以後Boxing day點過 傳《勁爆》頒獎禮被Cut

hechart

http://hk.apple.nextmedia.com/enews/realtime/20160109/54627188

                                                                           今年Boxing Day大家可能唔會再睇到長達幾粒鐘、大派160個獎嘅「新城勁爆頒獎禮」？

近日大氣電波瀰漫一片愁緒，先有商台嘅俞琤辭職、新城台長朱明銳宣佈「退休」後，新城噚日再有大裁員，節目主持人連辦公室文員合共30人收「大信封」，連星級主持家燕姐、林盛斌（Bob）同范振鋒都由全職轉為兼職。

港台地震cut走議政時事節目，「自我審查」傳聞滿天。至於新城大地震，有傳係因為新管理層覺得娛樂節目冇錢賺，去年條數亦未達標，故決定未來將改以財經台為主導，甚至有意唔再搞娛樂活動。

今日有周刊報道，指新城舊年全年營業額，仲差一成先達到管理層要求嘅3億。為縮減開支同改革，噚日新城就向唔少全職主持派大信封，家燕姐、阿Bob同范振鋒雖然有得留低，但就要由全職轉為兼職，每個禮拜開咪一次嘅新節目《開心大派對》。

報道又引述知情人士指，因為新城未來嘅方針，係以劉婉芬為首嘅財經台團隊接管知訊台播放時段，日後會行純資訊路線；至於管理層認為「賺唔到錢」嘅娛樂節目會減少，更有傳數碼音樂台或停播。而一直為人詬病、被指派獎嘅「新城勁爆頒獎禮」，分分鐘成為絕響。

消息又指，朱明銳早知新管理層落呢個決定，但佢唔忍心落刀，所以決定提早退休，同時私底下通知親信，等佢哋都有定被炒嘅心理準備。

年關難過。香港傳媒步入寒冬。如何是好。

下年會唔會得返3個頒獎禮呀..
雖然新城分獎禮都無咩人care...
但好憎用財經做主導, 遲d 高清翡翠台轉J5後又係咁..悶到嘔