gs0317

宜家去城市電腦售票網睇，兩場都有飛賣喎！乜唔係話爆咗一場咩？

gs0317

終於等到唱樂天女孩喇！明明Plug歌都硬話係side track!!!
Solo最鍾意Soul Jase，佢完全喺有限時間內show off所有野，勁！
估唔到最尾還有一part跳舞，上車咒玩嗰架車好正！

gs0317

- Super Girls 那個是Cheronna   
- 日場座上客除了Cheronna外，見到梁柏堅，仲有陳志雲(!)
- 印象中冇 ...
Riverfish 發表於 2015-9-3 21:29

    日場有大雨傾城！

gs0317

我三場都睇晒，as a CAllFan，覺得今次伊館比紅館嗰次好睇，見到四子可以各自應付到一part solo，看得到他們一直有進步！
Solo嗰part較喜愛Soul Jase，短短15分鐘有齊唱首本名曲、跳舞、同觀眾互動、唱出內心世界，重show埋肌肉，有豁出去的感覺，給我好大驚喜，當胨最鍾意韆鞦萬世！On仔揀的歌和其一貫歌路脗合，係首暗湧較dark side(上次唱冷戰，睇黎On仔都幾鍾意王菲啲歌)，最鍾意這歌後段唱得好澎湃。較驚喜係女皇和皇上合唱，最尾嗰場On仔嘅熊抱，看到呆咗！皇上邊唱邊跳探戈真係難度高，作為觀眾都戥佢擔心，跳舞定唱歌會失手，大致都Ok，怛可能因跳舞頭部搖動得勁，將Mic移位，有時唔係好聽得清楚，我較喜愛笑忘書(又王菲的歌)。好多人都知釗峰真係好鍾意Eason，但成日唱Eason啲歌真係有點膩。為配合唱裙下之臣釗峰著了裙，不如去盡啲著番對高跟鞋效果會更加好。下靶和沙龍都唱得非常好，絕對壓得住場！
(寫住咁多先……待續)

gs0317

如果「我們的胡士托」是唱四子喜愛的歌，「C AllLive 2015」是唱C AllFan愛的歌，a hundred times、時間囊都係good choice，最開心係終於等到燒烤叉唱樂天女孩喇！話晒都係冠軍歌，都唔知點解之前無咩機會唱！衝口而出a capella，四子玩到出神入化，又快又慢，實在難度太高太精彩！不過還有更精彩是rain medley的藍雨，接力唱pk戰，唔知佢地夾咗幾耐先唱到咁順嘅效果呢？認真犀利！逾越生死玩同觀眾互動主意不錯，不過玩到On仔收拾唔到心情去唱歌就打了折扣。其實唔知佢地係咪因為30個鐘內要唱三場，定係太多歌要記，唱錯歌詞的情況都頗嚴重，On仔尾場唱錯薄情歌(唔知點解日場時間較為長反而無呢首歌同老調兒)、皇上第一場竟然唱錯直到你肯定，同埋唱錯樂天女孩，而且唱老調兒後段有點勉強。好在幾首首本名曲都無問題，今次釗峰嘅天梯真係無得輸，時日如飛、80後時代曲、我們的胡士托都keep到水準！
由於最初訂飛都係買第一場關係，大部分歌迷都會睇第一場，氣氛亦係三場中最澎湃，但係concert個flow最唔順都係第一場。Jase同On仔solo嗰part tag歌太耐，後尾兩場都刪減咗，有段「疏導渠道」片之後兩場都刪咗。同埋第一場用InEvent嗰個app次數太多，又無提要熄螢光棒，達不到預期效果！不過Concert第一場多甩漏都係正常嘅。第二場日場無錯係最多歌唱最抵睇，但氣氛就非常差！不少觀眾反應唔熱烈，坐我附近有不少空位，也有不少人對燒烤叉啲歌不熟，所以Jase show肌、俾觀眾唱韆鞦萬世都無咩反應、supper moment都話啲觀眾靜，就算多咗四首香港地方medley，都好似好平淡，不過最慘係釗峰跳完舞，講到出口話右手帶傷上陣，都博唔到熱烈掌聲，有無攪錯！至於尾場就最好睇，好多位都有加料，首推當然係皇上on仔嘅女皇，皇上同cherry的探戈，重有超水準演出的老調兒，最尾又加幾首點唱，有羅生門同家書添，讓觀眾勁high！
講到幾首跳舞歌，在咁細嘅台四子跳舞玩風火輪，有時重去到台邊先轉彎，真係玩得太癲！第二場見到皇上上番個風火輪差點企唔穩，都幾危險！尾場能順利完成，值得熱烈掌聲啦！
基本上四子兼顧四面台都算交到功課，照顧到四面的觀眾，看得出他們比上年演唱會又進步了！30個鐘內唱了超過十個鐘歌，真係好鍾意唱歌先會咁做得到，還有不計較罰錢夜場唱到12點，作為觀眾真係有福氣，好慶幸自己去足三場，見證他們在伊館發光發亮！Thank you, C AllStar!!!