cfjc_ak

我想同大家Flash back 返去2006年1月28日嘅2005年度嘅第28屆十大中文金曲頒獎禮音樂會，曾志偉作為司儀嘅開場發言，如果有興趣睇返嘅話下面有RTHK 嘅link 同埋本人節錄部分上Youtube 嘅內容。
(原本想睇下Janice個靚樣 ，同埋拎RTHK優異獎就發展得好嘅Kay ，點知好似照妖鏡咁望返呢幾年嘅樂壇 )
https://app4.rthk.hk/special/rthkmemory/details/extravaganza/401



知道未必個個有心情睇，以下係我嘅文字轉譯(其實都係跟住個字幕打)：

大家好！歡迎大家出席今晚的頒獎典禮，其實我覺得頒獎典禮有如學校派成績表，不同學校派發成績表的方式也各有不同，例如早前有一間商業味道很重的私立學校，大家以為它是一間很普通的私立學校，其實是一間宗教味道很重的私校，學生成績並不重要，最重要是信教，信仰跟學校教主一模一樣，便會得到好成績，前幾年校長會跟大家訓話，近兩年少了。

至於兩星期前頒成績表的名校，當然是名校，很多家長都想學生入讀，因為人所皆知，這間學校的辦學宗旨很特別，學生的成績不重要，最重要是否關心社會，有否位學校賣力，例如放下書包，幫手賣旗，參加學校的朗誦或演出話劇，甚至乎探訪老人，派發成績表的時侯，成績以參與校內活動多寡作準則，頒將給優異生時會跟他說：「今次頒將給你，但你要記住，尚欠三次賣旗，明年記得為學校出力。」

正因為如此，大家見到香港的學校面臨教改、殺校，甚至乎很多學校搶奪學生，亦因此黃埔出現了一所很大的私校，這間私校的辦學宗旨，亦因認學生和家長的需要，學校知道家長期望學生得到好成績，日後更容易在社會謀生，所以只要學生交學費上學，最重要是出席拿成績表，甚麼成績也有，要A得A，要A+得A+，要A++，有A++，但家長希望學生再多個科目有好成績，成為全年學生榜的學生狀元。也可以，增設科目，奪更多A，都可以，多麼開心。

今日，我們站在這裏，這間學校既舊且老，歷史悠久，而且是一間官立學校，每星期有測驗，年終有一個大考，但校董說不必要，年終大考勞民傷財，學生測驗後，可到其他學校領取成績表，真的會這樣？至今未有結果，我相信應該由在座所有的朋友來定奪。現在我在此正式宣布，今晚十大金曲頒獎音樂會正式開始，多謝。

---

以下係我嘅睇法：
講返當年呢篇嘢係建基於政府教改、殺校嘅背景所以揀咗用學校去比喻當年嘅四台，
speech 中第一個講嘅私立學校好明顯係商台，DJ們/高層鍾意就播多啲或者加加減減啲AP，咁就有獎，而且每年都有俞琤(校長)嘅「真理必勝，正義長存」嘅訓話。(而家無了)
之後講個間「名校」亦都幾明顯係話緊TVB 有無好歌唔緊要，最緊要你肯嚟上節目，去慈善Show唱下歌仔，你嘅獎就袋袋平安。
第三間嘅係黃埔好大間嘅私校就到新城(新城間公司係黃埔)，當年嘅濫派，巧立名目變獎出嚟，總之就人人有獎，去得就有禮物收。
最後153就返返去RTHK，話政府當年要Cut Budget 唔搞十大，就挖苦話呢件事，仲話應該要交俾觀眾決定。

十年人事幾番新，呢四台睇著四大同TVB決裂，四台聯頒壽終正寢，同時香港樂壇開始衰退，新一代上唔到，舊人亦留係到。
去到2022年嘅今日，四台之外仲有一台變成五台，當年話要交俾聽眾決定港台下一步嘅153，竟然可以厚顏無恥地話要復興樂壇而將官校同私校合拼，仲要唔知幾時先派成績表，好似俾黑洞食咗。

想問下大家，Viu 會係一間點嘅學校，同埋呢四間學校係大家眼中變成點呢？

cfjc_ak

無聊係圖書館見到十大金曲嘅書，對於手指入鏡深表遺憾。同埋啲咩本人不擁有版權嗰啲嘢啦，