skyhorse1111

不過個比分板轉左喺下方就不喜，太多資訊，嗰啲資訊可以等球隊真係叫 TO 時再出都未遲
泰妹呢年有幾個都出 ...
chanchan0909 發表於 2022-6-1 11:45

放人出去打係好事，但教練想法不敢恭維。好奇上youtube睇過佢地打sea嘅陣容，見到幾乎場場都係新七仙女(加防守自由人)，頂盡都只係換下副攻/發球/2換3，睇唔到佢有鍛煉替補嘅意圖。明明2018年已經有過大教訓，加上本身矮個子就容易卡輪，如果齋靠首發好狀態都幾難爭奧運門券。

skyhorse1111

呢場中國隊狀態係真係唔錯的，我覺得刁不錯的，佢同小宇嘅配合好左，小宇嘅進攻實力係需要提速先可以確保成 ...
chanchan0909 發表於 2022-6-4 08:28

球速快左係幫到小宇，但傳4號位真係要大大改善，傳快攻都唔少過低。金燁／王雲蕗喺地方隊都唔係防守型主攻，估唔到黎到係一傳ok進攻麻麻，今場多左touchout明顯好過上場被脆攔。
自由人反而有d失望，判斷in／out唔準，防守範圍都略細。
其實場上東奥嗰3位(唔計王媛媛)都已經train左幾年，過埋今晚之後嘅球隊有d係較弱，睇下會唔會開始換下替補，始終幾個位置都有明顯漏洞，LYY對角唔下球，小宇冇可用替補，副攻攔網有時都跟唔切，自由人睇倪非凡可唔可以重拾之前VNL決賽好表現。

skyhorse1111

上面講完泰妹七仙女嘅問題
轉個頭泰妹就傷左兩個
睇左兩場比賽泰妹個自由人防守手感幾好
呢個週期如果泰妹 ...
patrick1029 發表於 2022-6-5 01:12

佢地防守咁搏命係容易d受傷，希望無大傷啦！自由人係好，但都30+喇，為左長遠發展，都係覺得推新人好dd

skyhorse1111

比利時隊 以及 泰國隊 都有確診個案，菲律賓站參賽球隊都好危險 !!!
chanchan0909 發表於 2022-6-15 17:04

好似話得番8個而且副攻得番一個，仲要唔知會唔會再中，希望俾加人啦，否則ajcharaporn可能要打番副攻，worst case甚至唔夠人要棄賽

skyhorse1111

真係服左蔡斌團隊，咁信任固有陣容，無論順境逆境強隊弱隊都堅持唔換人，真係當正佢地全部世界級兼唔會受傷咁
其實同樣泰國女排都係，宜家正選受傷染疫副選先有d機會，但都睇得出板凳有大差距，講真咁搞法都幾牙煙，始終三邊攻身高蝕底，一傳又唔係超好，對手攔網好d嘅話就好難突破到，所以替補其實好重要。

skyhorse1111

識換倪非凡已經叻叻豬
而家兩個中間好弱雞

另外，香港時間6月20日消息，據意大利排球記者帕西尼報導，中 ...
Stanley 發表於 2022-6-20 10:30

蔡斌之前講到要追上大潮流，江蘇近年又積極提速，以為可能有新氣象，點知原來思想仲係咁落後。贏嗰幾場，明明就有空間上d替補練下，但就繼續首發打到尾攰到尾。輸嘅幾場，明明就有某d位置好唔掂，但就唔敢換人。一傳方面，明明就有可變嘅陣式(換自由人/換主攻/轉人接/4人接)，但就繼續相信會有好轉一刻。用人方面，明明繆伊雯有打主攻接一傳但又唔換，陳佩妍有進攻但日本尾局小宇連續被攔死又唔換，第一周小宇好表現又唔試下換王藝竹俾李盈瑩小休下，王媛媛幾場近乎隱形又係唔換，高意蔡雅倩跟足兩站又唔入名單，王逸凡仲慧(仲有栗垚但傷左)下三路功夫好d唔入圍，反而排超榜尾兼各方面好麻麻嘅金燁王雲蕗又入選喎，實在值得商榷。

