[結果]CM會員共和榜: 2018年度 我最喜愛的歌曲第二季季選

ed8671ed

日期: 2018年7月27日 (星期五)
時間: 21:00
主持: bagfgfcde

第一季季選就由全女班攞曬五個位
嚟到第二季仲會唔會係女歌手當道呢？
各位會員星期五晚記得入嚟支持下啦~!

候選歌曲名單: (合共39首)
AGA - 小問題
Dear Jane - 深化危機
Fabel - Earth
Gin Lee - 信
KOLOR - 七尺之下
MastaMic - 破地獄
per se - 天空塌下前
Revery - 唇舌
Robynn & Kendy - 未來紀念館
RubberBand - 城市當代配樂團
RubberBand - 逆流之歌
Supper Moment - 橙海
小塵埃 - 哪兒
方大同 - Ten Reasons
王嘉儀 - 翩翩
布志綸 - 經得起變化
何韻詩 - 極夜後
吳業坤 - 凱旋門
吳嘉熙 - 把持
李晧軒 - 窮我一生
林欣彤 - 重光紀念日
洪嘉豪 - 半天空檔
胡鴻鈞 - 偷聽情歌
容祖兒 - 心之科學
徐嘉浩 - 蕃茄炒蛋飯
張敬軒 - 天才兒童1985
莫文蔚 - 慢慢喜歡你
許廷鏗 - 演員的自我修養
陳柏宇 - 無限大
陳慧琳 - Be With You
陳慧琳 - 尾站天國
陳蕾 - Run Away (Ft. Jan Curious)
衛蘭 - 生涯規劃
鄧小巧 - 將沙拋給一片海
鄭欣宜 - 黑彩虹
盧冠廷 - 理想家
盧凱彤 - 荒原
謝安琪 - 人妻的偽術
關楚耀 - 求生 (Ft. MastaMic)

ed8671ed

傳 CM 季選結果無驚喜　環球歌手恐拉大隊杯葛

【本報訊】CM第二季季選將於今天（7月27日）晚上九時舉行。 ...
bagfgfcde 發表於 2018-7-27 11:54

笑死
反對最後一段

ed8671ed

唔該曬bag幫我地揭曉結果
一陣會公佈所有票數

ed8671ed

CM會員共和榜: 2018年度 我最喜愛的歌曲第二季季選投票結果

總票數: 101票
有效票數: 97票
無效票數: 4票

RK　　SINGER - SONG - VOTE　　　　　　
01　　謝安琪 - 人妻的偽術 - 43
02　　AGA - 小問題 - 41
03　　莫文蔚 - 慢慢喜歡你 - 31
04　　陳蕾 - Run Away (Ft. Jan Curious) - 29
05　　Supper Moment - 橙海 - 27
06　　林欣彤 - 重光紀念日 - 23
06　　容祖兒 - 心之科學 - 23
08　　張敬軒 - 天才兒童1985 - 21
09　　Robynn & Kendy - 未來紀念館 - 18
10　　洪嘉豪 - 半天空檔 - 16
11　　Gin Lee - 信 - 13
12　　胡鴻鈞 - 偷聽情歌 - 12
12　　陳慧琳 - 尾站天國 - 12
14　　Dear Jane - 深化危機 - 11
15　　RubberBand - 城市當代配樂團 - 10
16　　何韻詩 - 極夜後 - 09
16　　許廷鏗 - 演員的自我修養 - 09
18　　鄧小巧 - 將沙拋給一片海 - 08
18　　關楚耀 - 求生 (Ft. MastaMic) - 08
20　　per se - 天空塌下前 - 07
20　　王嘉儀 - 翩翩 - 07
20　　吳業坤 - 凱旋門 - 07
23　　小塵埃 - 哪兒 - 06
23　　衛蘭 - 生涯規劃 - 06
25　　MastaMic - 破地獄 - 05
25　　李晧軒 - 窮我一生 - 05
25　　鄭欣宜 - 黑彩虹 - 05
25　　盧凱彤 - 荒原 - 05
29　　布志綸 - 經得起變化 - 04
29　　陳慧琳 - Be With You - 04
29　　盧冠廷 - 理想家 - 04
32　　KOLOR - 七尺之下 - 03
32　　方大同 - Ten Reasons - 03
32　　徐嘉浩 - 蕃茄炒蛋飯 - 03
35　　Fabel - Earth - 02
36　　Revery - 唇舌 - 01
36　　RubberBand - 逆流之歌 - 01
36　　吳嘉熙 - 把持 - 01
36　　陳柏宇 - 無限大 - 01

