Bluejays

阿fred係咪專登唱得唔好...因開頭咁勁
rubylovessss 發表於 2013-9-23 12:07

呢集係保良之後嗰日錄，Fred錄之前仲有function，
要喺function趕過來，可能係佢咁多集以嚟，
第一次唔能夠專心應付比賽。

之前我地見得多其他參賽者一心二用下既水準，
今次見下阿Fred嘅版本。

Bluejays

阿moon琴晚錄影病左...阿fred拎返高分
rubylovessss 發表於 2013-9-23 13:49

阿Moon病左係第11集（Sun 錄），阿Fred拿高分係第10集（Sat 錄）。

Bluejays

蘋果即時新聞:

【星夢傳奇】五強終於誕生

《星夢傳奇》噚日喺將軍澳電視廣播城錄影，最後五強喺八號颱風天兔襲港下誕生，陳明恩以第一名晉級，之後依次為鄭世豪、羅鈞滿、鄭俊弘及姚兵，至於葉暐同新挑戰者陳倩揚落敗。

據悉《星夢》將會喺10月12日進行現場直播嘅淘汰賽，其中一位被foul後，最後四強會參加10月13日擧行嘅決賽，由全民一人一票選出冠軍。

Bluejays

阿Moon剛剛改緊自己唱歌嘅style，仲敢加重負擔去跳舞，而且仲要比賽咁尾嚟搏，雖然唱跳都唔算特別好，但真係好有膽色，努力求變始終令我佩服。

本來好期待睇 Fred 同 Joe哥 jam，可惜交流有限，有點失望。

咁多個唱左musical之後，希望唔好再將李壁琦捧上天，雖然壁琦係唱英式musical (其他人係唱美式)，難度係高啲，但其實水準唔係高。

另外希望Mark Lui唔好再返嚟，佢真係專比冇觀眾緣嘅高分，有觀眾緣嘅就低分，巨聲嗰時已經好明顯，今晚就比兵哥高分，阿Fred低分。

Bluejays

其實 Fred 尋晚真係好正
如果現場錄音人聲可以大 D 應該會更高分
反而今集 Corinna 表現麻麻
而姚兵今集做 ...
ladygaga 發表於 2013-9-30 15:20

的確阿Fred同阿Moon把人聲都推得唔夠大，有啲比音樂蓋過左。

Bluejays

蘋果日報:

無綫嘅《星夢傳奇》早排選出五強，依名次係陳明恩、鄭世豪、羅鈞滿、鄭俊弘同姚兵，決賽定咗喺本月12、13兩日直播舉行，12號當日10點15分至11點45分，由五強施展渾身解數爭入四強，經觀眾全民投票選出四強後，開始第二階段嘅全民投票，直至13號晚最後一首歌為止，觀眾一人一票選出自己心水，甚至唱埋最後一首歌後，仲可以改變自己嘅選擇。

監製麥鎮東透露，當晚會選出冠、亞、季軍，冠軍得金咪大獎同幾十萬獎金獎品，另由譚詠麟、李克勤、肥媽同巫啟賢等組成嘅專業評判團，亦會選出一個「專業推介表現大獎」，不過為免影響觀眾投票，評判團唔會公開評分。聽聞冠軍除咗有獎金獎品外，仲加碼有無綫即將成立嘅唱片部歌星合約一份㖭！至於投票嘅觀眾，有機會獲得5萬現金同5萬獎品。

Bluejays

TVB為左要保住阿Fred，都諗得好周到。

（1） 連12號晚都唔計專業評判嘅分，咁阿Fred就算失準都冇問題
（2） 一人只有一票（唔係好似港姐咁有兩票），最大得益者一定係阿Fred
（3） TVB比鄭世豪玩，但只准佢最後一集加入，然後兩晚都只有觀眾投票，
      啲觀眾都未熟佢，一定唔夠票

Bluejays

其實Fred 唔洗睇 失唔失準 觀眾例牌高分
nykerfish 發表於 2013-10-3 10:52

單計專業評判分嘅時候，阿Fred跌過落第四，
所以連12號晚都唔計專業評判嘅分，
係唔比專業評判有機會判斷到阿Fred失準。

Bluejays

第11集 - 危機
播出日期: 2013.10.06 (日)

決賽之路近在咫尺，各位參賽者一定要保持危機感，否則稍一不慎，就會臨門一腳才被淘汰出局。今集「五強決定戰」有最嚴謹、最專業的評判為比賽把關，包括音樂才子周啟生、著名作曲人兼唱片監製郭偉亮、馬來西亞歌神巫啟賢，以及華語歌壇天后葉蒨文(Sally)，而巫老師和Sally更會來個世紀大合唱。

