elky

見到佢凌晨五點仲出story解釋，都知道佢真係好在意，印象中佢都好似好少係社交媒體回應呢啲。

其實都唔係咩需要放大到咁高討論度既大事，我覺得佢只係將平時同熟人做訪問或者講嘢既模式帶到台上，但係佢最近真係風頭躉，一言一行都會被放大，佢自己應該都冇預計到。做幕前真係一件好消耗能量既事

希望快啲完咗件事，佢可以好好休息下，回歸唱作本身

elky

明白內向既人係好唔慣成日站在鎂光燈之下

不過若干年後望返轉頭，佢會回味呢一刻的。 ...
lblemon 發表於 2021-4-19 16:31

置身其中太多情緒裹挾，成個人會好亂，我都希望佢若干年後回望，會提取其中甜美的一部分

elky

viu開始多人睇，有NOISE，二來佢拎既奬都好有分量，立時FEEL到黄袍加身既氣勢同埋壓力哩 ...
lblemon 發表於 2021-4-20 12:11

記得軒仔都係差唔多咁既時候開始俾人話囂

elky

boy4dudes 發表於 2021-4-20 17:16

最後除口罩對住鏡頭笑真係好可愛

elky

YES！ 酷愛拎至尊歌果年
lblemon 發表於 2021-4-20 17:46

所以見到而家呢一幕都唔太意外，可見咁多年過去個風氣都係冇咩進步。

一個後起之秀冒起，開始受到獎項肯定走向主流，個討論焦點唔係作品／performance／點解成功，

反而係佢係咪有笑容／態度囂唔囂張／有冇花邊新聞，呢啲對一個歌手／創作人嚟講minor到不能再minor既嘢，

放大一兩句話一兩個動作，而唔係透過作品嚟認識一個歌手，
我唔了解其他地方個討論環境係點，
定還是淨係得香港（討論區／論壇）咁care呢啲嘢？

elky

你講得冇錯

大部分人都唔係認真聽流行曲架啦, 以前同而家都係一樣

不過仍然有班人認真睇和聽緊歌手既,  ...
lblemon 發表於 2021-4-23 00:32

浮躁速食又吵嘈既年代，認真既聽眾先係滋養音樂人既土壤，
希望越嚟越多人加入呢個人群

elky

相比起七八十年代, 而家聽歌既人文化水平係高好多.
lblemon 發表於 2021-4-24 16:45

咁比較嚟睇又的確係，

而家接收資訊渠道咁多元，好難好似以前咁改編日文歌做廣東歌詞就會紅。

近年唱作歌手崛起，都可能同呢個因素有關。

elky

改編其實無野既 我自己都會攞啲泰文歌黎入廣東詞
不過現代樂壇既自尊心越黎越高 正式既歌手攞日文歌黎改編 ...
kevin2011 發表於 2021-4-24 17:06

有道理，

唱作歌手既身份可能因為咁而自帶光環，

而家原創好似受推崇啲

elky

林家謙勁在可以做到 “商業化” 但唔係傳統K歌既旋律

同埋林家謙D詞都係比較易明， 唔駛好用心都聽得明 ...
lblemon 發表於 2021-4-26 13:38

同意，係商業與新意之間拎平衡呢點，家謙係做得好出色。

而直白既歌詞亦都往往可以平衡翻佢旋律好多時比一般K歌複雜既twist位。

我覺得與其不忿“點解佢紅而邊個邊個比佢唱得好作得好都唔紅”，

不如參考下佢做得優秀既地方，取長補短。

（當然覺得小眾要比大眾化優勝既話，可以選擇忽略呢個大眾化得好成功既例子。）

elky

上面嗰兩個會員之前明明話大眾唔係聽歌為主
而家又變咗林家謙大眾化得好成功 要人學下

咁我希望  ...
bagfgfcde 發表於 2021-4-26 16:42

我表達既係當一個幕前音樂人走紅之後，大眾同埋媒體往往會將焦點放係花邊新聞等等速食既嘢上而不斷放大，

唔代表大眾唔聽歌，兩者亦都並存緊。

只係前者究竟會點樣影響一位音樂人，就因人而異。

可能好似軒仔同kay咁，越過呢啲噪音勇往直前。

亦都可能會令另一啲人淡出，睇個人性格，但我覺得就係每個人性格唔同咁先有趣。





我本身都好鍾意Jay Fung，亦都好想佢俾大眾認識。

但我唔認為每個人應該用同一條公式走紅，最緊要適合自己路線。

當然你話好似家謙咁識包裝，

如果推出一啲好personal但亦好普適、同時可以build up到個人形象既作品（一人之境／特倫斯／聽風），

令大眾認識到呢個人既性格同世界觀，做到歌人合一，咁我認同家謙包裝非常成功。

我認為呢種包裝亦都好值得參考，

唔一定需要係同一類型作品，

但係最緊要帶出歌者／創作者既個性同獨特性，甚至係佢既思想同人生體驗。

而我一直認為Jay既獨特性係佢既中西結合文化背景，同佢唱R&B超游刃有餘，

如果可以快啲推出一系列展露佢強項又令到佢既個性被人了解到既作品就好啦，

期待見到佢快啲俾大眾喜愛。

elky

我覺得將呢件事講成花邊新聞係有啲偷換概念
   你話而家係挖緊佢私生活啲嘢嚟批評佢就話係花邊新聞啫 ...
foreverkontinue 發表於 2021-4-26 19:01

有道理。

因為我上文係聯繫埋軒仔等前輩既例子，所以講得過於一概而論。

應該係“花邊新聞／態度／發言等對音樂人嚟講好minus既嘢”，

如果佢呢啲行為係發生係一個冇咁大出風頭既人身上，

大概都唔會有人留意到跟住再放大添。

elky

咁我呢一頁第一個留言都好簡單
就係有好多人比佢值得更多  

同埋你之前話佢哋就算唱得好過佢、 ...
bagfgfcde 發表於 2021-4-26 19:15

你啱。
但我講既係取長補短，取其可取之處，

睇唔上眼既地方不理即可。

咁可能起碼會比起一味批判健康少少。

elky

有冇大出風頭呢一點我有少少保留
   因為真係有啲人(我屋企人)一見佢拎第一個獎嘅表現已經覺得好反感 ...
foreverkontinue 發表於 2021-4-26 19:23

你後半部分既討論好有意思，

的確背離大眾對某一樣嘢既認知標準係需要代價，

佢可能亦都會因為咁而上一課，

至少係一個大眾會參與既大型場合應該如何自處同修改自我表達方式，

都係一個好重要既課題