樂人負責作曲 , 編曲及監製
務求為聽眾帶來新鮮感 , 果真坊間有不錯嘅迴響
開左一個唔錯嘅開頭
惟期望越大 , 之後嘅歌曲就過於四平八穩
與新單位合作都未能擦出火花
演繹方面感覺於高音部分亦有點吃力
令到整張專輯後勁不繼

chanchan0909

趁漩渦未回落 入黎支持個榜先
nicholashin 發表於 2018-9-20 13:21

希望下一次會見到你講
趁漩渦未落榜 入黎支持個榜先

支持靚過楊千嬅同李幸倪嘅serrini
RVHOCPC 發表於 2018-9-20 14:42

迪子 , J.Arie 同 Merry Lamb Lamb 都靚過 Serrini

反對反對 Abella
bagfgfcde 發表於 2018-9-20 14:46

假 Abella 成日扮 Abella

chanchan0909

冠軍歌非常高質 希望下星期冠煎煎
帥小寶` 發表於 2018-9-20 18:37

呢個可以 100% 話比你知 , 你嘅願望成真啦

chanchan0909

CBM 第 454 期 2018 第 36 周

本周冠軍歌　Gin Lee - 天地一沙鷗　[收錄專輯 - Bold & Beautiful]
作曲　Vincent Chow
填詞　林夕
編曲　Ted Lo
監製　Alvin Leong

「勇氣就是一種堅韌
正因為它是一種堅韌
才使我們具有任何形式的自我否定和自我戰勝的能力」
放棄依賴，你會變得更勇敢，更堅強

01　天地一沙鷗 [1 周冠]　　　　　　　　Gin Lee
02　Let Us Go Then You And I [1 周冠]　  Serrini
03　頌海　　　　　　　　　　　　　　　方大同 Feat. 王詩安
04　毋忘我　　　　　　　　　　　　　　逆流
05　未來見　　　　　　　　　　　　　　RubberBand
06　年少有為 [1 周冠]　　　　　　　　　李榮浩
07　愛情是一種法國甜品　　　　　　　　林二汶
08　明明想抱緊　　　　　　　　　　　　李晧軒
09　愛過你有多久就有多痛　　　　　　　蕭秉治
10　Night Ride　　　　　　　　　　　　 Merry Lamb Lamb
11　脆弱一分鐘　　　　　　　　　　　　林宥嘉
12　漩渦　　　　　　　　　　　　　　　邱文超 / 梁俊升
13　勇悍．17　　　　　　　　　　　　　麥浚龍
14　仙樂處處飄　　　　　　　　　　　　小塵埃
15　Creo En Mi (Jackson Boytoy remix)　  鄭秀文 Feat. 王嘉爾
16　一個女人和浴室　　　　　　　　　　謝安琪
17　天塌下來也能睡　　　　　　　　　　譚詠麟
18　現金社會　　　　　　　　　　　　　ian bird Feat. Nahh Kim
19　今天點解要落雨　　　　　　　　　　貳號碼頭
20　一　　　　　　　　　　　　　　　　薛德勇

新上榜歌曲
15　Creo En Mi (Jackson Boytoy remix) / 鄭秀文 Feat. 王嘉爾
16　一個女人和浴室 / 謝安琪
17　天塌下來也能睡 / 譚詠麟
18　現金社會 / ian bird Feat. Nahh Kim
19　今天點解要落雨 / 貳號碼頭
20　一 / 薛德勇

專輯短評

25　ends - per se　[分數: 72]

所謂有開始就有結束，結束後又會重新開始
喺生命中呢個過程總係會不斷循環
因而成為左 per se 作為專輯嘅題材
專輯都係圍繞好多唔同事情嘅結束與開始
聽畢之後最喜歡佢地喺編曲方面嘅製作
透過唔同嘅樂器以及聲效嘅加入
使每一首歌曲都注滿唔同嘅生命力
純音樂嘅出場亦與之後嘅歌曲有非常出色嘅連接
喺每一首切合主題嘅單曲再加上可聽性非常高單曲製作
使得整張專輯嘅有非常高嘅完成度

特別推介

確實人生無後悔藥 , 如果再比一次你重頭黎過 , 你可以捉住機會嗎 ?
''要重來多少次後才會明白''
一首「重來」送比今屆總係錯失機會嘅法國男排
希望如果黎緊有得參加世界盃或者奧運會的話 , 都可以拎到獎牌啦

黃小琥 - 重來 (2011)
https://www.youtube.com/watch?v=4pgIiUcfm_c
作曲　蔡健雅
填詞　蔡健雅
編曲　Terence Teo
監製　李偲菘

chanchan0909

支持per se
支持蔡健雅
反對李杏兒

個分疑似有參考我
bagfgfcde 發表於 2018-9-25 14:42

邊有 ! 無囉 !