skyhorse1111

waaa依家第8位嘅主導權睇落喺加拿大手上，雖然都想泰國入到，但加拿大呢兩年衝得咁好，都希望佢地得到甜頭然後更進一步！
Btw巴西對泰國呢場，失敗嘅2換3同平時唔練替補有幾大關係……

skyhorse1111

真鍋其實都係用番12年既體系 大主同接應6輪一傳 小主唔接一傳搶分
但日本既副攻太弱 快攻同攔網既作 ...
tylerx 發表於 2022-7-2 22:00

但其實我覺得日本同泰國攔網都算係咁喇，攔唔死但都撐起頗多，起碼俾後排防反機會，相反中國雖然數字上望落ok，但實際上預判/移動/手形方面都唔太合格囉

skyhorse1111

如果冇計錯嘅話，泰妹嘅命運宜家交左喺美國德國手上，美國篤定第一唔知會唔會派全副選(雖然都好強)，德國雖然陣容弱但都隨時可以偷到雞，希望美國生生性性保送泰妹入決賽週啦！

skyhorse1111

egonu發球輪蔡斌憑咩覺得3人接一傳ok，
而2換3第一球陳佩妍竟然跑3號位@@
咁嘅安排呢局抵輸啦

skyhorse1111

agger，佢啲調動係咁上下。雖然呢場完全唔覺得中國贏到，第一局係見到啲機會，但係 Egonu 嗰輪發球，而喺咁 ...
chanchan0909 發表於 2022-7-14 20:44

呢個時候可能要懷念下姚迪lol傳球係慢但起碼簡單穩穩咁傳俾2 4號位
丁霞同刁琳宇去到呢輪都好似好心急咁就越傳越亂咁

skyhorse1111

咁多場落黎，睇到嘅係丁霞袁心玥下滑不少，王唯漪一傳防守都好麻麻，金燁強攻冇力，王雲蕗冇手法兼防守笨拙，一傳陣容好牙煙，整體上同一線球隊嘅首發質素有大落差，可惜蔡斌好似已經將賭注落哂佢地身上。
既然VNL都證實左佢地打唔贏速度快/發球勁/防守好嘅球隊，就好應該求變啦！14年入保障型主攻可能係出路，15年晉升二隊可能係另一出路，短期嘅話諗偈拆掂卡輪都好重要(say反輪唔換位／換一傳陣式／換防守後排)!

skyhorse1111

泰國呢班主力舊年出去打外國聯賽真係好有幫助，尤其3個邊攻進步好大! 以為ajcharaporn sariyer打接應冇練一傳會有影響，但佢地一傳又好穩定喎，另外pimpichaya雖然只係日本打波攔網高度有限，但又估唔到嚟到國際賽場靠自己速度都可以維持幾好嘅成功率，而pornpun水準都同nootsara有得揮喇，讚！

skyhorse1111

內瀨戶真實做自由人唔係好掂喎，防守同串聯都好普通，同robinson客串自由人嘅效果差頗遠

skyhorse1111

恭喜泰妹小組賽表現咁出色，希望繼續有奇蹟發生打埋入8強！

王唯漪d一傳真係……原來王夢潔嘅存在係咁大作用lol

skyhorse1111

Pietrini 咁嘅能力真係唔夠用呀 ... 第一局意大利大勝荷蘭，睇落去打唔過咁但係荷蘭仍然努力捉防反，第二局 ...
chanchan0909 發表於 2022-10-2 22:54

但起碼主攻仲有bosetti sylla分擔，仲用埋自由人做後排替補三輪，加埋egonu呢點強攻，真係較少卡輪，只不過自失依然咁多……
對比上黎，daalderop同buijs一傳始終唔夠用，plak又冇絕對實力，落jasper又對另外兩點強攻更大壓力，都難怪上唔到一線……

