fifty1205

今日終於dayoff有時間寫下 哈哈
廣東歌十大：
1. Gin Lee - 美男子與香煙
聽呢首歌係會上癮...好似跌咗落個漩渦度...越聽越有味道..越聽越有感覺..
2. 薛凱琪 - 南昌街王子
情意結作品，除咗係F小姐回歸娘家第一首歌，我亦覺得呢首歌係寫比我嘅...因為我同另一半第一次見面就係喺南昌...哈哈
3. Dear Jane - 銀河修理員
呢首唔需要解釋啲咩，時代曲
4. 許廷鏗 - 無力感
呢首又係好表現到香港人近兩年嘅感受，作為一位醫護人員，今年真係好多時都覺得好難過，呢首歌真係會比到力量
5. 陳健安 - 未知道
同無力感，呢個艱難嘅時期，香港人真係好需要鼓勵同勇氣，呢首歌同樣比到呢樣野去迎接新一年
6. AGA - See You Next Time
疫情之後發覺，同家人朋友同事同學見面都唔係必然，See You Next Time真係會變成未知數，無論點都好，希望「愛過的好人能活得到更好」
7. 林家謙 - 一人之境
家謙BB今年幾首歌我都好鍾意，相對之下呢首聽得比較多同比較貼合今年狀況
8. 吳若希 - 沒有你並無掛念
老實講已經好幾年冇聽吳若希d歌...我覺得佢今年幾首情歌又做得幾好喎...歌詞寫得好 旋律都唔會好似大灣喬咁公式化...呢首同這位蠢才 麻醉都好貼切咁講咗我嘅感情...上半年同另一半經歷咗一段好難過但已經捱過嘅時期..
佢幾首歌都係描述緊心聲...寫得好中
9. 陳卓賢 - 鯨落
個人覺得...印象中已經好耐無一首簡單 易入耳 好聽 聲線好嘅男歌手K歌...呢首聽得好舒服好好loop
10. Jude - 零分
我好膚淺..好鍾意聽K歌...呢首簡單 直接 易入腦... 今年做人做得咁辛苦 聽下d即食K歌抒發下幾好

題外 KKBOX Playlist年度Top3
1. G.E.M. - 透明
2. G.E.M. - 很久以後
3. 薛凱琪 - 南昌街王子
個人覺得GEM GEM今次隻碟真係大躍進 希望大家俾機會佢，可以去聽吓

年度專輯：Gin Lee - Dear Secret