- 積分
- 6438
- 貢獻
- 656
- 參與
- 5782
|
環球唱作歌手江海迦(AGA) 月前舉行兩場麥花臣處女演唱會反應好好,貴價票更被「秒殺」,唱片公司決定乘勝追擊,入紙為她安排明年登上紅館大舞台,出道僅3年的AGA獲公司力捧上位既驚又喜:「公司對我咁有信心令我好感動,我經已做好晒準備,隨時on call上陣!」
自從今年7月AGA完成兩場《Ginadoll Concert Live》演唱會後人氣大增,連前輩蔡立兒都點名大讚她能歌善舞好全面,條件好好。商演活動陸續有來,於《NESTEA Fresh Me Up Music Tour》第二擊中AGA以歌會友,仲將過往不如意經歷跟現場一班年輕歌迷分享,從中帶出鼓勵訊息,提醒大家遇上困難不要放棄!重提昔日難捱日子,她無奈說:「當初辭去空姐工作決心做全職創作歌手真係冇乜收入,不斷作曲錄製demo而苦無回音嘅日子真係窮到冇錢開飯,全日食得一盒百力滋或者一個杯麵、梳打餅,唯有咬實牙關匿埋寫歌,太頂唔住就聽偶像陳奕迅嘅歌陪伴共度難關,不過我呢啲小粉絲即使見到佢都唔敢講畀佢知。依家接show係多咗,唔使過住赤貧生活,但都未過度到『危險期』,所賺返啲嘅錢要睇住使,唔可以亂用,不過叫見到有曙光都好好嘞。」
想請Eason做嘉賓
對於唱片公司有意安排再下一城,明年進軍紅館,AGA開心同時,表示開始學舞、寫新歌做好準備:「希望下個show有更多表演,咁大嘅場地可以安排更多親友嚟捧場,最想梗係請埋超級偶像Eason做表演嘉賓。公司對我咁有信心我好感動,一定會加倍努力做到最好。」 |
|