Wing1211

唉，其實越來越唔知容小姐想點？
一方面想自己有突破，但其實一直故步自封
其實做到佢呢個地位、成就，
大家對你既睇法，鐘意唔鐘意都塵埃落定曬
你可唔可以有自信心D!!!!!!!!
每次演唱會只係唱d唱到爛到不能既怨婦十大
Fans講一D side cut歌名大家好好反應又係度質疑話唔好聽、反應咁好？
上我是歌手又傳話要唱揮著翅膀的女孩
一首13年前聽到已經唔想再聽佢又話過唔想再唱既歌
佢揀黎參賽，仲要係第一炮
作為祖迷，真係唔知好嬲定好笑
我仲好記得係睇完N6之後覺得佢開始成長，佢好型好掂
但抱歉我睇完1314只係覺得悶場連連，彷彿好似番番starlight之前既Joey
我都唔知佢拍拖抑或照顧屋企人令佢放棄自己咁
一隻14年開始做既大碟做到16年，質素只係普普通通
之前做Joey X Hacken佢可以話唔想分心唔派solo歌
MV拍左又等到凍曬先出
Side cut 演唱會由2010講到2016都十劃未有一撇
最弊既係佢認為好既嘢，樂迷唔會buy，佢唔鐘意既，樂迷最愛
點解佢仲咁大信心去做D令人不悅既作品？
其實除左李紫晰之後，真係得容小姐不停出低b兒歌
然後錄完派完台，永遠都唔會係音樂會、演唱會唱既
當初做呢類歌既意義係？
如果有次演唱會有一part唱齊你說得對、扮了解、我要玩、布穀鳥大反擊、天然呆、我好得閒同埋快樂最快
一定好多人排隊去廁所
真係好難想像，但佢又會keep住做，好心up