Janice(衛蘭)、Jill(衛詩)正式簽約華納唱片

lokben

歌手衛蘭、衛詩正式簽約華納唱片，日前(25/6)二人到唱片公司正式進行簽約儀式，二人都表示非常高興可以跟大家宣布自己去向，而華納老板Gordon Lee表示一直有留意所有的歌手，亦非常有興趣跟更多有潛質的朋友合作。

對此，衛蘭衛詩兩姊妹表示非常開心：「咁知道好多媒體朋友都好關心自己嘅動向，期間亦都有唔同嘅唱片公司同自己接觸，好開心最後同華納唱片簽約，覺得佢哋係一間好有活力、好好玩嘅唱片公司，而大家嘅理念亦非常相近，希望之後會有更多嘅好歌唱比大家聽。」

另外，對於不斷有歌手加入公司，華納一眾歌手表示非常高興及歡迎：「好開心見到公司越嚟越熱鬧越嚟越多人，相信嚟緊大家會有更多合作更多嘅火花，希望可以帶到更多唔同元素嘅音樂比香港嘅朋友。」

出處：香港華納唱片 官方 Facebook / Instagram / Weibo

lokben

Janice 今日都有特登 post 上佢微博.

之前傾咗咁耐,終於 firm 咗入華納,恭喜 Janice 同埋 Jill .

lokben

Janice肥左咁多，仲以為係欣宜
我等我在 發表於 2015-6-25 21:13

直逼欣宜架啦... 加油 keep fit ...

lokben

家姐點都發展好過妹妹
rubylovessss 發表於 2015-6-25 21:21

傾咗咁耐,最後 Janice 都係同佢妹爭取到一個機會. 算係咁,其實我覺得華納都應該唔會點落力去捧 Jill ,應該睇佢自己運氣了.
P.S. Janice 應該經理人公司合約都簽埋咗俾華納嗰邊.

lokben

參考觀音娜往績
唔多樂觀
John 發表於 2015-6-25 23:17

我覺得只要唔留喺甲音樂,都係一條出路...

lokben

garethchan  陳考威  can't wait to hear your new ballads! I heard @robinchi only loves ballads!

唔通快有新歌???
Janice將出席陳詠謙Friends Live  ，唔通會唱新歌???

好開心呀，等了超過半年時間，入到大公司好滿意
kk8733 發表於 2015-6-25 21:28

新歌應該仲要等等,不過今年實會有新歌 ! ! ! : )
唔該阿甲音樂快 d 出咗 梵高的影子 先~ xd

lokben

唔知仲會唔會搵mark lui
雷仲得近年最好既都比哂佢
John 發表於 2015-6-25 23:25

試吓同多 d 其他音樂人合作都好,
係時候脫離一吓 Mark Lui ,合作太多了.

lokben

咁係咪會行single制?
星夢情真 發表於 2015-6-26 00:15

都可以啦,喺甲音樂都係派歌先,慢慢再出碟...

lokben

入華納咪又一堆EP !?
lmml4 發表於 2015-6-26 11:54

唔一定吧, Pakho 都有得出大碟,或者多過 4 首歌嘅 EP ... Janice 一般都錄好耐一隻碟,我相信都係出返大碟嘅. : )

lokben

吾知周柏豪x林若寧既班底係janice身上有咩化學反應呢?

janice吾係5想再走K歌主打既路線?上隻碟既you go i go同890都見到janice想試吾同曲風,只怕入左K歌主打既華納,會成隻碟都係k歌為主....(雖則janice唱K歌好正,但想佢有多D吾同類型既歌
fyw2031044 發表於 2015-6-26 22:59

咁其實再主打 K 歌都好,我覺得喺 side track 方面華納至少都會俾 Janice 去嘗試好多唔同嘅嘢,唔同得甲音樂,係 side track 都要係 K 歌為主...

lokben

咁簽janice做咩piece雅連大碟都無資格出
janice張張大碟都高銷量
你話捧邊個呢?
Sing 發表於 2015-6-26 18:28

據我所知, Janice 經理人公司嗰邊都係會簽俾華納(以前都係黎生嗰邊 ~ 百仕活 ~ ) ,宜家完全親生女,
Shiga 得唱片合約,應該算半個外人吧...