專輯短評短咗好多
ed8671ed 發表於 2018-9-25 16:16

無心機寫 將心機放左去睇排球
不過都起碼叫交左功課先
原本接住呢篇都無咩心機字 , 不過寫下寫下都有 600 字

我覺得未來見應該值 5 週冠
賴爽 發表於 2018-9-30 07:57

我覺得值 10 周 !!!

代表李幸倪多謝你
RVHOCPC 發表於 2018-10-17 20:13

哦 咁我多謝你代李幸倪多謝我囉

chanchan0909

CBM 第 455 期 2018 第 37 周

本周冠軍歌　逆流 - 毋忘我　[收錄專輯 - 亂世 ‧ 說]
作曲　逆流
填詞　逆流
編曲　逆流 / Adrian Chan
監製　Adrian Chan

越行越遠就越容易迷失方向
雖然我地唔可以預料到未來會係一個點樣嘅自己
不過可以時刻保拎清醒嘅頭腦 , 緊記活出真我

P. S. 呢個雖然唔係 MV , 但 Lyrics Video 都做得好有心思 , 值得一看

01　毋忘我 [1 周冠]　　　　　　　　　　逆流
02　頌海　　　　　　　　　　　　　　　方大同 Feat. 王詩安
03　未來見　　　　　　　　　　　　　　RubberBand
04　愛情是一種法國甜品　　　　　　　　林二汶
05　Let Us Go Then You And I [1 周冠]　  Serrini
06　天地一沙鷗 [1 周冠]　　　　　　　　Gin Lee
07　Creo En Mi (Jackson Boytoy remix)　  鄭秀文 Feat. 王嘉爾
08　仙樂處處飄　　　　　　　　　　　　小塵埃
09　明明想抱緊　　　　　　　　　　　　李晧軒
10　一個女人和浴室　　　　　　　　　　謝安琪
11　年少有為 [1 周冠]　　　　　　　　　李榮浩
12　天塌下來也能睡　　　　　　　　　　譚詠麟
13　Night Ride　　　　　　　　　　　　 Merry Lamb Lamb
14　一　　　　　　　　　　　　　　　　薛德勇
15　愛過你有多久就有多痛　　　　　　　蕭秉治
16　現金社會　　　　　　　　　　　　　ian bird Feat. Nahh Kim
17　今天點解要落雨　　　　　　　　　　貳號碼頭
18　停半分鐘聽一闋歌　　　　　　　　　許廷鏗
19　可一可再　　　　　　　　　　　　　陳奕迅
20　關於寂寞　　　　　　　　　　　　　鄭欣宜

新上榜歌曲
18　停半分鐘聽一闋歌 / 許廷鏗
19　可一可再 / 陳奕迅
20　關於寂寞 / 鄭欣宜

專輯短評

26　Bold and Beautiful - Gin Lee　[分數: 62]

Gin Lee 加入環球唱片嘅第三張原創專輯《Bold and Beautiful》
是次專輯分享佢勇敢同美麗嘅一面
歌曲嘗試有不同嘅演繹方式 , 如首兩段清唱嘅「信」
一人分析兩角再配上和音嘅「自我感覺還好」, 又或者溫柔細膩嘅「人間鬍子」等等
足見 Gin Lee 嘅演唱實力

專輯個人相對地較喜愛後三首嘅歌曲「人間鬍子」「天地一沙鷗」以及「抱夢而活」
「天地一沙鷗」於中段加入電結他部分 , 再配以林夕嘅歌詞
將歌曲變得更有層次 , 喺後段激昂點亦都提到最高
「人間鬍子」同「抱夢而活」就把激昂收起 , 散發出溫柔細膩
好像在你身邊細聲哼唱 , 同時作為專輯嘅結尾去以過來人嘅身份去鼓勵大家勇往直前
三首歌曲都流露出最自然而誠懇嘅一面 , 同時都係正能量嘅作品 , 所以較喜歡