打頭陣登場的參賽者陳明恩(Corinna)越戰越勇，上集更奪得超過170分，這次她邊跳邊唱<信者得愛>，能否保持好表現？挑戰者鄭世豪(Hoffman)熱愛唱歌，有機會一展歌喉的他，能藉<天與地>說服評判讓他留下嗎？上集徘徊淘汰邊緣的葉暐(Adam)選唱<我等到花兒也謝了>，他可會讓大家看到他的進步？歌唱實力毋庸置疑的姚兵，表現一直略欠自信，人生三次經歷死亡，能幫助他唱好<普通朋友>嗎？

「高分王」鄭俊弘(Fred)是冠軍大熱人選，演繹<我應該>會成為他在比賽過程中遇到的最大危機嗎？另一位挑戰者陳倩揚(Skye)是繼何傲芝之後，另一位參賽的《東張西望》主持，以<默契>應戰的她，該不會步何之後塵吧？壓軸亮相的羅鈞滿(Moon)，星夢之路猶如過山車般峰迴路轉，他在這個緊張時刻竟選唱<如果我有事>，難道不怕「大吉利是」嗎？

Bluejays

蘋果日報:
無綫嘅《星夢傳奇》早排選出五強，依名次係陳明恩、鄭世豪、羅鈞滿、鄭俊弘同姚兵，決賽定咗喺 ...
Bluejays 發表於 2013-10-3 06:16

原來蘋果攪錯左12號嘅賽制，
TVB週刊已詳細列出12 及 13號賽制，
12號係冇現場觀眾比分，亦冇公開投票，
專業評判佔100%，選出四強。

即係阿Fred仲有一關要過!
失準係仲可以出事!
本來以為佢有民選直通車坐添 ...   

Bluejays

斷估唔會out Fred 咁反高潮咯，想收視創新低咩?
有時觀眾評分仲中肯過專業評判，睇到都覺得搞笑。
powerful 發表於 2013-10-6 00:38

100%專業評判比分嘅時候，阿Fred跌左落第四（第11集）。
電話訪問阿Fred時，佢話係因為音準問題。所以都唔係百分百安全架。

Bluejays

得番英皇(唔好) 太陽(最好出年簽比paco) 星煥(諗起藍色都想反胃) 星娛(自己友都搞唔起) 東亞(除非勁有實力/已經有地位, 唔係埋去實死) 金牌(大中華都ok, local就咪搞)
艾石仔 發表於 2013-10-5 09:43

我覺得簽俾 Paco 最穩陣
但同時唔少人都想星煥簽佢，想睇佢同 Alfred 拍住出 show
( 雖然見到藍色真心反胃)
jvzus 發表於 2013-10-5 16:02

我就覺得最好嘅 combo 係 TVB自己唱片公司製作，由星煥做發行。
星煥嘅發行網，係有成績做到出嚟嘅，唔比佢製作就得架喇。

太陽最大問題係好難睇到長線發展會點，
澳門投資者雖然錢多，但連電影都唔知玩幾耐就會轉鈦，何況唱片？

Bluejays

呢一層要聽日先知，但到目前為止，Fred 每一集都唱得好過其他參賽者太多。 ...
powerful 發表於 2013-10-6 00:48

佢 信任 同 歲月如歌 真係出左事 :(
我覺得 寂寞的男人 同 畫出彩虹 贏得好合理。

Bluejays

呢個都 ok
只係一見到星煥兩粒字
就總令人淆一淆藍色長方型CD盒咁啫
jvzus 發表於 2013-10-6 01:16

不過TVB同星煥啲平面設計，一樣咁差，
就算邊面做graphic，都唔會靚架喇 .....

Bluejays

今晚我最鍾意我等到花兒也謝了，唱到令人有心碎嘅感覺，可惜太遲了。

鄭世豪有晒唱功有晒功駕，喺天與地個場（有4個天與地演員唱過）唱天與地，踢館 feel 好強，但佢嘅唱法真係令我覺得好悶。

姚兵終於有一次能夠令我對佢改觀喇。雖然我聽慣巨聲們演繹普通朋友嘅水準，會覺得姚兵太硬太板，但都算好聽。

阿Moon直情差到唔合格，如果要批評阿Fred嘅音準，阿Moon仲嚴重，雖然散晒係一個更重要嘅問題 (不過佢病，又肯唔提病來做藉口就算啦)。

阿Fred反而唔係咁差，我覺得好過 信任 嗰次添。

明恩都算係咁多個嘗試唱跳之中唯一真係做得到嗰個，不過佢越嚟越脫離星夢幫嘅特色，應該同祖藍張繼聰組演藝幫。演藝生同 TVB藝員一撞埋，就係第回事。

Bluejays

Sally 唱四次 chorus 都係全程唱和音，
對我呢啲鍾意聽和音多過主音嘅人嚟講，簡直係...正!