ed8671ed

跟住就係貼堂時間
喺呢度要好多謝大家睇到我喺第一季季選公佈結果嘅時候嘅呼籲
今季有好多會員喺投票嘅時候都有寫低投票原因，加加埋埋有接近一萬字！實在令版主我感動流涕
所以黎緊呢兩三日會分享一下各位會員嘅一字一淚！
遲啲我亦都會因應各位會員嘅內容加分
希望下一季有更多會員喺投票嘅時候，不論字數多少，都可以寫下感想
另外，我會將大家嘅comment整理之後放上fb/ig，同CM外面嘅樂迷分享，甚至希望歌手會留意到！
首先有今季入選呢5首歌嘅分享

12. Supper Moment - 橙海

佢地最吸引人嘅地方係佢地嘅音樂從來都唔重複自己，好用心在編曲之上有更多嘅突破，俾樂迷感覺到佢地嘅熱血。歌好順耳而且Keep到SM式嘅洗腦，聽第二次已經可以跟住佢拖長chorus啲尾音，而且呢首歌嘅MV將香港最靚一面影咗出黎。

Supper Moment 又一佳作。先講首歌本身，一聽前奏就已經認得出呢首歌，就咁聽都聯想到黎明／黃昏嘅靚海景，同埋造物主嘅偉大。MV更加值得一讚，一條片就將香港由日出到夜晚嘅美景都展現哂出嚟，展示香港嘅繁忙都市同優靜郊野，可以讓香港人用另一個角度睇呢個我哋生活所在嘅都市。

《橙海》與《靈感床》的感覺類似，但前者的曲風會較後者易入口，我亦因而受落。《靈感床》與《橙海》的呼叫都大有奔放感覺，但兩首歌就具有不同的溫度：《靈感床》那是空靈的，如冰島戰嚎；《橙海》是溫暖的，如熱帶民歌。一冷一暖，正好體驗冷與暖、一人與眾人、內在與外露的熱情。

呢一首歌聽Sunny 係公開場合唱前有講過一段寫呢首歌既靈感，歌詞其實係講世界觀同自我審慎眼光，其實自己係呢個世界係好渺小，歌曲中寄意亦有提醒大家身邊仲有好多好人好事好風景，如果係城市生活既大家，聽呢一首歌會有一種舒服釋懷既感覺！

==================================

32. 陳蕾 - Run Away (Ft. Jan Curious)

談到個人風格，陳蕾必定是近年出道的女歌手當中，最有個人風格的代表。其新歌《Run Away》不論於曲風或唱腔方面都十分另類，雖然曲風與上一主打相近，但歌曲監製於樂器以及和音上的編排確實相當精彩。

呢首好好UN 少少rock 少少電音 好easy listening 聽完一兩次已經記得chorus 好特別的一首歌 同之前佢嗰幾首風格非常唔同 正

陳氏終可走出自身之窠臼，嘗試一些另類題材，更能奠定自身個人風格。且較之以〈娛樂人生〉，我更欣賞〈Run Away〉帶點迷幻的編曲。

豹哥呢一首《Run Away》俾人睇得到佢另一面，原來豹哥可塑性都相當高，歌曲中間的ad lip 恰到好處，唱得好好，會有另人聽到上癮既感覺，今年既豹哥我覺得係做得非常好既一位歌手，希望佢今年會有好成績！

