Issac_12A

無可否認，個show製作真係真係落重本，內容上係好豐富，令人目不暇給。
但係完場後發現可以留喺個腦嘅片段卻係少之又少，
內容編排睇落真係冇一秒抖氣位，但執行上係零散，缺少留白，完全deliver唔到一個message，係失望。
一首歌換一套衫唔係唔好，但係裝置道具、服裝替換時都會影響到歌手發揮，係本末倒置。
音樂上何丙今次眼高手低，尤其快歌部份章法好亂，合成電音好吵耳，
加上音響balance做得唔好，我坐中價位聽得好辛苦。

以極其豪華嘅舞台、裝置效果、燈光，加上大堆頭嘉年華式歌舞環節，當然滿足到一眾近年進軍內地市場收歸的fans。
但我睇完感覺只係一場移師紅館舉行、華而不實、土豪味濃嘅內地跨年晚會。