Bluejays

今日蘋果繼續仲係咁講：
「12日晚直播由全民投票選出最後四強，13日晚直播的總決賽公投選冠軍」

幸好有明報講法同TVB週刊一樣，始終TVB週刊最可信：
「觀眾投票由周六選出四強後開始，直至決賽當晚所有參賽歌曲表演完畢為止」

蘋果都唔知係咪 set 定個局出嚟，等佢星期日報紙又可以話TVB講大話。

Bluejays

蘋果今日終於更正：

本周六晚10點15分開始到11點45分直播，先喺五強鄭俊弘、羅鈞滿、鄭世豪、姚兵同陳明恩中淘汰一個，到時邊個有得留低，就要睇評判團嘅評分喇！當晚四位專業評判係曾路得、肥媽瑪利亞、巫啟賢同郭偉亮，不設觀眾評分，直到選出四強後，即刻開始由全民投票，選出終極冠軍。

Bluejays

第12集 - 最後試煉
播出日期: 2013.10.12 (六)

星夢五強終於誕生！陳明恩(Corinna)、鄭世豪(Hoffman)、羅鈞滿(Moon)、鄭俊弘(Fred)及姚兵過關斬將，來到以現場直播形式舉行的淘汰賽。五位選手需要各自演唱一首參賽歌曲，並由現場四位星級評判巫啟賢、曾路得、「肥媽」Maria Cordero及Eric Kwok評分，選出表現最差的一位，即場淘汰出局，而餘下的終極四強參賽者，則會晉身翌日的決賽。

在星夢舞台算是「新丁」的鄭世豪以<黃金時代>應戰，他能展現出初生之犢的氣勢嗎？羅鈞滿堅持以廣東歌參賽，選唱<木紋>的他可否再下一城，讓女友下回現身現場支持他？以第五名成績躋身四強淘汰戰的姚兵，能藉作品<大眼睛>，扭轉看似較為弱勢的局面嗎？「高分王」鄭俊弘上回表現有些失準，這次再次採用較拿手的英文歌上陣，<Crazy Little Thing Called Love>可會是他的成功踏腳石？愈唱愈強、唯一的星夢女將陳明恩，能夠憑一曲<Fly Me To The Moon>，「飛」進決賽嗎？

本集節目結束後（即10月12日晚上11時45分），全港觀眾即可透過TVB Fun互動應用程式，參與投票，選出心目中的終極冠軍，投票於翌日10月13日晚上10時55分截止。

Bluejays

阿Moon今日下午要做舞台劇，我擔心佢今晚會冇乜水準。
咁樣入唔到最後一晚就好唔底。

Bluejays

今晚就算有周啟生喺度，再加埋有現場觀眾評判，
都救唔翻阿Moon，唱到差成咁，
仲要唱寂寞的男人又可以唱得翻個水準出嚟，
即係證明唔係狀態有事，連呢個藉口都冇埋。

冇辦法，我真係鍾意阿Moon保良嘅演出，
同埋唱寂寞的男人嗰一次，
雖然另外嗰十次都係幾難聽同埋好難聽，
我都係好唔捨得佢走。

Bluejays

有得重睇之後，我重睇得最多次嘅竟然係大眼睛。我本來最唔鍾意姚兵，但可以比佢唱到我慢慢接受佢，係佢嘅成功。

亦因為咁樣令我發覺到，星夢係選表演者，巨聲先係選歌者。呢樣野係同搵邊班評判有關，相信亦係TVB有意識嘅選擇，所以Miss Chan Chan同趙增熹出咁少。陳明恩同姚兵，最終都要蛻變成為表演者先真係可以站穩陣腳，連Fred都要perform，唔可以淨靠唱。咁其實冇壞，始終係電視台搵可以幫佢地表演嘅員工，但要過檔去唱片部，就有排要調校。

