Gin Lee新歌徵求封面設計 冇獎遊戲爆公關災難：唔尊重創作
歌手一向視粉絲為再生父母，事關有粉絲才會有她的存在價值，單看近年粉絲們的應援就知道厲害，包起全日香港迪士尼、海洋公園、全港免費搭電車、全港燈箱廣告等等，務求為偶像慶生或者宣傳新歌，相當厲害。近日，李幸倪（Gin Lee）為新歌搞搞新意思，公開招募新歌封面設計圖，以為歌迷會努力發揮創意，參與偶像的作品，沒想到卻引發一場公關災難。
Gin Lee快將推出新歌《告別煤氣燈》，不過歌曲未公開就先搞個小遊戲，她前日在社交平台公開招募這首歌曲的「Cover Art」（封面），將參加辦法詳情列出，她留言說：「幫手設計我新歌《告別煤氣燈》cover art！隨時真係做正式封面！好快我就會推出新歌《告別煤氣燈》喇，想請創意同才華十足嘅大家，幫手設計呢首歌嘅cover art。被揀中嘅一位勝出者，就可以做正式封面，喺各大音樂平台同social media等等嘅地方見到自己嘅作品。」歌迷能夠參與偶像的作品，當然是賞心樂事，今次歌曲以「衝破情緒勒索的障礙，擁抱自我價值，勇敢追夢」為主題，相當正能量。
不過有網友睇住細節之後，發現不太對勁，原來遊戲並沒有任何獎金或獎品，反而將被選中的所謂「得獎者」作品公開就視為「獎勵」。參賽規則內容中寫明：「比賽完結後將有同事聯絡勝出者，勝出者需同意投稿作宣傳及商業用途。」網友立即反駁相關遊戲，「Designer唔駛食飯㗎？」、「身為歌手，但唔尊重創作行業既人，你都得架喇」、「痴線，呢啲公關分分鐘變災難。」、「其實可以 AI gen cover，唔想見你俾人鬧」、「你首歌送返個版權出嚟，我參賽又點話」、「作為一個design 廣告 同mkt萬年小薯 呢個facebook post 都算係刷新我對行業既三觀同認知」、「要人咁樣幫你做免費設計，設計完俾你攞去做商業用途，係咪有得分先？」等等。雖然爭議聲不斷，但Gin Lee的招募行動繼續，Facebook Post都沒有刪走，未知會否找到合適的「免費設計」呢？
感想：首歌準備五台聯ban
Source |
發表於 2024-5-8 17:02
| 
但無idea