從來做一個決定嘅都會深思熟慮 , 但若果過程中充滿各種擔心與憂慮
為何不接受這些可能會為你帶來嘅障礙 , 不怕患得患失 , 全力以赴放膽去試
豹哥繼續將自己嘅經歷化為音樂 , 歌曲製作部分亦相當精彩
輕快嘅節奏令聽眾容易拋開面前嘅煩惱 , 帶入一個興奮嘅狀態
藉住歌曲嘅訊息鼓勵更多正遇上困難嘅人 , 盼望可以勇敢地向前踏一步

陳蕾今年兩首自家作均比去年的好，不再是一成不變的「Acoustic熱血追夢歌」，加上電子音樂的新嘗試極好。今年陳蕾所作旋律均有節奏感及令人深刻之處，配襯EDM及輕Rock非常groovy。

陳蕾《Run Away》搵黎Jan Curious featuring，兩人火花不大，陳蕾既演繹亦有唔少值得斟酌之處。
但歌曲本身非常搶耳，bass同鼓構成極強既節奏感，長音既運用比《娛樂人生》更強impact，音樂亦更加豐富。

Run Away編曲有型，同時又刻意將歌詞簡單化、讓旋律線條更分明，強烈的律動感也讓歌曲更有run away的決心及感覺。作品邀來男聲合作、又用vocoder加強vocal層次，令陳蕾較單薄的聲線得到恰當的處理，使作品比起前作娛樂人生更為精彩、更適合歌者自己。

==================================

27. 莫文蔚 - 慢慢喜歡你

呢首歌應該可以成為莫后又一經典國語作品，甫一面世於大中華地區就大受歡迎，传唱度甚高。旋律細膩動聽，歌詞唔算特別好，勝在同旋律相當夾，演繹唔使多講，就係用一把有故事嘅聲音淡淡然唱出一段無疾而終的愛情。

我喜歡的第一首莫文蔚的歌 旋律優美 好有意境 細水長流FEEL 好舒服 聽完不自覺地甜蜜起來

莫文蔚新歌演唱難度高，聆聽時極具畫面感，演唱者出色演繹道出平淡而幸福的愛情。

==================================

01. AGA - 小問題

雖然好多人話AGA今次Vocal差，唱得太作狀，但其實我覺得咁樣反而岩岩好，果種hea下hea下嘅唱法先表達到佢覺得失戀係小問題，I Don't Care嘅感覺。編曲繼續玩R＆B但無重複自己，加咗中國風落去對廣東歌黎講好新鮮。唯一挑剔嘅就係份詞，的確係不斷咁講失戀係小問題乜乜乜，但點小問題法其實真係無寫過。

AGA 的《小問題》能繼續發揮歌者於演繹 R&B 風格的長處，而帶有中國風的編曲配在歌者身上亦沒有衣不稱身的感覺，反而令個人風格更突出。

AGA小問題將R&B混搭中樂，加上西式唱腔，作品變得有型又有味道，復古與現代集結，輕鬆有趣。

花5年時間製作的《小問題》，揉合中國風與R&B，卻不如《糖不甩》或周杰倫式的中國風R&B；而是將中國風融入帶hip-hop風且Up-beat的R&B，個人感覺一直鮮有這類歌，是為近來突破之作。尤以仿古箏那段音樂，每次響起均如勾起一段回憶。

今年經過《無期》之後，來到了集合中國風R&B的《小問題》，節奏輕快聽起上來好有Groof，整體都好上口好易就會記得旋律，AGA作既曲應記一功，另外都欣賞AGA每首歌都有新鮮感有驚喜，今首歌詞比較密，但無因為密既關係令首歌扣分！

江氏創作仍沒讓人失望，今次糅合中樂與R&B，卻不落俗套，驚艷非常。惜其歌詞水平之低，實非我輩所能恭維。但願江氏有朝一日可提升自身中文水平而兼事曲詞，信可妙筆生花。