另外，都諗起尋日中國嘅一傳，好心自知冇料就帶多個後排保一傳啦，斷估蔡生都唔會上高意㗎啦！

skyhorse1111

其實全主力都打左成個賽季，點解刁琳宇仲係夾唔到李盈瑩同袁心玥，另外全隊又咁多失誤……

決勝局好在bongaerts傳得更差，而中國贏在有個重點人在場……

skyhorse1111

尋日場波加大戰：1. 韓國大媽兩球爭議裁決好猶豫不定，間接挫左加拿大上升狀態；2. 加拿大3邊攻都算係咁，加埋一點MB同發球，真係差D贏，可惜CROSS呢點同替補都太弱，所以一卡輪就好嚴重；3. 波蘭清一色矮主攻，STYSIAK又唔覺超強，但整體配合攔防都OK，教練應記一功

skyhorse1111

第一局中國嘅防守出乎意料地做得幾好，意大利今日用 Lubian，我本來真係覺得呢輪發球要特別小心，點知真係 ...
chanchan0909 發表於 2022-10-8 20:02

睇左幾場普遍意大利入局較慢多失誤，如果把握唔到第一局贏，後面等到意大利進入狀態後就難打……
今場雖然輪3:0，但都睇到中國未必輸硬，王雲蕗呢點比vnl進步唔少，刁琳宇要再調整傳快攻節奏同準繩，另外面對強發球輪嘅傳球可能都唔能夠咁保守……王夢潔雖然一傳都失誤，但都比王唯漪高半個檔次……小宇就……做好下三路同一傳工夫其實都幫到忙嘅

skyhorse1111

小宇就無辦法，始終傷仲未好，仲未好返曬就要出黎本身都難為佢，然後陳佩妍以佢嘅能力其實真係應付唔到，所 ...
chanchan0909 發表於 2022-10-8 21:51

4年前泰國傷左ajcharaporn被反cup，希望今屆可以復仇lol...暫時三個邊攻都ok嘅

skyhorse1111

題外話, 宜家fivb ranking每場更新即刻reflect actual,前8同前16大致都sync到......反而係vnl....可唔可以取消core team ge structure ar...korea都幾浪費quota

skyhorse1111

btw 題外話想問咩係MB1？之前世錦賽見到嘅係用官部藍梨打副攻，但佢應該唔係齋客串吧？幾年前已經有報道話佢腰傷所以改練副攻，近期嘅日本聯賽都係打副攻位置，見佢都係正常走位攔網，只不過係快攻滲入左少少強攻嘅手法，唔係好睇得出同其他配備有咩分別

skyhorse1111

先講起始，MB1 喺 2013 年大冠軍盃真鍋開始用，因為佢認為副攻進攻能力太弱，所以安排一個邊攻打副攻位置， ...
chanchan0909 發表於 2022-11-5 16:34

謝謝，唔怪得之唔太睇到大分別啦…我見分俾宮部嘅球都唔算多，成功率都冇好大提升，同用一般正牌副攻唔差太遠……
不過日本聯賽都見到呢個排陣……youtube片見陳氏青翠打副攻位

skyhorse1111

wawawa西田同古賀結婚喎@@

skyhorse1111

其實蔡斌唔係完全冇國際視野，佢係少有國內教練好早提出要提速同高快結合嘅打法。但就放唔低七仙女嘅舊有觀念，無論地方隊同國家隊都係咁。仲好似同左班隊員洗腦咁，講到佢地係全新陣容，需要大賽磨練同'檢視集訓成果'，但明明主力陣容有3個已經征戰多年，3個係jenny年代都經常上場，而且呢套陣容上年已經打左～20場lol，今年重點仲係磨合真係講唔通。