同樣地專輯前三首都係慢板作品 , 但歌曲嘅旋律部分都比較一般
其中「信」嘅主副歌嘅轉場唔係好流暢 , 聽了咁多次都覺得好奇怪
而且三首歌曲都比較刻意地去制造機會給予歌手發揮 , 因而有點炫技嘅感覺
所以對呢三首就無太大嘅好感

整體來說 , 呢隻專輯發揮不俗 , 水準平均
喺清一色慢板歌曲之下都嘗試到唔同嘅演繹方式
惟感覺 Gin Lee 加入環球唱片之後嘅三張專輯嘅主題都比較近似
都偏向以個人嘅心路歷程及態度為主
盼望下一張專輯能夠見到 Gin Lee 可以分享到更多以個人以外嘅東西

chanchan0909

呢個雖然唔係 MV , 但 Lyrics Video 都做得好有心思 , 值得一看

Where
bagfgfcde 發表於 2018-10-17 20:36

自己上去搵啦 , 唔得閒招呼你

chanchan0909

希望你可以聽埋天地一沙鷗嘅搖滾版 成首都係電結他
RVHOCPC 發表於 2018-10-17 20:43

喔 , 嗰條無人睇嘅 youtube 片 , 而家 unlike 多過 like 嗰條呀嘛
聽左啦 , 評語: 震撼世界嘅絕世好歌 !

四大發明係邊
帥小寶` 發表於 2018-10-18 14:15

W38 會出現

chanchan0909

2018 金草莓 第 2 季 歌曲

三級歌曲　[超難聽 , 收聽人士需要有心理準備]
許芯悅 - 給您的直播　[APR]
韓梓亮 - Party With TL　[APR]
陳偉霆 - 一筆江湖　[APR]
林子祥 - 有了你　[APR]
尚羚 - 至少還有你　[MAY]
群星 - 我們的夢　[MAY]
美琪 - 我的新旅程　[MAY]
鍾欣潼 - 幸福出發　[MAY]
林德信 - 愛的理由　[MAY]
韓梓亮 - SHE MY BAE BAE　[JUN]

二級歌曲　[勁難聽 , 兒童不宜]
Hong Kong Band - Rock n Roll 膽生毛　[MAY]
黃宗澤 / 吳卓羲 - 雖然 ⋯ 這個世界　[MAY]
潘欣妮 - 沒來沒往　[MAY]

一級歌曲　[難聽]
BOP 天堂鳥 - 把你捧在手心裡　[APR]
陳穎 - 幸福夢　[APR]
馬嘉均 - 捉緊你　[APR]
鄧思朗 - 苦情俠　[APR]
劉浩龍 - 冇得解　[APR]
Bingo - 疑心病　[APR]
譚杏藍 - 傻大姐　[APR]
周杰倫 - 不愛我就拉倒　[MAY]
SAGAS - 88　[MAY]
曾樂彤 - 單身旅行日誌　[JUN]

2018 金草莓 第 2 季 專輯
我做你 你做我 Stand By You - VA　[APR]
The Makings Of - 葉巧琳　[MAY]
星夜的呼喚 - 譚詠麟　[MAY]

chanchan0909

阿嬌
John 發表於 2018-10-18 20:09

已經無印象 , 再聽左一次
嗰句咩 ''愛情麼麼噠'' 真係好唔掂

點解侘寂(純人聲版) 唔係三級？
bagfgfcde 發表於 2018-10-18 20:24

唔係第二季嘅歌曲

mischa 都金草莓
RVHOCPC 發表於 2018-10-18 20:58

因為我 CM Metacritic 比得低分

逆流好勁！！！

做乜咁憎自己 咁都入圍三級歌曲。。
ed8671ed 發表於 2018-10-18 23:13

希望逆流今年有獎啦 感覺今年佢有好多對手
關我咩事 我無入圍過囉 !

chanchan0909

CBM 第 456 期 2018 第 38 周

本周冠軍歌　方大同 Feat. 王詩安 - 頌海　[收錄專輯 - /]
作曲　方大同 / 王詩安 / Derrick Sepnio
填詞　方大同 / 王詩安
編曲　Derrick Sepnio@JTW
監製　Khalil Fong@JTW / Derrick Sepnio@JTW