==================================

38. 謝安琪 - 人妻的偽術

《人妻的偽術》有意仿CC式曲風，雖然有人久未出歌會以一首極上口的pop-rock搶耳朵，但人妻總算留有自己一套藝術。雷同《最好的債》的編曲下，至Bridge位幸有新老闆Juno加持，加入的水滴聲效除增加空靈感外，亦配合歌詞「但願在浴缸中赤裸的我」，馬上浮現出一人浸於浴缸中鬆一口氣的畫面。

旋律雖然略為平淡，但謝氏仍能準確且不慍不火地唱出歌詞所表達之涵義，可謂其自成為張太後之心曲。希望接下來的大碟能繼續帶給樂迷驚喜。

夕爺亦都不负众望交咗一份好靚嘅詞俾佢。歌者演繹出人妻堅忍又無奈的一面，引發社會思考，為弱勢發聲。偽術做得出色也是一門藝術。

謝安琪進步了的演唱水平，配合林夕極具心思的文字，以一個特別的角度切入偽善的正面效果，並感激身邊的人，體諒這一種美麗的虛假，真緻動人。

ed8671ed

純粹好奇一問
   人妻第一句單單打打仲唔係挑起罵戰

  同埋出街前會唔會執一執簡體字{:1_1 ...
kevinlai1621 發表於 2018-7-27 22:58

喺CM人面會原汁原味po出黎 尊重返每位會員自己嘅見解
po出街嘅時候我會整理返做一段文字架啦

ed8671ed

尾四首評論係咪同一個人寫架
kayzzz 發表於 2018-7-27 22:59

有隔行都係唔同人寫

ed8671ed

貼堂環節 Part 2

09. Robynn & Kendy - 未來紀念館

R&K未來紀念館詞曲角度非常新穎，曲風清新同時具電氣化突破，鼓勵大家要把生命中的紀念館裝滿、裝好。

清新 唔悶 旋律易記 勵志 希望比R&K 機會

Intro同成個編曲都回歸到8/90年代，但係咁樣先呼應翻未來紀念館。作為香港絕無僅有嘅女子（高質）組合，我覺得係需要俾更多嘅支持佢地

==================================

21. 林欣彤 - 重光紀念日

《重光紀念日》承接《忍》的易入口感覺，用上大眾化的pop-rock作調。題材與曲風配合，三部曲的最終章就如煙花最尾一幕盡情發洩。尤其副歌進入「我這歌 要紀念這日在重光」一句，編曲感覺有如進入結局大直路之勢，聽起來亦有暢快之感。

繼第一首作品《忍》的空前成功後，為Mag帶來了近180萬HIT RATE，整體令Mag再一次受大眾注視，續集《重光紀念日》用節日來比喻一段已逝去既感情，故事承接《忍》後女主角經歷呢件事之後，獲得重光既感覺！

==================================

24. 容祖兒 - 心之科學

容祖兒在音樂上做了不同嘗試後, 終於重回她其中一樣拿手的Pop Rock 風格,
作曲換上從未合作的Dear Jane, 雖說曲風亦近似Dear Jane 最著名的三部曲, 但由容祖兒唱出卻又刷出了不同的火花, 讓人耳目一新。題材是有關失戀, 但卻不是少女失戀後自怨自艾的路線, 畢竟叫已年屆38歲的容祖兒再唱《習慣失戀》, 《16號愛人》也不大適合。黃偉文的題材算新穎, 只可惜某幾句如「已經細的 越見卑微」亦是本歌的扣分位。
整體來說，撇除歌詞上的小沙石外，其實此歌的曲詞編唱都恰如其分，只能說這次等候祖兒接近2年的新作品，是值得的。」

Joey 久違嘅廣東全新主打，開頭聽唔算特別好聽，但係聽多幾次唔知點解又會入曬腦。有別于以前一堆港式慘情主打，呢首有少少Rock味，既有 Sidetrack feel 亦有 Key song feel，唔錯嘅嘗試。