反之，替補球員真係冇乜大賽經驗，國內聯賽打得慢練唔到副攻攔網，鄭益昕第一年打接應但後排3輪角色依舊模糊，仲慧作為新人呢刻一傳扣球都唔掂，許曉婷關鍵分上場時間多數傳LYY，倪非凡完全冇接過一傳，仲有2個拍手掌球員。冇硬實力嘅球隊更需要替補力量，依家一傳扣球二傳都有起伏，但隔硬換冇經驗球員上場，奇兵作用可能性唔會高。呢方面覺得日本隊做得幾好，加拿大將來遇到呢個問題，泰國就直程面對緊添。其實連歐洲球隊都知到替補嘅重要性，願意犧牲幾場波練兵，點解蔡斌仲係咁死板，唔full替補上場都算，但分差大嘅局次都唔換下替補練兵真係講唔過囉

skyhorse1111

佢嘅國際視野只係建基喺自己想法上，記得佢以前 09 年上任佢將大梅安排打主力接應，因為以前主力有一傳水平 ...
chanchan0909 發表於 2023-7-2 19:18

講真，佢地集訓長達幾個月，“磨合“已經好過其他隊伍啦，加埋上年都打左~20場，今年又用12場(+之後應該都係全主力上), 真係有必要不停嘅“磨合“咩？
佢唔識換輪次又係真嘅，連旁述都會講每隊每局從幾號位打起，但中國就永遠係“同上局一模一樣“lol。換人方面，又真係唔知佢點揀人，集訓左幾個月應該對球員能力非常理解，但點解可以搞到條主攻線換唔落手，二傳接應只能撐到2換3，替補副攻攻攔失衡得咁嚴重。

另外，尋日贏波實比人大造文章捧到上天，但我想話……同2019年香港站贏意大利一樣，我覺得對手係有保留實力lol…2019決勝局收起左sylla，今場都係收起左thompson (rettke應該都唔係首選？)…如果係大賽，點會卡9分都只換入frantti，而唔換走靠一傳搶速度嘅drews或二傳改變節奏……所以中國都唔好自high咁多喇

skyhorse1111

btw呢2年加拿大不斷製造驚喜，雖然都係7仙女打法，但可以爆冷贏到幾支強隊都幾厲害。下個週期要睇洲際賽成績，比美國壓住感覺幾難入圍奧運。今屆就算資格賽攞唔到都可以靠排名，佢地依家12名，計番大約升多2名就上到尾班車，希望佢地可以創造奇蹟啦
另外中國雖然排名高入圍機會大，但佢地應該想資格賽就拎到。以現有陣容打加荷多塞翻車機會都不少，召回朱婷又會欠“磨合“，以刁琳宇嘅穩定度未必傳得好，再召回老二傳競技狀態又無保證，加上姚丁都係某d位置一直傳唔好，真係幾大難題

skyhorse1111

好可惜唯一女教練vnl後唔教
下周期美國主辦 最大對手只有多米
Wonders 發表於 2023-7-3 12:35

ohhh係喎，咁又有希望喎haha

skyhorse1111

冇睇男排, 但見到榜尾'護級'好刺激喎...中加大戰同古伊對決連局數都要鬥...@@

skyhorse1111

唔知啱唔啱,但依家呢個情況計局數,應該係中國要護到級既話,就要求伊朗橫掃古巴3-0?E朗贏3-1應該都係古巴逃 ...
kevin2011 發表於 2023-7-9 12:49

ysys…本來中國仲有主動權，但1分都搶唔到，就俾番古巴主導不過其實上年挑戰盃冠軍可以留低都幾鼓舞……女排克羅地亞都係差少少就得……
但講到尾……都係快快取消core team機制啦……依然一方面又依賴世界排名決定奧運資格，但呢個vnl又咁唔公平……完全側重core team

skyhorse1111

lol…好似冇見過王夢潔好成功咁防到對方接應同快攻過(指今年大部分賽事)，今場都係，但又冇用倪非凡防守喎……

兩位副攻攔快攻總係唔成功，連撐起都冇乜，一沖唔到人地一傳就好似冇哂辦法咁
見LYY開始現疲態，好彩巴西關鍵分又自失葬送第四局，否則決勝局都幾難捱

skyhorse1111

係，Gabi 始終傷左本來諗住比佢休息，係為左呢個比賽未養好就要出黎

但某人話佢走下坡係想點 ... 成季喺銀 ...
chanchan0909 發表於 2023-7-14 22:48

其實係gabi對角mamadei, 佢好多時要幫手接一傳, 兩位對角強攻又唔下分, cristina如果無傷到可能又唔同講法,
不過佢地30個errors真係好多, tainara有ace開始嚇到中國, 但又係咁發失斷自己機會

