冼靖峰接連失言

新聞1
「聲夢學員」冼靖峰開Live失言　謂「03年即係沙士死剩種呀？」
現時新冠肺炎（COVID-19）肆虐，令不少人生意和健康都受到影響，不多不少都會令香港人想起18年前，2003年同樣於香港肆虐的「SARS」病毒。有網民發現，日前（21/01）由「聲夢學員」Archie（冼靖峰）、Felix（林智樂）、Lolita（蔡愷穎）和 Windy（詹天文）一起直播的音樂Live Show中，冼靖峰就用了「SARS」疫情開了一個玩笑，令同場的三位聲夢學員都「打咗個突」，同時也令不少睇到言論的網民都感到憤怒。
直播中，18歲的林智樂就趁住歌與歌之間談起眾人的年紀，說：「我諗呢度我哋有3個generation（世代）。」23歲的冼靖峰就回答：「兩個之嘛。我哋兩個再加佢（詹天文）咪3個囉。」林智樂：「你係咪00後呀？」冼靖峰續說：「差兩年，我98。」林智樂：「我同蔡愷穎都係03年。」蔡愷穎也說：「我同詹天文反而近啲。」這時候，冼靖峰就突然說了一句：「咩03年？即係沙士死剩種呀，係咪呀？」其他三位都即時呆晒，林智樂：「咩呀？」蔡愷穎更不禁驚嘆了一聲，說：「講呢啲？」。隨後冼靖峰即時「補鑊」，笑着說：「講笑講笑，哈哈。喂，其實（年紀）都係差少少啫。」林智樂停頓了半秒，才在剛才的對話中緩過來，回答：「我load到，都唔係差好遠啫。」眾人又交談了數句，就再繼續唱歌Live。
新聞2
冼靖峰暗示錄新歌想擺脫張敬軒影子︰好多時有人話我好似佢
現年23歲的冼靖峰（Archie）是無綫電視歌唱選秀節目《聲夢傳奇》第一季的最後五強參賽者之一，他在《聲夢傳奇》總決賽憑《我懷念的》在評審中取得最高分，加入觀眾投票後總排名第四名，現為無綫電視經理人合約藝員及星夢娛樂旗下廠牌「愛爆音樂」男歌手，剛推出個人出道歌曲《一個人的幸運》。日前，他到商業電台雷霆881節目《1圈圈》做嘉賓接受主持阮兆祥和天欣的訪問時，透露用實力向爸爸證明自己，最後打動對方，批准他做歌手。
Archie講到中學時已有夾band將來想做歌手，他笑言︰「大學嘅時候唔讀書！齋夾band！」可以連覺也不睡，大學畢業後就決定找不同的比賽去參加。Archie參加過ViuTV的《全民造星II》和TVB的《聲夢傳奇》，被問到他怎樣看兩個不同的選秀節目，他表示︰「其實好開心係一路到無論去到邊個平台，無論係《造星II》，或者《聲夢》，其實都有好多導師，好多mentor一路幫我哋。」似乎未有正面回答問題。而Archie是一個追求完美的人，他說︰「比賽尾段，我有一個感覺就係，唔想首歌有啲啲瑕疵，你接受唔到嗰啲瑕疵，如果有少少瑕疵，我自己會返屋企瞓唔着。」
到錄《一個人的幸運》的時候，他暗示想擺脫似張敬軒的影子，「因為我比賽嗰時，好多時有人話我好似我偶像張敬軒，唱法或者唱腔上，咁我再諗點樣可以有更加多嘅個人特色。」講起比賽完，Archie曾短暫做過銀行的工作，然後才做歌手。Archie表示父母從小都跟他說讀好書，入到好的大學，找到好的工作，才可以做歌手。直到《聲夢》決賽前一晚，Archie問爸爸如果他覺得他到時唱得好，可否批准他做歌手，爸爸的回應仍然是希望他邊做銀行工作邊做歌手。到決賽完結後，Archie並不是三甲得獎者，他的爸爸竟被他感動，對他說︰「唉，由細到大，係咁迫你，要做邊樣做嗰樣，咁不如今鑊我就畀你試一試。」當時他非常感動，因為他未見過各管教嚴厲的爸爸態度軟化，他一開始是想Archie到30歲賺夠錢才自資出唱片。
Archie從小到大都是讀傳統名校，曾就讀喇沙小學、喇沙書院，2020年香港大學工商管理學學士（會計及財務）學位畢業，加上音樂才華，着實是實力非凡，原來是有父母一直以來的嚴厲管教和培育。
News 1
News 2
感想：做人要思考自己的能力，說話要三思，亂講說話在娛樂圈係大忌，做唔到擺脫影子咪唔好講，沙士呢個係好大問題，有些事情唔係可以講笑，要有同理心。