==================================

21. 林欣彤 - 重光紀念日 / 24. 容祖兒 - 心之科學 (呢一段係一齊評)

兩首都係Howie嘅曲，兩首都係講分手後重新振作嘅歌，但重光其實比科學更好Loop，科學唯一優勝之處反而係祖祖要求加插嘅Bridge。
雖然兩首歌K尾都好濃，但其實K歌都係港樂嘅一部分，佢都有自己嘅作用，唔係K歌就代表要被貶低一個層次。
Mag唱歌嘅感情係好有感染力，完全feel到佢由淪陷到釋懷重光嘅變化；Joey去歌手果段時間唱歌曾經有感情，但呢首似乎又只係去翻正常嘅水平，但無礙樂迷失戀時聽住首歌一齊代入下嘅心情

==================================

18. 吳業坤 - 凱旋門

吳業坤《凱旋門》係一首雋永耐聽既歌曲，比起佢同類歌曲顯得更成熟。
坤哥演繹到歌曲中強烈既爭扎情感，但又唔會落得「為不完美而不完美」。
林寶既歌詞雖有一定沙石，卻在一眾self-acceptance歌曲中角度較獨特。
副歌既尾音都比較長，好似將歌詞既impact延長咁，令每句歌詞打入心坎。

==================================

36. 盧冠廷 - 理想家

盧冠廷《理想家》將電影《喋血雙雄》既一段配樂做成流行歌曲，本身已經係一件好難做得好既事。
如果唔係一個對音樂有一定品味既人去做，只會被原作明顯比下去，淪為可有可無既作品。
盧冠廷既演繹極具感染力，歌曲亦同佢既聲線特質好配合。藍奕邦既歌詞意象豐富，直接而動人。
伍卓賢編曲只用上鋼琴同弦樂，而且無加入和音，表面簡單既編排其實層次分明，處處展視佢既深厚功力。

盧氏多年後仍有全新嘗試本身已值得支持。〈理想家〉及其概念大碟《Movie to Music》仍能帶給樂迷不少新鮮感，更值得一讚。〈理想家〉一曲，不論曲風和歌詞，均與電影《喋血雙雄》本身配合得很好，加上以盧氏獨特的歌聲唱出，堪稱年度佳作。

理想家三字 , 我會即刻諗起愛迪生
大家都知道愛迪生發明左電燈 , 但其實喺佢研究期間 , 經歷左非常多嘅質疑
人們紛紛話佢已經活喺自己幻想嘅世界 , 而且仲話佢係騙子
但愛迪生仍然不為所動 , 堅持自己嘅諗法 , 用左千種材料去嘗試製作
終於研究一年後 , 終於能夠創造出持續照明嘅電燈
而人類亦都進入左電器時代 , 愛迪生亦從此被世人景仰
所以要做一位理想家唔容易 , 需要不屈不撓 , 力求創新
仲要歷經質疑都唔會隨波逐流 , 那怕不被世界認同 , 仍要堅決保持信念
只要認為自己所做嘅係有意義 , 經過時間世界自然都會漸漸明白
音樂人可能都會有身同感受 , 有時歌手做左好嘅音樂出黎
得到嘅回響往往都未成正比 , 好容易令到佢地為左成功而放棄左自己嘅原則
邦邦嘅歌詞簡單直白 , 伍卓賢嘅編曲扣人心弦 , 盧盧嘅演繹更係令人有經年累月嘅感覺
同時鼓勵到正在堅守崗位嘅人 , 甚至相信會影響更多人找回本身最初嘅信念