至於今晚嘅決賽，即係等於巨聲嘅畢業演唱會，因為呢班評判唔會好似巨聲班評判咁易call倒翻嚟再做一次。

Bluejays

一由昨晚嘅performers，回歸今晚嘅歌手，
即刻三個都跌watt，只有鄭世豪較好。
要由比賽台轉去商業出碟，始終還需考驗。

Bluejays

原來昨晚先真係爭觀眾票嘅演出，因為投票投到今晚已經冇得追，
大家都太明白投票嘅時間機製喇。

Bluejays

唱歌比賽決賽竟然開concert
真係對tvb心淡
如果開唱片公司，相信對樂壇都係無幫助，做egg2.0 ...
張少 發表於 2013-10-13 23:13

前半係比賽，後半係等於巨聲畢業演唱會，一齊做埋。

Bluejays

你試下比世豪由第一集玩起
一定唔同._.
艾石仔 發表於 2013-10-13 23:31

所以咪冇比囉，TVB唔鍾意邊個，好清楚嘅。

Bluejays

世豪昨晚已經喊得好假，今晚阿Fred喊得咁真，佢係隔離仲顯得再假啲。

Bluejays

16萬冠 out of 23萬total票，好似同港姐啲票嘅比例好接近。

Bluejays

16萬冠 out of 23萬total票，好似同港姐啲票嘅比例好接近。
Bluejays 發表於 2013-10-13 23:40

Check翻喇，港姐投票人數係28萬，但係每人可投兩票，
所以總共有53萬票，冠軍係17萬票。

Bluejays

事實上 Fred 有條件走Eason以前既風格，
尤其而家醫神都唔稀罕，想實驗新曲風好耐，
而且 Fred 本來就係 ...
powerful 發表於 2013-10-13 23:02

要轉做職業歌手，我覺得阿Fred只有兩個缺點：
先天聲底薄，同埋掌握廣東歌嘅範圍唔夠闊，
其他 music sense 技巧 感情 觀眾緣 全部都 ready。

聲底薄嘅歌手，一向都存在，
但佢起碼要學懂用聲，
未至於好似今晚唱medley咁直情聽唔到佢把聲。

掌握廣東歌就只要時間，肯聽肯學總會上手，
佢比賽咁耐，得時代曲一首廣東歌係得，
始終未選到或未掌握得到另一首廣東歌。

Bluejays

鄭俊弘都預左自己冠軍架啦
唔洗咁激動掛
反而鄭世豪冇諗過自己有亞軍就真 ...
Our_Souvenir 發表於 2013-10-14 00:41

阿Fred昨晚5 out 1宣佈佢入圍前嘅緊張同叫佢名時嘅鬆一口氣，
感覺都好真。昨晚評判啲評語咁好，佢都仲擔心，我諗呢個真係佢性格。

Bluejays

唉，原來阿Moon今晚有得唱嘅話，佢係唱《真情流露》。
佢一向咁識計數，臨尾先嚟計錯。
星期六晚又冇Sally會話佢似學友，又有巫生同Eric會保佢，
又應該唱隻街知巷聞嘅歌嚟 kick start 觀眾票，
應該星期六晚唱飲歌，星期日先亂嚟吖麻。
可能佢都係太有信心，諗住用飲歌嚟坐亞望冠。
_____________________________________________

我係咪應該要收翻?

阿Moon 蘋果C1頭條! 佢可能係計數比所有人都精。
星期日最多第二，唔會有新聞。
星期六輸，起碼霸到星期一報紙做主角，
亦唔洗比人見到佢輸阿Fred成條街嘅票數（就算有8萬 vs 16萬都肉酸啦）。
我本來有諗過 阿Moon 係咪特登早啲輸搵着數，
但總覺得佢會想贏多啲，但依家睇嚟，佢真係做得出播。

Bluejays

東方即時新聞

節目《星夢傳奇》監製麥鎮東昨晚到長沙灣出席慶功宴，直言要先看收視才知道是否受歡迎。問賽果是否預期之內？麥鎮東先澄清是否問他個人的想法：「我覺得意外係啲觀眾幾好，我以為係玩耐啲會有著數，但原來大家都真係睇表現，好公平，賽果合理，其實嘉賓評審得分都係咁排名。」他還透露正研究開第二輯。問會否像《超級巨聲》般有踢館形式？麥鎮東表示不會，將以第二種形式進行，有待研究：「《星夢傳奇》唔一定要唱歌，可以係第二種嘢，或者全能司儀或者表演都得，總之一定要有新嘗試，唔一定一樣嘅模式，務求畀觀眾新鮮感。」

Bluejays

收市：
星期六第12集    19點  (+3)
星期日第13集    24點  (+4)

全輯最高收市    第3集                 25點
   第二高收市    第6集  第13集     24點

（第3集校長克勤做評判，第6集巨聲踢館前篇）