無諗到一首歌頌海洋嘅歌曲都可以令人如此著迷
電吉他嘅開場 , 輕快嘅旋律
再加上 大同 同 Diana 對於大海嘅讚美
彷彿就好似感受到大海喺旁邊一樣
好舒服嘅感覺
單曲發布嘅時間亦都剛剛好
喺呢個正值炎熱嘅天氣為聽眾送上溫暖

01　頌海 [1 周冠]　　　　　　　　　　　方大同 Feat. 王詩安
02　未來見　　　　　　　　　　　　　　RubberBand
03　毋忘我 [1 周冠]　　　　　　　　　　逆流
04　愛情是一種法國甜品　　　　　　　　林二汶
05　阿呆　　　　　　　　　　　　　　　石詠莉
06　Creo En Mi (Jackson Boytoy remix)　  鄭秀文 Feat. 王嘉爾
07　Let Us Go Then You And I [1 周冠]　  Serrini
08　一個女人和浴室　　　　　　　　　　謝安琪
09　在家鄉　　　　　　　　　　　　　　李劍青
10　四大發明　　　　　　　　　　　　　鄧小巧
11　明明想抱緊　　　　　　　　　　　　李晧軒
12　天塌下來也能睡　　　　　　　　　　譚詠麟
13　等多一天　　　　　　　　　　　　　謝芊彤 / 謝芊蕾
14　關於寂寞　　　　　　　　　　　　　鄭欣宜
15　天地一沙鷗 [1 周冠]　　　　　　　　Gin Lee
16　Night Ride　　　　　　　　　　　　 Merry Lamb Lamb
17　十七　　　　　　　　　　　　　　　S.H.E
18　年少有為 [1 周冠]　　　　　　　　　李榮浩
19　Show Time　　　　　　　　　　　　MFM
20　裸泳　　　　　　　　　　　　　　　鍾舒祺

新上榜歌曲
05　阿呆 / 石詠莉
09　在家鄉 / 李劍青
10　四大發明 / 鄧小巧
13　等多一天 / 謝芊彤 / 謝芊蕾
17　十七 / S.H.E
19　Show Time / MFM
20　裸泳 / 鍾舒祺

專輯短評

27　AMOR FATI - 迪子　[分數: 71]

搜尋 AMOR FATI , 就會得出源自拉丁語
係指一種人生態度 :「不管是痛苦和損失還是快樂與收穫，人生中發生的一切事情都是好的
懷有命運之愛的人無條件地接受人生中的一切事件和處境。」
或許時隔七年推出嘅專輯對於歌手黎緊係一個等待
但對於迪子來說 , 更多嘅係一種成長與收獲

專輯分享左好多迪子現時對於人性嘅睇法
其中「舌尖有毒」瘋刺人們說話不加思索
「拜猶大的人」則瘋刺人們有金錢就運用權力與地位去踐踏他人
「安卓珍尼」亦都嘗試為跨性別人士發聲
「美哉」更將自己意外嘅經歷分享比大家
藉此透過歌曲表達對於外在美與內在美嘅睇法

呢幾年透過迪子嘅歌曲亦都感受到佢嘅大膽
如「人間鬼獄」就以恐怖作包裝
來表達每一個人憂怨嘅時候所散發嘅負能量
就好比被鬼魂一樣纏繞著
「一蓮托生」喺 MV 嘅情節更成為熱話
透過綑綁 , 滴蠟等情節來表達出伴侶雙方都需要存在信任
如未能存在信任 , 就會產生出一個又一個心結

而「回憶氣味」就係專輯中最先完成嘅作品
亦都係比較係早前迪子走嘅文青路線
但就成為左專輯中最有正能量嘅一首歌
因為社會嘅急速變化 , 因而連帶人性都產生左唔同嘅轉變
呢首歌好似就帶左我地返左以前咁
發現原來自己已經一早就擁有住《AMOR FATI》
只係一直被負能量包圍住 , 正能量就無形地消失左
或許都係一個好好嘅機會作為反思 , 用少少嘅時間放鬆一下
嘗試感受一下呢個世界 , 其實身邊仲存在住好多快樂嘅事情