==================================
聽日出埋最後一part

ed8671ed

貼堂環節 Part 3

03. Fabel - Earth
Fabel《Earth》係佢地回勇之作，無論係旋律定編曲都更加細膩同搶耳，第一次聽到係幾驚喜。
歌曲非常難駕馭，旋律橫跨兩個八度，而LoLo既演繹雖然唔完美，但能演繹出歌曲中既起承轉合。
Bridge不斷上上落落既旋律，就好似人被地球引力拉扯都要離開地球，令人動容。
==================================
05. KOLOR - 七尺之下
香港影壇每年都有一首好聽嘅主題曲，今年有呢首。歌詞填得十分有詩意，令人感觸，感到光陰似箭，要珍惜眼前人，否則上到天堂先可以再見。編曲亦做得十分好，有首尾呼應嘅效果。
==================================
06. MastaMic - 破地獄
39. 關楚耀 - 求生 (Ft. MastaMic)
於本季的候選名單之中，還有兩首帶有怨氣的作品，《破地獄》和《求生》。兩首作品 MastaMic 都有參與其中，以往的我實在不太懂得欣賞 MastaMic 的 Rap，老是覺得歌者 Rap 的部分有著一份難以擺脫的沉重。而今年馬米於《破地獄》一曲中化身喃嘸佬，滿口佛語地念出經文，以這個有趣的角度發洩對 Hip Hop 界的不滿的確十分破格。而歌者於《求生》中又能搖身一變成為一個型格的 Rapper，其勇於求變確實令我對歌者改觀不少。關楚耀的用聲我認為可以更放，但相比以往的濫情 K 歌，此歌已足見歌者的個人風格。