lokben

唔知WARNER MUSIC揀緊歌比JANICE錄未呢？我唸公司都頭痛，因為要揀首最正既做FIRST PLUG會有壓力
如果又係情歌一定比網民插轉左公司都走唔出舊公司既影子，但如果唔係情歌又怕難爭取香港呢個K歌市場
真係一個好大既決定

我覺得最好整首兩姊妹合唱做FIRST PLUG，又夠gimmick ，之後每人先派SOLO
one3one4loveyou 發表於 2015-6-27 21:35

好似有首新歌係陳考威作曲,陳詠謙填詞,但唔知係唔係會 plug ,
分分鐘到時同期甲音樂派 梵高的影子 , 風格都會幾特別, xd

lokben

我就唔似你地要求咁高
我就繼續求JANICE有新歌出就得了.
真的唔想浪費左佢一把咁好聽的聲線.
同埋我好想好奇地瞭解佢...這麼多年了
D中文有無進步???XDDDDD
Kenny 發表於 2015-6-28 23:46

應該無咩進步, XD
之前有個訪問話到而家都無刻意去學過,話慣咗拼音模式...
同埋開 show 都唔駛提詞機, Janice 話就算俾到 d 拼音歌詞佢睇,
佢 get 到嗰個意思,嗰句歌詞都唱完了,會影響分心.

lokben

好似之前咁就得了,一隻大碟入邊.帶一兩首英文歌就最正啦.
Kenny 發表於 2015-6-29 13:16

我都希望華納嘅碟可以同 Janice 保留呢個傳統,至少有一首英文作品,原創 / cover 都 ok . :)

lokben

入咗華納以後會唔會好似連詩雅同DJ咁plug 曬所有歌然後出一張EP 啊？
CNKB 發表於 2015-7-2 13:28

希望唔會啦...反正佢 plug 歌時間畢撈都長,希望最後出返大碟,
同埋我記得以前訪問 Janice 講過唔多鐘意出 EP ,佢鐘意做大碟嗰種模式.

lokben

入咗華納以後會唔會好似連詩雅同DJ咁plug 曬所有歌然後出一張EP 啊？
CNKB 發表於 2015-7-2 13:28

希望唔會啦...反正佢 plug 歌時間畢撈都長,希望最後出返大碟,
同埋我記得以前訪問 Janice 講過唔多鐘意出 EP ,佢鐘意做大碟嗰種模式.

lokben

回復 67# kk8733

除咗一首 陳考威 x 陳詠謙 合作新歌,收到風,會再同 Wyman 合作!

lokben

WYMAN 今年D 詞好唔得，唔好呀。。。

我比較想知作曲同埋曲風會有咩轉變。。。 ...
kk8733 發表於 2015-7-17 00:01

咁 Wyman 都係大牌,同佢合作都係好事呀,今次合作好似係一首慢歌.

其它嘅歌曲風一定會有轉變!
同埋 Janice 話咗會同妹妹分開出碟,咁應該係唔會點合唱嘅~

lokben

回復  lokben
唔通佢地分開Janice唱慢歌，而Jill主力唱快歌？都好，market唔同，費事互相比較。 ...
Ching2015 發表於 2015-7-22 11:00

Janice 話係分開形式派歌同出碟,唔一定話分好曬 d 曲風邊個唱嘅,
其實 Janice 可以唱多 d 佢自己鐘意嘅 R & B 同 jazz 嘅,本身佢都話過唔鐘意點唱快歌.

P.S. 好大機會 Jill 派歌先~

lokben

回復  lokben
其實我都係喜歡Janice唱英文歌，我覺得佢可以manage到唔同曲風，以前係AMusic係浪費左人才， ...
Ching2015 發表於 2015-7-22 20:59

確實, Janice 其實都可以出到好多唔同類型嘅碟,
廣東碟 / 英文碟(原創嘅都好正) 甚至 hifi 翻唱碟 (呢個一定有 market ! )

lokben

Jill 派歌先。。。OH。。咁慘。。。

Janice 有排等，究竟等咩。。。要錄多幾首，睇邊首好些？？？
kk8733 發表於 2015-7-22 21:12

我話好大機會啫...
Jill 之前就有錄過一 d 歌,有存貨嘛,
Janice 先啱啱開始錄.