powerful

My Only One好聽，著地、神隊友都唔差，不過係我心目中同困局比仲差得遠
我唔係針對Mirror同鏡粉，只不 ...
sampras625 發表於 2021-1-27 16:20

不好意思，我持相反意見。男排女將係比229、歎息橋更親民同受大眾歡迎，同時質素亦比該兩部劇好，包括人物個性刻劃同 ensemble 互動自然、節奏控制、對白編寫等等。劇集長度當然有關係，但其實愈長先愈難寫到每集都有起伏，而男排女將係平衡到，甚至係太多材料，要壓縮時間，效果都算不俗。

229、歎息橋睇落係技術層面上有更刻意既氣氛營造，但唔代表水平就一定更高，歎息橋玩鏡頭設計玩到有時連重點戲既演員表情都睇唔到，風格化凌駕於內容，亦經常出現拖沓 (同樣會拎風格出黎做擋箭牌)，其實係非常造作。229 主要演員 (除劉俊謙) 表現係乏善可陳，作為十集劇而言，同樣有節奏問題，角色反應有時唔似現實生活，首兩集情況特別明顯。文藝片其實都有高下之分，何況歎息橋根本係拎一堆TVB情節cliche去玩敘事實驗; 229 更加係青春偶像科幻劇種，本身就應該大眾向 (睇下想見你就知)。

攝影比返229都合理，但唔係真係超班果種，yeesa去超市同人賽跑呢D處理幾差，係日本取景度捕捉到浪漫感覺; 歌曲的確係歎息橋最好，只係my only one都唔算失禮。