關楚耀六年後再度擔任香港年輕一代的代言人，跟MastaMic合作帶來了這一首求生。歌曲從鋼琴引入，其後又加上電子及嘻哈元素，層次分明，讓歌曲的頹廢及孤獨感越見強烈，更與歌者形象及唱腔極為配合，成功為他打造獨樹一格的音樂品牌。
==================================
07. per se - 天空塌下前
天空塌下前用美好簡單的旋律勾勒出動人畫面，配上鋼琴及弦樂編曲後更覺純淨，感動值極高。填詞人梁嘉茵用字有力有深度，更難得的是與旋律亦極為配合，讓作品更有盪氣迴腸之感。per se的男聲演繹或許不完美，但放在談人生的天空塌下前之上，卻見強大的力量。整首歌曲有如未經打磨的寶石，自然純樸卻又充滿生命力，是沒太多刻意計算的好作品。
==================================
08. Revery - 唇舌
本地樂團 Revery 每年嘅產量並不多
出道一年多暫時只得三首嘅派台作品 , 但每一首都係水準之作
前有「惡性競爭」瘋刺社會到處充滿比較
接住有「確定論」勉勵大家即使過去已被確定
但未來可以由大家去改變嘅時候 , 都希望大家對未來抱著希望
黎到呢一首「唇舌」, 繼續從歌曲中帶出訊息
所講嘅係智者會喺自身搵出原因 , 以行動證明自己；
而弱者只會不停埋怨 , 用言語掩飾自己；
創造機會與等待機會 , 態度決定你會成為智者或是弱者！
Revery 嘅歌曲都可以令到聽眾能夠從中去反思一下當下嘅自己
盼望佢地黎緊有更多更好嘅作品去激勵聽眾
==================================
10. RubberBand - 城市當代配樂團
RB回歸簡約，以gospel風格唱出感謝之情，感謝每一位努力而不虛張聲勢的真正音樂人。
==================================
13. 哪兒 - 小塵埃
雖然係翻唱，但係仍然好有小塵埃嘅味道。一首好歌需要共鳴，呢首歌做到，令大家都切身感受到現實生活同幻想嘅世界有十分之大嘅出入。
==================================
14. 方大同 - Ten Reasons
Ten Reasons未有如他前兩張專輯的作品一樣在編曲上「落重藥」，卻讓人找回了他以前那些情歌的感覺。雖然歌詞水準依舊不佳，但充滿節奏感的音樂跟歌聲融合得天衣無縫，足見歌者的演唱功力。
==================================
15. 王嘉儀 - 翩翩
一直相信有勇氣有膽識嘅人終會有好嘅結果
勇氣係人類最重要嘅一種特質 , 有左勇氣 , 做任何事都會黎得順利
而勇氣嘅背後 , 源自個人對自我嘅一種能力同認可
行出左第一步就唔會感到害怕 , 仲會更加想更大膽地去做自己想做嘅事
正如呢首歌曲所帶出嘅訊息一樣 :「翩翩自如，掀開自己的路，擁抱生活多樣的形態。」
==================================
16. 布志綸 - 經得起變化
布志綸《經得起變化》最初聽到會覺得無乜特別，只係估唔到中間會轉拍子。
不過當再聽呢首歌，就發現其實一切做得好full好rich，層次非常鮮明，曲編做得好流暢有力。
第一次主歌以弦樂為主，轉入第一次副歌就改用鼓做主要伴奏樂器，變得好clean同powerful。
拍子既轉換既配合歌詞「和新節奏比賽」，亦有助歌曲逐漸推至高潮。
歌曲整體都同Alan好夾，Alan既演繹亦相當感人，而且唔會太刻意。
==================================
17. 何韻詩 - 極夜後
作為何氏首次填詞的作品，〈極夜後〉可謂充滿誠意，配合耳目一新的編曲，雖旋律亦略顯平淡，但縱觀全曲亦實值得樂迷引頸以待。
==================================
23. 胡鴻鈞 - 偷聽情歌
Hubert今次曲風有突破，完全無劇集歌味，唱腔自然，演繹跳出星夢式陈腔滥调，聽得出佢對音樂，對廣東歌嘅熱誠。
==================================
25. 徐嘉浩 - 蕃茄炒蛋飯
民謠男孩徐嘉浩在蕃茄炒蛋飯中與GDJYB成員Soni合作，鼓聲編排、和音鋪陳都充滿細節，將一首無論旋律或是歌詞都較為重覆的作品添上了數字搖滾變化多端的感覺。歌詞雖然聽起來較為空洞，但卻是埋藏濃厚的本土情懷，從中見到的是歌者對香港文化的鍾愛及擁護。
==================================
30. 陳慧琳 - Be With You
陳慧琳的 Be With You 淡淡然的曲配上簡單直接的詞 很有陳慧琳在那些年的感覺 係本人今年暫時為止最喜愛既歌曲
==================================
31. 陳慧琳 - 尾站天國
良久未有推出粵語單曲的天后陳慧琳，其第一主打《尾站天國》以鐵路旅程比喻幽怨的愛情故事，令聽眾更易融入歌曲主題。而歌者甚至能夠脫胎換骨，卸下盔甲並放輕聲線唱出與愛人相隔天地的傷感，相信能令不少曾質疑她唱功的樂迷對她刮目相看。
==================================
33. 生涯規劃 - 衛蘭
呢首歌係一首好成功嘅勵志歌。呢首歌教我哋，唔好因為人哋嘅目光放棄自己嘅夢想，唔好因為社會而改變自己。合唱版亦係另一番風味，都建議大家聽吓。
==================================
37. 盧凱彤 - 荒原
特別嘅曲式, 簡短嘅歌詞 , 但又能神奇地成功引起共鳴
一直身處喺一個紛鬧嘅城市當中 , 難免會盼望有置身於荒原嘅一日
歌曲喺未有副歌嘅編排之下 , 帶進了一段電結他嘅獨奏 , 彷彿形容緊身處當地嘅紛鬧
歌詞亦提起祂的安排即使令人感到氣餒 , 但依然會選擇懷著希望去迎接未來

==================================
最後再次感激大家分享投票嘅原因
(下個月會抽時間幫各位加分)
希望下一季會見到更多文字
令季選成為另一個可以俾會員互相分享音樂見解嘅園地
我哋下季再見~!!!

ed8671ed

想睇版主寫
Wonders 發表於 2018-7-29 23:34

我遲啲出 fb/ig post會加字
希望呢位會員下季都會寫