釗峰孖長髮新歡睇日落斷正 女友合照火速被下架

cakeiii2000

潮流興偷食？繼前商台DJ細So（蘇耀宗）被爆偷食KOL人妻Macy後，34歲C AllStar成員梁釗峰被《壹週刊》影到疑背女友偷食長髮女，曾跟張栢芝傳緋聞的釗鋒，正印女友是米芝蓮餐廳新斗記的太子女，惟早前釗峰被傳媒影到與長髮女撐枱腳兼睇日落斷正。

據報道當日釗峰和着背心的長髮女密會，釗峰表現冧爆，兩人散步期間，釗峰主動出擊向長髮女搭膊頭又攬腰，態度親暱，長髮女就表現避忌，之後坐石壆聽歌時，更一對耳機兩份用，睇完日落後就同車離去。

釗峰和正印女友拍拖4年，今年6月，釗峰還在社交網貼女友合照高調放閃，留言：「謝謝，讓我靠着這麼久，那麼以後日子也請你放心靠着我吧！」相中兩人背對背而坐，在夕陽下甜蜜依偎，浪漫滿瀉，當時還惹來結婚疑雲，吳若希、謝東閔、何雁詩、林盛斌、洪永城、歐陽妙芝、鄧洢玲等都留言恭喜。惟今日翻查釗峰的社交網，這張合照已被下架，不知跟女友是否情已逝呢！

對於被爆背女友偷食，《蘋果》向釗峰求證，他自爆跟女友已分手：「7月尾已經回復單身，唔係偷食，嗰個只係朋友嚟，多謝關心。」

cakeiii2000

公開完就散左。
sophia121 發表於 2020-9-7 18:30

好seven
拍左4年, 公開唔夠1個月玩完, 成地花生