當時Mandy表示會將籌得款項分成兩份，一半會用於店舖維修工程；另一半則回饋投資者，舉辦音樂會及回港設立Pop up store。噚日佢同「品客叔叔」對兌承諾，包下台北小巨蛋星光廳舉行音樂會及創意市集，Mandy除咗同老公合唱情歌、獨唱廣東歌〈心亂如麻〉、國語歌〈龍捲風〉、〈忽然之間〉、〈距離〉等等，仲拉埋蔣爸爸對唱〈無言的結局〉。著上大露背長裙嘅佢仲自言係「歐巴桑」（阿姨），事後佢喺facebook po文指自己多次破音，不過仍然感謝大家支持：「真的非常感謝大家特意來到這裡，去聽我頂著沙啞嗓子，但硬要碎碎唸的歐巴桑堅持(連講話都可以破音)，可以順利完成這一個半小時的表演已經足夠酬謝神明啦。」佢亦透露嚟緊就快返香港舉辦的Pop Up Store，下半年仲有好多機會同大家見面添。
Mandy連日來為音樂會閉關練歌。（網上圖片）
完全睇唔出Mandy已經32歲，女神真係當之無愧。（網上圖片）
早排佢就喺facebook公佈音樂會詳情，不過門票並冇公開發售，一票難求。（網上圖片）
噚日Mandy喺facebook透露，即將返香港舉辦Pop Up Store，仲話下半年仲有好多機會同大家見面。（網上圖片）
發表於 2015-7-22 11:54
| 
？