另外, macris 某d調整球都幾差

skyhorse1111

同意，Gabi 對角之後嘅配置如果係 Cristina 或者 Tainara 呢兩個後生嘅會好啲。其實 Marcis 喺今季費內都已 ...
chanchan0909 發表於 2023-7-15 16:06

ks巴超有冇潛力新人? 感覺巴西用人都偏保守咁, 依家邊攻新人都係上年先起用, 中生代好似斷層咁...

skyhorse1111

wowwww 今日中國大爆發，幾乎每個環節都做得好好，全部進攻落點都夠刁鑽，強攻輕吊用得合時，一傳起得好穩，防守都起到stysiak嘅重扣，連被人看輕嘅王雲蕗都成功做到奇兵，頂到前排三輪仲要咁高成功率。

只差在未攔到快攻，但隊長都好辛苦，今場不停2 3 4號位跑去攔網同進攻，落點都頗耐冇見佢打得咁分散，值得表揚下！

skyhorse1111

但係咁睇，塞爾維亞連決賽週都入唔到
其實對班球員士氣都幾傷

不過感覺上今年土耳其係穩定左 ...
Stanley 發表於 2023-7-17 08:48

咁bjelica同boskovic又唔同檔次，頭兩週冇boskovic真係差幾多，同樣如果土耳其冇左vargas又差咁d，佢真係幾勁，咁嘅年紀，可以做到強力跳發同扣球都少失誤，好穩陣嘅一點

skyhorse1111

恭喜土耳其女排，發球佔據優勢，其實中國女排有用發球去衝，但係衝得唔夠好，第四局呢個發球差距就顯得更加 ...
chanchan0909 發表於 2023-7-17 08:22

但今日中國14個發球失誤實在太多喇，karakurt一傳咁麻麻真係有必要係咁搏(失)發球先chur到佢咩？
另外今日中國d暫停叫得太慢，換人又唔係幾啱時機。攔唔到vargas就應該早d試高意(雖然佢d判斷力一般)，楊涵玉攔網咁差又唔知點解要換入。後面選擇換二傳留小宇接一傳 (小清新3扣3中)，但咁強嘅發球多數唔到位仍要打強攻，前排2點攻又卡輪，況且許曉婷主打耐左波動都幾大, 我覺得都係遲左換返刁琳宇。其他位置上，兩個主攻都正常水平，自由人防唔到vargas都冇辦法。

skyhorse1111

但係舊年全個比賽都無boskovic拎第三
不過今年初賽嗰三個禮拜其實好多輸2-3
亦都唔少贏3-2
最傷應該輸加 ...
Stanley 發表於 2023-7-17 15:21

i mean vargas年輕但自失少呀，尤其發球

skyhorse1111

但幾乎同一個陣 仲要無9號新人 舊年塞VNL拎到銅牌
土唔係換左教練 我諗都係Sahin+Baladin+Ozbay呢個陣
呢 ...
patrick1029 發表於 2023-7-17 16:00

做到半到位已經可以交番俾vargas埋齋，加上karakurt同vargas發球輪都幾勁，沖散埋人地一傳，環環相扣，令到咁嘅組合可以成立……
不過資格賽要對日本呢隊難纏隊伍，唔知karakurt頂唔頂到一傳，日本唔知搵唔搵到防vargas嘅方法，仲有土耳奇夠唔夠耐性減少自失，都幾值得期待

skyhorse1111

有無人有睇亞錦賽？
kent 發表於 2023-8-25 23:49

睇左youtube某d片，覺得越南要進佔亞洲前四唔係無可能，呢個週期有陳氏青翠打強攻，其他人又打到小靈快，就算陳氏去左後排，前排跑戰術都唔太卡輪，牌面真係唔輸蝕。反觀韓國冇左金軟景，泰國始終冇一槌定音。絕對強攻可遇不可求，真係要把握住機會！